1. UKUHLOMISWA NGEZITHEMBISO ZIKANKULUNKULU NgeSonto 25 UNhlangulana

a. Ekuqaleni kwembali yelizwe, ngubani ukhokho wesikhombisa ukusuka kuAdamu owaboniswa embonweni, futhi kwamkhuthaza kanjani lokhu ngendlela enamandla? Juda 14, 15. “Ngomoya wesiprofetho [uNkulunkulu] wathwala [uEnoke] wehlela phansi kwizizukulwane ezazizophila emva kukaZamcolo wambonisa nezehlakalo ezinkulu ezazihlangene nokubuya kwesibili kukaKrestu kanye nokuphela kwezwe.“Embonweni wesiprofetho wafundiswa maqondana nokufa kukaKrestu futhi waboniswa nokuza Kwakhe ngenkazimulo, ephelekezelwa yizingelosi zonke ezingcwele, ukuhlenga abantu Bakhe ekufeni. Wabona futhi isimo esonakele selizwe lapho uKrestu ezobonakala ngokwesibili-ukuthi kuzobakhona ukuzidla, ukungabaza, isizukulwane esinenkani, esenqaba uNkulunkulu kuphela kanye neNkosi uJesu Krestu, esinyathelela phansi umthetho, futhi sidelela umhlatshelo. Wabona abalungileyo beqheliswa ngenkazimulo kanye nodumo, nababi bayakuchithwa ebukhoneni beNkosi, babhujiswe ngomlilo.“Uenoke waba ngumshumayeli wokulunga, wazisa abantu lokho uNkulunkulu amembulele khona.”-Patriachs and Prophets, pp. 85, 86.

---

2. ITHEMBA ELITHOKOZISAYO NgoMvulo 26 Unhlangulana

a. Chaza indlela abantu bakaNkulunkulu ezikhathini zeTestamende Elidala abazwakalisa ngayo ithemba labo ngokubuya kwesibili kukaKrestu. Amahubo 50:1-4; 96:11-13. “Ukuza kukaKrestu ukuba angenise ubukhosi wokulunga okuthokozise abaningi abaphakeme kakhulu kanye namazwi afuthekile ababhali abangcwele. Izimbongi kanye nabaprofethi beBhayibheli bahleli phezu kwalo ngamazwi akhazimulayo kanye nomlilo wasezulwini.”-The Great Controversy, p. 300. b. Kungaliphi ulimi oluphakeme umprofethi uHabakuki achaza ngalo ukubuya kukaJesu? Habakuki 3:3-6. c. Sithembiso sini esinenduduzo, nesikhuthazayo esiphindelwa amakholwa eTestamende Elisha, futhi lokhu kungasikhaza kanjani ngendlela enamandla? Izenzo 1:10, 11. “Isithembiso sokuvalelisa koMsindisi phezu kwentaba yemiNqumo, sokuthi uzakubuya futhi, sakhanyisa ikusasa labafundi Bakhe, sagcwalisa izinhliziyo zabo ngenjabulo kanye nethemba lokuthi ukudabuka akusoze kwacimi noma kufiphaze izilingo.”-Ibid., p. 302.“[Izenzo 1:11 ngokucashunwa] Sasiyigugu ngempela, lesithembiso kubafundi ababesosizini, ukuthi bazombona uJesu futhi obethandwa kakhulu yibobonke. Siyigugu futhi lesithembiso kubalandeli bonke bakaKrestu beqiniso. Akukho noyedwa othanda uJesu ngempela ozodabukela ukuthi uyabuya futhi. Njengoba besondela eduze kokubuya kweNdodana yomuntu, abathanda uJesu ngokweqiniso bazobheka phambili ithemba lenjabulo futhi bazozama ukulungela ukumbona Yena lowo imiphefumulo yabo emthandayo, owafa ukuze abahlenge. .“Ujesu uyeza futhi. Kodwa akazelanga ukulalela usizi loluntu, nokuzwa isoni esinecala sivuma izono sazo, nokusho intethelelo kuso, ngoba amacala abobonke azobe sewenqunyelwe ukuphila noma ukufa. Labo abahlezi esonweni bazohlala beyizoni ingunaphakade. Labo abavuma izono zabo kuJesu endaweni engcwele, bamenze umngane wabo futhi bathanda ukubonakala Kwakhe, bazoba nentethelelo ilotshiwe ngenxa yezono zabo zonke, futhi bona, behlanze imiphefumulo yabo ngokulalela iqiniso,’ bazohlala behlanzekile futhi bengcwele ingunaphakade.”-The Youth Instructor, 1 Mbasa, 1854.

---

3. UKUFANELEKA KOKULUNGISELELA KWETHU OKUNGXAMILE Ngolwesibili 27 Unhlangulana

a. Singazuza kanjani isibindi ngethemba elakhulunywa nguPawule? Thithu 2:11-13. “Singabafokazi nezihambi ezilindile, zithemba, futhi zikhulekela lelothemba elibusisiwe, ukubonakala okukhazimulayo kweNkosi yethu noMsindisi uJesu Krestu. Uma sikholwa yilokhu futhi sikuletha emsebenzini wethu wempilo, kungaba isenzo esikhuthele salolukholo kanye nethemba elikhuthazayo, ngothando oluvuthayo kwabanye, nangempilo yokuqaphela okungcwele ngenkazimulo kaNkulunkulu; nangenhlonipho yethu kwinhlawulo enomvuzo, yimuphi umehluko ogqamile ohlukanisayo ozoba ngubufakazi phakathi kwethu kanye nomhlaba.”-Evangelism, p. 220.“Unkulunkulu waceba ukuthi abantu Bakhe bazobhekisa amehlo abo ezulwini, bebheke ukubonakala kweNkosi yethu noMsindisi uJesu Krestu. Lapho ukunaka kokuthanada ilizwe kuphendukela kwimisebenzi ehlukahlukene, okwethu ukubheka ezulwini, ukholo lwethu kumele lufinyelele phambili kakhulu kwzimfihlakalo ezingcwele zengcebo yasezulwini, bamukela imisebe yokukhanya engcwele neyigugu ivela endaweni engcwele yasezulwini ukukhanyisa ezinhliziyweni zethu, njengoba ikhanya ebusweni bukaJesu.“Isifiso seNkosi yethu ukuthi kufanele silinde, ukuze nxa efika engqongqotha sibenakho ukumvulela ngokushesha.”-Testimonies, vol. 2, pp. 194, 195. b. Ujesu uzobonakala kanjani kulabo ngentshiseko belindele ukubuya Kwakhe? Heberu 9:28 (isigaba sokugcina). “Ukrestu, usefinyelele ekupheleni komsebenzi Wakhe njengoMlamuli uyakubonakala ‘ngaphandle kwesono kube ngukusindiswa’ (Heberu 9:28), ukubusisa abantu abamlindele ngokuphila okuphakade.”-The Great Controversy, p. 485.“Ujesu uyeza ngokufanayo njengoba enyukela ezulwini, kuphela ngenkazimulo eyengeziwe. Uyeza ngenkazimulo kaBaba Wakhe, nezingelosi zonke ezingcwele zikanye Naye, ukumphelekezela endleleni Yakhe. Endaweni yomqhele wolunya wameva ukuhlaba ubuso Bakhe obungcwele, kukhona umqhele wenkazimulo ephandlayo ukuhlobisa ibunzi Lakhe elingcwele. Akasoze ngalesosikhathi abonakala, njengomuntu wosizi ojwayelene nokuhlupheka; kodwa ubuso Bakhe buzokhazimula kakhulu njengelanga lasemini. Akasoze agqoka ingubo elula engenamthungo kodwa ingubo emhlophe njengeqhwa-nangokukhanya okuphandlayo.”-The Youth Instructor, 1 Mbasa, 1854.

---

4. UKULANGAZELA UKUBUYA KWAKHE Ngolwesithathu 28 Unhlangulana

a. Yisiphi isigijimi kwizintshumayelo zikaLuther esihlanganiswa nemfundiso kaPawule maqondana nehora lokwahlulela kokugcina? Heberu 9:27. “Uluther wathi, ‘ngazivumisa ngokwami ngempela, ukuthi usuku lokwahlulela luzobakhona ingakapheli iminyaka engamakhulu amathathu. Unkulunkulu akasoze, futhi angeke, ahlupheke kulomhlaba owonakele isikhathi eside.’ ‘Usuku olukhulu lusondele lolo umbuso oyisinengiso uzakuchithwa.’”-The Great Controversy, p. 303. b. Ukulahlwa okunjani abanye abaVuseleli abanakho, futhi yini efanayo ebalulekile ngempela kithi namuhla? Isambulo 16:15. “Lomhlaba awusekude ukuba uphele,’ kusho uMelanchthon. Ucalvin unxusa amaKrestu ukuba angangabazi, ngokushisekela alangazele usuku lokuza kukaKrestu njengesinye sezehlakalo esithokozisa kakhulu’, futhi uthi ‘umkhaya wonke wabathembekile uzowubeka phambili umbono walolosuku.’ ‘Kumele silambele uKrestu, simfune, sicabange Ngaye,’ uthi, ‘kuzekufike lolosuku, lapho iNkosi yethu izobonakalisa ngokuphelele inkazimulo yombuso Wakhe.’“‘Ingabe iNkosi uJesu akenyuselwanga ezulwini ekwinyama yethu.’ Kusho uKnox, uMvuseleli waseScotchland, ‘futhi akasoze abuya? Siyazi ukuthi uzakubuya, nokuthi ngokushesha.’ Uridley kanye noLatimer, abalahlekelwa ukuphila kwabo ngenxa yeqiniso, babheka ngokukholwa ukuza kweNkosi. Uridley ubhala uthi. ‘Umhlaba ngaphandle kokungabaza-yilokhu engikholwa yokho, ngakho-ke ngithi-usondele esiphelweni. NjengoJohane, inceku kaNkulunkulu, masikhale ngenhliziyo yethu kumMsindisi wethu uKrestu, Woza, Nkosi Jesu, woza.”-Ibid.“Ukubuya kukaKrestu emhlabeni wethu akusoze kwalibala kade. Lokhu makube isigijimi esigqamile kunazozonke.“Ithemba elibusisiwe lokubonakala kwesibili kukaKrestu, nangesizotha soqobo, kaningi kufanele lilethwe ebantwini. Babheke ukubonakala masinyane kweNkosi okuzosiholela ukubheka izinto zezwe njengobala kanye nobuze.“Manje angeke akhulunywa izinceku zeNkosi, kungathi ngumprofethi uDanyeli. ‘Isikhathi esinqunyiwe side’ (Danyeli 10:1). Kodwa manje isikhathi sifushane lapho ofakazi bakaNkulunkulu bazobe sebewenzile umsebenzi wabo yokulungisa indlela yeNkosi.”-Testimonies, vol. 6, p. 406.

---

5. UKULINDA OKUSEBENZAYO KOSUKU LWESITHEMBISO Ngolwesine 29 Unhlangulana

a. Chaza ukuziphendulela kwabobonke abazimisele ukuhlangana neNkosi ngokuthula lapho ebuya. Amose 4:12 (isigaba sokugcina); Zefaniya 2:3. “Ukrestu uthi, ‘Ngiyayazi imisebenzi yakho’ (Isambulo 2:2). Uyazi noma uphila impilo yokuphelela futhi uma uthanda ukukhuluma noma ucabange njeNgaye, noma kuyinjabulo yakho ukuba umdumise. Ingabe silindele ukungena ezulwini ekugcineni sihlangane nekwaya yazezulwini. Njengoba sishona phansi ethuneni siyakuphuma njengalokhu izimilo zethu ezikunakayo. Manje yisikhathi sokugeza noku-ayina. Isikhathi sokuhlanza izingubo zethu sizenze zibemhlophe egazini leWundlu.“Lapho isazimthetho siza kuJesu sibuza, ‘Ngingenzenjani ukuze ngizuze ukuphila okungunaphakade.’ Impendulo yathi, ‘Gcina imiyalo.’ Nanku umbuzo oqinisile obuzwa isazimthetho, futhi wayithola impendulo ngempela. ”-Manuscript Releases, vol. 9, p. 262. b. Wobayini umuzwa ojulile wabobonke abasingatha ngenhliziyo yonke izithembiso zikaKrestu zokuthi uyabuya masinyane? Isambulo 22:20. “Ngifuna ukumhlonipha Lowo ohlezi esihlalweni sobukhosi. Ngithanda ukuba izwi lami lizwakale phakathi kwezigodlo zezulu. Ingabe uzobakhona lapho? Ngakho-ke fundisa iphimbo lakho ukumdumisa emhlabeni, kanjalo uzohlanganyela nekwaya lasezulwini uhlabelele ingoma kaMose neWundlu. Unkulunkulu makasisize, asigcwalise ngamandla, kanjalo sizonambitha injabulo yezwe elizayo.”-The Ellen G White 1888 Materials, p. 128.

IMIBUZO YOMUNTU NGAMUNYE Ngolwesihlanu 30 Unhlangulana

1. Kuyini okumele ngikubheke ngokujulile ngokulangazelela kwami ukubuya kukaJesu? 2. Kungani izithembiso maqondana nokubuya kukaJesu’ zisinika amandla? 3. Kungani kubalulekile ukukhulisa isifiso ngempela sokwabelana ngaleqiniso kwabanye? 4. Kungayiphi indlela Abavuseleli beminyaka engamakhulu angu 16 bakhuthazela ngayo inkolo yokubuya kukaKrestu? 5. Sisindiswa ngokukholwa, ngakho-ke yini embula ukuzinikela kweqiniso ngookholo lwethu?