Pauna a Sarita
Dagiti Pangsabado a Leksion para iti sumaruno a dua a kuarter isu ti panangamiris kadagiti ipaspasimudaag ti Libro ni Isaias.
Ti libro ni Isaias ket saan a naisurat basar kadagiti agsasaruno a paspasamac kas iti maysa a pakasaritaan. Kaaduan a linaonna ket dagiti padto a maipasimudaag a naited iti daytoy nga adipen ti Dios babaen kadagiti parparmata ken nabilin nga isuratna para iti pakasursuroan ken pakalawlawagantayo.
Iti innem a pulo a tawtawen wenno nasursuroc pay nagtacder ni Isaias iti sango dagiti annac ni Juda kas propeta ti namnama, tumurtuted ken tumurtured pay iti panangipadtona iti masacbayan a balligi ti iglesia.” – PK, p. 310.
“Dagiti balbalacad ti propeta iti Juda a kumita iti sibibiag a Dios, ken awaten dagiti naparabor a diayaNa, ket saan a napaay. Adda dagiti sipapasnec a nangipangag ket naglikodanda dagiti didiosenda tapno agdayawda ken Jehova. Nasursuroda ti mangbigbig a ti Namarsua ket managayat, naasi ken mannaki-pagrikna. Ket kadagiti nasisipnget nga alaldaw a simmangbay iti pakasaritaan ti Juda, idin a dagiti laeng natda ti nabati iti daga, ‘Iti dayta nga aldaw,’ impacdaar ni Isaias, ‘dagiti tattao bigbigendanto ti Namarsua cadacuada, ket dagiti matada agraemdanto iti Santo ti Israel. Ket didanto kumita kadagiti al-altar, nga aramid dagiti im-imada, ket didanto met pagdayawan dagiti inaramid dagiti ramramayda, uraypay dagiti Asherim, wenno cadagiti ladladawan’ Isaias 17:7, 8). – Ibid., p. 320.
Ditoy a makitatayo ti repormasyon a naisangbay babaen iti tulong ti naipadto a misyon ni Isaias. Saan kadi a maipada met ti tiempo ti kasta a repormasyon ita? Sigurado a makitatayo no apay a napateg unay dagitoy a leksion para kadatayo iti panagsagsagana para iti kaudian nga ocom – a naisao kadatayo, a “kasapulan a mangrugi iti balay ti Dios’ (1 Pedro 4:17).
Silalawag unay a makitatayo a ti kinadalus ken kinasanto ket napapateg a tema nga isu ti impaganetget ni Isaias. Saantayo kadi nga aramiden met ti kasta, bayat iti panagtacdertayo kadagiti beddeng ti nainlangitan a Canaan?
Importante ti Repormasyon – ket makipagtrabaho iti panangpabileg iti narelihionan nga interes. Iti sumaruno nga innem a bulan, dagiti dua ket agsingsinggalotda kas masarakan iti libro ni Isaias.
“Panangbiag ken repormasyon ti kasapulan a maaramid iti babaen ti panagannong ti Espiritu Santo. Ti panangbiag ken repormasyon ket dua a nagduma a banag. Ipaawat ti panangbiag ti pannakapabaro ti naespirituan a biag, pannakapabileg kadagiti pannacabalin ti panunot ken puso, panagungar manipud naespirituan a pannakatay. Ipaawat met ti repormasyon ti pannakaurnos manen, panangbaliw kadagiti kapanunotan ken teoria, ugali ken kannawidan. Ti repormasyon saanna nga isangbay ti naimbag a bunga ti kinalinteg malacsid no naisilpo iti panangbiag ti Espiritu. Ti panangbiag ken ti repormasyon aramidenda ti naituding nga aramidda ket iti panangaramid iti daytoy a trabaho kasapulan nga agtunosda.” – Ibid., Feb. 25, 1902.
Ibagnos coma ti Dios dagiti adaltayo, tapno magun-odantayo daytoy a kapadasan babaen Kencuana?
Ti Departamento ti Eskuwela Sabatina ti Conferencia Heneral
