MBANGILU “Muyuki wa kale wa nshintulukilu wa bulondangane bua malu wa Isalele mu tshipela, wakadi mulama bua Isalele wa Nzambi tô ne ku matuku a ku nshikidilu”. – Patriarches et Prophètes, p. 265“Manunganyi a Isalele ne kutomboka kuabo bidi biamba bua bimpe bietu ne nansha bishima binene bienza bua bualu buabo. Ne kabidi tudi bamanye bua manyoka akalua kudibo bua kutendelela kuabo kua mpingu ne kupanga kusakidila kuabo.Tshilejelu tshia Isalele tshidi tshipesha ban aba Nzambi bu budimuishi bua kabayi kukuluka mu kupapisha kua mitshima ne bamone mua kunyema ku tshinji tshia Nzambi. Bu bikala bubi bua bena Ebelu kabuakadi buleja patoke mu Mifundu ya tshijila, ne anu malu abo mimpe nkayawu kea di amu maleja patoke, muyuki wabo wa kale kawena ne tshidiwu uya kutuyisha” – Témoignages pour l’Eglise, vol. 1, p. 501-502Mayisha malondangane a ‘Luendu lule lua mu tshipela’ adi ne bitupa bibidi. Tudi tubangisha ne kuyila kua tshitupa tshia kumudilu, tshitudi tuya kuimanyina pa kuledibua kua Mose, mushindu wakadiye mulongolola bua kulombola tshimuangi, mputa minene ya Ejipitu, dipikudibua dia Isalele mu bupika bua bena Ejipitu ne diakidila dia mikenji. Netuye kupeta bilejelu bia dipapisha dia mitshima, ne bungi bua bulondangane bua bipeta bibi bia kupapisha eku kua mutshima bipeta bia dibutula ; kadi netumone kabidi bipeta bia lulamatu ne mafutu a lulamatu elu a disanka. Netuye kumona bipeta bia dikema bia kupidia kua madimuisha a Nzambi; ne kabidi masanka adi mapesha aba badi basungula bua kuitabuja Diyi dia Nzambi ne kuikala ne moyo bilondeshile mudi Diyi edi.Bena Isalele ba bungi kabakadi bumbuka mu buenzeji bua malu a mu Ejipitu nansha. Nansha muakadibo bumbuka mu Ejipitu mu mubidi, bakumbuka ne bilele bia bungi ne ngelelu wa menji bia tshiena Ejipitu. Tuakabikidibua bua kupatuka mu Ejipitu wa mu nyuma, udi muikale mene buloba. Tuetu mene kabidi kuangata dipangadika dia kulonda Nzambi, kadi bikala kuenza malu ne tuela menji bu bena buloba. Mu kuyila kua malesona â, tuyaku kupeta dijinga dia kulonda Nzambi mu bulelela.« Mudimu wa Mose wakadi kuikala mupepele kawuyi ne ntatu yabungi bu musumba munene wa bena Isalele kawakadi munyanguka tô ne kufika bua se kabakadi basue kumbuka mu Ejipitu. » - Patriarches et Prophètes, p. 262 (Bâle) Nansha nanku, « mu tshikondo tshia bupika, bamue bena Isalele bakadi bashala balamate ku ntendelelu wa Yehowa. » - Idem, p. 260 (V&S). Baledi ba Mose bakadi biabo munkatshi mua bena lulamatu aba. Mamu wandi, mukaji udi utshina Nzambi, wakadi mumanye mua kukolesha muana wandi mulume. « Mose mujimsa wa Mose, mudimu munene wakenzaye wa bulombodi bua bena Isalele wakadi tshipeta tshia mudimu muenza kudi mamu ewu wakadi muena lulamatu ku ntendelelu. » - Idem, p. 222 (V & S)Nzambi atukuatshishe, bua tupete malesona ku bilema bionso bienza kudi bena Isalele. Tuya kuyila kabidi bua malu abo a dikasa dimpe ne kuikala bietu munkatshi mua bamue bena lulamatu badi balonda Nzambi lelu ewu nansha biobi bia munyi.Tshibambalu tshia Kalasa ka Nsabatu ku conférence Générale.
