1. UKUBONELA PHAMBILI IZEHLAKALO EZIZAYO NgeSonto 2 Ntulikazi

a. Kuyini iNdodana yomuntu eyakubikezela ngaphambili okuzokwenzeka kwithempeli elikhulu elalikhona osukwini Lwakhe-isehlakalo leso abafundi bayiqonde imfihlakalo? Mathewu 24:1, 2. “Njengoba ukunaka kukaKrestu kwathathekiswa ubukhulu betempeli, ingabe kwaba ngumcabango onjani ongephinyiswe ngalowo Owenqatshwa! Umbono ophambi Kwakhe wawumuhle kakhulu ngempela, kodwa wathi ngokudangala, ngiyakubona konke. Izakhiwo zinhle kakhulu. Nikhomba lezindonga kungathi azinakudilizwa; kodwa lalelani amazwi Ami. Usuku luyeza lapho ‘kungayikushiywa itshe phezu kwetshe, elingayikudilizelwa phansi’.”-The Desire of Ages, p. 627. b. Ngeyiphi Imibuzo eyahlaba umxhwele abafundi, futhi lokhu kwahlangana kanjani ngeziprofetho zikaKrestu maqondana nokuphela kwelizwe? Mathewu 24:3. “Ngokuchithwa kweJerusalema abafundi bahlanganisa izehlakalo zokuza kukaKrestu uqobo ngenkazimulo yesikhashana ukuthatha umbuso welizwe lonke, ukujezisa amaJuda angakholwa, nokukhululeka kwesizwe kwijoka lamaRoma. Inkosi yabatshela ukuthi izakuza ngokwesibili. Lapho ikhuluma ngokwahlulela phezu kweJerusalema, izingqondo zabo zaphendukela emuva kulokho kubuya.”-The Great Controversy, p, 25.

---

2. ISIPROFETHO ESAGCWALISEKA EMVA KOKWENYUKA KUKAKRESTU NgoMvulo 3 Ntulikazi

a. Yisiphi isixwayiso okumele sisiqaphele ngokuqondwe isimoya ngesiphela sethempeli ngo A.D. 70, ngobubunjalo njengoba uJesu eprofethile? Isaya 30:12, 13. “Ukuzithiba okufiphele kwabaholi bamaJuda, kanye nobugebengu obenyanyekayo bangeniswa ngaphakathi komuzi owavinjezelwa, kwavusa ukwesaba kanye nentukuthelo kwabaseRoma. Ekwesabeni kwabo amasotsha ajikitshela izibane ezivuthayo kumakamelo ahlangene netempeli, futhi ngemikhonto yazo abulala inani elikhulu elathola ukukhuselwa lapho. Igazi lageleza liphuma etempelini lehlela phansi njengamanzi. Izinkulungwane zezinkulungwane zamaJuda zabhubha. Ngaphezu komsindo wempi, amaphimbo ezwakala ememeza. ‘Ichabo!’-okusho ukuthi inkazimulo isukile.”-The Great Controversy, p. 33.“Kokubili umuzi kanye netempeli kwasuswa izisekelo zazo, kanye nendawo umuzi ongcwele owawumiswe phezu kwawo ‘uyakulinywa njengensimu’ (Jeremiya 26:18).”-Ibid., p. 35. b. Yisho eminye imicijo ebalulekile engasikhanyela ngokuthi kungayiphi indlela kuphela labo abaqaphela amazwi kaJesu abasinda ngayo. Luka 21:20-22; Amahubo 27:5. “Iminyaka eyisikhombisa umuntu waqhubeka ehla enyuka ezitaladini zaseJerusalema, ememezela usizi olwaluzokwehlela phezu komuzi. Lomuntu omangalisayo waboshwa futhi wahlushwa, kodwa akukho kukhononda okwaphuma emlonyeni wakhe. Lapho ethukwa noma ephathwa kabi waphendula wathi, Usizi, usizi eJerusalema.’ ‘Usizi, usizi kubo abakhileyo kulo.’ Ukumemeza kwakhe akuphelanga kwaze kwabayisikhathi ebulawa ekuvinjezelweni akubikezela ngaphambili.“Akukho noyedwa uMkrestu owabhubha ekubhidlizweni kweJerusalema. Ukrestu wanikeza abafundi Bakhe isixwayiso, bonke abakholwa ngamazwi Akhe babheka uphawu oluthenjisiweyo. [Luka 21:20-22 ngokucashunwa.]”-Ibid., p. 30.“Ku [Luka 21:20-22 ngokucashunwa.] Lesisixwayiso sanikezwa ukuba siqashelwe iminyaka engamashumi amane ezayo, sokuchithwa kweJerusalema.“Khulekani ukuba ukubaleka kwenu kungabi sebusika, nangeSabatha,’uKrestu wathi (Mathewu 24:20). Iminyaka engamashumi amane emva kokufa Kwakhe [Isabatha] kwamele ligcinwe lingcwele. Iminyaka engamashumi amane abafundi kwakumele bakhuleke ukuthi ukubaleka kwabo kungabi ngosuku lweSabatha.”-The Desire of Ages, p. 630.

---

3. UMZUZU WESIKHATHI ESIPROFETHIWE- IZIKHATHI ZOBUMNYAMA Ngolwesibili 4 Ntulikazi

a. Kuyini ekugcineni okuzokwehlela abakholwayo emva kokuchithwa komuzi wonke wase-Jerusalema ngo A.D. 70? Mathewu 24:21, 22. “Ukusuka ekudilizweni kweJerusalema, uKrestu wedlulela masinyane kwizehlakalo ezinkulu, ukuxhumana kokugcina kwiketanga lembali yalomhlaba-ukuza kweNdodana kaNkulunkulu ngobukhosi kanye nenkazimulo. Phakathi kwalezi zehlakalo ezimbili, zibeka ngokusobala umbono kaKrestu iminyaka engamakhulu edlule yobumnyama, iminyaka engamakhulu ngebandla Lakhe iphawulwa ngegazi kanye nezinyembezi nobuhlungu.”-The Desire of Ages, pp. 630, 631. b. Kungayiphi indlela lesikhathi sembali efanayo sezinhlupho esifanekiswa ngaso kwisiprofetho encwadini yeSambulo? Isambulo 11:2, 3; 13:5. c. Yimuphi umbhalo ofingqayo ngesikhathi sesiprofetho esisiza ukuba siqonde ukuthi singalinganisa kanjani ngokwezibalo ubude bangempela balesikhathi, sigcina engqondweni ukuthi ukubalwa kwesiprofetho kuyizinsuku ezingu 30 zenyanga kanye nezinsuku ezingu 360 unyaka ngamunye? Numeri 14:34; Hezekeli 4:6. “Ukuchithwa kwemiBhalo ngaphansi kombuso wamaRoma, umphumela owesabekayo wokucindezela, nokuphakanyiswa kokugcina izwi likaNkulunkulu, zifanekiswa ngokusobala ngosiba lomprofethi. UJohane eyedwa esiqhingini sasePhatmose wanikwa umbono weminyaka engu 1260 phakathi kwawo amandla ompapa avunyelwa ukunyathelela phansi umthetho kaNkulunkulu.”-The Spirit of Propecy, vol. 4, p. 188.“Izinyanga ezingamashumi amane nambili ziyafana ‘njengesikhathi nezikhathi nenxenye yesikhathi,’ iminyaka emithathu nenxenyenye, noma izinsuku ezingu 1260, zikaDanyeli 7-isikhathi lapho amandla obupapa kwakufanele acindezele abantu bakaNkulunkulu. Lesisikhathi saqala ngokuzikhukhumeza kompapa, A.D. 538, saphela ngo 1798. Ngalesosikhathi umpapa waboshwa ngamasotsha aseFrance, amandla ompapa athola inxeba elibulalayo, nesiprofetho sagcwaliseka, ‘Uma ekhona oyiswa ekuthunjweni, uya naye ekuthunjweni’ (Isambulo 13:10).”-The Great Controversy, p. 439.

---

4. IZEHLAKALO EZINTATHU EZIBALULEKILE Ngolwesithathu 5 Ntulikazi

a. Ngaphambi kokuphela kwesikhathi sesiprofetho ngonyaka ka-1260 (kusukela ekuhlushweni ngempela “okwancishiswa”), zimpawu zini kwimvelo ezibonisa ukuthi ukubuya kukaJesu kuseduze? Mathewu 24:29, 30; Mark 13:24-26; Isambulo 6:12, 13. b. Hlolisisa leziprofetho ngasinye. Ngokuya ngombhalo ofunzelelwayo kanye nomlando, yisiphi esenzeka kuqala? Isambulo 6:12. “Ekugcwalisekeni kwalesiprofetho [sikaSambulo 6:12] kwenzeka, ngonyaka ka1755, ukuzamazama komhlaba okwesabekayo okuke kwalotshwa ngakho. Noma ngokuvamile kubizwa ngokuzamazama kwaseLisbon, kwedlulela kwinxenye enkulu yaseEurope, Africa, kanye neAmerika. Kwezwakala naseGreenland, eWest Indies, nakwisiqhingi saseMadeira, eNorway naseSweden, eGreat Brittain naseIreland. Ukusabalala kwakho kungububanzi obungaphezu kwezigidi ezine zamamayela ayisikwele.”-The Great Controversy, p. 304. c. Kungayiphi indlela isiprofetho maqondana nelanga kanye nenyanga esagcwaliseka ngayo? Marako 13:24. “Izinsuku ezingu 1260, noma iminyaka, yaphela ngo 1798. Ikota yeminyaka eyikhulu ngaphambili, ukushushiswa kwase-kunqamukile cishe ngokuphelele. Ngokulandela lokushushiswa, ngokuya ngamazwi kaKrestu, ilanga kwakufanele lifiphale.”-Ibid., p. 306.“Ngezi 19 kuNhlaba, ngonyaka ka 1780, simi emlandweni njengo ‘Usuku Olumnyama.’ Kusukela esikhathini sikaMose asikho isikhathi sobumnyama obunzima obufanayo, nobedlulele, nokwahlala isikhathi, okuke kwalotshwa. Ukuchazwa kwalesehlakalo, njengoba sinikezwa yilowo owasibona ngamehlo, kuyisinanelo samazwi eNkosi, ‘Ilanga liyakuphenduka ubumnyama, inyanga ibe yigazi, lungakafiki usuku olukhulu nolwesabekayo lukaJehova’ (Joweli 2:31).”-Ibid., p. 308. d. Kungayiphi indlela isiprofetho sezinkanyezi esagcwaliseka ngayo? Marako 13:25; Isambulo 6:13. “[KuSambulo 6:13 ngokucashunwa.] Lesiprofetho sathola ukugcwaliseka okumangalisayo nokunesithunzi ngesilinganiso esikhulu esabonakala ngezi 13 kuLwezi, ngonyaka ka1833. Lona kwaba ngumbono omkhulu nomangalisayo wokuwa kwezinkanyezi oke kwalotshwa ngaphambili.”-Ibid., p. 333.

---

5. SILETHELWE UKUNIKA AMANDLA Ngolwesine 6 Ntulikazi

a. Ngaphandle kwezehlakalo ezintathu ezinkulu zemvelo uKrestu azinika njengezimpawu zokubuya Kwakhe masinyane, yisho ezinye izimpawu, futhi uchaze ukuthi zigcwaliseka ngokushesha kanjani ukuya phambili. Mathewu 24:6-12; Marako 13:7-9; Luka 21:9-11, 25-27. b. Kuyini esingakukhumbula uma sibheka lezimpawu? Luka 17:26; Jeremiya 8:11, 12. “Izehlakalo, ukuzamazama komhlaba, izikhukhula, izingozi emhlabeni nasolwandle, zizokhula. Unkulunkulu ubheke umhlaba namuhla njengoba awubheka nangesikhathi sikaNowa. Uthumele isigijimi Sakhe kubantu namuhla njengoba asithumela ezinsukwini zikaNowa. Kukhona namuhla emhlabeni ukuphindeka kobubi kumhlaba ongaphambi kukazamcolo.”-The Advocate, 1 Zibandlela, 1900. c. Kungani singakhuthazwa iziprofetho uma zigcwaliseka? 1 Samuweli 12:16; 1 Peter 2:9. “Labo abamukela imfundiso yokubonakala Kwakhe bavuswa benesidingo sokuphenduka kanye nokuthotshiswa phambi kukaNkulunkulu. Abaningi ababekade bemile phakathi kukaKrestu kanye nelizwe; manje bazizwa ukuthi kuyisikhathi sokuba bathathe unyathelo. ‘Izinto zephakakade okwakucatshwangwa kubo njengento engavamile impela. Izulu lalethwa eduzane, bazizwa ngokwabo benecala phambi kukaNkulunkulu.”-The Great Controversy, p. 340.

IMIBUZO YOMUNTU NGAMUNYE Ngolwesihlanu 7 Ntulikazi

1. Ngo A.D. 70, kungani uNkulunkulu avumela ithempeli elihle kakhulu ukuba lidilizwe? 2. Kungani umuntu onesizungu ememezela usizi oluqonde eJerusalema angasindanga? 3. Sazi kanjani ukuthi usuku ngesikhathi sesiprofetho lulinganiswa njalo nonyaka? 4. Yisho izinsuku zezimpawu ezintathu ezinkulu zokubuya masinyane kukaKrestu. 5. Njengoba ngibona izimpawu zigcwaliseka, mandla-mani engivuma enzeke kimi?