1. UKUKHANYA KUKHAZIMULA PHAKATHI KOBUMNYAMA NgeSonto 13 Ncwaba

a. IMibhalo ifanekisa kanjani isimo sethu sokungabi nethemba? Jobe 14:4; Roma 3:23; 8:7. “Akusoze kwenzeka kithi, nangathi, ukuphepha emgodini wesono lowo esishone kuwo. Izinhliziyo zethu zimbi, futhi asingeke sabanakho ukuziguqula.”-Steps to Christ, p. 18.“Abaningi abajabulanga ngoba bengekho ngcwele. Ukuhlanzeka kwenhliziyo, ubumsulwa bengqondo, zingabusiswa nguNkulunkulu kuphela. Uma isono sithandwa, ekugcineni sizoletha kuphela ukungajabuli.”-Testimonies, vol. 6, p. 53. b. Ngothando Lwakhe olukhulu kanye nomusa, kuyini uNkulunkulu asembulele kona ngezinsuku zokugcina, futhi kuzothinta kanjani izimpilo zethu ngendlela esebenzayo? Roma 3:24-26; 8:1-4. “INkosi yethu noMsindisi wabekela eceleni ubukhosi Bakhe, ingcebo Yakhe kanye nenkazimulo, weza ukuzosifuna, ukuze asisindise ekuhluphekeni asenze sifane Naye. Wazithoba wathabatha imvelo yethu ukuze sifunde Kuye futhi, sibukele impilo Yakhe yobumnene nokuzidela, simlandele kancane kancane ukuya ezulwini.”-Ibid., vol. 2, p. 170.

---

1. UTHANDO LUKANKULUNKULU KITHI NgoMvulo 14 Ncwaba

a. Chaza ukupheleliswa kwecebo lensindiso. 1 Korinte 1:30; 2 Korinte 5:19-21. “UKrestu wazinikela uqobo Lwakhe, njengomhlatshelo wenhlawulo, ukusindisa umhlaba odukileyo. Waphathwa ngendlela esifanele, ukuze sibenakho ukuphathwa njengoba efanele Yena. Wabekwa icala ngenxa yezono zethu, lezo wayengenasabelo kuzo, ukuze silungisiswe ngokulunga Kwakhe, lokho esingenasabelo kukho. Wahlupheka ngokufa okwakungokwethu, ukuze sithole ukuphila okungoKwakhe. ‘Ngemivimbo Yakhe sipholisiwe’ (Isaya 53:5).“UKrestu walingwa ngezindlela zonke njengoba kunjalo kithi, ngalowo owema ngaphambili ethembekile ohlangothini Lwakhe esigodlweni ezulwini. Bheka iNdodana kaNkulunkulu ehlane lesilingo, ngesikhathi sobuthakathaka obukhulu esukelwa isilingo esesabeka kakhulu. Mbone eminyakeni yobufundisi Bakhe, ehlaselwa yonke indawo ngenxa yokucindezelwa omubi. Mbone osizini Lwakhe esiphambanweni. Konke lokhu wahlupheka ngenxa yethu.”-Testimonies, vol. 8, pp. 208, 209. b. Ngubani ozoba namava ezibusiso zothando lukaNkulunkulu? Mathewu 11:28; Johane 6:37. “Ukuza kuKrestu akudingi umzamo onzima wengqondo kanye nosizi; kungukwamukela kuphela imibandela yosindiso lolo uNkulunkulu alwenze lwabalula ezwini Lwakhe. Isibusiso esingabizi-mali kubobonke.“Egameni eledlula wonke amagama, igama kuphela elinikiwe ebantwini esingasindiswa ngalo, elinelungelo lesithembiso sikaNkulunkulu, lithi. ‘Nkosi, thethelela isonosami ngibeka izandla zami esandleni Sakho ukuba ungisize, futhi kumele ngiyithole, noma ngibhubhe. Manje ngiyakholwa.”-Selected Messages, bk. 1, pp. 333, 334.“Umcabango ojulile wesidingo sethu nesifiso esikhulu ngezinto esizicelayo kumele zakhe imikhuleko yethu, ngaphandle kwalokho ayisoze yezwakala. Kodwa akufanele sikhathale sikhawula izicelo zethu ngoba impendulo ingatholakali masinyane. ‘Umbuso wezulu uyafuzulwa, nabafuzulayo bayawuphanga’ (Mathewu 11:12). Ukufuzula lapha kusho ukushisekela okungcwele, okufana nalokho uJakobe akubonakalisa. Akufanele sizame ukuzisebenzela siye phezulu ngokuzizwa okunamandla, kodwa ngesizotha, ngokuphikelela, kumele sibelesele izicelo zethu esihlalweni somusa.”-That I May Know Him, p. 272.

---

2. IMPILO ENTSHA KUKRESTU Ngolwesibili 15 Ncwaba

a. Yisiphi isenzo esisha kanye nokuziphatha okubonakalayo njengoba sithemba uJesu? 2 Korinte 5:17; Galathiya 5:6; Filiphu 2:12, 13. “Ukukholwa okusisizayo kusilethe ekuxhumaneni okubalulekile noKrestu ukugcizelela ohlangothini lwethu ukukhetha okukhulu, ukwencika ngokuphelele, nokuzingcwelisa ngokuphelele. Lokhu kukholwa kusebenza ngothando futhi kuhlanza umphefumulo. Kusebenza ukuphila kwabalandeli bakaKrestu ngokulalela ngeqiniso imithetho kaNkulunkulu; ngoba uthando kuNkulunkulu nothando kumuntu kuzoba ngumphumela wokuhlangana okubalulekile noKrestu.”-Selected Messages, bk. 1, p. 334.“Akukho lutho ngaphandle kwamandla angcwele angakha kabusha inhliziyo yomuntu futhi agcwalise imiphefumulo ngothando lukaKrestu, lolo oluzoziveza njalo ngothando kulabo abafelayo. Uma umuntu ephendukele kuNkulunkulu, isimo esisha sokuziphatha siyanikezwa, mandla amasha okuhambisa ayanikezwa, futhi uthanda izinto ezithandwa nguNkulunkulu.“Kodwa labo abalindele ukubona inguquko yomlingo ezimilweni zabo ngaphandle komzamo okhamelelayo ohlangothini lwabo ukunqoba isono bazodumala. Asikho isizathu sokwesaba ngesikhathi ubheke kuJesu, asikho isizathu sokungabaza kodwa esokuthi unamandla okusindisa ekugcineni kwakho konke oza Kuye; kodwa singaba nokwesaba izikhathi zonke hleze imvelo yethu endala izothola ukuphakama futhi, nokuthi isitha sizoceba ezinye izithiyo lapho sizoba yizigqila zakhe futhi.”-Ibid., pp. 336, 337. b. Yisiphi isifiso esijulile okumele siqhubeke ukugcwalisa inhliziyo yekholwa ngalinye, futhi lokhu kusithinta kanjani ngendlela yesisekelo esivumelanayo? Johane 15:4, 5, 10; Roma 6:6, 10, 11. “Ubunye noKrestu, uma buthe bakhiwa, kumele bulondolozwe. Lokhu akusikho ukuthinta okuthuka kufika, kungesikho ukuhlangana kokusuka nokuhlala.“Ukuhlala kuKrestu kusho ukuzuza njalo uMoya Ongcwele, ukuphila kokuzinikela okungaqokiwe emsebenzini Wakhe.”-The Desire of Ages, p. 676.“Ngokusebenzisa kahle intando, inguquko ephelele ingenziwa empilweni yakho. Ngokuvumela eyakho intando kuKrestu, uzihlanganisa namandla angaphezu kwayo yonke imibuso namandla. Uzobanamandla avela phezulu azokubamba uqinile, futhi ngokuzinikela njalo kuNkulunkulu uzokwazi ukuphila impilo entsha, ngisho nempilo yokukholwa.”-Steps to Christ, p. 48.

---

3. UKUKHULA EMUSENI Ngolwesithathu 16 Ncwaba

a. Uma inhliziyo inikelwe kuKrestu ngomkhuleko wokukhanyiselwa Nguye, nguquko yini ebakhona esimilweni? Galathiya 5:22, 23; Amahubo 119:18. “Ngokubheka siyaguqulwa; njengoba sicabanga ngokuphelela koMfanekiso ongcwele, sizofisa ukuguqulwa ngokuphelele sivuselelwe emfanekisweni wokuhlanzeka Kwakhe. Kungenxa yokukholwa yiNdodana kaNkulunkulu okwenza inguquko ithathe indawo esimilweni, nomntwana wolaka uba ngumntwana kaNkulunkulu. Udlula ekufeni aye ekuphileni; uba ngumoya futhi ahlukanise izinto zikamoya. Ukuhlakanipha kukaNkulunkulu kukhanyisa ingqondo, futhi ubheka izinto ezimangalisayo emthethweni Wakhe. Njengoba umuntu eguqulwa iqiniso, umsebenzi wenguquko yesimilo uyaqhubeka. Unesilinganiso esikhulu sokuqonda. Uma phenduka ukuba ngumuntu olalela uNkulunkulu, unengqondo kaKrestu, nentando kaNkulunkulu iba intando yakhe.”-Selected Messages, bk. 1, p. 338. b. Kungani inhliziyo evulekele ukufunda kanye nokuzindla ngeBhayibheli noMoya wesiProfetho iyisihluthulelo esibalulekile kulohambo? Amahubo 119:24-27. “Akusibo kuphela labo ngokusobala abenqaba Ubufakazi (Testimonies), noma labo abathanda ukungabaza maqondana nabo, labo basemhlabathini oyingozi. Ukudelela ukukhanya kungukwenqaba ubufakazi.”-Testimonies, vol. 5, p. 680.“Uthi umhlabeleli, ‘Izwi lakho liyisibane ezinyaweni zami, nokukhanya endleleni yami’ (Amahubo 119:105). Kodwa akunjalo uma liyekwa lingavuliwe futhi lingafundiwe.”-The Review and Herald, 4 Masingana, 1881.“Ngokubheka ngezikhathi zonke kuJesu ngeso lokukholwa, sizonikwa amandla. UNkulunkulu uzokwembula kakhulu okuyigugu kulabo abalambile, abantu abonyiwe. Bazothola ukuthi uKrestu unguMsindisi wabo. Njengoba bedla izwi Lakhe, bathola ukuthi lingumoya nokuphila. Izwi libulala imvelo, imvelo yomhlaba, linike ukuphila okusha kuKrestu Jesu. UMoya Ongcwele uza emphefumulweni njengoMduduzi. Ngesithunywa esiguqulayo somusa Wakhe, umfanekiso kaNkulunkulu uyavezwa futhi kubafundi; uba yisidalwa esisha. Uthando luthatha indawo yenzondo, nenhliziyo yamukela ukufana okungcwele. Lokhu kusho ukuphila ‘ngezwi eliphuma emlonyeni kaNkulunkulu’ (Mathewu 4:4). Lokhu kusho ukudla iSinkwa esehlela phansi sivela ezulwini.”-The Desire of Ages, p. 391.

---

4. UKUBONISA UKUKHANYA Ngolwesine 17 Ncwaba

a. Yisiphi isidingo esikhulu esicindezelayo salomhlaba omnyama? Mathewu 5:14-16. “Kuyithuba lomphefumulo ngamunye ukuba ngumzila ophilayo lowo uNkulunkulu angazisa umhlaba amagugu omusa Wakhe, ingcebo emangalisayo kaKrestu. Akukho okufiswa uKrestu kakhulu njengezithunywa ezizofanekisa emhlabeni uMoya Wakhe nesimilo. Akukho okudingwa ngumhlaba kakhulu njengokubonakalisa ngokuzithoba uthando loMsindisi. Izulu lonke lilindele imizila leyo engathulula ngayo amafutha angcwele abe yinjabulo kanye nesibusiso ezinhliziyweni zabantu.”-Christ‘s Object Lessons, p. 419. b. Umele ubeyini umqondiso wokuphila kwethu, futhi mphumela muni ozozuzwa ngalokhu? Galathiya 2:20; Isaya 60:1-3. “Ukweyama kuKrestu kusho ukukhetha kuphela ukuhlela kukaKrestu, ukuze intakazelelo Yakhe iphawuleke kweyakho. Uma uhlala Kuye, ukuze ubenakho ukwenza kuphela lokhu okuyintando Yakhe. Lena imibandela yobufundi, ngaphandle kokuthi iyavunyelwa, awusoze wathola ukuphumula.”-Selected Messages, bk. 1, p. 110.“Ngenxa yoMoya Ongcwele, izwi likaNkulunkulu lingukukhanya njengoba lingamandla aguqula ukuphila kwalowo owamukelayo. Ngokufaka enhliziyweni yabo izimiso zezwi Lakhe, uMoya Ongcwele ukhulisa kumuntu ukucabangela kukaNkulunkulu. Ukukhanya kwenkazimulo Yakhe, isimilo Sakhe, kumele kukhanye phambi kwabalandeli Bakhe.”- Christ‘s Object Lessons, p. 414.

IMIBUZO YOMUNTU NGAMUNYE Ngolwesihlanu 18 Ncwaba

1. Chaza ingxaki yesizwe soluntu, futhi kuyini okungenziwa ngayo. 2. Kungani ubuhlobo obuthuka buvele noKrestu bungalingene? 3. Kuyini ongakutshela umuntu odangele ngenxa yevangeli? 4. Msebenzi muni iBhayibheli noMoya wesiprofetho ezikwenzayo ngokungcweliswa kwethu? 5. Chaza ukuthi umfutho wakho ungaba isisusa sokuqabuleka kwabanye kanjani.