1 USIZI, USIZI, USIZI OLUNGAKHOLEKI NgeSonto 30 Ntulikazi

a. Lapho uKrestu esefikile, kuyini okwembula isenzo esethusayo esifikela labo abadelele umnikelo Wakhe wensindiso? Isambulo 6:15-17; Nahume 2:10. “Phezu kwalabo abenqaba umusa kaNkulunkulu behlelwa ukwesaba kokuphelelwa ithemba ingunaphakade.”-The Great Controversy, p. 641.“Uma izoni zicindezelwa ukuba zibheke Kuye owembathise ubungcwele Bakhe ngobuntu, usayigqokile leyongubo nanamuhla, ukudideka kwabo akuzekeki. Inkwethu iyasuka emehlweni abo, manje babona lokhu ngaphambili bebengakuboni. Manje bayaqonda ukuthi uma ngabe bamukela uKrestu, bathuthukisa amathuba abanikwe wona. Bawubona umthetho bawudelela, baziphakamisa balingana nesihlalo sobukhosi sikaNkulunkulu njengoba siphakeme. Babona uNkulunkulu ngoKwakhe enikela inhlonipho emthethweni Wakhe.”-The SDA Bible Commentary [E.G.White Comments], vol.6, p. 1069. b. Kuyini okuzokwenzeka ngempela kubo, futhi kungani? 2 Thesalonike 1:7-10; 2:8. “Ukukhanya kwenkazimulo kaNkulunkulu, lokhu okunikeza ukuphila abalungileyo, kuzobulala ababi.”-The Desire of Ages, p. 108.

---

2. UVUKO OLUKHETHEKILE NgoMvulo 31 Ntulikazi

a. Phakathi kwabobonke labo, emlandweni wonke, behlele emathuneni abo bethemba uNkulunkulu, yiluphi uhlobo lwamakholwa azobe evusiwe ngaphambi kokuba uKrestu abuye? Isambulo 14:12, 13; Danyeli 12:1, 2. “Amafu, amnyama akhuphuka ashayisana elinye kwelinye. Kodwa kwakukhona indawo eyodwa ekhanyayo lapho kuhlezi inkazimulo, lapho kwezwakala izwi likaNkulunkulu njengamanzi amaningi, linyakazisa amazulu nomhlaba. Kwabakhona ukuzamazama okunamandla. Amathuna avuleka, labo abafa bekholwa ngaphansi kwesigijimi sengilosi yesithathu, begcina iSabatha, bavuka emibhedeni yabo yothuli, bejabulela, ukuzwa isivumelwano sokuthula leso uNkulunkulu azosenza nalabo abagcinile imthetho Wakhe.”-Early Writings, p. 285. b. Ngubani phakathi kwababi ozovuswa ngaphambi kokubuya kukaKrestu? Mathewu 26:62-64; Isambulo 1:7. “Labo abaklolodela [uKrestu] bethi uyazisho ukuthi uyiNdodana kaNkulunkulu manje abasenamlomo. Kukhona uHerodi ozidlayo owakhipha amazwi okukloloda ngegama Lakhe lobukhosi wacela amasotsha ahleka usulu amethwese njengeNkosi. Yiwo kanye lamadoda ngezandla ezingenamusa abeka phezu Kwakhe ingubo ebubende, ebunzini Lakhe elingcwele umqhele wameva, futhi ngezandla Zakhe ezikhululekile njengenyoka elingisayo, akhothama phambi Kwakhe ngokukloloda okujivazayo. Amadoda amshayayo futhi akhafulela ngamathe iNkosana yokuphila manje azisitha ukubona amanxeba okugwazwa efuna ukubalekela inkazimulo ezonzobele yobukhona Bakhe. Labo abafaka izipikili ezandleni Zakhe nasezinyaweni, isotsha elamgwaza ohlangothini, labheka lawomabala ngokuthuthumela kanye nokuzisola. Ngokugqama okwesabekayo ingabe abapristi kanye nababusi bakhumbula yini izehlakalo zaseKhalvari.”-The Great Controversy, p. 643. c. Kungayiphi indlela uvuko olukhethekile lwehlukile kuvuko oluzokwenzeka ngephimbo likaJesu? Johane 5:28, 29. Umqhathanise noDanyeli 12:2 (“abaningi” bamelene “nabobonke”).

---

3. UKWESABA OKUMANGALISAYO Ngolwesibili 1 Ncwaba

a. Iyakuba yini impendulo yokuqala yabobonke abafayo-behlangene nabambalwa abathembekile bakaNkulunkulu-lapho bebheka ukuza koMdali omangalisayo wezulu nomhlaba ehlezi esihlalweni Sakhe ngenkazimulo yobukhosi? Jeremiya 30:6. “Abalungileyo bamemeza ngokuthuthumela. ‘Ngubani ozokwazi ukuma?’ Ingoma yezingelosi yathuliswa, futhi kwabakhona isikhathi sokuthula okwesabekayo.”-The Great Controversy, p. 641. b. Yiliphi ithemba lenhliziyo elinomusa ngokushesha eladuduza labo ebebefisa ngempela ukubonakala kweNkosi yabo? 2 Korinte 12:9 (isigaba sokuqala). “Ngalesosikhathi kwezwakala izwi lika Jesu, lithi. ‘Umusa Wami unanele nonke’ (2 Korinte 12:9). Ubuso babangcwele bakhazimula, nenjabulo yagcwalisa izinhliziyo zabo. Izingelosi zashaya inodi eliphakeme zahlabelela futhi lapho zisondela eduze komhlaba.”-Ibid. c. Kuyini abalandeli bakaKrestu abazokusho ekubuyeni Kwakhe kuyena amathemba abo eqondiswe khona, lokhu kungasikhuthaza kanjani manje? Isaya 25:9. “Kubalandeli Bakhe abathembekile uKrestu ubengumhlanganyeli wabo nsukuzonke futhi engumngane ojwayelekile. Baphile Naye ngokuthintana okusondelene, ngobudlelwane njalo noNkulunkulu. Phezu kwabo inkazimulo yeNkosi ivukile. Kubona ukukhanya kolwazi lwenkazimulo kaNkulunkulu ebusweni bukaJesu Krestu kuthe kwabonakaliswa. Manje bathokozela imisebe engacinywanga yokukhanya kanye nenkazimulo yeNkosi nobukhosi Bayo. Balungiselwa ubudlelwane nezulu, ngoba banezulu enhliziyweni yabo.“Ngezinhloko eziphakanyisiwe, nangemisebe ekhazimulayo yeLanga Lokululnga likhanya phezu kwabo, ngokujabulela ukuthi ukuhlengwa kwabo kusondele, baphuma ukuhlangabeza uMyeni.”-Christ’s Object Lessons, p. 421.“Ingabe silungisela ukuhlangabeza uMsindisi ngokuthula, noma sigwinywe imisebenzi yomhlaba kanye nenjabulo? Akufanele yini sizame ukuba phakathi kwenani elizohlangabeza uKrestu?”-The Signs of the Times, 17 Mbasa, 1901

---

4. UKUKHULULWA OKUHLONIPHEKILE OKUVELA EMHLABENI Ngolwesithathu 2 Ncwaba

a. Chaza isimanga esishaqisayo esizokwenzeka ekuvukeni kwabalungileyo. 1 Korinte 15:51-55. “INdodana yomuntu. Iyakubheka phezu kwamathuna abalungileyo, bese, iphakamisela izandla Zayo ezulwini, imemeze. ‘Vukani, vukni, vukani, nina enilele othulini, bayakuvuka!’ Ukusuka emagumbini omhlaba kubude nobubanzi bawo abafileyo bazolizwa izwi, nabalizwayo bavuke baphile.”-The Great Controversy, p. 644. b. Kuqondana kanjani lokhu nokwahlulela kokuhlolisisa okubabalele ukuba bafanele iphakade, futhi kuyini okungasenza singayeki ukucabanga ngalokhu? 1 Peter 4:17-19; Luka 20:35 (isigaba sokuqala), 36. “Lapho izincwadi zemibiko zivulwa ekwahlulelweni, izimpilo zabobonke abakholwa nguJesu beza bema phambi kukaNkulunkulu. Kuqalwa kulabo abaphila kuqala emhlabeni, uMmeli wethu alethe amacala abo ngamunye ngokulandelana kwezizukulwane, agcine ngabaphilayo. Wonke amagama ayabizwa, icala ngalinye lihlolisiswa kakhulu. Amagama ayabizwa, amagama ayenqatshwa.“Labo bonke abaguquke ngokweqiniso esonweni, ngokukholwa babiza igazi likaKrestu njengomhlatshelo wabo ohlengayo, bathole ukuxolelwa namagama abo alotshwa ezincwadini zezulu, njengoba bangabahlanganyeli bokulunga kukaKrestu, nezimilo zabo zitholakala zivumelana nomthetho kaNkulunkulu, izono zabo zizohlangulwa, nabo bazobalelwa njengabafanele ukuphila okuphakade.”-Ibid., p. 483. c. Kuyini okwenzeke kwabalungile-kulabo abaphilayo uma uJesu ebuya kanye nalabo abavuswe ngezwi Lakhe? 1 Korinte 15:49. “Ngephimbo likaNkulunkulu [abalungileyo abaphilayo] bangcweliswa; manje benziwa abangafiyo kanye nabangcwele abavusiwe bayahlwithwa ukuhlangabeza iNkosi yabo emoyeni.”-Ibid., p. 645.

---

5. UVUKO LOKUQALA NOLWESIBILI Ngolwesine 3 Ncwaba

a. Chaza isikhathi sokuvuswa kwabobonke abalungile, bese uchaza injabulo yabo. Isambulo 20:1-6 (qhathanisa futhi 1 Thesalonike 4:16, 17). “Kuze kufike lelohora lokunqoba, lapho icilongo lokugcina likhala nenani elikhulu lizovuselwa ukunqoba kokugcina, bonke abalungile abalele bazogcinwa bephephile futhi bazobhekwa njengamaparela ayigugu, abaziwa nguNkulunkulu ngegama. Ngamandla oMsindisi ohlala phakathi kwabo ngesikhathi besaphila futhi njengoba babengabahlanyeli bemvelo engcwele, nabo bavuswa ekufeni.”-The Faith I Live By, p. 185. b. Sifundile ukuthi ababi abanecala lokubethela uKrestu bazovuswa kanjani kuvuko olukhethekile; kodwa kunini lapho ababi bonke abafileyo beyobhekana noMdali wabo ngaphambi kokubhujiswa kwabo kokugcina, futhi kungani lokhu kungumcabango ozothile? 1 Korinte 6:3 (isigaba sokuqala); Isambulo 20:4, 5, 12-15. “Ekupheleni kweminyaka eyinkulungwane, uKrestu uzobuya futhi emhlabeni. Uphelekezelwa ibutho labahlengiweyo futhi ekhashwa yizingelosi. Njengoba ehla ngobukhosi obesabekayo, uvusa ababi abafileyo ukuthola isiphelo sabo. Mahluko muni okhona kulabo abavuswe kuvuko lokuqala. Abangcwele bambathiswa ngobusha obungapheli kanye nobuhle. Ababi bathwele amabala ezifo kanye nokufa.”-Ibid., p. 355.“Usuku nosuku uNkulunkulu uyavivinya futhi ukhuza abantu Bakhe. IZwi eliholwa ngumoya ngokusobala lithi ngemisebenzi yethu sinquma isiphelo sethu sephakade.”-Manuscript Releases, vol. 1, p. 278.

IMIBUZO YOMUNTU NGAMUNYE Ngolwesihlanu 4 Ncwaba

1. Ngubani obulawa masinyane lapho uKrestu eza ngamafu, futhi kungani? 2. Uvuko olukhethekile olwabani, futhi ngeyiphi inhloso ephindwe kabili ngalokho? 3. Ingabe ngibheke umzuzu kaIsaya 25:9, noma ngicabanga ukuthi uzakulibala? 4. Kungani ukwahlulela kokuhlolisisa kwenzeka ngaphambi kokuba uJesu afike? 5. Kungani iminyaka eyinkulungwane yenzeka ngaphambi kokuba ababi babhekane nesiphelo sabo?