“Bheka, Ngiyeza masinyane” << >> Isingeniso Indaba yokubuya kwesibili kukaKrestu okukhulunywa ngayo eBhayibhelini izikhathi ezingamakhulu, liyithemba elibusisekile lebandla ngezikhathi zonke. Liyisigijimi esigqamile sokugcina-iqiniso lanamuhla-okufanele linikezwe emhlabeni. “Ngolwazi lwethemba lokubuya kwesibili kukaKrestu luyisihluthulelo esivula wonke umlando olandelayo futhi nochasisa zonke izifundo zesikhathi esizayo.”-Evangelism, p. 220. Njengabantu abazishoyo ukuthi balindele ngokushiseka ukubuya kukaKrestu, kufanele sibheke zonke izibonakaliso ezikhomba lesisehlakalo. Lesi kuyisehlakalo esikhulu kakhulu sembali yelizwe. Noma kumele singalingeki ukubeka usuku lokubuya kweNkosi, siyatshelwa ukuthi, ngokubheka izibonakaliso ezinikeziwe ngabaprofethi, abapostoli, nanguKrestu ngoKwakhe (kakhulu kuMathewu 24), kumele sazi ukuthi ukubuya kukaKrestu kuseduze kakhulu-namuhla usemnyango ngempela. Ngokuya ngompostoli uPeter, akufanele silubheke kuphela, kodwa futhi “sisheshise” ukubuya kweNkosi (2 Peter 3:12). “Singasheshisa” ngempela ukuza Kwayo silungele ukuhlangana Nayo (Luka 12:36-38; Izenzo 3:19, 20; 2 Peter 3:14) nokwenza umsebenzi lowo asinike wona (Luka 19:12, 13, 15; 14:23; Mathewu 24:14). Uma singanaki ukwenza lokho, sizobekwa icala “lokulibazisa” ukuza kweNkosi. Lapho sifunda lezifundo, bonke abafundi beSikolo seSabatha bazoba nethuba elihle lokuzihlolisisa ngamunye ngokukhanya kwalemibuzo, Ngempilo yami, ingabe “ngisheshisa” noma “ngilibazisa” ukubuya kweNkosi? Uma nginesizathu esihle ngikholwa ukuthi “ngilibazisa” ukubuya Kwakhe, ngibuyisela kanjani emuva impilo yami ngiqale ukwenza, ngenhliziyo yonke, lokho iNkosi ethanda ukuba ngikwenze? Izimpendulo ezisobala kulemibuzo zizotholakala kulezifundo. Akwanele kithi ukukholelwa ekubuyeni masinyane kukaKrestu, nokwazi konke okulotshiwe ngakho, nokutshela abanye ngakho. Maningi kakhulu amakholwa azishoyo ukuthi akholelwa kwizigijimi ezintathu labo “abasendleleni ebanzi” ngalesikhathi bezisho ukuthi “bahamba endleleni engumcingo.” Bayazikhohlisa ngokwabo bakhohlise nabanye. Ukungahlangani kwabo kuholela izoni ukuba ziqinise izinhliziyo zabo ngokuzithethelela,” Awukho umahluko phakathi kwethu. Siyafana, ngokugqoka, ngokukhuluma, futhi senza okufanayo’” (Testimonies, vol. 1, p. 128). Abanjalo “bazobekwa esilinganisweni batholakale belula” (Early Writings, p. 37). Izifundo namuhla zisibonisa ukuthi singagwema kanjani lohlobo lokonakala. Kwangathi ukufunda kwethu lezifundo kungaholela omunye nomunye wethu ukuzingcwelisa ngokujulile njengoba sisondela eduze kuKrestu nokusondela eduze omunye komunye. Sonke masihlangane ngomkhuleko ukwembulwa koMoya Ongcwele, wokuphelelisa umsebenzi, ukuze siwulungele ngethemba eliqabathekile njengoba babenjalo abantu bakaNkulunkulu beqiniso ngonyaka ka-1844. I-General Conference Ngaphansi Kwegatsha Lesikolo SeSabatha << >>
