1. BHEKA, UYEZA! NgeSonto 23 Ntulikazi

a. Ngokuya ngokweBhayibheli, ukuza kukaJesu kuzobanjani? Izenzo 1:11. “Umcijo oyigugu elikhulu kubafundi ngokwenyuka kukaJesu ukuthi wenyukele ezulwini esuswa kubo enesimo esibambekayo sikaThishela wabo ongcwele. UJesu yena lowo, owayehamba, ekhuluma, futhi ekhuleka nabo, wenyukele ezulwini enesimo somuntu. Nezithunywa zezulu zabaqinisekisa ukuthi uJesu yenalowo abambonile enyukela ezulwini, uzakubuya futhi ngendlela efanayo njengoba enyukela ezulwini. Lesisithembiso silokhu simi sinjalo, futhi sobanjalo kuze kufike isikhathi sokuphela, ithemba nenjabulo yabobonke abathanda uKrestu ngeqiniso.”-The Spirit of Prophecy, vol. 3, p. 254. b. Kukobani ukuqhamuka kukaJesu okuzobasobala? Isambulo 1:7; Mathewu 24:30. “Labo abamklolodelayo nabamshaya bazobakhona lapho. Abapristi nababusi bazobona futhi isehlakalo kwinkundla yokwahlulela. Zonke izenzo zabo zizobonakala phambi kwabo, kungathi zilotshwe ngamagama omlilo. Besekuthi labo abakhuleka, ‘bathi igazi Lakhe malibe phezu kwethu, nabantwana bethu,’ bazokwamukela impendulo yomkhuleko wabo. Besekuthi umhlaba wonke uzokwazi futhi ukuqonde.”-The Desire of Ages, pp. 739, 740.

---

2. ITHEMBA ELIMANGALISAYO NgoMvulo 24 Ntulikazi

a. Iyini inhloso yokuza kukaJesu, futhi kungayiphi indlela ithemba lethu kulesehlakalo, esimangalisayo nesinqabile esizosithinta ngayo? Johane 14:1-3. “Labo abathanda uMsindisi ngeqiniso abasoze bathula kodwa bazomemezela ngenjabulo isigijimi esisekelwe phezu kweZwi likaNkulunkulu, Lowo ithemba labo lokuphila okuphakade liqondiswe ekutheni uyabuya futhi, akazelanga ukuba athukwe, ukweyiswa, enqatshwe futhi, njengoba kwenzeka ekubonakaleni Kwakhe kokuqala, kodwa ngamandla nenkazimulo, ukusindisa abantu Bakhe. Isimemezelo sokuza kukaKrestu manje kumele, sifane nokumemezela kwezingelosi kubelusi baseBethlehema, izindaba ezimnandi zenjabulo. Akusoze kwabakhona ubufakazi bokugcina lobo amabandla asukile kuNkulunkulu kunokucunuka kanye nenhliziyo embi evuswa yisithunywa esivela eZulwini.“Yilabo abangamthandi uMsindisi abafisa ukuthi angabuyi, labo bamukele ngamandla ubufakazi obulethwa izinceku ezingathembekile, ‘INkosi yami ilibele’ (Mathewu 24:48). Lapho benqaba ukuhlola iMibhalo bafunde ukuthi ingabe lezizinto zinjalo, bamukela zonke izinganekwane ezizohlehlisa ukuza kukaKrestu kudana nesikhathi esizayo, noma bakwenze isimoya, esizogcwaliseka ekubhidlizweni kweJerusalema, noma senzeke ekufeni.”-The Spirit of Prophecy, vol. 4, pp. 216, 217. b. Chaza ubumnandi balelithemba, futhi kumele lihlanganiswe kakhulu nani? Filiphu 3:20, 21. “Amaqiniso esiprofetho ahlanganiswa ndawonye, uma siwafunda, akha isithelo esihle seqiniso loMkrestu esisebenzayo. Zonke izintshumayelo ezilethwayo zenzelwe ukwembula lokhu esikulindele, sisebenza, sikhulekela ukubuya kweNdodana kaNkulunkulu. Ukuza Kwakhe kuyithemba lethu. Lelithemba kumele lihlanganiswe namazwi ethu nemisebenzi yonke yethu, nabobonke ubungane bethu kanye nobuhlobo.”-Evangelism, p. 220.“Labo abamthandayo nabamlindele, uzobathweswa inkazimulo kanye nodumo nokuphila ingunaphakade. Abalungileyo abafileyo bazovuka emathuneni abo, labo abaphilayo bazohlwithwa kanye nabo ukuhlangabeza iNkosi emoyeni. Bazolizwa izwi likaJesu, limnandi ukudlula noma yimupi umculo oke wezwakala endlebeni yofayo, lithi kubona, ukulwa kwenu kuphelile.”-The Acts of the Apostles, p. 34.

---

3. INKAZIMULO ENGAPHEZU KOKUFANEKISA Ngolwesibili 25 Ntulikazi

a. Yiluphi uphawu emazulwini elizokhombisa ukuthi uJesu uyeza? Marako 13:26. “Masinyane amehlo ethu azodonselwa empumalanga, sibheke ifu elimnyama elibonakala njengenxenye yobukhulu besandla somuntu, lelo esilaziyo njengophawu lweNdodana yomuntu. Sonke ngokuthula okuzothile sibheke ifu njengoba lisondela, liyalikhanya, likhazimula, lkhazimula kakhulu, lize libeyifu elikhulu elimhlophe. Ingaphansi lalo kungathi ngumlilo; uthingo lwenkosazana lungaphezu kwalo.”-Spiritual Gifts, vol. 2, p. 32. b. Chaza inkazimulo ephindwe kathathu ekubuyeni kukaKrestu-uphawule nendawo leyo azohlangana nabahlengiweyo Bakhe khona. Ingabe izinyawo Zakhe zizothinta umhlaba ekubuyeni kwakhe kwesibili? Luka 9:26 (isigaba sokugcina); 1 Thesalonike 4:16, 17. “Phezu [kwefu] kuhlezi iNdodana yomuntu, phezu kwekhanda Lakhe kukhona imiqhele, izinwele Zakhe zimhlophe futhi ziphothekile zishaya emahlombe Akhe. Izinyawo Zakhe zibonakala njengomlilo, esandleni Sakhe sokudla kukhona isikela elibukhali, esandleni Sakhe sokunene icilongo lesiliva. Amehlo Akhe ayefana nelangabi lomlilo, efuna abantwana Bakhe kuyoyonke indawo. Lapho bonke ubuso baphaphatheka, nalabo uNkulunkulu abenqabile bambozwa ngubumnyama. Sonke samemeza kanyekanye, Ngubani ozokuma? Ingabe ingubo yami ihlanzekile? Izingelosi zathulisa ukuhlabelela, kwabakhona ukuthula okwesabekayo, uma uJesu ekhulu, labo abagcine izandla zabo zihlanzekile nezinhliziyo zabo bazabanakho ukuma; umusa wami unanele nonke. Ngalesosikhathi, ubuso bethu bakhazimula, nenjabulo yagcwalisa yonke inhliziyo. Nezingelosi zashaya ngenodi elikhulu zahlabelela futhi lapho ifu lisondela eduze emhlabeni. UJesu wakhalisa icilongo lesiliva, njengoba ehla ngefu, embozwe amalangabi omlilo. Wabheka amathuna abangcwele abalele, waphakamisela amehlo Akhe nezandla ezulwini wamemeza, Vukani, Vukani, Vukani. Nina enilele othulini, futhi bavuka. Kwabakhona ukuzamazama okukhulu. Amathuna avuleka, nabafileyo bavuka bembethe ukungafi. Inani labangu 144 000 lamemeza, Haleluya. Lapho bebona abangane babo abahlukana nabo ngenxa yokufa, ngalesosikhathi saguqulwa sahlwithwa kanyekanye ukuhlangabeza iNkosi emafini. Sonke sangena phakathi kwefu.”-Ibid., pp. 32, 33. c. Uyini umahluko wokubuya ngokwesithathu kukaKrestu emva kweminyaka engu 1000, uma kulinganiswa nokubuya Kwakhe kwesibili? Zakariya 14:4. (Bheka futhi ku-Early Writings, pp. 17, 18.)

---

4. NGAMANDLA KANYE NEGUNYA Ngolwesithathu 26 Ntulikazi

a. Kuyini okuzokwenzeka kwimvelo ekubuyeni kukaJesu okwesibili, futhi kungani? Isambulo 6:14; Isaya 24:1-6. “UNkunkulu uthanda abantu Bakhe bazwisise kahle ukuthi bazohanjelwa ngokuya ngokulalela kwabo noma ukweqa kwabo umthetho. Ububi kanye nezifo kwandile kuzozonke izizukulwane ezilandelanayo. Umhlaba usebenza ngaphansi kwesiqalekiso leso umuntu azilethela sona ngokuqhuba ukungalaleli.”-Spiritual Gifts, vol. 4a, p. 123.“INkosi yamakhosi yehla ngefu, yembozwe ilangabi lomlilo. Amazulu asongwa ndawonye njengomqulu, umhlaba wazamaza phambi Kwakhe, nazozonke izintaba neziqhingi zasuswa ezindaweni zazo.”-The Great Controversy, pp. 641, 642. b. Isiprofetho sifanekisa kanjani ukwahlulela okungcwele okuzayo masinyane okuzowela phezu komhlaba ekubuyeni Kwakhe? Isaya 24:17-23. “Ababi babheka ngokwesaba kanye nokumangala lesisehlakalo, lapho abalungile bebheka ngenjabulo ezothile izimpawu zokukhululwa kwabo. Yonke imvelo yabonakala ikhishwa endleleni yayo. Imifula yanqamuka ukugeleza. Amafu amnyama, nanzima akhuphuka alwa elinye nelinye. Phakathi kwamazulu athukuthele kukhona indawo eyodwa esobala enenkazimulo engenakuchazwa, lapho kwezwakala izwi likaNkulunkulu njengomdumo wamanzi amaningi, lithi; ‘Kwenzekile’ (Isambulo 16:17).“Lelozwi lanyakazisa amazulu kanye nomhlaba. Kwabakhona ukuzamazama okukhulu, ‘okungazange kwabakhona okunjalo, selokhu kwabakhona abantu emhlabeni, ukuzamazama komhlaba okukhulu kangaka’ (Vesi 18). Isibhakabhaka sabonakala sivuleka futhi sivaleka. Inkazimulo evela esihlalweni sobukhosi sikaNkulunkulu ibonakala ibengezela. Izintaba zizamazama njengomhlanga emoyeni, namadwala aqhekekile aphonseleka yonke indawo. Kukhona umdumo wesivunguvungu esizayo. Ulwandle ludansuluka ngesankahlu. Kuzwakala ukukleklebuka kwesiphepho njengezwi lamademoni emsebenzini wokubhubhisa. Umhlaba wonke ufukula futhi ukhukhumala njengamadlambi olwandle. Ubuso bawo buchilizeka. Izisekelo zawo zibonakala zihlehla. Uhide lwezintaba lushona phansi. Iziqhingi ezihlala abantu zinyamalala. Amazibuko olwandle lawo asefana neSodoma ngobubi agwinywa amanzi athukuthele.”-Ibid., pp. 636, 637.

---

5. UKUGCWALISEKA KWAMATHEMBA OKADE EGCINIWE Ngolwesine 27 Ntulikazi

a. Chaza injabulo yezingelosi ezingcwele ezikanye noJesu ekubuyeni Kwakhe. Juda 14. “Ngezingoma ezimnandi zasezulwini izingelosi, ngobuningi bazo, ziyixuku elingenakubalwa, ziphelekezela [uJesu] endleleni Yakhe. Isibhakabhaka sabonakala sigcwaliswe yizimbulunga zemisebe-‘izigidi zezigidi nezinkulungwane zezinkulungwane’ (Isambulo 5:11). Akukho siba lomuntu elingadweba lomfanekiso; kungekho nengqondo elingene ukucabanga ngobuhle obukhulu.”-The Great Controversy, p. 641. b. Msebenzi muni owenziwa izingelosi (ngokuya ngokwahlulela kokuhlolisisa lokho okuzabe sekudlulile), futhi abakhileyo emhlabeni kuyini abazokuqonda ekugcineni? Mathewu 13:41, 49; 25:32; Roma 7:12. “Icilongo lengelosi Enkulu masinyane lizokwethusa abaphilayo livuse nabafileyo. Ngalolosuku ababi bazohlukaniswa nabalungileyo, njengomalusi ehlukanisa izimbuzi nezimvu.”-Child Guidance, p. 561.“UKrestu uthanda ukuthi bonke baqonde izehlakalo zokubonakala Kwakhe okwesibili. Isehlo sokwahlulela sizokwenzeka lapho kukhona yonke imihlaba; ngoba kulokhu kwahlulela umbuso kaNkulunkulu uzofakazelwa, nomthetho wakhe uzoma ngaphambili njengo’ngcwele, olungile, nomuhle (Roma 7:12). Ngakho-ke wonke amacala azobe esenqunyiwe, nezigwebo zizobe sezikubantu bonke. Isono ngalesosikhathi sizobonakala singathathekisi kodwa sizobonwa ngezindlela zonke ezesabekayo kakhulu. Bonke bazobona ubudlelwane abanabo noNkulunkulu nakumuntu ngamunye.”-The Review and Herald, 20 Mandulo, 1898.

IMIBUZO YOMUNTU NGAMUNYE Ngolwesihlanu 28 Ntulikazi

1. Chaza ukuthi ngamaxuku abantu abanjani abazoba ngofakazi bokubuya kwesibili kukaKrestu? 2. Kungani uJesu ezobuya, futhi lesehlakalo sizokwenza sizindle ngani? 3. Kungani kumele sazi ukuthi nomakanjani izinyawo zikaKrestu azisoze zanyathela phansi emhlabeni? 4. Kungayiphi indlela ukuyaluka okukhulu endalweni kulanda umthetho wokulunga kaNkulunkulu? 5. Ngalenjabulo nangehora elizothile phambi kwethu, kuyini okumele sikucabange ngokujulile?