1. UKUBHUJISWA KWENKANYEZI EWILEYO NgeSonto 24 Mandulo

a. Kuyini okuzokwenzeka kumhlaba wethu lapho uMdali wawo esebuya? Isaya 24:1, 3, 5, 6; Jeremiya 4:23-26. “Ekubuyeni kukaKrestu ababi bayasuswa ebusweni bomhlaba wonke-bechithwa ngomoya womlomo Wakhe babhujiswe ukukhanya kwenkazimulo Yakhe. UKrestu uthatha abantu Bakhe ebayisa eMzini kaNkulunkulu, nomhlaba usala ungenabo abakhileyo kuwo.“Umhlaba wonke ubonakala njengehlane elichithakele. Incithakalo yamadolobha kanye nemizi ebhujiswe ukuzamazama komhlaba, izihlahla ezisiphuliwe, amadwala amanikiniki aphonselwe ngaphandle ulwandle noma adwengulwe ngumhlaba ngokwawo, asakazeke phezu komhlaba.”-The Great Controversy, p. 657. b. Kuyini okuzokwenzeka kulowo othe wonakalisa lomhlaba? Isambulo 20:1, 2. “[Jeremiya 4:23-26 ngokucashunwa.] Lapha kumele kube yikhaya likaSathane kanye nezingelosi zakhe ezimbi iminyaka eyinkulungwane.”-Ibid., p. 659.

---

2. IMINYAKA EYINKULUNGWANE NgoMvulo 25 Mandulo

a. Chaza indlela leyo uSathane azoboshwa ngayo iminyaka engu 1000. Isambulo 20:3. “Elinganiselwe emhlabeni, [uSathane] angeke asondele kwamanye amazwe ukulinga nokucunula labo abangaze bawela esonweni. Kungalomqondo wokuthi uboshiwe, abeekho abasele, labo angasebenzisa phezu kwabo amandla akhe. Uvinjelwe ngokuphelele emsebenzini wakhe wokudukisa nokonakalisa lokho iminyaka eminingi kuyilokho kuphela akuthokozelayo.“Ngisho nababi babekwe ngaphezu kwamandla kaSathane, eyedwa nezingelosi zakhe ezimbi usalele ukuqonda umphumela wesiqalekiso leso isono esiwulethile.“Iminyaka eyinkulungwane, uSathane uzakuzulazula ehla enyuka emhlabeni ongenalutho ukubona umphumela wokuhlubuka kwakhe emelene nomthetho kaNkulunkulu. Ngalesikhathi ukuhlupheka kwakhe kunamandla.”-The Great Controversy, pp. 659, 660. b. Ngumsebenzi-onjani owenziwa ezulwini yilabo abasindisiwe bevela kuzozonke izizukulwane ezizonyuka ukuhlangabeza uKrestu emoyeni? Isambulo 20:4, 6; 1 Korinte 6:2, 3. “Bekanye noKrestu [abangcwele] bazakuhlulela ababi, beqhathanisa izenzo zabo kanye nencwadi yomthetho, iBhayibheli, futhi benquma wonke amacala ngokuya ngezenzo ezenziwe emzimbeni.“USathane kanye nezingelosi ezimbi bazohlulelwa nguKrestu kanye nabantu Bakhe.”-Ibid., p. 661. c. Ngeyiphi indawo emhlabeni uKrestu kanye neJerusalema Elisha elehla livela ezulwini ekupheleni kweminyaka eyinkulungwane? Zakariya 14:4, 9; Isambulo 21:1, 2. “Njengoba iJerusalema Elisha, ngobuhle balo obuphandlayo, lehlela phansi livela ezulwini, lizohlala endaweni ehlanzekile eyenziwe yalungela ukulamukela, noKrestu, ekanye nabantu Bakhe nezingelosi, bangena Emzini Ongcwele.”-Ibid., p. 663. d. Sobanjani isimo sabantu abavuswa emva kweminyaka eyinkulungwane? Isambulo 20:5 (isigaba sokuqala), 7, 8.

---

3. INKOHLISO PHAKATHI KOKUBHUJISWA Ngolwesibili 26 Mandulo

a. Chaza inkohliso yokugcina yokusongoza kukaSathane, futhi umphumela wayo wobanjani? Isambulo 20:9-15; Malaki 4:1. “Lapho ababi bevuswa [noSathane] ebona isixuku esikhulu kakhulu ohlangothini lwakhe, amathemba akhe avuka kabusha, wazimisela ukuthi angayeki impikiswano enkulu. Uzakuholela yonke impi yabalahliweyo ngaphansi kwebhanela lakhe futhi nangabo uzozama ukuphumelelisa amacebo akhe. Ababi bayizigqila zikaSathane. Ngokwenqaba uKrestu bamukele umthetho womholi ohlubukileyo. Balungele ukwamukela iziphakamiso zakhe nokwenza lokho akushoyo. Kepha, ngeqiniso lobuqili bakhe ngaphambili, akavumi ngokwakhe ukuthi unguSathane. Uzibiza ngenkosana engumnikazi ofanele umhlaba nefa lawo lithe lahlwithwa ngaphandle komthetho kuye. Uzibonakalisa ngokwakhe kulabo abadukisile abangaphansi kwakhe njengomhlengi, ebathembisa ukuthi kungamandla akhe abakhiphe emathuneni nokuthi uzobahlenga ekuhluphekeni okunolunya. Ubukhona bukaKrestu bususiwe, uSathane wenza izimangaliso ezixhasa lokho akushoyo. Wenza ababuthakathaka babenamandla futhi angenise enhliziyweni yabobonke umoya wakhe kanye namandla. Usongoza ukubaholela bamelana nekamu labangcwele nokuthatha Umuzi kaNkulunkulu.“Uhlela kahle amasotsha abeyizinhlu eziminyene eziqhubekela phambili phezu komhlaba odabukileyo nobuso bawo obungalingani ukuya Emzini kaNkulunkulu. Ngezwi likaJesu, amasango eJerusalema Elisha ayavalwa, namasotsha kaSathane azungeza umuzi elungele ukuwusukela.”-The Great Controversy, pp. 663, 664.“Umlilo wehlela phansi uvela kuNkulunkulu ezulwini. Umhlaba wavuleka phakathi. Izikhali ezashwathukela ekujuleni kwawo ziyakhishwa. Amalangabi ashisayo aqhubuka kuzozonke izikhoxi ezizamulayo. Amadwala ngokwawo avutha umlilo.“Ababi bathola inkokhelo yabo emhlabeni. Abanye babhujiswa ngomzuzu, lapho abanye behlupheka izinsuku eziningi. Bonke bajeziswa ‘ngokuya ngezenzo zabo’ (Amahubo 28:4). Izono zabalungileyo sezidluliselwe kuSathane, wenziwa ukuba ahlupheke kungesikho ngohlubuko lwakhe kuphela, kodwa ngezono zonke zabangcwele abangele ukuba bazenze. Isijeziso sakhe sizoba sikhulu kakhulu kunalabo abakhohlisile. Emva kokuba sebebhubhe bonke abawe ngenxa yenkohliso yakhe, uzakuphila futhi ahlupheke ukuya phambili. Ngamalangabi ahlanzayo ekugcineni ababi babhujisiwe, impande kanye namagatsha-uSathane oyimpande, abalandeli bakhe amagatsha. Iisijeziso esiphelele somthetho sithe sahanjelwa; izimfuno zokulunga kuhlangabezane nazo; izulu nomhlaba, bheka, zimemezela ukulunga kukaJehova.”-Ibid., pp. 672, 673.

---

4. UKUGCINELWA IPHAKADE Ngolwesithathu 27 Mandulo

a. UKrestu uvikela kanjani abangcwele kumlilo ongacimeki? Amahubo 84:11. “Lapho umhlaba umbozwe ngomlilo obhubhisayo, abangcwele bahlala ngokuphepha emzini Ongcwele.”-The Great Controversy, p. 673. b. Yisiphi esahlakalo esijabulisayo esingumqhele wokuhlanjululwa komhlaba? Isambulo 21:1. “Umlilo obhubhisa ababi nguwona ohlanza umhlaba. Wonke umkhondo wesiqalekiso uyakhucululwa. Akukho isihogo esivutha ingunaphakade esizobonwa njalo ngabahlengiweyo umphumela owesabekayo wesono.”-Ibid., p. 674. c. Kithina namuhla, esihlezi kulomhlaba ogcwele ukuhlupheka kanye nezinkinga, kukuphi lapho esingabheka khona ikhaya lethi laphakade? 2 Peter 3:13; 1 Korinte 2:9. “Ulwimi oluphakeme kakhulu liyehluleka ukuchaza inkazimulo yezulu noma ukujula okungenakufaniswe kothando loMsindisi.”-Early Writings, p. 289.“Ukwesaba kokwenza ifa labangcwele libonakale njengelifuyile liholele abaningi bangabi nencazelo yokomoya ngamaqiniso asenza sibheke umhlaba omusha njengekhaya lethu. UKrestu wathembisa abafundi Bakhe ukuthi uyobalungisela indawo. Labo abamukela izimfundiso Zezwi likaNkulunkulu bazokwazi ngokuphelele maqondana nekhaya lasezulwini.”-The Story of Redemption, p. 430. d. Incazelo enjani emangalisayo uJohane asinika yona ngomhlaba omusha? Isambulo 21:3, 4; 22:1-5. “Kukhona imifula yamanzi egeleza njalo, ecwebezela njengekristalu, futhi phakathi kwayo kukhona imithi ebhenguzayo eletha umthunzi wazo endleleni elungiselwe abahlengiweyo beNkosi. Lapho kukhona uphengelezi lwamathafa awela emagqumeni amahle, nezintaba zikaNkulunkulu zakha iziqongo eziphakeme. Kulamathafa athulile, phambi kwemifula yamanzi aphilayo, abantu bakaNkulunkulu, isikhathi eside beyizihambi nabafokazi, bazothola ikhaya.”-The Great Controversy, p. 675.

---

5. INJABULO ENGAPHELIYO Ngolwesine 28 Mandulo

a. Yisimo esinjani okumele sibuyiselwe emhlabeni omusha? Isaya 35:5-10; 65:25. Impilo yasezulwini ifanekiswa kanjani? “Ngabona insimu yotshani obude, enhle kakhulu uma uyibheka; inobuluhlaza obuphilayo futhi ibuyisa ukukhanya okuyisiliva negolide, njengoba kundiza ngokuzidla kwinkazimulo yeNkosi uJesu. Sangena ensimini igcwele zonke izinhlobo zezilwane-ibhubhesi, iwundlu, ingwe, impisi, zindawonye zonke ngobunye obuphelele.”-Early Writings, p. 18.“Lezo ezibhevayo ziba ngezizothile, nalezo ezikhophozayo ziyathembeka.”-Education, p. 304. b. Kuphezu kukabani yonke into ezobe iqondiswe kuye ingunaphakade, futhi lokhu kuzobuyiselwa kanjani? Zakariya 13:6; Isambulo 7:15-17; 5:13. “Akukho ukuvutha kwesihogo ingunaphakade okuzogcinwa phambi kwabahlengiweyo umphumela owesabekayo wesono. Isikhumbuzo esisodwa kuphela esizosala; uMhlengi wethu uzothwala ingunaphakade amanxeba okubethelwa Kwakhe.”-Spiritual Gifts, vol. 4, p. 489.“Iminyaka engunaphakade, njengoba ihamba, izoletha ngokunothile nangenkazimulo enkulu izambulo zikaNkulunkulu noKrestu. Njengoba ulwazi lukhula, kanjalo nothando, inhlonipho, kanye nenjabulo kuzokhula. Njengoba abantu befunda kabanzi ngoNkulunkulu, nokubabaza isimilo Sakhe kuzoba kukhulu kakhulu.“Impikiswano enkulu iphelile. Isono kanye nezoni akusekho. Izulu nomhlaba kuhlanzekile. Ukugxuma okukodwa kokuvumelana kanye nenjabulo kuzwakala ezindaweni zonke. Ukusuka Kuye owadala konke, kugobhoza ukuphila nokukhanya kanye nenjabulo, phakathi kombuso nomkhathi ongenamkhawulo. Ukusuka kwinto encane ukuya kumhlaba omkhulu, zonke izinto, ezizwayo nezingezwa, ngobuhle bazo obungasithiwe nangenjabulo ephelele, zimemezela ukuthi uNkulunkulu uluthando.”-The Great Controversy, p. 678.

IMIBUZO YOMUNTU NGAMUNYE Ngolwesihlanu 28 Mandulo

1. Kungani kubaluleke kangaka ukulungiselela ukuza masinyane kukaKrestu? 2. Chaza inhloso engaqondwa kaningi ngenhloso yeminyaka eyinkulungwane? 3. Chaza icebo lokugcina likaSathane, nokuthi kungani abantu bazokhohliseka ngalo? 4. Kuyini esikudingayo ukuze siqonde ngokuphila emhlabeni owenziwe kabusha? 5. Siyiyini isihloko sephakade, futhi kungani kumele sisithokozele manje?