1. UKUBONANA NGASESE NgeSonto August 16

a. Emva kokuba uNikodemu esezwile uJesu, wanquma ukukhuluma Naye. Wayengubani uNikodemu-futhi kungani eza ebusuku? Johane 3:1, 2 (isigaba sokuqala). “Kusukela ngesikhathi ezwa uJesu, UNikodemu wafunda iziprofetho ngokushiseka eziqondene noMesiya….Wabheka ukwembulwa okumangalisayo kwamandla angcwele; wabona uMsindisi amukela abampofu epholisa nabagulayo; wabona injabulo yabo ebusweni ezwa namazwi abo okudumisa; azange angabaze ukuthi uJesu waseNazaretha uyisiThunywa sikaNkulunkulu.“Wafisa ukukhuluma noJesu kodwa wesaba ukumfuna ebonwa ngumuntu wonke. Kungaba ukuzehlisa okukhulu ukuba umbusi wamaJuda avume ngokwakhe ukuzwelana nothishela owaziwa kancane kangaka. Nokuthi uma ukuhambela kwakhe uJesu kungaziwa ngabe Sanhendrin, angazilethela ukweyiswa kanye nokusolwa. Wagcina ngokuthi abonane naye ngasese, ezithethelela ngokuthi uma eya ebonwa ngabantu, abanye bazolandela isibonelo sakhe. Wafunda ukubuza ngokukhethekile indawo lapho uMsindisi ephumula khona entabeni yeMinqumo, walinda umuzi waze wathula ngobuthongo, wayesehamba ukuyomfuna.”-The Desire of Ages, p. 168.“UNikodemu ungufakazi wezimangaliso zikaKrestu, futhi weza eNkosini ebusuku, ngoba engenaso isibindi sokuza kuye esidlangalaleni, njengoba lokhu kuzovusa ukugxekwa ngabapristi kanye nabaFarisi.”-The Ellen G White Materials, p. 1311.

---

2. AYIKHO ISAYENSI NGONKULUNKULU, KODWA UKUZALWA KABUSHA NgoMvulo August 17

a. Masinyane emva kokuba uNikodemu efumene uJesu endaweni Yakhe yokuphumula, wathini Kuye? Johane 3:2 (isigaba sesibili). “UNikodemu weza eNkosini ecabanga ukungena ekuxoxisaneni Naye, kodwa uJesu wabeka sobala isisekelo sezimiso zeqiniso. Wathi kuNokodemu, akuyona isayensi ngoNkulunkulu oyidingayo kakhulu njengokuzalwa kabusha kwesimoya. Awudingi ukushiseka kwakho kokweneliseka, kodwa ukuba nenhliziyo entsha. Ufanele ukuthola ukuphila okusha okuvela phezulu ngaphambi kokuba uthokozele izinto zezulu. Ngaphambi kokuba lenguquko yenzeke, umphumela wayo awusoze wenza okuhle kuwe ukuba ukukhulume Nami ngegunya Lami kanye nomsebenzi Wami.“UNikodemu wezwa intshumayelo kaJohane umBhabhatisi maqondana nokuphenduka kanye nokubhabhadiswa, futhi ekhomba abantu kuLowo ozobabhabhatiza ngoMoya Ongcwele. Yena Ngokwakhe wezwa ukuthi kukhona ukuntula kwesimoya phakathi kwamaJuda, nokuthi, ngezinga elikhulu, babelawulwa inzondo kanye nokulangazela okomhlaba. Wayefisa isimo esingcono sezinto sokuza kukaMesiya. Nokho isigijimi esifuna inhliziyo somBhabhatizo sehluleka ukusebenza kuye ukulahlwa kwesono. WayenguMfarisi oqinile, futhi ezidla ngemisebenzi emihle. Wayethandwa kakhulu ngobubele bakhe nokuphana kwakhe ekulondolozeni umsebenzi wasetempelini, wazizwa ephephile ngomusa kaNkulunkulu.”-The Desire of Ages, p. 171. b. Njengoba iNkosi ibona ukuthi uNikodemu akadingi isayensi ngoNkulunkulu kodwa ukuzalwa kabusha, iyiphi impendulo uJesu amethusa ngayo? Johane 3:3. “Ukulinganisa kokuzalwa kabusha, lowo uJesu awusebenzisa, yayivamile kakhulu kuNikodemu. Ukuphenduka usuke kubuhedeni eze kwinkolo yakwaIsrayeli njalo yayiqhathaniswa nabantwana abasandakuzalwa. Ngakho wamangala ukuthi amazwi kaKrestu kwakungamele athathwe ngomqondo ngokuqondile. Kodwa amandla okuzalwa kwakhe njengoIsrayeli wakubheka ngesiqiniseko sendawo embusweni kaNkulunkulu. Wayezizwa ukuthi akadingi inguquko. Kodwa wamangaliswa ngamazwi oMsindisi. Ibid.

---

3. UMSEBENZI KAMOYA ONGCWELE ENHLIZIYWENI Ngolwesibili November 18

a. Yimuphi umbuzo obhinqayo uNikodemu ezama ngawo ukususa amazwi kaKrestu? Johane 3:4. b. Enganaki ukuphikisana okungasile kukaNikodemu, uJesu wagcizelela kanjani umcijo Wakhe? Johane 3:5-7. “Ngokwemvelo inhliziyo yimbi, futhi ngubani ongaveza okuhlambulukileyo kukho okungcolile? Kakho noyedwa’ (Jobe 14:1). Akukho okusungulwe ngumuntu okungathola ikhambi lomuntu owonayo. ‘Ngokuba ukunaka kwenyama kungubutha kuNkulunkulu: ngokuba akuwuthobeli umthetho futhi kungekwenze.’ ‘Ngokuba enhliziyweni kuvela izizindlo ezimbi, ukubulala, ukuphinga, ubufebe, ukweba ukufakaza amanga, ukuhlambalaza’ (Roma 8:7; Matthew 15:19). Umtombo wenhliziyo kumele uhlanzwe ngaphambi kokuba imithombo ingaba ngecwebile. Lowo ozama ukufinyelela ezulwinini ngeyakhe imisebenzi nokugcina umthetho uzama into engeke yenzeka. Akukho ukuphepha kulowo unenkolo nje ngegama, noma isimo sokumesaba uNkulunkulu. Impilo yomKrestu akuyona yokuguqulwa kancane noma ukwenziwa ngcono okwakudala, kodwa ukuguqulwa kwemvelo. Kukhona ukufa kukamina kanye nesono, kanye nempilo entsha ndawonye. Lenguquko ingalethwa kuphela ngokusebenza ngempumelelo koMoya Wakhe Ongcwele.”-The Desire of Ages, 172. c. UJesu wafanekisa kanjani umsebenzi woMoya Ongcwele? Johane 3:8. “Umoya uyezwakala phakathi kwamagatsha emithi, ukuhashaza kwamacembe kanye nezimbali; nokho awubonakali, futhi akukhomuntu owazi lapho uvela khona nalapho uyakhona. Kunjalo ukusebenza koMoya Ongcwele enhliziyweni. Awukwazi ukuchaza ukuhamba komoya. Umuntu akakwazi ukusho isikhathi okuyisona noma nendawo, noma ukulandela zonke izimo zokuhlelo lokuphenduka; kodwa lokhu akumvumeli ukuba angaphenduki. Ngesithunywa esingabonwa njengomoya, uKrestu usebenza kanjalo enhliziyweni. Kancane kancane, hleze ngokungazelele kulowo owamukelayo, ukugcizelela kuyenziwa lokho okumele kudonsele umphefumulo kuKrestu. Lokhu kungazuzwa ngokucabaga Ngaye, ngokufunda iMibhalo, noma ngokuzwa izwi livela kumshumayeli ophilayo.”-Ibid., pp. 252, 253

---

4. “NGIZAKUFAKA UMOYA WAMI PHAKATHI KWAKHO” Ngolwesithathu November 19

a. UNikodemu wathokozela amazwi kaJesu, lawo ayengawaqondi ngokuphelele. Kuyini akubuza ngalesosikhathi? Johane 3:9. Yaba yini impendulo kaJesu? Ivesi 10-13. “AmaJuda lawo uJesu awaxosha etempeleni ayebezisho ukuthi bangabantwana bakaAbrahama, kodwa babalekela ubukhona bukaMsindisi ngoba bebenganako ukubekezelela inkazimulo kaNkulunkulu leyo eyabonakaliswa Kuye. Ngalokho babonisa ukuthi babengawulungele umusa kaNkulunkulu ukuhlanganyela kumsebenzi ongcwele wetempeli. Babeshisekela ukugcina ukubonakalisa ubungcwele bangaphandle, kodwa kabanakanga ubungcwele benhliziyo. Lapho bengabagqugquzeli bencwadi yomthetho, ngezikhathi zonke babephula umoya wawo. Isidingo sabo esikhulu bekungukuguqula lokho uKrestu abekuchazela uNikodemu-ukuzalwa kabusha, ukuhlanzwa esonweni, nokuqalisa kabusha kolwazi kanye nobungcwele.”-The Desire of Ages, pp. 173, 174. b. Yimiphi imibhalo manje uNikodemu aqala ukuyizwisisa? Amahubo 51:10; Isaya 64:6; Hezekeli 36:26, 27. “[Isaya 64:6; Amahubo 51:10; Hezekeli 36:26, 27 ngokucashunwa.] UNikodemu ubezifundile lezibhalo ngenqondo efiphele; manje waqala ukuzwisisa lokho ezikushoyo. Wabona ukuthi ukulalela okulukhuni kakhulu ngokuya ngencwadi nje yomthetho njengoba kusetshenziswa kwimpilo yangaphandle akusoze kwanika ilungelo lokungena embusweni wezulu. Ngokulinganisa komuntu, impilo yakhe beyihlonipheka; kodwa kubukhona bukaKrestu wezwa ukuthi inhliziyo yakhe ingcolile nempilo yakhe ayikho ngcwele.“UNikodemu wadonselwa kuKrestu. Njengoba uMsindisi emchazela maqondana nokuzalwa kabusha, walangazelela ukuba nalenguquko futhi isebenze kuye uqobo.”-Ibid., p. 147. c. Kungamuphi umfanekiso uKrestu enza wabasobala umsebenzi Wakhe kuNikodemu? Johane 3:14-16.

---

5. IMPILO ENTSHA Ngolwesine November 20

a. Njengoba uNikodemu efuna ukwazi ukuthi ukuzalwa kabusha kungenzeka kanjani, uJesu wathini? Johane 3:17-21. “Uphawu lwenyoka ephakanyisiwe lwenza kwabasobala [kuNikodemu] umsebenzi woMsindisi. Lapho abantwana bakwaIsrayeli babefa belunywa izinyoka ezinesihlungu, uNkulunkulu walayeza uMose ukuba enze inyoka yethusi ayibeke phezulu phakathi kwebandla. Laselizwakala izwi ezindaweni zonke ukuthi bonke abazobheka inyoka bazophila. Abantu bebazi ukuthi kuyo inyoka ngokwayo amandla bewangekho okubasiza. Kwakuluphawu lukaKrestu. Njengoba umfanekiso wenziwa wafana nenyoka ebulalayo yaphakanyiswa ukuba baphole, kanjalo Lowo owenziwe ‘wafana nenyama yesono’ kwakumele abe nguMsindisi wabo (Roma 8:3). AbakwaIsrayeli abaningi ayebheka umsebenzi wemihlatshelo njengalowo onamandla okubakhulula esonweni. UNkulunkulu ufisa ukubafundisa ukuthi ayinamandla kunalawo enyoka yethusi. Kwakunguthi iholele izingqondo zabo kuMsindisi. Ngenxa yokwelashwa kwamanxeba abo noma ukuthethelelwa kwezono zabo, babengenakho ukuzenzela utho kodwa ukubonakalisa ukukholwa kwabo kwiSipho sikaNkulunkulu. Kwakumele babheke ukuze baphile.“Inkazimulo evela esiphambanweni yembula uthando lukaNkulunkulu. Uthando Lwakhe lusidonsela Kuye. Uma singamelani nokudonswa, sizoholelwa ezinyaweni zesiphambano ngokuphenduka kwezono lezo ezabethele uMsindisi. UMoya kaNkulunkulu ngokukholwa okuveza impilo entsha emphefumulweni.”-The Desire of Ages, pp. 174-176. b. Sisindiswa kanjani? Thithu 3:4-6.

IMIBUZO YOMUNTU NGAMUNYE Ngolwesihlanu November 21

1. Kuyini okudingwa ngabantu abaningi labo abanesifiso sokukhuluma ngezenkolo? 2. UJesu waqondisa kanjani isidingo sikaNikodemu’ kunamazwi akhe? 3. Kungani uKrestu asebenzisa umoya ukufanekisa umsebenzi woMoya Ongcwele? 4. Phawu luni uKrestu alusebenzisa ukuchaza umsebenzi Wakhe kuNikodemu? 5. UJesu wamchazela kanjani uNikodemu imfihlakalo yokuzalwa kabusha?