1. UKUBUYISELA OKUFUNDISWA NGAMANDLA NgeSonto 10 Mandulo

a. Yisiphi isiprofetho esithwele ukubaluleka okukhethekile ekulungiseleni ukuhlangana neNkosi? Malaki 4:5. “Ngalesikhathi, ngaphambi kokubuya kwesibili kukaJesu ngamafu ezulu, uNkulunkulu ubiza amadoda azolungisela abantu ukuba beme ngosuku olukhulu lweNkosi.”-The SDA Bible Commentary [E.G.White Comments], vol. 4, p. 1184. b. UJesu wachazela kanjani abafundi Bakhe ukuqondiswa kwalesiprofetho ekuqaleni, futhi lokhu kuqondana kanjani nomsebenzi wethu manje? Mathewu 17:11-13. “Labo okumele balungise indlela yokubuya kukaKrestu okwesibili bafaniswa noEliya othembekile, njengoba uJohane weza ngomoya kaEliya ukulungisa indlela yokuza kukaKrestu okokuqala. Isihloko esikhulu semvuselelo kumele sinyakaziswe, ingqondo yabantu bonke kumele ishukunyiswe. Ukuzithiba ezintweni zonke kumele kuhlanganiswe nesigijimi, ukuguqula abantu bakaNkulunkulu basuke ezithombeni, ekuminzeni kwabo, nokuchitha kwabo imali ngokwembatha kanye nezinyo izinto.”-Testimonies, vol. 3, p. 62.

---

2. LUNGISANI INDLELA YENKOSI NgoMvulo 11 Mandulo

a. Yisiphi isigijimi esinamandla uJohane umbhapatizi asimemezela, futhi kungani kufanele nathi senze ngokunjalo? Luka 1:16, 17; Mathewu 3:2, 8. “[UJohane uMbhapathizi] wabona abantu bakhe bekhohliswa, bezidelisile, futhi belele ezonweni zabo. Walangazela ukubavusa baye ekuphileni okungcwele. Isigijimi uNkulunkulu amuphe sona ukuba asithwala sasimiselwe ukubethusa basuke ebuthongweni, sibenze ukuba bathuthumele ngenxa yobubi babo obukhulu. Ngaphambi kokuba imbewu yevangeli ingathola indawo, umhlabathi wenhliziyo kumele uqhibulwe. Ngaphambi kokuba bafune ukwelashwa kuJesu, kufanele bavuswe engozini yabo basuke kumanxeba esono.“UNkulunkulu akathumeli izithunywa ukuba zithophe noma zidude izoni. Akalethi isigijimi sokuthula ukulalisa abangangcweliswanga bangene ekulondekeni okubulalayo. Ubeka imithwalo enzima kunembeza walowo owenza isiphambeko, abhobhoze umphefumulo ngomcibisholo wokulahlwa icala.”-The Desire of Ages, pp. 103, 104. b. Nika izibonelo zokuthi kungayiphi indlela isigijimi sikaEliya sibuyisela impilo yasekhaya, nokuthi wacatshangelwa phambili kanjani umsebenzi kaJohane umbhapatizi. Malaki 2:13-17; 4:6. “UJohane watshelwa iqiniso lokuthi [uHerodi] wayezoshada unkosikazi womfowabo, ngesikhathi leso umyeni wakhe esaphila, ngokuthembeka watshela uHerodi ukuthi lokho kwakungekho emthethweni.”-Early Writings, p. 154. c. Kuyini okuchaza “umoya namandla kaEliya,” nokuthi ngubani omemezela lesigijimi namuhla? 1 Amakhosi 18:17, 18, 21; Isambulo 12:17. “Abaningi ababugxeki ububi, funa badela isikhundla sabo noma udumo lwabo. Kwabanye bubhekwa njengento yokungabi namhawu ukukhuza isono. Inceku kaNkulunkulu akufanele ivumele umoya wakhe uhlanganiswe nokukhuza lokho afanele akwenze; kodwa ungaphansi kwesibopho esizothile sokuletha iZwi likaNkulunkulu, ngaphandle kokwesaba noma umusa. Kumele abize isono ngegama laso. Labo ngobudlabha babo noma ukungakhathali bavumele igama likaNkulunkulu lihlanjalazwe ngabantu bakhe abazishoyo, babalwa ndawonye nabeqa umthetho, babhalwa ezincwadini zezulu njengabahlanganyeli bezenzo zabo ezimbi.”-Signs of the Times, 21 Mbasa, 1881.

---

3. UMSEBENZI WOKUGCINA Ngolwesibili 12 Mandulo

a. Kuyini okubuyekeza ubizo oluphuthumayo lwehora? Isambulo 14:6-13; 18:1-4. “Ekupheleni komsebenzi kaNkulunkulu emhlabeni, izinga lomthetho Wakhe lizophakanyiswa futhi. Inkolo yamanga ingavama, ububi bungaba buningi, uthando lwabaningi lungaphola, isiphambano saseKhalvari singalahlekelwa ngumbono, kanye nobumnyama, njengengubo emnyama yokufa, ingasibekela umhlaba, amandla onke omsinga ovamile angaphendukela iqiniso, uzungu emva kozungu lungakhiwa ukuchitha abantu bakaNkulunkulu, kodwa ngehora lengozi enkulu uNkulunkulu kaEliya uzovusa izisebenzi ezingabantu ukuthwala isigijimi esingeke sathuliswa. Emadolobheni adumile elizwe, nezindawo lapho umuntu efinyelele kude kakhulu ekukhulumeni emelene noSomandla, izwi lokukhuza okuqinile lizozwakala. Ngesibindi abantu abakhethwe nguNkulunkulu bazolahla ukuhlangana nebandla kanye nomhlaba. Ngokukhuthazela bazobiza abesilisa nabesifazane bashiye ekugcineni isimiso esenziwe ngumuntu bagcine iSabatha leqiniso.”-Prophets and Kings, pp. 186, 187. b. Kuyini njalo okumele kubesobala emazwini ethu kanye nempilo? Johane 1:29; 14:12; 2 Korinte 4:5-7. “Imisebe yokugcina yokukhanya okunobubele, isigijimi sokugcina somusa sizonikezwa emhlabeni, kuyisambulo sesimilo Sakhe sothando. Abantwana bakaNkulunkulu kumele babonakalise inkazimulo Yakhe. Ngokuphila kwabo kanye nesimilo kumele bembule lokho umusa kaNkulunkulu obenzele kona. .“Ukukhanya kweLanga Lokulunga kukhazimule kuqhubekele phambili ngemisebenzi emihle, ngamazwi eqiniso nezenzo zobungcwele.”-Christ’s Object Lessons, pp. 415, 416. c. Umsebenzi kaNkulunkulu ekugcineni uzopheleliswa kanjani? Zakariya 4:6; Isaya 28:21. “INkosi izosebenza kulomsebenzi wokugcina ngendlela edlulele kakhulu kunohlelo oluvamile lokwenza izinto, futhi nangendlela leyo ezohluka kakhulu kunoma yiliphi icebo lomuntu.”-Evangelism, p. 118.

---

4. UNGATHOLA KANJANI UKUHLUNYELELWA Ngolwesithathu 13 Mandulo

a. Kuyini okumele kaningi sikuqonde njengesihluthulelo esiqotho nesifanele sokuba namava oMoya Ongcwele ngokugcwala kwamandla emvula yamuva? Isaya 57:15. “Kuzobakhona ngaphakathi kwethu abazothanda njalo ukulawula umsebenzi kaNkulunkulu, nokunikeza amazwi nalapho ukuhanjiswa kwezinto sekwenziwe nalapho umsebenzi uqhubekela phambili ngaphansi kokulayela kwengelosi ehlangana nengelosi yesithathu ngesigijimi okufanele sinikezwe umhlaba. UNkulunkulu uzosebenzisa izindlela kanye nengcebo leyo ezobonisa ukuthi uthathela izintambo zombuso ezandleni Zakhe.”-Evangelism, p. 118.“Abantu abanethalenta elilodwa bazofinyelela kwixuku lelo abanamathalenta amabili noma amahlanu abangeke bafinyelela kubo. Abakhulu nabancane ngokufanayo bayizitsha ezikhethiwe ukuthwalela amanzi okuphila imiphefumulo eyomile. Labo abashumayela izwi mabangabeki izandla zabo kwisisebenzi esithobekile kakhulu bathi: ‘Kufanele usebenze ngalomzila noma ungasebenzi nhlobo.’ Susizandla zakho kimi, mzalwane. Wonke umuntu makasebenze endaweni yakhe, ngesikhali sakhe, enze lokho angakwenza ngendlela yakhe enesizotha. Qinisa izandla zakhe emsebenzini. Lesi akusona isikhathi sobufarisi ukulawula. UNkulunkulu makasebenzise lowo amthandayo. Isigijimi kufanele siqhubekele phambili.”-Testimonies, vol. 5, p. 462. b. Kungani imvula yamuva inikezwa, futhi kungani singakhuthazwa amandla okusebenza kwabafundi bokuqala? Izenzo 1:8; 4:33; Jeremiya 30:5-7. “Qaphela ukuthi lokhu kwenzeka kubafundi lapho bafinyelele ebunyeni, lapho bangasalweli izindawo eziphakeme, kwase kuthululwa uMoya. Babemunye. Konke ukungezwani kwabekelwa eceleni.“Abafundi abazange bacela isibusiso esingesabo. Babesinda ngumthwalo wemiphefumulo.“AmaKrestu mawabekele eceleni konke ukungezwani bazinikele kuNkulunkulu ukusindisa abalahlekileyo. Mabacele ngokukholwa isibusiso esithenjisiwe, futhi sizofka.”-Ibid., vol. 8, pp. 20, 21.“Njengoba isigijimi simenyezelwa ngezwi elikhulu, futhi nalapho amandla nodumo eqaphela umsebenzi wokugcina, abantu bakaNkulunkulu abathembekile bazohlanganyela leyonkazimulo. Yimvula yamuva evuselelayo nebanika amandla ukuba badlule esikhathini sohlupho.”-Ibid., vol. 1, p. 353.

---

5. UMSEBENZI OTHOKOZISAYO KAKHULU Ngolwesine 14 Mandulo

a. Yiliphi ithuba eliphambi kwethu manje? Thithu 2:13; 2 Korinte 6:1, 2. “Bazalwane bami nodade, bheka amacebo akho; bamba lonke ithuba lokukhuluma nomakhelwane wakho nabangane noma ubafundele okuthize okuqukethe iqiniso lanamuhla. Bonisa ukuthi ubheka ngokubaluleka ukusindiswa kwemiphefumulo leyo uKrestu abenzela umhlatshelo omkhulu.“Ngokusebenzela imiphefumulo ebhubhayo, unabangane abayizingelosi. Izinkulungwane phezu kwezinkulungwane, nezinkulungwane eziyishumi eziphindwe kashumi zezingesi ezilindele ukusizana namalunga amabandla lethu ukwazisa ngokukhanya lokho uNkulunkulu ngomusa wasinika kona, ukuze umuntu angalungisela ukuza kukaKrestu.”-Testimonies, vol. 9, p. 129. b. Chaza umphumela omangalisayo ozokwenzeka lapho uMoya Ongcwele uthululwa ngaphandle kwesilinganiso. Zakariya 8:23; Isaya 44:3, 4; 61:11. “Imbewu itshaliwe, futhi manje izohluma ithele isithelo. Izincwajana zisabalalisiwe izisebenzi ezingabavangeli zagcizelela imifutho yazo, nokho abaningi izingqondo zabo zazwisisa zither zavinjelwa ukucabanga ngokuphelele iqiniso noma ukunikela ukulalela. Manje imisebe yokukhanya ingeniswa yonke indawo, iqiniso libonwa ngokukhanyayo, nabantwana abathembekile bakaNkulunkulu banquma izintambo ebezibabophile. Ukuxhumana kwemindeni, ubudlelwane bebandla, azisenamandla okubagcina manje. Iqiniso liyigugu kakhulu kunalokho okuseceleni.”-The Great Controversy, p. 612.

IMIBUZO YOMUNTU NGAMUNYE Ngolwesihlanu 15 Mandulo

1. Kuhambisana kuni okukhona phakathi komsebenzi wethu kanye nalowo kaEliya noJohane umbhapathizi? 2. Kungayiphi indlela ukubuyiselwa okudingekayo namuhla kuhlanganisa noMthetho Oyishumi? 3. Finga izimpawu zesimilo zalabo abazothola imvula yamuva. 4. Kungasiphi isisekelo engingaba sengozini ngaso sokulahlekelwa ithuba elimangazayo? 5. Kungani umphumela wemvula yamuva uthokozisa ngokungakholeki uma ukubona?