1. DIPETANGANA DIA DISANKA Dia kumudilu 08/03

a. Panyima pa mvita ne bena Ameleka anyi wakalua kukumbula Mose, ne wakadi mufila kudi nganyi ? Ekesode 18 : 1 – 5 « Kabiyi kule ne muaba wakadi Isalele mutule mu tshikondo atshi, n’kuakadi muaba wakadi Yetelo musombe, Tatu’andi muenu wa Mose. Wakapeta lumu lua dipikudibua dia Bena Ebelu ne kubuela mu njila bua kutuadila muku wandi mukaji wandi ne bana bandi babidi » - Patriarches et Prophètes, p. 271 b. Tshikondo tshiakamanyisha Yetelo, Mose ne wakadi ne bua kufika, Mose wakenza tshinyi musangu umue ? Ekesode 18 : 6 - 7 « Mumanyisha bua disemena pa buipi bua difika diabo, kudi batumibue, muntu wa Nzambi kuya ne disanka bua kusambakena nabo, bamana kuelangana moyo wa diambedi, basekelelangana, kubatuala mu ntenta wandi. Wakadi muanji kushiya diku diandi mu tshikondo tshiakadiye ne bua kuluangana mvita mikole ya kupatula Isalele mu Ejipitu ; kadi wakadi ne bua kusanka ne kukepesha dikenga tshisamba tshiabo » - Idem, p. 301 – 302

---

2. KUABANYANGANA KUA NGUMU MIMPE Dibidi 09/03

a. Mose wakambila Tatu’andi muenu tshinyi ? Ekesode 18 : 8 b. M’’mushindu kayi wakandamuna Yetelo ku ngumu eyi mimpe ? Ekesode 18 : 9 - 12 « Panyima pa mumana kunvua bua bupikudi bua dikema bua Isalele, Yetelo mûle tente ne disanka, wakasankisha Mukelenge, pashishe kudisangisha ne Mose ne bakulu bua kufila milambu ne kuenza difesto dinene, bua use luandi lunene ne buimpe buandi. » - Patriarches et Prophètes, p. 272 c. Mu kuela menji mu tshikondo etshi tshia kuabanyangana kua malu pankatshi pa Mose ne Yetelo, tudi ne bua kuvuluka tshinyi patudi tupetangana ne bantu bakuabo, nansha bikala munda anyi pa mbelu pa Ekelezia ? Misambu 105 : 1 ; 1Tesalonike 5 : 18 « Dilejibua patoke dia dinanga dia Nzambi kudi bana bandi kudi ne bua kuikala misangu yonso tshienza bualu tshia miyuki yetu. Misangu mikuabo kale Mukelenge wakamba bua se base bivulukidi bua kuvuluka malu andi akukema menzela bantu bandi ! Bua bobo kabayi kupua moyo muyuki wabo wa kale, Nzambi kuambila Mose bua baya kuvuluka muyuki ewu mu misambu yakadi baledi ne bua kuyisha bana babo. Biakadi bikengela kuasa bimanyinu ebi bia tshivulukidi mu miaba yakadi ikoka ntema, ne ya kujula miyuki ya pa buayi kudi bantu tshikondo tshikala bana baya kuebeja tshidibi biunvuija, nebaya kubapesha dilesona dia muyuki wa kale. Ke bua tshinyi buimpe ne luse lunene bia Nzambi kudi bantu bandi biakalamibua mu menji, ne dikalanganaku pepi diandi ne bantu bandi, kufikisha bua yeye kuikala ne ntema kudibo bua kubapesha budishikaminyi. Nzambi kena amu ulekela bua kuleja bantu bandi bu Nzambi wa bishima. […] Tudi dijinga ne kuamba misangu yonso bua buimpe bua Mukelenge bua kumutumbisha bua bienzedi biandi bia dikema » - Témoignages pour l’Eglise, vol. 3, p. 32 – 33« Tutangijayi mesu etu ku bimanyinu ebi bia tshivulukidi bia buimpe bua Nzambi bidi bituvuluija bionso biakatuenzela Mukelenge bua kusamba ne kutusungila ku tshianza tshia mushipi. Tuikale ne tshivulukidi tshia luse luonso lua Nzambi kutudi ; binsonji biakakupulaye, lutatu luakajikijaye, tunyinganyinga tuakajikijaye, malu a bowa, ku Diyi diandi akajika, majinga akandamunaye ne masanka akitshikijaye pa mitu yetu. Tudi tudilongolola nunku bua kutamba mateta atudi ne bua kuya kupitshila kabidi ne bua kuya kupitshila kabidi mu matuku adi mashale a luendu luetu » - Vers Jésus, p. 124 – 125« Tudi bena luse lunene lua Nzambi, ne nunku n’kudifila kayi ku bintu bikese kutudi tuya kumuleja bu kusakidila kuetu bua bionso bidiye mutuenzela ! » - Vers Jésus, p. 102 - 103

---

3. YETELO UDI UFILA MUBELU Disatu 10/03

a. N’tshinyi tshiakamona Yetelo pa bidi bitangila kukosa kua bilumbu kudi Mose, ne diandamuna dia Mose diakadi tshinyi ? Ekesode 18 : 13 - 16 « Mu kuikala kuandi mu tshitudilu, Yetelo, kupeta tshikondo bua kumona bujitu bukole buakadi pa makaya a muku wandi. Kulama bulongame munkatshi mua musumba wa bantu mututuke ne udi kawuyi ne dimanya tshiakadi mudimu wakadi mutambe lunvu lua bantu. Bu muakadi Mose mumanyibue bu mfumu ne mulumbuluishi wa tshisamba tshia Isalele, n’nyeye wakadibo bambila ki amu bilumbu mu kabujima, kadi wakadi ne bua kukosa nsambu ya bantu. Wakitabuja bujitu ebu bualu buakadi bumupesha tshikondo tshia kuyisha bantu, ‘kuambila Tatu’andi muenu ne, ndi m’bambila malu a kudi Nzambi ne mikenji yandi’ Yetelo wakabenga » - Patriarches et Prophètes, p. 272 b. M’mubelu kayi wakapesha muakuidi muakane kudi muku wandi ? Ekesode 18 : 17 - 23 c. M’malu kayi manene anayi akusungula nawu bantu bakadi ne bua kuabanyangana majitu ne Mose, akamuambila muenyi ? Ekesode 18 : 21a M’mubelu kayi wakupesha aba badi basungula balombodi mu Tulasa tuetu, ne mubelu adi bua bonso badi ne bua kukuata mudimu mu bibambalu bishilangane lelu ? « Miaba yonso idi tulasa tuasa balombodi badi bapie ki badi ne bua kutekibua. Bantu aba badi ne bua kuikala ne ditshina dia Nzambi, bakumbane, bena bulelela, kabayi ne buiminyi ne mutshima wa biuma, bantu baya kuenza malu mu mushindu wabo onso bua kupesha buneme ku majitu mashilangane a mudimu wabo. Badi ne bua kuikala bantu benji ba mudimu bapie, kadi tshidi tshia mushinga pa mutu pa bionso, tshidi ne badi benda mu kudipuekesha ne Nzambi ne badi balombola kudi Nyuma Muimpe. Bantu ba mushindu ewu nebikale bayishibue kudi Mukelenge ne nebaye kukeba mubelu kudi bana babo badi bikala bantu ba mitendelelu.Baludiki ba Tulasa tuetu badi ne bua kuenza mudimu basakibue kudi bipatshila bia bushuwa. Mu kudilekelela kuabo, ne kudifila nebaye kuvuluka ne bitupa bikuabo bia kunowa kunene, bidi bilomba dikuatshisha dia kudi bantu netu badi bapeshibue bulami bua tulasa » - Témoignages pour l’Eglise, vol. 2, p. 551

---

4. KULONDA MUBELU Dinayi 11/03

a. M’mushindu kayi wakandamuna Mose ku mubelu wa Tatu wandi muenu ? Ekesode 18 : 24 – 25 « Nzambi wakapesha Mose buneme butambe, ne wakenza bishima binene kupitshila kudi Mose, kadi nansha nanku Mose kakapetula mibelu mimpe mimupesha nansha. Mulombodi wa Isalele, kuteleja bimpe mene mene muntu muena kudifila, Muena Midiyana ne kuteka mu tshienzedi m’babi yakadiye mu muambile. » - Patriarches et Prophètes, p. 272 b. Bualu ebu budi butuyisha tshinyi pa bidi bitangila mushindu utudi ne bua kutangila bantu bakulumpe, bakenza malu kututamba tuetu ? N’tshinyi tshidii tshienza ne m’muenenu wabo wa malu udi muakane mutambe ? Lewitiki 19 : 32 ; Nsumuinu 16 : 31 « Badi bikengela kutua mushinga baleji mpala kabidi ba Nzambi, ba mpasata, bayishi, baledi badi babikila bua kuakula, kuenza malu adi umbukila kudiye ; m’Mukelenge utudi tupesha buneme kupitshila mu bobo. Ku lukuabo luseke, Nzambi udi utuambila nanga nanga bua kunemeka bantu bakulumpe ; ‘Nsuki mitoke idi mikale tshifulu tshia butumbi tshimpe tshitambe ; m’mu njila wa buakane ke mudi muntu uyipeta » (Nsumuinu 16 : 31). Tshifulu etshi tshia butumbi tshidi tshijadika bua mvita miluangana, bua butshimunyi bupeta ; bua majitu matuala, mateyi mapidia. Tshifulu etshi tshia butumbi tshidi tshiamba bua makasa mapungile, adi kâyi mua kuenda kabidi, ne miaba idi iya kushala mitupu. Ambuluishayi bana bua bobo kunvua bionso ebi, bua ku kanemu kabo, badi balongolola, balandakaja njila wa bantu bakulumpe, bua mioyo yabo itshidi bitenda ikenke ne ngasa ne buimpe padibo batumikila mukenji ewu udi ne ‘Newimane kûlu ku mpala kua Udi ne Nsuki mitoke, ne newunemeke muntu mukulakaje’ p. 275 c. N’tshipeta kayi tshia kuambika eku kua bukokeshi kuamba bua kukuenza kudi Yetelo ? Ekesode 18 : 26 « Mose wakateleja mubelu wa lungenyi wa Tatu’andi muenu, ne kudisangana mupepele ku bujitu buakadi bumushemenene. Bualu ebu bupia bupia buakafikisha ku tshipeta tshia kujadika kua bulongame bupuangane » - Patriarches et Prophètes, p. 272

---

5. MOSE : NGIKADILU MIMPE YA MULOMBODI Ditanu 12/03

a. Nzambi wakadi musue bua se bakadi muinshi mua Mose bikale ne imue ngikadilu, ne Mose kabidi. Kadi yakadi ngikadilu kayi ya pa buayi ? Yakadi ne bipeta kayi bia mushinga munda ? Nomba 12 : 3 « Mose wakadi muena bupuekele. Nzambi kumubikila ne muntu wa lutulu lutambe pa buloba. Wakadi wa malu a mpatshi kutamba, muena malu masekenkeja, kakadi ne bulema bua kupangila kuenza, ngikadilu yandi kayakadi ya kaba kashala mu kudiunda. Wakadi mua kusengelela mu kuenda bimpe bualu bua moyo wandi wakadi mene tshilejelu tshiakadi ne moyo tshia tshiakadi mene muntu ne bua kuikala ne kukumbaja ne dikuatshisha dia Nzambi, moyo wandi wakadi wamba tshiakadiye uyisha bakuabo, tshiakadiye ujinga bua bantu bikala ne tshiakadi Nzambi umulomba. Wakadi wakula ne mutshima wandi ne wakadi ulenga mitshima. Wakadi ne dimanya ne kadi wakadi ne kudipuekesha bu kua muana mukese mu kuleja kua patoke kua dinanga ne bulunda buandi bia ndondo mule. Wakadi ne ngelelu wa menji ne mbabi bitambe, wakadi ujandula musangu umue majinga a bakadi bamunyunguluke, malu akadi kâyi aya bimpe ne akadi akeba ntema kakâlengulula nansha. » - The SDA Bible Commentary, vol. 1, p. 1113 b. M’mulayi kayi wa pa buawu udi Nzambi muenzela badi ne lutulu ? Matayo 5 : 5 « Lutulu ludi tshintu tshia mushinga mutambe tshia muena Kilisto. Lutulu ne didipuekesha bia Kilisto badi babiyila amu mu kuambula mutshi wa tshikokedi wa Kilisto. Mutshi udi ukengela dikokela dionso.

Makonka a kuambulula dilesona Disambombo 13/03

1. Ngikadilu kayi itudi ne bua kukeba patudi tusungula balombodi lelu ? Tusungula badi kabayi nayi anyi ? 2. Mu kusungula kua balombodi tshidi ne mushinga mutambe n’tshinyi kupita ngenzelu wa malu ? 3. Tudi ne bua kuakula tshinyi mu kupetangana kuetu ne bakuabo ? 4. M’mushindu kayi utudi mua kubala ba mpasata betu, baledi betu, ne bayishi betu mu ditabuja ? M’bua tshinyi ? 5. Bua tshinyi misengelelu ya Mose yakadi ne bukole bua bungi ? Bidi bituyisha tshinyi ?