Umuna a Pangsabado a Daton para iti Capilia iti Isla ti Mare, New Caledonia
Ti New Caledonia ket addaan iti masakupan a 18,576 kilometro kuadrado, purpuro ti Republica ti Francia, masaracan iti Abagatan ti Taaw Pacifico. Masaracan iti 1500km daya ti Australia ken 2000km amianan ti New Zealand. Dagiti isla ket paset ti rehion ti Melanesia, a pakairamanan ti kangrunaan nga isla ti Grande Terre, ti purpuro ti Belep, ti Isla ti Pines ken sumagmamano a babassit nga Isla ti Lifuo, Ouvea ken Mare.
Ti popolasyon ket 268,000 idi Agusto 2014 ket nabingaybingay iti tallo a provincia – iti Amianan a Provincia, Abagatan a Provincia ken ti Provincia ti Loyalty Islands. Dagiti agnaed ket gampor a natibo ti New Caledonia, Polynesia, Uveans, Europeans ken tattao manipud Saoutheast Asia.
Kagudua ti populasyon ket Romano Catolico, pakairamanan ti kaaduan a Europeans, Uveans, Vietnamese ken gudua ti Melanesia ken Polynesia. Dagiti Protestante ket nganngani Melanesian amin. Adda met sumagmamano a grupo dagiti Cristiano ken bassit a bilang dagiti Muslim.
Ti Mensahe ti Repormasyon ket simangbay iti New Caledonia idi 1984. Nagprogreso ti trabao gapuna nga ita adda dua a grupo: idiay Noumea ken ti maysa adda iti Isla ti Mare. Ti laeng Amianan a Provincia ti danonenton ti mensahetayo.
Idi rugrugina, ti New Caledonian Mission ket naisilpo iti French Polynesia Field. Nupay kasta idi 2012, nagbalin daytoy a mission a naisilpo iti Conferencia General, idi Deciembre 2013 nagbalin a maysa kadagiti pito a naibangaon a mission iti South Pacific Union Mission.
Babaen iti parabor ti Dios, maysa a kabsat manipud Mare ti nangidonar iti daga a pakaibangonan iti maysa nga iglesia. Ita, iti umuna a gundaway, agibangonkami iti balay a pagdaydayawan para iti Dios. Ti pamataudanmi, nupay kasta ket saan a makaanay a mangkompleto iti proyecto. Gapuna nga agpakaasikami kadacayo kakabsat iti intero a lubong a tulongandakami tapno malpas daytoy a plano. Bayat ti pananglagipyo kadacami iti panagitedyo, ikararagmi iti Dios a bendisyonanNakayo a sibubuslon ken maipaay ti parabor iti amin.
“Mangtedda coma ti dayaw ken Jehova, ken ipablaacda ti dayawna cadagiti purpuro” (Isaias 42:12).
Dagiti Kakabsatyo manipud New Caledonia