1. UKUGWEMA UGIBE OLUVAMILE NgeSonto 20 Ncwaba

a. Yimaphi amanga ayingozi afundiswayo ngezinga eliphakeme ngenkolo efakazelwayo emhlabeni namuhla, futhi uMbhalo uphikisana kanjani nawo? Jakobe 2:14; 20-22, 24. “Kumapulpiti namuhla amazwi ayakhulunywa. ‘Kholwa, kholwa kuphela. Yiba nokholo kuKrestu; ungabi namsebenzi nomthetho omdala, kuphela thembela kuKrestu.’ Kwehluke kanjani lokhu kumazwi kampostoli owathi ukukholwa ngaphandle kwemisebenzi kufile.”-Faith and Works, p. 89.“Ukuthanda noma ukufisa inkolo elula engadingi umzamo, kungekho ukuzidela, kungekho ukwehlukana nobuthutha belizwe, kwenze imfundiso yokukholwa; kanye nokukholwa kuphela, imfundiso ethandwayo, kodwa lithini ilizwi likaNkulunkulu. [Jakobe 2:14, 21, 22, 24 ngokucashunwa.]“Ubufakazi belizwi likaNkulunkulu kumelana nalemfundiso ethiyayo yokukholwa ngaphandle kwemisebenzi. Akukona ukukholwa okudinga isihe seZulu ngaphandle kokuvumelana nemibandela leyo umusa okumele unikezwe ngayo; kungukucabangela, ngoba inkolo yeqiniso inesisekelo sayo ezithembisweni kanye namalungiselelo eMibhalo.“Makungabikho namunye ozikhohlisayo ngokukholwa ukuthi angabangcwele lapho ngokuthanda ephula enye yezimfuno zikaNkulunkulu. Ukwenziwa kwesono esaziwayo kuthulisa izwi lobufakazi boMoya futhi sehlukanise umphefumulo kuNkulunkulu. ‘Isono singukweqa umthetho.’ Futhi ‘lowo owonayo [weqa umthetho] akambonanga, futhi akamazi’ (1 Johane 2:4, 6).”-The Great Controversy, p. 472.

---

2. UKWAMUKELA ICEBO LENSINDISO NGEQINISO NgoMvulo 21 Ncwaba

a. Yimaphi amanyathelo okuqala aqonde kwinsindiso yangempela? Izenzo 2:37, 38; Roma 5:1. “Lapho sibheka iWundlu likaNkulunkulu phezu kwesiphambano saseKhalvari, imfihlakalo yokuhlengwa iqala ukwembula ezingqondweni zethu kanye nobuhle bukaNkulunkulu busiholele ekuguqukeni. Ngokufela izoni, uKrestu wembula uthando olungenakuqondwa; lapho isoni sibheka loluthando, luthambisa inhliziyo, lucindezela ingqondo, futhi lukhuthaze ukuzisola emphefumulweni.”-Steps to Christ, pp. 26, 27.“Ukuphenduka kungenisa ukudabukela isono nokusishiya. Asisoze salahla isono ngaphandle kokuba sibona ububi baso; ngaphandle kokuthi siguqule inhliziyo kuso, angeke kwabakhona inguquko yangempela empilweni.”-Ibid., p. 23. b. Kubalandeli bakaKrestu, yiliphi iqiniso elibalulekile kakhulu? Heberu 12:14; 1 Peter 1:13-16. “Ubungcwele kungukuvumelana noNkulunkulu.”-Testimonies, vol. 5, p. 743.“Ngenguquko isoni sithola ukuthula noNkulunkulu ngenxa yegazi lenhlawulelo, ukuphila koMkrestu kuyaqalisa manje. Manje kumele ‘aye ekupheleleni;’ ukukhula ‘ngokuya ngesilinganiso sommumo wokugcwala kukaKrestu.”-The Grest Controversy, p. 470.“Ngokuya ngokufaneleka kukaKrestu, noma ngokuLunga Kwakhe, lokho ngokukholwa sabelwa kona, kumele sifinyelele ekupheleleni kwesimilo sobuKrestu. Umsebenzi wethu mahora onke nezinsuku zonke kubekwe phezu kwamazwi ompostoli. ‘Sibhekile kuJesu, uMqalisi noMphelelisi wokukholwa kwethu’ (Heberu 12:2).“Ukubonakala kothando lukaNkulunkulu, umusa Wakhe kanye nobuhle Bakhe, nomsebenzi woMoya Ongcwele enhliziyweni kuyayiqondisa futhi kuyivuselele, kusibeka, ngokukholwa, eduze kakhulu nokuhlangana noKrestu lokho, sesinomcabango okhanyayo ngesimilo Sakhe, siyakwazi ukuhlukanisa ubungcwethi benkohliso kaSathane.“Bazalwane nodade, kungenxa yokubheka esiguqulwa ngayo, ngokuhlala phezu kothando lukaNkulunkulu noMsindisi wethu, ngokuzindla ngokuphelela kwesimilo esingcwele sibize ukulunga kukaKrestu njengokwethu ngokukholwa, siyaguqulwa sifane nomfanekiso Wakhe.”-Testimonies, vol. 5, p. 744.

---

3. UMGOMO OFINYELELEKAYO Ngolwesibili 22 Ncwaba

a. Liyini icebo likaNkulunkulu ngathi ekulungiseleni kwethu ukuhlangana neNkosi yethu ngokuthula? Mathewu 5:48; Amahubo 101:2. “Lapho uKrestu ehlanza indawo engcwele, abakhonzayo emhlabeni kumele ngokunakekela babheke ukuphila kwabo, baqhathanise isimilo sabo kanye nesilinganiso sokulunga. Lapho bebona ubuthakathaka babo, kumele bafune usizo loMoya kaNkulunkulu ukubanika amandla ukuba babe namandla obuqotho okumelana nezilingo zikaSathane, nokufinyelela ekupheleleni kwesilinganiso. Bangaba ngabanqoba zonke izilingo ezibonakala zinamandla kuluntu ukuba luzithwale; ngoba amandla angcwele azohlanganiswa namandla abo oluntu.”-Reflecting Christ, p. 296.“Izono ezihaqayo kumele silwele nazi futhi sizinqoba. Amabala angathandeki esimilo, noma angawofuzo noma akhuliswayo, kumele enyuswe ngawodwana futhi aqhathaniswe nomyalo omkhulu wokulunga; nangokukhaya okubonwayo okuvela ezwini likaNkulunkulu, kumele kulwisane nawo futhi anqotshwe, ngamandla kaKrestu.”-Christian Education, p. 113. b. Kungani kumele sizame ukuhamba ngokuphelele ekukhanyeni kwentando eyembuliwe kaNkulunkulu? 1 Korinte 9:24, 25; Filiphu 3:12-14. “Ukuhamba ekukhanyeni kusho ukucubungula, ukusebenzisa umcabango, ukucindezela amandla entando, ngomzama onesiqiniseko wokumela uKrestu ngobumnandi besimilo. Kusho ukubekela eceleni bonke ubumnyama. Akufanele uphumule weneliseke kalula uthi, ‘Ngingumntwana kaNkulunkulu.’ Ingabe ubheke kuJesu, futhi, ngokubheka, siyaguqulwa sifane Naye. Ukuhamba ekukhanyeni kusho ukuqhubeka nokubheka phambili sifinyelele kwizinto zesimoya.”-Sons and Daughters of God, p. 200.“Noma yimaphi amaphutha noma ukwehluleka kwesikhathi esedlule, singakwazi, ngosizo lukaNkulunkulu, siphakame siwedlule.”-The Ministry of Healing, p. 516. c. Kuyini okuthenjiswe labo abalangazela ubuqotho bokulunga kwangempela? Efesu 3:16; Mathewu 5:6.

---

4. AMANDLA AMAKHULU ESIDINGO SETHU ESIPHUTHUMAYO Ngolwesithathu 23 Ncwaba

a. Singahloma kuphela kanjani ukuma empikiswaneni yokugcina? Jeremiya 15:16. “Kuphela labo abagcwalise ingqondo ngamaqiniso eBhayibheli abazokuma ngesikhathi sempikiswano enkulu yokugcina.”-The Great Controversy, pp. 593, 594. b. Singazuza kanjani ngokuzahlukanisela okukhulayo kwimikhuba yethu yokwazi kangcono intando kaNkulunkulu? 1 Johane 5:14; Amahubo 119:129-131. “Ubufakazi abufundwa futhi abuthokozelwa. UNkulunkulu ukhulumile nawe. Ukukhanya kukhazimula kuvela ezwini Lakhe nakubo ubufakazi, kokubili kuthe kweyiswa futhi kwanganakwa. Umphumela usobala ngokuswela ukuhlanzeka kanye nokukhuthazela nokukholwa okuneqiniseko phakathi kwethu.“Umuntu ngamunye makabeke umbuzo enhliziyweni yakhe. ‘Sifinyelele kanjani kulesimo sokuthamba kwesimoya kanye nokungezwani. Asilethanga phezu kwethu ukunyukubala kukaNkulunkulu ngenxa yezenzo zethu ezingavumelani nokukholo kwethu.”-Testimonies, vol. 5, p. 217.“Qaphela ukuthi udembesela kanjani umkhuleko wangasese nokufunda izwi likaNkulunkulu. Lezi izikhali zakho zokumelena analowo ozama ukuvimbela inthuthuko yakho yokuya ezulwini. Ukunganaki kuqala ukukhuleka nokufunda iBhayibheli kwenza kubelula ukunganaki nokwesibili.”-Messages to Young People, p. 96. c. Kungani kubucayi ukuzinikela ngenhliziyo ephelele, ukulalela ngamapesenti angu 100 intando kaNkulunkulu ngokusobala eyembuliwe ngesimo sombhalo oFunzelelwe? Jakobe 1:21-25. “USathane uholela abaningi ukuba bakholwe ukuthi uNkulunkulu uzothalalisa ukungathembeki kwabo kwizindaba ezincane zokuphila; kodwa iNkosi iyabonisa kwimpatho Yakhe, ukuthi nakanjani angeke avumele noma abekezelele ububi. Bonke abazama ukuzithethelela noma bafihle izono zabo, futhi abavumele ukuba bahlale ezincwadini zasezulwini, zingavunywanga futhi zathethelelwa, bazonqotshwa nguSathane.”-The Great Controversy, p. 620.“UNkulunkulu usebenza nagamandla kumuntu othembekile olalela izwi Lakhe ngaphandle kombuzo noma ukungabaza.”-Testimonies, vol. 4, p. 164.

---

5. UKUVUMA UKUHLANZWA Ngolwesine 24 Ncwaba

a. Chaza indlela ukungcweliswa okwenzeka ngayo. 1 Johane 3:1-3; Heberu 5:12-14; 6:1. “Ukulalela kungenziwa kuphelele kuphela ngempepho yokulunga kukaKrestu, egcwaliswa ngephunga elingcwele sonke isenzo sokulalela. Inxenye yoMkrestu ukubekezela ekunqobeni wonke amaphutha.“Usuku nosuku uNkulunkulu usebenzela ukungcweliswa umuntu, nomuntu kufanele asebenzisane Naye, abeke phambili imizamo yokubekezela ngokukhulisa imikhuba emihle. UMsindisi wethu uhlale elindile ukuzwa nokuphendula umkhuleko wenhliziyo edabukile, umusa nokuthula kuyaphindaphindwa kulabo abathembekile. Ngokujabula ubanika izibusiso abazidingayo emshikashikeni wabo wokumelana nobubi obubahanqile.”-The Acts of the Apostles, p. 532. b. Kungani kuyinto ebucayi ukuthi singamelani ngenkani naloluhlelo? Efesu 4:30. “Ukuzabalaza kokuqala ekuncengeni koMoya kulungisa indlela yokuzabalaza kwesibili. Kanjalo inhliziyo iyaqiniswa, nonembeza uyalaliswa.“Ngakolunye uhlangothi, konke ukuzabalazela isilingo kwenza ukuzabalaza kubelula kakhulu. Konke ukudela umina kwenza ukuzidela kubelula. Konke ukunqoba okuzuzwayo kulungisa indlela yokunqoba okusha. Ukuzabalaza okukodwa maqondana nesilingo, ukuzidela ngakunye, ukunqoba okukodwa kwesono, kuyimbewu etshalelwa ukuphila okuphakade.”-Messages to young People, pp. 96, 97.

IMIBUZO YOMUNTU NGAMUNYE Ngolwesihlanu 25 Nhlolanja

1. Kungayiphi indlela umcabango wamanga uholela amaKestu amaningi azishoyo ekungabazeni? 2. Ngingahlukanisa kanjani ukuthi izinga lokuguquka kwami alijulanga kakhulu? 3. Ngingaqiniseka kanjani ukuthi uNkulunkulu uyathanda ngempela ukungisiza nginqobe iziphambeko zami? 4. Yisikhathi esingakanani engisichitha ngoBufakazi ngibuqhathanise nezinye izincwadi? 5. Chaza indlela uNkulunkulu asikhuthaza ngayo ukuba sitshale imbewu yokuphila okungunaphakade?