« Tshikondo tshia bupikudi tshiakafika Malongolodi a Nzambi akadi ne bua kukumbana, ne budisu bua bantu buakadi ne bua kubuitshidila mu dipetu. Mupikudi wakadi pepi ne kumueneshibua mu muntu mulami wa mikoko wa bupuekele, ne muikale ne tshiamua tshia mvita, mulangala ku tshianza: kadi mulangala ewu, Nzambi wakadi ne bua kudienza tshimanyinu tshia bukole buandi.” – Patriarches et Prophètes, p. 227
1. KUYUKILA KUA NZAMBI Dia kumudilu05/01
a. Pakadi Mose ulama mikoko ya Yetelo, n’tshinyi tshiakadi tshienzeka mu Ejipitu ? Ekesode 2 : 23-25b. M’bualu kayi buakapitshisha Mose pa buipi ne tshipuka tshiakadi tshikuata kapia ? Ekesode 3 : 1-5c. N’dilesona kayi dia mushinga ditudi ne bua kupeta ku bualu ebu bupitshisha ? Misambu 89 : 8« Menji male a ndondo a kanemu kanene adi ne bua kuikala kudi bonso badi balue ku mpala kua Mutambe Bunene wa mu diulu. Mu dina dia Yezu, tudi mua kusemena pa buipi ne Mukelenge ne dituishibua, kadi koku kakuyi menji malelela a kuteta kuenza bia bungi, ne kabiyi bu ne tuakadi mu tshipidi tshimue nandi. Kudi bantu badi bakula ne Nzambi Mukole ‘Udi musombe mu bukenke budi kabuyi kufika pa buipi nabu’, bu ne bakadi bakula ne muntu wa momumue nabu anyi mushadile kudibo. Bakuabo badi benza malu mu nzubu yabo, adibo kabayi mua kupima bua kuenza mu nzubu wa mukelenge wa buloba nansha. Bakadi ne bua kudiambila ne badi ku mpala kua Ewu Udi Baselafima bakukuila ne Udi banjelo bakukuila mpala yabo ku mpala kuandi » - Patriarches et Prophètes, p. 228
2. NZAMBI UDI UBIKILA MOSE Dibidi06/01
a. N’tshinyi tshiakadi Nzambi udilongolola bua kuenzela bantu bandi ? Ekesode 3 : 7-9b. M’mushindu kayi wakabuejabo Mose mu bulongolodi ebu bua bupikudi ? Ekesode 3 : 10 ; Bienzedi 7 : 34-35c. Diandamuna dia Mose diakadi tshinyi ku dibikila dia Nzambi ne n’tshinyi tshiakadi Yehowa windila kudiye ? Ekesode 3 : 11-15« Kayi tshia kuamba anyi tshia kuelela menji, ne ditshina pa kunvuaye bukenji ebu, Mose pingana panyima ne kuela diyi ne « Meme ndi nganyi bua kuya kudi Palo ne kupatula bana ba Isalele mu Ejipitu ? »Diandamuna didi dilua ne : ‘Ne ngikale nebe ; ne mona tshinyi tshikale kudi bu tshimanyinu bua se M’Meme n’ngudi mukutume : Pawikala wakupatula bantu mu Ejipitu, newukuatshile Nzambi mudimu pa mukuna ewu ».Wela menji ku ntatu ya kupita, ku bufofo, ku dipanga kumanya, ne ku dipapisha mutshima bia bana babo, munkatshi muabo ba bungi kabakadi bamanya Mukelenge, Mose udi wambila Nzambi ne : ‘Ndi nya kudi bana ba Isalele, nenye kubambila ne : ‘Nzambi wa ba Tatu benu udi muntume kunudi. Biankonkabo ne dina diandi udi nganyi ? ne mbambile tshinyi ? Ke Nzambi kuambila Mose ne : ‘NDI MUNDI’, kukumbaja ne ‘wambile bana ba Isalele kabidi ne : Ewu Udi, Wa-Tshiendelele wakuntuma kunudi » - Patriarches et Prophètes, p. 228-229« Mose kakadi mumanye bua se Yehowa wakadi mua kukuata nandi mudimu mushindu ewu bua kupikula Isalele mu Ejipitu ; wakadi wela menji ne nebikale mu kuluangana kua mvita ya ne biamua bia mvita. Pakunvuaye Mukelenge umumanyisha ne wakadi ne bua kuimana ku mpala kua Palo ne kulomba mu Dina diandi bua kulekela Isalele, wakapingana tshia nyima bua mudimu ewu.Palo ewu wakadi ne bua kuimana ku mpala kuandi ki n’nguakela mukenji bua bamushipe nansha. Awu mukelenge wakamana kufua, ne mukuabo kuangata muaba wandi wa bukelenge. Pa buipi ne bakelenge bonso ba bena Ejipitu bakadi babikidibua ne ‘Palo’.Mose wakadi musue yeye kuikala menene wa masalayi ku mutu kua bana ba Isalele ne kuenza bena Ejipitu mvita. Kadi etshi katshiakadi bulongolodi bua Nzambi. Yehowa wakadio ne bua kuikala mutumbisha ku mpala kua bantu bandi ne kubayisha, ne bua bena Ejipitu kabidi bamanye ne kudi Nzambi Udi ne moyo, Udi muikale ne bukole bua kusungila ne kubutula” – Spiritual Gifts, vol. 3, p. 189–190
3. NZAMBI UDI UPESHA MOSE MALU A DITUISHIBUA Disatu07/01
a. N’Lumu kayi luakadi Mose ne bua kupesha bakulu ba Isalele ? Ekesode 3 : 16-20b. M’mushindu kayi wakaya Nzambi kukumbaja mulayi wandi wa se kakadi mua kulekela bantu bandi kumbuka mu Ejipitu bianza bitupu ? Ekesode 3 : 21-22« Bena Ejipitu bakalua babanji ku mudimu wakadi kawuyi mujalame wakadibo babambanyika nawu bena Isalele. Bena Isalele, mu njila wa luendu batangile ku bupianyi bupia bupia, bakadi ne buneme ebu bua kulomba difutu dia bidimu biabo bia mudimu mukole muenza. Ke bua bualu ebu, bakadi ne bua kulomba bintu bia mushinga bidi bipepele bua kuambula. Ne Nzambi kulongolola mitshima ya bena Ejipitu bua bafile bintu ebi. Bishima bikole bienza bua dipikudibua diabo kulenga babakengeshi, mu mushindu wa se malomba a bapika babo, apeta diandamuna kudibo. » - Patriarches et Prophètes, p. 229c. Mose mutshikale udi ne kujanguluka bua kuitabuja ku dibikila dia Nzambi, tshimanyinu kayi tshikuabo tshia bulongolodi buandi bua malu tshiakapesha Nzambi, Mose ? Ekesode 4 : 1-9. M’mushindu kayi utudi mua kuitabuja ku dibikila dia Nzambi lelu ?« Mose wakatangila ku mpala kuandi binkandi biakadi bimueneka kudiye kabiyi bia kutamba. N’tshimanyinu kayi tshiakadiye ne bua kupesha bana babo bua se N’ Nzambi wakadi mumutume mu bulelela ?Kuamba ne ‘Mona’, ‘kabakuya kungitabuja, ne kabakuya kutumikila diyi dianyi nansha ; bualu nebaya kuamba ne : ‘Yehowa kena mumueneka kûdi nansha » Bakamupesha tshimanyinu tshiakakoka ntema yandi. Bakamuambila bua kuela mulangala wandi panshi. Anu wenza nanku, ‘mulangala kuandamuka nyoka. Ne Mose kunyema lubilu ku mpala kua nyoka ewu’. Ne kumuambilabo bua akuata nyoka ewu, ne yeye kuandamuka mulangala mu tshianza tshiandi. Ne kumuambilabo bua ateka tshianza tshiandi pa tshiadi. Kutumikila, ne upatula anu tshianza, ‘tshianza tshiandi tshiakadi tshitoke ne nsudi bu mudi neige’. Kumuambilabo bua apingaja tshianza kupingana katshiyi kabidi ne nsudi. Yehowa kupesha Mose dituishibua ku bimanyinu ebi, dituishibua kudi bana babo ne kabidi kudi Palo, dituishibua dia se munkatshi muabo muakadi muntu udi muntu ne bukole kutamba Palo. » - Idem, p. 253« Badi penyi bantu badi pa buipi ne bua kubenga dibikila dia bulongolodi bua Nzambi, ku malongolodi mindile tshikondo tshile, ku bijengu bia banangibue ? Badi penyi bantu badi pa buipi bua kuenza midimu mipia mipia, kubuela mu bipapu bidibo kabayi banji kuenza mudimu, bua kukumbaja mudimu wa Nzambi, ne moyo mukole, mu kutua ne mushinga, bua dinanga dia Yezu Kilisto, mu kujimija bintu biabo bu bintu bipeta anyi ?. » - Idem, p. 121
a. N’tshinyi tshidi tshileja ne Mose kakadi amu muangata dipangadika dia kuitabuja ku dibikila dia Nzambi ? – Ekesode 4 : 10 - 13« Kadi muntu wa Nzambi wakatshidi amu ne bowa bua mudimu wa pa buawu ne wa dikema wakadi mumuindile. Mu dibungama diandi, kusokoma pa nyima pa se kena mumanye mua kuakula bimpe. […]Wakadi mumbuka mu Ejipitu tshikondo tshile, ukavua mujinmija mushindu wa kuakula bimpe muakulu wa mu ditunga […]Kuleja kua butekete buandi kuakadi nangananga bua bowa buandi bua kuakula ne bupuekele. Kadi Nzambi kumulaya bua kumbusha ntatu eyi yonso, bua kumupesha butshimunyi bua ndekelu, dielangana dionso dia menji, bienjenji bionso bua dipanga kukumbana kuandi kumuenekabi bu kayanda, ne biakadi bifuanangane bu kufunda kua Nzambi ne yeye kakadi mukumbane bua kukumbaja mulayi wandi anyi wakadi mudishima mu kumusungula yeye. » - Patriarches et Prophètes, p. 230b. Ne lutulu wakajinga kukankamika muena mudimu wandi, n’dikuatshisha kayi diakapesha Nzambi Mose ? Ekesode 4 : 14-17. M’mushindu kayi udi Nzambi ukankamika bantu bandi lelu ?« [Bantu (ba-membres)] badi bamanye bua mudimu udibo benza udi ne tshitampi tshia Nzambi […]Nzambi udi utuambila bua tuye kuyisha Diyi, kunyima kua yeye muele manyi ku mishiku ne tshijila tshindi. » - Conquérants Pacifiques, p. 532c. N’ndituishibua kayi dikuabo diakapesha Nzambi Mose ? Ekesode 4 : 18-23« Mundu udi witabuja majitu adi Nzambi umupesha ne ufila bukole bonso bua musuka wandi, neapete makole ne dikumbana bidi bia mushinga kudiye. Nansha yeye muikele wa bupuekele bua mushindu kayi, nansha yeye muikale ne mikalu ya munyi mu bipedi biandi, ewu udi ne kudienzeja bua kukumbaja mudimu wandi ne lulamatu neafike ku tshipidi tshinene tshia pa mûlu. Bu Mose mutekemene mu makole andi ne lungenyi luandi, wakitabuja ne lukasa mudimu wandi wakadi wa bujitu bua bungi, wakadi kuleja ne kakadi muntu wakadi ukengedibua bua mudimu ewu. Muntu udi mumanye bua butekete buandi udi ujadika bua bunene bua mudimu udi mufidibue kudiye, ne udi musue kuvuija Nzambi bukole buandi ne mu mupeshi wa mibelu. » - Patriarches et Prophètes, p. 231
5. MOSE UDI UPINGANA MU EJIPITU Ditanu09/01
a. Mose kuitaba ku dibikila dia Nzambi ne kuya mu Ejipitu, n’tshinyi tshiakenzeka mu njila ? Ekesode 4 : 24-26 M’budimuishi kayi bunene butudi ne bua kupeta ku muanda ewu ?« [Mose] kakadi mukumbaja bualu buakadi bukengela kuenzela muan’andi kuikala biandi muena masanka a tshipungidi tshia Nzambi ne Isalele. [wakalengulula bua kukumbaja pa muana wandi mulume mukese tshilele etshi tshia kutengula]. Dilengulula dia buena edi dia muntu musungula kudi Mutambe Bunene wa mu diulu diakadi ne bua kutekesha, ku mesu a bantu bualu budi bua dienzejibua bua mukenji wa Nzambi. Mu dikumbaja dia mudimu wandi kudi Palo, Mose wakadi ne bua kubuela mu njiwu minene ; moyo wandi wakadi ne bua kukubibua amu kudi banjelo, amu buyeye kayi mulengulule mudimu nansha umue …Mu tshikondo tshia kanyinganyinga tshiaya kumueneka musangu umue diambedi ne Mukelenge kayi muanji kupingana, bakane ne bapande ku lufu anu ku mudimu udi banjelo benza. Kadi dikubibua edi kadiakuikala kudi bashipi ba mikenji ya Nzambi nansha. Mu tshikondo atshi batumibue ba mu diulu kabakuya kukuba aba badi bashipa umue wa mu mikenji eyi . » - Patriarches et Prophètes, p. 255b. Tshikondo tshiakafika Mose ne Alona mu Ejipitu ne kusangisha bakulu, m’mushindu kayi wakandamuna bantu ku lumu lua bupikudi ? Ekesode 4 : 29-31
Makonka a kuambulula dilesona Disambombo10/01
1. N’dilesona kayi ditudi tupeta ku muyuki wa Mose tshipuka tshiakadi tshikuata kapia, mu mushindu utudi ne bua kusemena pa buipi ne Nzambi, tshikondo tshitudi tutendelela, ne patudi bikale mu tshitendelelu ?2. M’mushindu kayi wakadi Mose windila bua kupikula Isalele mu Ejipitu ? Bua tshinyi Nzambi kakapikula Isalele mu mushindu ewu ?3. Bua tshinyi imue misangu tutu tulua bantu badi kabayi basue kuitabuja ne lukasa ku dibikila dia Nzambi bua tuetu kumukuatshila mudimu ?4. N’tshimanyinu kayi tshia bunene budi mene mene bulelela bua aba badi bakuatshila Nzambi mudimu ?5. Mu tshikondo tshia lutatu, nganyi udi mutuiindile, n’tshinyi tshiaya kujimija aba baya kulengulula umue wa mu Mikenji ya Nzambi ?