1. UKUXWAYA KUYADINGEKA NgeSonto 16 Ntulikazi

a. Yimaphi amasu anobuqili isitha semiphefumulo esiwasebenzisayo ukudonsa imiphefumulo eminingi eqinisekile ekholelwa ekubuyeni masinyane kukaJesu? Mathewu 24:11, 24. “Izingelosi zikaSathane zihlakaniphile ukwenza okubi, futhi sizokwenza ukuthi abanye bazisho ukuthi banokukhanya okukhulu futhi balimemezele njengelisha nelimangalisayo; kepha kwenye inxenye isigijimi singaba yiqiniso, sizohlanganiswa neminqambo yabantu futhi sifundise imfundiso yemithetho yabantu. Uma kukhona isikhathi leso okumele silinde sikhuleke ngokukhuthala, kumanje. Izinto eziningi ezibonaka sengathi zinhle kumele ziqashelwe ngomkhuleko omningi, ngoba kukhona amasu amanga esitha ukuholela imiphefumulo endleleni eseduze nendlela yeqiniso okuzobanzima ukuyihlukanisa.”-Evangelism, p. 590.“Ubufakazi boMoya kaNkulunkulu buqinisile. Ungaguquli inkolo yakho noma ngayiphi imfundiso, noma ingabonakala ithokozisa kanjani, lokho kuzoyenga umphefumulo.“Izinkolo ezidukisayo zikaSathane ziyaphindaphindeka manje, futhi labo abaphambuka endleleni yeqiniso bazolahlekelwa ukuziphatha kwabo. Noma bengenalutho abangalumisa njengehange, bazosuka kumsinga wenkohliso ukuya komunye, bepheshulwa imimoya yezimfundiso ezingaziwa. Usathane wehlele phansi ngamandla amakhulu.”-Ibid., p. 362.

---

2. IZINKOHLISO EZIYINGOZI NgoMvulo 17 Ntulikazi

a. Chaza iqhinga elihlakaniphile elasetshenziswa isitha sikaNkulunkulu njengenkohliso edukisayo esikhathini sikaMose futhi liyaphindeka namuhla. Exodus 7:10-13; 2 Thimothi 3:5-9. “Abalumbi, babonisa imihlola nezimangaliso; ngoba abakwenzanga ngamakhono abo kuphela, kodwa ngamandla onkulunkulu babo, uSathane, obasizayo ukuba benze inkohliso umsebenzi kaNkulunkulu.“Abalumbi abazange benza izinduku zabo ziphenduke izinyoka; kodwa ubulumbi bazo, basizwa umkhohlisi omkhulu, babanakho ukuveza lombono. Kwakungaphezu kwamandla kaSathane ukuguqula izinduku zibe izinyoka eziphilayo. Inkosana yobubi, noma inokuhlakanipha konke namandla engilosi ewileyo, ayinawo amandla okudala, noma okunika ukuphila; lokhu kuyilungelo likaNkulunkulu kuphela. Kodwa konke lokhu okwakusesandleni sikaSathane ukukwenza, wakwenza; ukuletha okuyinkohliso. Phambi komuntu izinduku zaphenduka izinyoka. Kanjalo kwakholelwa ukuthi nguFaro kanye nebutho lakhe.”-Patriachs and Prophets, p. 264. b. Ngeyiphi inkohliso isitha semiphefumulo ezoyisebenzisa masinyane? Isambulo 13:13. “Abantu bakhohliswa izimangaliso lezo izithunywa zikaSathane ezinamandla okuzenza, kungesikho ukuthi bafanekisa sengathi bayazenza.”-The Great Controversy, p. 553. c. Kungasiphi isixwayiso uKrestu aprofetha ngomlingo? Mathewu 24:25, 26. “Ingabe akuzona izinkulungwane eziqhubekela ehlane, zethemba ukuthola uKrestu? Kuyo imihlangano eyizinkulungwane lapho abantu bezisho ukuthi babambe ubudlelwane nemimoya ephumile akulona ubizo oluzwakalayo manje, ‘Bheka, usemakamelweni asithekile’? Yikona kuzisho lokho abakholwa imimoya abakubeka phambili.”-The Desire of Ages, p. 631. d. Njengoba sibona iziprofetho zimelana nobuqili bobuthakathi bokukhonzwa komoya wabafileyo esigcwaliseka emhlabeni wonke, kuyini okumele sikuqonde? Efesu 6:11, 12.

---

3. IZIMANGALISO ZOQOBO KANYE NEZIYISITHUNZI Ngolwesibili 18 Ntulikazi

a. Njengoba ukuphela kusondela, yiziphi izixwayiso ezikhethekile esinikezwa zona ukubalekela ukuthemba izibonakaliso nezimangaliso, futhi kungani? Mathewu 24:4, 5, 11, 24, 25. “Njengoba abantu bakaNkulunkulu besondela kwizingozi zezinsuku zokugcina, uSathane ubamba ngokuqina izingxoxo nezingelosi zakhe njengecebo eliphumelela kakhulu ukususa ukholo lwabo. Uyabona ukuthi amabandla adumile asebuthongweni manje ngamandla enkohliso yakhe. Ngokujabulela izimpikiswano kanye nezimangaliso zamanga angaqhubeka ukubagcina bengaphansi kolawulo lwakhe. Ngakho-ke ulayeza izingelosi zakhe ukubeka izihibe zazo kakhulu kulabo abalindele ukubonakala kwesibili kukaKrestu nabazama ukugcina yonke imithetho kaNkulunkulu.“Siyaxwayiswa ukuthi ngezinsuku zokugcina uzosebenza ngezimpawu kanye nezimangaliso zamanga. Futhi uzoqhubeka ngalezimangaliso kuzekufike ukuvalwa komusa, ukuze akhombe kubo njengobufakazi bokuthi uyingelosi yokukhanya kungesiyo eyobumnyama.“Abanye bazolingeka ukwamukela lezimangaliso kungathi zivela kuNkulunkulu. Abagulayo bazophiliswa phambi kwethu. Imilingo izokwenziwa phambi kwethu. Ingabe sisilungele isilingo esizayo lapho izimangaliso zamanga zikaSathane zizobonakaliswa ngokuphelele? Ingabe imiphefumulo eminingi izocushwa futhi ibanjwe? Ngokusuka kwizimiso ezisobala kanye nemithetho kaNkulunkulu, ngokunaka izinganekwane, izingqondo zabaningi zilungele ukwamukela lezimangaliso zamanga. Manje sonke masifune ukuhlomela impi leyo esizongena kuyo masinyane. Ukukholwa yizwi likaNkulunkulu, nokufunda ngomkhuleko futhi sikusebenzise, kuzoba isivikelo sethu kumandla kaSathane kuzosiletha ekunqobeni ngegazi likaKrestu.”-Maranatha, p. 208. b. Kungani iding ukuba siqaphele umlingo odukisayo othandwa kakhulu nguSathane? 2 Thesalonike 2:9-12; Umshumayeli 9:5, 6. “[Usathane] unamandla okuletha phambi kwabantu umbono wabangane babo abangasekho emhlabeni. Inkohliso iphelele; ukubonakala okujwayelekile, amazwi, iphimbo, ziyavuswa futhi ngokukhanya okumangazayo. Abaningi baduduzwa ithembe lokuthi ababathandayo bathokozele ubukhazikhazi basezulwini, futhi ngaphande kokucabangela okuyingozi, bayalalela, ‘omoya abadukisayo, nezimfundiso zamadimoni’ (1 Thimothi 4:1).”-The Great Contrroversy, p. 552.

---

4. UKUGWEMA INKOHLISO EBUSHELELEZI, NELULA Ngolwesithathu 19 Ntulikazi

a. Ukushumayela kukaNowa kuhlanganiswa kanjani nathi njengoba sishumayela iqiniso lanamuhla kanye nokukhanya esiphathiswe kona ngezempilo? Luka 17:26, 27; 1 Peter 2:11. “Unowa washumayela kubantu besikhathi sakhe ukuthi uNkulunkulu uzobanika iminyaka eyikhulu namashumi amabili ukuba baphenduke ezonweni zabo bathole isiphephelo emkhunjini; kodwa basenqaba isimemo somusa. Isikhathi esiningi sanikezwa ukuba basuka ezonweni zabo, banqobe imikhuba yabo emibi, bakhulise izimilo ezilungile; kodwa ukuthambekela esonweni, noma bebuthakathaka abaningi ekuqaleni, beqiniswa ukuzitika okuphindwayo lokho okwabaholela ekonakaleni okungenakubuyiswa.”-The Review and Herald, 20 Umfumfu, 1885. b. Endaweni yokusinika indlela ebushelelezi, nelula, kungani uNkulunkulu esinika ukwakhiwa kwesimilo ngesigijimi sezempilo leso esidinga ukuzidela? Mathewu 7:13-15. “USathane uzokwenza izimangaliso. Uzokwenza abantu bagule, masinyane uzosusa kubo amandla obusathane bakhe. Manje bazobhekwa njengabaphilisiwe. Lemisebenzi yokwelashwa okusobala kuzoletha amaSeventh Day Adventist esilingweni.”-Maranatha, p. 209.“Indlela uKrestu asebenza ngayo kwakungukushumayela iZwi, nokukhulula abahluphekile ngemisebenzi emangalisayo yokwelapha. Kodwa ngiyaliwe ukuthi angeke manje sasebenza ngaleyondlela; ngoba uSathane uzosebenzisa amandla akhe ukwenza izimangaliso. Izinceku zikaNkulunkulu namuhla angeke zasebenzisa indlela yezimanga; ngoba imisebenzi yamanga yokwelapha, ezishoyo ukuthi ingcwele, izokwenziwa.“Ngalesizathu iNkosi isusile indlela leyo abantu Bakhe abaqhubekisela phambili umsebenzi wokwelapha umzimba, ohlanganiswa nokufundiswa kweZwi. Izibhedlela kumele zakhiwe, futhi ngalezikhungo kumele kuhlanganiswe izisebenzi ezizoqhubekisa phambili umsebenzi wokwelapha kweqiniso. Ngakho-ke umfutho olondayo ulethwa uzungeze labo abeza ezibhedlela ukuthola ukwelashwa.“Lokhu ukuhlinzekela kweNkosi akwenzile lapho umsebenzi wevangeli lokwelapha kumele wenziwe iminyaka eminingi. Lezibhedlela kumele zakhiwe ngaphandle kwamadolobha, futhi ngazo umsebenzi umsebenzi wokufundisa kummel uqhubekele phambili ngokuhlakanipha.”-Medical Ministry, p. 14.

---

5. UKUBONA MAKUNGABI UKUKHOLWA Ngolwesine 20 Ntulikazi

a. Chaza inkohliso yokugcina uSathane azoyenza. 2 Korinte 11:14. “Njengoba isenzo sobukhosi sombukiso omkhulu wenkohliso, uSathane uqobo uzozenza uKrestu. Ibandla kade lifakazela ukuthi libheka ukubonakala koMsindisi njengokuphelelisa kwamathemba lalo. Manje umkhohlisi omkhulu uzokwenza kubonakale sengathi uKrestu ufikile. Ezindaweni ezahlukene zomhlaba, uSathane uzoziveza ngokwakhe phakathi kwabantu njengomuntu omkhulu nangokukhanya okukhazimulayo, efanekisa umbono kweNdodana kaNkulunkulu onikezwe nguJohane uMambuleli. Ku-Sambulo 1:13-15. Inkazimulo emzungezile enqabile ukudlula yonke into amehlo ofayo angayibheka. Umsindo wokunqoba uzwakala phezulu emoyeni. ‘Ukrestu ufikile! Ukrestu ufikile!’ Abantu bajabalala ngokwabo ukukhothama phambi kwakhe, lapho ephakamisa izandla zakhe ememezela isibusiso phezu kwabo, njengoKrestu ebusisa abafundi Bakhe ngesikhathi elapha emhlabeni. Izwi lakhe lithambile futhi lizothile, kodwa ligcwele ubumnandi. Ngobumnene, iphimbo elinesisa uletha umusa ofanayo, amaqiniso asezulwini lawo akhulunywa nguMsindisi; welapha izifo zabantu, futhi, ngesimilo sokuzisho ukuthi unguKrestu, uthi uguqule isabatha ukuba libeyiSonto, eyala bonke ukungcwelisa usuku lokuqala alubusisile. Uthi kulabo abaqhubeka ukugcina usuku lwesikhombisa bethuka igama lakhe ngokwenqaba ukulalela izingelosi zakhe ezithunyelwe kubo ngokukhanya neqiniso. Lena inkohliso enamandla, necishe inqobe konke.”-Maranatha, p. 276. b. Uma sibheka ingozi engaka, umele ubeyini umqondiso wethu? 2 Korinte 4:8-10, 18.

IMIBUZO YOMUNTU NGAMUNYE Ngolwesihlanu 21 Ntulikazi

1. Kungani iqiniso lanamuhla lemfundiso yeBhayibheli libalulekile kangaka ngesikhathi sokugcina? 2. Singachaza kanjani isimanga esisobala ngabalumbi bakaFaro? 3. Chaza ezinye izinkohliso zesitha eziqondiswe kakhulu kwinsali kaNkulunkulu? 4. Njegomyalo wezizwe zoonke, kungani selulekwa ukuba singalindeli ukwelashwa okuphuthumayo namuhla? 5. Singaphawula kanjani okuyinkohliso okulindelwe ngokuza masinyane kukaKrestu?