Umuna a Pangsabado a Daton para kadagiti

Pagadalan Pangmisyonero ken Proyekto Pang-Edukasyon

“Tunggal tao, a naiparsua a kaladawan ti Dios, nasagutan iti bileg a kapada iti adda iti Namarsua – indibidualidad, bileg nga agpanunot ken agaramid. Dagiti tattao a nakasukogan daytoy a bileg ket tattao nga agawit kadagiti pagrebbengan, a pangpangulo iti negosio ken makainpluensia iti kababalin. Trabaho ti pudno nga edukasyon ti mangsukog iti daytoy a bileg, ti mangsanay kadagiti agtutubo nga agbalin a managpanunot, a saan laeng a paraanninaw iti kapanunotan dagiti sabali a tattao. . . . Imbes a dagiti naadalan a nakapoy, dagiti institusyon a pagsursuroan ti mangibaon kadagiti tattao a napigsa nga agpanunot ken agtignay, tattao a manursuro ken saan nga adipen ti paspasamac, tattao nga addaan iti nauneg ken nadalus a kapanpanunotan, ken natured iti bukodda a pannakaconvictar.” – Educ., pp. 17, 18.

Panggep ti Departamento ti Edukasyon ti mangsuporta iti pannakaipasdec iti kasta nga institusyon. Dagiti pagadalan ti Sapasap nga Edukasyon ken Misionario ti kasapulan ita a nakarkaro ngem idi para iti pakasursuroan dagiti annactayo. Nasuroc a maysa a siglo idi nga insurat ti mensahero ti Apo, “Ad-adu nga amang ti mabalin a maaramidan a mangisalacan kadagiti annac dagiti tattao nga iti agdama saan a makaadayo iti ciudad. Banag daytoy a maikari iti kaimbagan a peksatayo. Pannakaipasdec dagiti pagadalan ti iglesia para kadagiti annac iti ciudad, ket mainaig kadagitoy a pagadalan maaramid dagiti sagana para iti pannakaisuro iti nangatngato nga adal, a pakaayaban kadagitoy.” – CG, p. 306.

“Sadino ti ayan dagiti sumagmamano nga agsalsalimetmet iti Aldaw a Panaginana, dagiti nagannac makikaysada a mangipaay iti lugar para iti maysa nga aldaw a pagadalan a mabalin a pakaisuroan kadagiti agtutubo. Rumbeng nga ipaay ti manursuro a Cristiano, maysa a naiconsagrar a misionero, a mangisuro kadagiti ubbing iti wagas a mangiturong kadacuada nga agbalin a misionero. . . .

“No maamiris dagiti nagannac ti kinapateg dagitoy babassit a sentro ti pagadalan, makitinnulong a mangaramid iti tarigagay ti Dios a maaramid iti daytoy a tiempo, dagiti plano ti kabusor para kadagiti annactayo ket mapaay. – Ibid., p. 307.

“Agdawatkami kadacayo iti daytoy a Sabado a mangtedkayo a sibubuslon tapno masuportaran daytoy a trabaho kadagiti iglesiatayo iti intero a lubong.

Dagiti kakabsatyo iti GC Departamento ti Edukasyon