Sabato, Desemba 1, 2012 Albania, ma duong’ne oromo 28, 748 sq. km., en e piny ulaya. Kobedo yo milalmbo ma imbo mar Balkan ma olwor gi pi chiegni koni gi koni, ka ogo tong’ gi Montenegro yo (Nyanduat ma Imbo), Kosovo yo (Nyanduat ma Ugwe), Makedonia yo (Ugwe), Greece yo (Milambo kod milambo ma Ugwe) nam mar Adriatic yo (Imbo) kod nam mar Ionia yo (Milambo ma Milambo). En kod kwan ji moromo 2,831,741 (kaluwore gi kweno mar 2011). Dhok miwacho kar tich en dho Albania, kendo dini madongo gin jo Islam mokawo 70%, Orhtodox 20%, kod Catholic 10%. Kuom kinde moloyo higni 40 Albania ne en piny molor e bwo chik matek ahinya mar loch mar ‘communist’ ma nogolo oko chuth kit dini moro amora kendo chuno kwedo Nyasaye. Chakre higa mar 1990, Albania osebedo thuolo koa kuom loch marach mar ‘communits’, kendo koro chik ochiwo thuolo mar lemo. Tich mokwongo hie mar ‘Reform Movement’ mar tero ote notim mana e higa mar 2002 kende, kinde ma owadwa Campodonico koa Italia no biro modak Albania, erokamano ni somo mar mbalariany. Ka en ka, nokawo thuolo mar pogo otese 400 mondiki gi dho Albania. Higni moko bang’e, A. Sascau owadwa moa Romania Kodak Italia, notimo limbe mogwarore Albania. E higa 2008, kar romo mopangi e dala mar Vlore noyaw ni tije kanisa. Erokamano ni kony mar union ma Romania kod Germany, Fields ma Croatia kod Italia, kod migawo ma malo mogik (GC), yore noyudore mag ndiko kod pogo gik mondiki mag tich tero ote kod yalo e Albania. E higa 2010, jayalo mapodi tin (owadwa Paulescu koa Romania) kod jo ode noyie kod luong mondo gibi Albania kaka joote mosiko ma joot. Gi kony mar Nyasaye owadwa ni temo kar nyalone kawuono mondo opog Adiera ma Sani, kata obedo ni puodho kar tich ok en mano ma yot. Achiel kuom dwaro ma kawuono mar mission ma Albania, ka oriwore gi lemo mari, en kony ma kor ka omenda mar yudo od lemo mokwongo. Ma di obed od ler mosiko mar keyo rieny mar ler mar wach maber kod Adiera Masani ni oganda jo Albania. Nikech ma kendo kar mission ma Albania, wakwayo mondo ipar dwaro mar tich Ruoth ma nie bath piny koni, kama jaote Paulo owuon noyaloe wach maber (som Jo Rumi 15:19,20), kendo konywa gi sir mar omenda gi chuny moyawore mondo obedie kani rapar mosiko mar Ruoth. Erokamano motelo ni kony mari, kendo ma di Ruoth gwedhi! Oweteni gi nyimineni moa Albania.