1. UKUSEBENZISANA NENKOSI YAMAKHOSI NgeSonto 27 Ncwaba

a. Kuphezu kwasiphi isisekelo wonke uMkrestu okholwayo-noma owesilisa, owesifazane, oshadile, nongashadanga, ocebile, nompofu, noma ungakanani ngeminyaka noma isiphi isizinda sokuhlobana abanaso-bavunyelwe ngokomthetho futhi bayalwa ukuba bafakaze ngoJehova wabo kanye neNkosi uJesu Krestu? Johane 15:16; Galathiya 3:27, 28. “‘Hambani niye ezweni lonke, nishumayele ivangeli kukho konke okudaliweyo’ (Marako 16:15), lona ngumyalo kaKrestu kubalandeli Bakhe. Kungesikho ukuthi bonke babizelwe ukuba ngabafundisi noma abavangeli ngomcabango ovamile wesisho; kodwa bonke bangaba izisebenzi kanye Naye ngokunikeza ‘izindaba ezimnandi’ kubangane babo. Kubo bonke, abakhulu nabancane, abafundile nabangafundile, abadala nabancane, umyalo unikeziwe.”-Education, p. 264.“Uma ngicabanga ngamadolobha lapho umsebenzi owenziwe khona umncane, lapho kukhona izinkulungwane eziningi ezingaxwayiswa ngokuza masinyane koMsindisi, ngizwa nginamandla okufisa ukubona abesilisa nabesifazane beqhubekela phambili ukusebenza ngamandla oMoya agcwaliswe ngothando lukaKrestu ngemiphefumulo ebhubhayo.”-Evangelism, p. 69. b. Yiliphi ixuku elifakiwe ngempela futhi lokuba nenxenye ekhethekile ekuvalweni komsebenzi wevangeli? 1 Johane 2:14 (isigaba sesibili)

---

2. UKUZINIKELA KWISIGIJIMI SANAMUHLA NgoMvulo 28 Ncwaba

a. Kubaluleka kuni okukhethekile “ivangeli laphakade” elinakho esikhathini sethu? Umshumayeli 12:13, 14; Isambulo 14:6, 7. “Ukumenyezelwa kokwahlulela kuyisimemezelo sokuza kwesibili kukaKrestu ukuthi kuseduze. Futhi lesimemezelo sibizwa njengevangeli laphakade. Kanjalo ukushumayela ngokuza kwesibili kukaKrestu, nesimemezelo sokuba seduze, kubonakala njengenxenye ebalulekile yesigijimi sevangeli.”-Christ’s Object Lessons, pp. 227, 228. b. Yisho umcijo owodwa ohlangene kakhulu nesigijimi seAdvent-osisizayo ngempela ukuba sizwisise kangcono. Roma 12:1; 1 Thesalonike 5:23. “Imvuselelo yempilo elinye igatsha lomsebenzi omkhulu elilungisela abantu ukuza kweNkosi. Lihlangene kakhulu nesigijimi sengelosi yesithathu njengesandla sihlangene nomzimba.”-Counsels on Health, pp. 201, 21.“Ivangeli lomsebenzi wentshumayelo yokwelapha kumele zikhule ndawonye. Ivangeli kufanele lihlanganiswe nezimiso zemvuselelo yempilo. Kumele silethe izimiso zemvuselelo yempilo phambi kwabantu, senza konke ngamandla ethu ukuholela abesilisa nabesifazane ukubona isidingo salezimiso futhi bazenze.”-Counsels on Diet and Foods, p. 442. c. Kuyini okuqhubela phambili abakholwayo ukuhambisa isigijimi esimangalisayo sensindiso? 2 Korinte 5:14, 15. “Ukuthanda uJesu kuzobonakala ngesifiso sokusebenza njengoba asebenza Yena ukubusisa nokuphakamisa uluntu. Luzosihola ukuba sithande, ubumnene, uzwelo kuzozonke izidalwa unakekelo lukaBaba osezulwini.“Akakho oza masinyane kuKrestu kunalowo okuzelwe enhliziyweni yakhe isifiso sokwazisa abanye ukuthi uyigugu kangakanani umngane amtholile kuJesu; iqiniso elisindisayo nelihlanzayo alisoze lavalelwa ngaphandle kwenhliziyo yakhe.”-Steps to Christ, pp. 77, 78.

---

3. UKUNGABI NALUTHO UKUZE UGCWALISWE Ngolwesibili 29 Ncwaba

a. Kukhuza kuni okuqukethe amandla agqamile kithina esiphila ezinsukwini zokugcina? 1 Thesalonike 5:1, 2, 6-8. “Masingafunyanwa silele ekulindeni. Makungabikho noyedwa othi enhliziyweni yakhe noma ngemisebenzi yakhe, ‘INkosi yami ilibele.’ Vumela isigijimi sokubuya masinyane kukaKrestu sizwakale phambili ngamazwi ashisekelayo esixwayiso. Masibonise abesilisa nabesifazane ezindaweni zonke ukuba baphenduke babalekele ulaka oluzayo. Masibavuse balungisele ngokushesha; ngoba asikwazi okungaphambi kwethu. Abafundisi kanye namalunga mabaqhubekele phambili kumasimu avuthiwe.”-Maranatha, p. 106.“Uthando luyisisekelo sokumesaba uNkulunkulu. Noma yikuphi ukuzisho, akukho-muntu onothando oluhlanzekile kuNkulunkulu ngaphandle kokuthi abenothando olungazicabangeli ngomfowabo. Kodwa asingebe sabanawo lomoya ngokuzama ukuthanda abanye. Okudingekayo uthando lukaKrestu enhliziyweni. Lapho umina ehlanganiswa kuKrestu, uthando luthela kakhulu ngokwalo. Ukuphelela kwesimilo soMkrestu kutholakala lapho isibophezelo sokusiza nokusindisa abanye sithela njalonjalo sisuka ngaphakathi.”-Christ’s Object Lessons, p. 384. b. Kuyini okumele ukwenze uma uzizwa ungenantshiseko ngalesigijimi njengoba wazi ukuthi kumele kubenjalo? 1 Johane 4:20, 21; Isambulo 2:2-5; 3:18, 19. “Sidinga isigijimi esiya kwibandla laseLawodekiya. Ulushiyile uthando lwakho lokuqala, futhi kukhona ukuqina kanye nokubanda nokuntuleka kozwelo-ngaphandle kwabambalwa abathandwayo. Abangasoze baphendula emhlabeni. Sifanele ukufuna futhi sisindise lokhu okulahlekileyo.”-Manuscript Releases, vol. 9, p. 61.“Buyela kumava akho okuqala, lapho umphefumulo wakho ugcwaliswe ngothando lukaKrestu. Buthela enhliziyweni yakho ukulalela kokukholwa okusebenza ngothando futhi luhlanza umphefumulo. Ukulalela umthetho weNkosi kwenza umuntu ahlanzeke, abengcwele, abemsulwa.“Ukuze babonwe phakathi kwabantu bakithi ukujula kanye nomsebenzi wokuphenduka kanye nemvuselelo. Ukuba bawele phezu kweDwala baphuke.”-The Review and Herald, 24 UNhlolanja, 1903.“Kukhona ithemba kubobonke abazolizwa iqiniso baphenduke emisebenzini yabo emibi.”-Manuscript Releases, vol. 11, p. 216.

---

4. INKAZIMULO KANKULUNKULU IYABONAKALISWA Ngolwesithathu 30 Ncwaba

a. Yiluphi ubizo lwehora, futhi siyakuphendula kanjani ngalo? Isaya 56:1-8. “[INkosi] manje ibiza ibandla Lakhe emhlabeni ukuba livuke ebuthongweni lobu uSathane azama ukubuletha phezu kwabo, bagcwalise umsebenzi wabo abawunikwe izulu ukukhanyisa umhlaba.“Umhlaba namuhla uyakhala udinga isambulo sikaKrestu Jesu kubantu Bakhe abangcwele. UNkulunkulu ulangazela ukuthi abantu Bakhe bazakuma phambi kwehlabathi njengabantu abangcwele. Kungani? Ngoba kukhona umhlaba okumele usindiswe ngokukhanya kweqiniso levangeli; kanye nesigijimi seqiniso esibiza abantu ukuba baphume ebumnyameni bangene ekukhanyeni kuNkulunkulu okumangalisayo okunikezwa ibandla, ukuphila kwamalunga alo, angcweliswe ngoMoya weqiniso, kumele athwale ubufakazi ngeqiniso lesigijimi esimenyezelwe.-”The Review and Herald, 31 Ndasa, 1910. b. Chaza izindlela zikaKrestu ayezisebenzisa ukusindisa imiphefumulo. Luka 14:23; Johane 4:27. “INkosi ilangazelela ukuthi izwi Lakhe lomusa lilethwe ekhaya kuwowonke umphefumulo.“Ngezinga eliphakeme lokhu kumele kufezwe ngomsebenzi womuntu ngamunye. Lena bekuyindlela kaKrestu. Umsebenzi Wakhe omningi wenziwe ngokubhekana nomuntu ngamunye. Wayenokholo maqondala nokubhekana nomuntu ngamunye. Ngomuntu munye isigijimi kaningi saselulelwa kwizinkulungwane.”-Christ’s Object Lessons, p. 229. c. Ngumoya onjani odingekayo ukusebenzela uNkulunkulu? Izenzo 10:38; 2 Korinte 12:15. “Funda incazelo kaKrestu ngobufundisi beqiniso. ‘Uma umuntu ethanda ukuza emva Kwami, makazidele, atabathe isiphambano Sakhe angilandele’ (Marako 8:34). Ukulandela uKrestu, njengoba kshiwo kulamazwi, akukhona ukuzenzisa, noma inhlekisa. UJesu ulindele abafundi Bakhe ukulandela kakhulu emanyathelweni Akhe, sibekezelela lokhu akubekezelela, sihlupheke ngalokhu ahlupheka ngakho, nokunqoba njengalokho anqoba. Ulindele kakhulu ukubona abalandeli Bakhe abazishoyo bebonakalisa umoya wokuzidela.”-Testimonies, vol. 8, p. 209.

---

5. ILUNGELO ELIKHULU KAKHULU Ngolwesine 31 Ncwaba

a. Kungayiphi indlela umuntu ngamunye angasiza ekusindiseni imiphefumulo, futhi kumele sibeyini isifiso sethu esivutha kakhulu kanye nomkhuleko? Roma 10:13-17; Luka 11:13. “Sidinga ukukhuthala okukhulu ngempela emsebenzini kaKrestu. Isigijimi esizothile seqiniso kumele sinikezwe ngamandla lawo azogcizelelwa kwabangakholwa ukuthi uNkulunkulu usebenza ngemizamo yethu, ukuze oPhakeme Kakhulu abengumthombo wokuphila kwethu namandla ethu.”-Evangelism, p. 697.“Ezinye izingqondo ziyasuswa eqinisweni lanamuhla kanye nothando lweBhayibheli eliNgcwele ngokufunda ezinye izincwadi ezethusayo; ezinye zigcwalisa ukudideka kanye nokunaka ukuthi bazodlani, baphuzeni, bazombathani. Abanye babhekela kude ukuza kweNkosi. Isikhathi siqhubeke iminyaka embalwa kunobekulindelwe; ngakho-ke bacabanga ukuthi sizoqhubeka iminyaka eminye, futhi ngalendlela izingqondo zabo ziyasuswa eqinisweni lanamuhla, zilandele umhlaba. Ngalezinto ngabona ingozi enkulu; ngoba uma ingqondo igcwele ezinye izinto, iqiniso lanamuhla likhishelwa ngaphandle, futhi ayikho indawo emabunzini ethu yophawu lukaNkulunkulu ophilayo. Ngabona ukuthi isikhathi sikaJesu sokuba sendaweni engcwele ngcwele sizophela masinyane nokuthi lesikhathi sizoqhubeka isikhathi esifushane. Yisiphi isikhathi sokuzinza esinaso okumele sichithelwe ukuhlola iBhayibheli, elizosahlulela ngezinsuku zokugcina.“Bazalwane bami abathandekayo nodade, imithetho kaNkulunkulu kanye nobufakazi bukaJesu Krestu makube sezingqondweni zenu njalo futhi iminyanise ngaphandle imicabango yelizwe kanye nokunaka. Uma ulala phansi noma uvuka, mawube umcabango wenu. Phila futhi wenze maqondana nokuza kweNdodana yomuntu. Isikhathi sokuphawula sifushane kakhulu, futhi masinyane sizophela.”-Early Writings, p. 58.

IMIBUZO YOMUNTU NGAMUNYE Ngolwesihlanu 1 Mandulo

1. Kungani kungekho noyedwa oyekwayo ekwabeleni ngeqiniso lanamuhla kwabanye? 2. Kuyini esingakuqonda “ngevangeli laphakade”? 3. Kungani isigijimi seLawodekiya sidingeka lapho ukuphendukela kwenye inkolo kuphelelwe isikhathi? 4. Kuyini obekulokhu kuyimbangela yomhlaba ukungabaza iqiniso lesigijimi sethu? 5. Yimiphi imicabango engingayisusa engqondweni ukwenza banzi indawo yeqiniso?