Domingo
Hulio 31
1. NAGLABES NGA APOSTASIA
a. Ilawlawag ti pagpatinggaan dagiti saan a makaay-ayo a kasasaad a sangoen dagiti sumagmamano a namatalec iti Dios kabayatan ti panagturay ni Acaz, ari ti Juda. 2 Cronicas 28:1-4. Kasano ti panangiladawan ni Mikias iti situasyon? Mikias 7:2, 4.
“Ti yuuli ni Acaz iti trono ti nangisangbay kenni Isaias ken kadagiti kakaduana a naipasango kadagiti kasasaad a nakarkaro a makapabuteng ngem iti aniaman nga addan iti pagarian ti Juda. Adu kadagiti sigud a nakadaer iti makagargari nga inpluensia dagiti agdidiosen ti naallukoy ita a makipaset iti panagdaydayaw dagiti pagano. Dagiti prinsipe ti Israel ket mapanpanecnekan a saanen a napudno iti talecda; tumantanor dagiti palso a propeta nga addaan kadagiti mensahe a mangiyaw-awan; uray kadagiti sumagmamano a papadi ti agisursuro gapu iti tangdan. Ngem dagiti dadaulo ti apostasia pagtaltalinaedenda pay laeng dagiti porma ti nadiosan a panagdaydayaw ket tontonenda a maibilang kadagiti ili ti Dios.” – PK, p. 322.
“‘Dagiti mangiturturong kenca,’ . . . ‘pagbiddutendaca, ken dadaelenda ti turong dagiti dandanam’ (Isaias 3:12). Bayat ti panagturay ni Acaz daytoy ket pudno a pasamac. . . .
“Dagiti bileg para iti imbag ket napaspas ti panagpababada, dagiti bileg ti diablo ket napaspas ti panagadoda.” – Ibid., p. 324.
Lunes
Agusto 1
2. SAAN A NASANTOAN A PANAGKAKADUA
a. Ania ti indawat ti Dios kabayatan ti krisis idi tiempo ni Acaz? Mikias 6:1-5. Kasano nga inladawanNa ti situasyon, ken ania ti inaramidNa iti dayta? Isaias 28:5-13.
“Iti kada panawen, gapu man kadagiti nagtalinaed a napudno, kasta met a maigapu iti Awan Patinggana nga ayatNa para kadagiti agbidbiddut, ti Dios nabayag nga agan-anus kadagiti nasukir, ken naiyunay-unay kadacuada a mangilacsid iti dakes nga aramidda ket agsubli Kencuana. Alagaden a mainayon iti alagaden; uged iti rabaw ti uged, . . . sangcabassit ditoy, sancabassit idiay,’ babaen kadagiti tattao a dinutokanNa, insuroNa kadagiti agsalsalungasing ti dana ti kinalinteg (Isaias 28:10).
“Ket kasta ti napasamac bayat ti panagturay ni Acaz. Agsasaruno nga awis ti naipatulod kadagiti agbidbiddut iti Israel nga isublida ti panagtulnogda ken ni Jehova. Naanep dagiti dawdawat dagiti propeta; ket bayat ti panagtacderda iti sango ti ili, sipapasnec a mangibalbalakad iti panagbabawi ken panagreporma, dagiti sasaoda nagbunga iti gloria ti Dios.” – PK, pp. 324, 325.
b. Bayat a saan nga inkaskaso ni Acaz dagiti dawdawat dagiti propeta ken intultuloyna ti panagdidiosna, ania ti namagbuteng kencuana iti udina? 2 Ar-ari 16:5. Apay a pinalubosan ti Dios daytoy a napasamac? 2 Cronicas 29:6-8.
“No ni Acaz ken dagiti pangpanguloen a tattao iti pagarianna ket nagtalinaed a napudno nga adipen ti Kangatoan, awan koma iti butengda iti saan a kadawyan a pagkakaduaan a naporma a mangbusor kadacuada. Ngem ti maulit-ulit a salungasingda ti nangipaidam kadacuada iti pigsa a kasapulanda. Dinupar ida iti saan a mainaganan nga amac ti ocom a pangbales ti nasactan a Dios, ti puso ti ari ‘nagkintayeg ken ti puso dagiti tattaona, a cas cadagiti caycayo iti bakir magon-gonda a gapu iti angin’ (Isaias 7:2).” – Ibid., pp. 328, 329.
k. Ania a mensahe ngarud ti naited ken Acaz iti daytoy kangrunaan a kanito? Isaias 7:4-9. Kasano a simmungbat ti ari? 2 Ar-ari 16:6-8.
“Naimbag coma para iti pagarian ti Juda no inawat ni Acaz ti mensahe ni Isaias kas naggapu sadi langit. Ngem pinilina ti nagsanggir iti takkiag ti lasag, sinapulna ti tulong dagiti pagano.” – Ibid., p. 329.
Martes
Agusto 2
3. NAMNAMA ITI KASIPNGETAN NGA ORAS
a. Ania dagiti ballaag nga alaentayo kadagiti narikut a resulta ti pannakikadua ni Acaz iti Asiria? 2 Cronicas 28:14-23.
“Ti buis nga indaton ni Acaz ti nangriing iti kinagamrud ti Asiria, ket dayta mangbutbuteng a nacion dagus a binutbutengna a dadaelenna ti Juda. Ni Acaz ken dagiti naliday nga iturayanna natalipoposda iti buteng a matnagda a naan-anay kadagiti ima dagiti nadangkok nga Asirian.” – PK, p. 329.
b. Ania ti kadacsan a paset ti panagapostasia ni Acaz? 2 Cronicas 28:24-27.
“Iti yaasideg ti panagpatingga ti panagturay ti nagapaostasia nga ari, pinaserraanna dagiti ruangan ti templo. Nasinga dagiti sagrado a servicio ti templo. Saan nga umap-apoy dagiti candelario nga adda iti sango ti altar. Awanen dagiti daton a maaramid para kadagiti basbasol ti ili. Awanen ti nasam-it nga insenso nga agpangato iti tiempo ti sacrificio iti bigat ken iti rabii. Winacnitanda ti balay ti Dios ken inagawaanda a sinerraanda dagiti ruanganna, dagiti agnanaed iti awanan Dios a ciudad, situturedda a nangibangon kadagiti altar a pagdaydayawan dagiti pagano kadagiti sulsuli dagiti kalkalsada iti intero a Jerusalem. Kasla agballigin ti kinapagano; dagiti bileg ti sipnget ti ngannganin aggundaway.” – Ibid., p. 330.
k. Apay a dagiti yaalsa ket napeggad unay – ken ania ti masursurotayo manipud iti mensahe ti namnama kadagiti natda? Isaias 8:9-14.
“Iti Juda a pagnanaedan dagiti sumagmamano a tattao a namagtalinaed iti kinapudnoda ken Jehova, sititibkerda nga agkedked nga agrucbab kadagiti didiosen. Gapu kadagitoy a nagbiroc da Isaias ken Mikias ken kadagiti kakaduada iti namnama bayat iti panangamirisda kadagiti dadael a naisangbay bayat dagiti maudi nga alaldaw ni Acaz. Ti santuarioda naiserra, ngem naipasingked kadagiti namatalec: ‘Ti Dios adda cadatayo’ (Isaias 8:10).” – Ibid.
“Ti saludsod nadamag, Ania ti kayatmo nga ipaawat ti konfedesayon (yaalsa)? Sino ti nangporma kadagiti konfedarasyon? Ammom no ania ti konfederasyon? – maysa a bunggoy dagiti tattao iti maysa a trabaho a saanna nga awit ti selio ti nadalus, nalinteg, ken natibker nga integridad.” – 4 BC, p. 1142.
Mierkules
Agusto 3
4. SAAN NGA AGBALIW A PRINCIPIO
a. Ania dagiti ballaag, a no ipangag, salacnibannatayo kadagiti biddut a mangporma iti pannakikadua kadagiti saan nga agtungpal iti agdama a kinapudno? Isaias 31:1-3.
“Agtigtignay ni Satanas a buyogan ti pannakabalinna nga agtaud iti uneg a mangpabileg kadagiti tattao a mangporma kadagiti bunggoy ken yaalsa dagiti diablo maibusor iti lawag ken maibusor iti Sao ti Dios. Kinagulib, kinapapa, ken umas-asping a kita ti umas-asibay ken sibibileg a makikadkadua kadagiti agibunbunannag iti kinaCristiano. Dagiti nababa a buya ti inspirasyon, dagiti naitag-ay a kapanunotan dagiti tattao a maawagan a nasirib, isasaadda ti nataoan a talento iti ngatoen ti nadiosan a sirib ken pamuspusan, ken ti dinakamatda a siensia insaadda iti ngatoen ti bileg ti kinasanto. Dagitoy dagiti pagilasinan iti maudi nga al-aldaw.” – IMKH, p. 345.
“Amin ket agkasapulan iti sirib a mangsukisok iti misterio ti basol a nangiladawan iti nakalawlawa a nagliklikmutan ti pakasaritaan ti daga. Ti panangiparang ti Dios kadagiti makapabusor nga ar-aramid dagiti agnanaed kadagiti mangituray a bileg ti lubong a nangigalut kadagiti bagbagida kadagiti nalimed a kagimongan ken yaalsa, saanda nga idayaw iti linteg ti Dios, isu ti namagbael kadagiti tattao nga addaan iti lawag ti kinapudno a mamagtalinaed a nalawag iti baet dagiti amin a kinadakes. Kumarkaro ti panangiparangarang dagiti palso a relihion kadagiti dakes nga a-aramidda; ta adda laeng dua a partido, dagiti mangsalsalimetmet kadagiti bilbilin ti Dios ken dagiti manggubgubat iti nasantoan a linteg ti Dios.” – 8 MR, p. 322.
b. Ania ti prinsipio ti Dios ti agballaag maibusor kadagiti konfederasyon? 2 Corinto 6:14-18.
“Dagiti nadangkes ket mareppereppetdan, maigalut kadagiti talec, kadagiti union, kadagiti konfederasyon. Awan ti maaramidantayo kadagitoy nga organisasyon. Ti Dios ti Mangituray, ti Gobernadortayo, ken ayabannatayo a rumuar iti lubong ken sumina. . . . No agkedkedtayo a mangaramid iti daytoy, no itultuloytayo ti makikappeng iti lubong ken kitaen ti tunggal banag iti buya ti nainlubongan, agbalintayo a kas iti lubong. No ti nainlubongan a pagannurotan, ken nainlubongan a kapanunotan ti mangituray kadagiti amin nga aramidtayo, saantayo a makapagtacder iti nangato ken santo a plataporma ti agnanayon a kinapudno.” – 4 BC, p. 1142.
“Dagiti gunglo ti negosio ken konfederasyon ti lubong ket maysa a palab-og. Saan a makikadua kadacuada, umadayo kadacuada, kakabsat. Awan ti maaramidtayo kadacuada. Gapu kadagitoy nga union ken konfederasyon, nakarigrigatton para kadagiti institusyontayo nga ipatungpal ti trabahoda kadagiti ciudad.” – 2 SM, p. 142.
Hueves
Agusto 4
5. ADAYO TI MADANONNA A KAPANUNOTAN
a. Kasano ti panangiladawan ti Inspirasyon ti agdardaras a biag iti ciudad ken kadagiti bunggoy a ginutogutna – maisupadi iti nacappia a kaadda ti Dios a kalikagumna para iti iliNa? Nahum 2:4; Un-unnoy 5:4; Isaias 32:17-19.
“Plano ti Dios a dagiti tattaotayo ket masarakan iti ruar dagiti ciudad, ken manipud kadagitoy mapanda kadagiti ciudad a mangballaag, ken ibangon kadacuada dagiti pakalaglagipan para iti Dios. Adda coma bileg ti inpluensia kadagiti ciudad, tapno mangngeg ti mensahe ti ballaag.
“Adun a tawtawen a ti ballaag naipaay kadagiti tattaotayo, Rumuarkayo iti Battle Creek. Ngem gapu iti adu nga intresado a naibangon sadiay, naim-imbag nga agtalinaedda ken saan a makita dagiti tattao no a pay a kasapulan nga umalisda. . . . Iruar ti pagadalan manipud iti Battle Creek no mabalin nga aramiden. Mapan iti lugar nga awan ti tao a mamati kas kadatayo, ket sadiay ipasdec ti pagadalan iti disso nga adu iti daga, tapno dagiti estudiante nga umay ket maadalan iti umno a linia. [Da kakabsat Spalding ken Magan] impangagda ti bilin. Daytoy ti kaunaan a naaramid a tignay. Balligi daytoy. Naay-ayo ti Dios iti daytoy.” – GCB, Apr. 6, 1903.
“Iti plano ti Dios para iti Israel tunggal pamilia ket addaan pagtaengan iti daga nga abunaw ti matalon. Gapuna a naipaayanda kadagiti wagas ken insentibo para iti biag a naserbi, nagaget ken makasuporta iti bagi. Ket awan ti partuat dagiti tattao ti makabalin a mangpasayaat iti dayta a plano.
“Ti daga ket addaan kadagiti bendisyon a nakalemmeng iti unegna para kadagiti addaan iti tured ken pagayatan ken anep a mangummong kadagiti gamengna. Dagiti amma ken inna nga addaan iti sangkasigkay a daga ken komportable a pagtaengan maibilangda nga ari ken reyna.
“Ti maysa a nangina a pagtaengan, nagagarbo a muebles, display, pakalugodan ken nam-ay, saanda nga ipaay dagiti kondisyon a nasisita iti naragsac ken naserbi biag.” – FILB, p. 260.
Viernes
Agusto 5
PERSONAL A PANGREPASO A SALSALUDSOD
1. Kasano kaadayo ti nangidanonan ti apostasia ni Acaz iti ili ti Juda?
2. Kadagiti ania a wagas a ti pannakikadua ni Acaz iti Asiria ipakitana ti nakana a saan a panamati?
3. Idi nagsardeng dagiti servicio iti templo, kasano ti panangliwliwa ti Dios kadagiti namatalec?
4. Ania ti pudno a problema kadagiti aliansa?
5. Apay a ti panagbiag iti away ket naimbag para iti pammatitayo – kangrunaanna kadagitoy nga al-aldaw?