1. MU TSHIPELA TSHIA SHÛ Dia kumudilu 16/02

a. M’matuku bungi munyi akenda Bena Isalele mu tshipela kabayi bamona mayi ? Ekesode 15 : 22 b. Muaba wakapetabo mayi wakadi ne dina kayi ne mayi akadi mushindu kayi ? Ekesode 15: 23. “Mala” udi unvuija tshinyi ? (Kutangila meyi adi mafunda) (Kufuanyikija ne Luta 1: 20). “Panyima pa matuku asatu a luendu, mayi a kunua akadibo nawu majike, musumba wa bantu wakatata ne nyota mikole, mu tshipela muakadi diba diosha bikole. Anu Mose nkayandi wakadi mumanye miaba eyi, wakadi mumanye ne muaba udi ku mpala utuaya kuikisha, ku Mala, kutuaya kupeta mishimi ya mayi, mayi kâkuikala mimpe a kunua nansha, ne mesu andi akadi enda alonda ditutu ne dipampakana dia bungi, kuakadi ditutu diya. Mutshima wandi kawakadi munda, pakunvuaye m’bila ya disanka ne: “Mayi ! Mayi !” ne kumona balume, bakaji ne bana baya ne lukasa ku mushimi wa mayi, bua baya kuela lubila lua bowa ne kanyinganyinga ne : Mayi akadi ne bululu !” – Patriarches et Prophètes, p. 263

---

2. MABENESHA (Masanka) MAPUA MOYO Dibidi 17/02

a. Bantu bakenza tshinyi tshikondo tshiakabangabo kukenga ne nyota ? Ekesode 15: 24; Misambu 106: 13 “Mu kupanga ditekemena, bantu kupua moyo, ditutu, tshimanyinu tshia dikalanganaku dia Nzambi, ne bualu bua se Mose, ne bobo bine, kulonda ditutu edi kakuyi ku makolela: Kubanga kunungana bua se bua tshinyi ditutu edi dia kutulombola mu njila ewu. Munyungishibue ne dikenga diabo, Mose kuenza tshiakadibo bapua moyo bua kuenza: ‘kuela lubila kudi Nzambi bua kulua kubakuatshisha’” – Patriarches et Prophètes, p. 263-264 b. Kilisto udi wamba tshinyi bua aba badi ne dibungama bua matuku abo atshilualua ne bapua moyo masanka akamana kupita ? Luka 12: 29-30 “Bena Kilisto kabena mua kuditatshisha ne kuela menji bua bidi bikengela bua moyo. Bikala bantu badi banange Nzambi ne badi bamutumikila, ne bikalabo bakuenza biabo bidi bikengela bua kuenzeka kudibo, Nzambi neabalongoluela bionso bidi bua majinga abo. Nansha munudi nupeta bia kudia bienu ku tshisululu tshia pa mpala penu, kanuena mua kupanga ditekemena mu Nzambi; Bualu Yeye Udi ulonda anu tshidi bulongolodi buandi bua malu, bua kuandamuna ku dituku ne dituku a ku majinga enu” – Conseils à l’Econome, p. 239-240 c. N’tshinyi tshidi tshileja ne Nzambi kakutupua moyo kashidi ? Yeshaya 44: 21; 49: 15-16 “Dinanga dia Yezu didi menji adi maleja patoke, ditambe dinanga didi nadi mamu bua muan’andi. Dinanga ditutu bamanye ne n’ditambe n’dinanga dia mamu kudi muan’andi, kadi dinanga dia Yezu didi ditambe. Mamu udi mua kushintuluka mu kunanga kuandi, kulua ne malu makole, kadi Yezu kakuya kuikala ne tshipua moyo, anyi kupanga dilengibua ku moyo bua bana bandi, kena ne tshikisu.“Katuena mua kupanga kuleja ditekemena ditabuja. Kupanga dinanga dia Yezu didi dia bukole butambe, didi dikontolola mananga onso a mu bufuki ; ne udi wangata mishimi yandi yonso minene bua kukuata nayi mudimu bua kuenzela bantu bandi bimpe. Dinanga diandi didi dishala kashidi, kadiena dishintuluka anyi peshi dibuitshidila. Katupuekeshi Nzambi milongo, bua kudienzeja bua kudilama nkayetu, mesu matangija amu kutudi, batangila amu ku mpala » - Levez vos Yeux en Haut, p. 172« Oh, tangilayi mudibi bipepele bua kupua Nzambi moyo, biabi Yeye kena mua kutupua moyo ! Ku diba dionso udi utukumbula ne ngasa wandi. » - Our High Calling, p. 314

---

3. KANYINGANYINGA KATALAJA Disatu 18/02

a. M’mushindu kayii wakalua mayi a Mala masheme bua kunua ? Ekesode 15: 25 N’dilesona kayi dia mu tshienzedi ditudi mua kuyila ku bualu ebu ? “Nzambi udi ne buanga bua londapu ku mabedi ne ntatu bietu. Tshikondo tshiakafika Isalele ne nyota mu tshipela bua kunua mayi a Mala akadi bululu, Mose kuela Yehowa lubila ; kadi kakamupesha londapu luakadiye kayi mumanye. Wakoka amu ntema yandi ku mishimi ya mayi musangu umue : tshitupa tshia mutshi wakadi udiunda pa buipi ne muaba awu, kuedibua mu mayi bua kuâlengeja kuâvuija masheme bua kunua. Pakenjibua bualu nunku, bantu kunua mayi kujikija nyota yabo. Bu bikala mu amue a mateta etu, tuakutangila kudi Kilisto nealue kutukuatshisha. Mesu etu neaye kutabala ne netujandula milayi ya londapu idi mu diyi Diandi. Nyuma Muimpe neatuleje mushindu utudi mua kuvuija malu onso makane â atu adi mua kuambuluisha bu dimoto dia buanga dia kulamika pa mputa. Bua dikopo dionso dia kanyinganyinga didi dituala ku mishiku yetu, netupete ditalala didi dikumbane bua kutalaja lutatu.Matutu atshilualua, ne malu awu makole ne nshikidilu wawu udi kayi mumanyike, kaena mua kutatshisha mitshima yetu, anyi kutekesha binu bietu ne kupuekesha maboke etu.« Mbambala … meme tshieyemenu, bakeba nanyi ditalala » (Yeshaya 27: 5) Mudi Mukelenge wamba. Badi badilekelela mu bukokeshi bua Wa-Bukole Bonso ne baditua bua kumuenzela mudimu, kabakutekibua mu bualu budibo kabayi babalongoluela tshidi kuenza. Mu bikondo bionso bidi malu alua, bituikala tudi tutumikila diyi diandi, netuikale ne Muludiki Udi kayi upanga. Nansha kutshioka kuetu kuikala munyi kanyinganyinga ketu, kudila kuetu kudikala kuetu, netuikala ne mutupi wa mibelu mijalame, mulunda wa luse » - Le Ministère de la Guérison, p. 213-214 b. M’muaba kayi ne n’tshikondo kayi tshiakamueneka bualu bua mushindu umue ne m’mushindu wakamueneka diandamuna ? 1Bakalenge 2 : 19-22 « Kulengeja kua mayi a mu Yeleko kakuakenjibua ne lungenyi lua muntu, kadi ku tshishima tshia Mukelenge nkayandi […]Mu kuela kua luepu mu mushimi wa mayi akadi kâyi masheme, Elisha kupesha bantu dilesona dia mushindu wa momumue ne dia Musungidi, pakambila bayidi bandi ne : ‘Nudi luepu lua buloba’, luepu lusangisha ne mayi mabi, ludi lulengeja mayi au, ne mpindieu adi afila moyo ne disanka (dibenesha) muaba wakadi anu lufu ne dikenga dikole. Padi Mukelenge ufuanyikija bana bandi ne n’luepu, udi musue kuamba ne mu kubenza bintu bia ngasa wandi, ne baditua biabu ku lupandu lua bantu bakuabo » - Prophètes et Rois, p. 174-175

---

4. MILAYI IDI BUA UDI UTUMIKILA Dinayi 19/02

a. N’tshinyi tshiakalaya Yehowa bua kuenzela bantu bandi ? N’ku kukumbaja kua bualu kayi ? Ekesode 15 : 26 Malu a kukumbaja mafuanangane ne awu adiku lelu anyi ? « Ewu udi musue kulama bukole buandi bua mubidi, udi ne bua kukumbaja malu â. Tudi ne tshia kumanya malu â a kukumbaja. Mukelenge kena musue bua tuetu kuikala ne dipanga kumanya dia mikenji yandi, ya bufuki, nansha ya nyuma. Tudi ne bua kukuata mudimu popamue ne Nzambi bua kupesha mubidi bukole ne kupesha musuka kabidi. Mudimu wetu udi wa kuyisha mushindu kayi udi kulama ne kupeta bukole bua mubidi. » - Jésus-Christ, p. 826 b. N’dituishibua kayi didi dipesha babedi (basame) ? Misambu 103: 2-5; Yakobo 5: 15-16 “Muntu wakadi tshibombo kupeta londapu lua musuka ne lua mubidi kudi Kilisto. Diambedi ne disama dia mubidi kondapibua, Kilisto udi wanji kutuala dikisha dia Nyuma ne kulengeja musuka ku bubi. Dilesona edi kadiena mua kuikala dilengulula. Kudi lelu bantu ba bungi badi basama masama a mubidi bu, muntu ewu wakadi ne bidimba biandi bitekete, bidi kupumuna kuabo munda muandi mu kunvua meyi â ne: “Mibi yebe yakufuidibua luse”. Bujitu bua bubi, ne kupampakana kuabo ne majinga abo kâyi makumbaja, ke tshikebi tshia kusamba kuabo. Kabena mua kupeta dikisha padibo kabayi balua kudi Ngangabuka wa musuka. Ditalala didi anu yeye nkayandi ufila didi dipingaja bukole bua Nyuma ne bukole bua mubidi” – Le Ministère de la Guérison, p. 60 c. Bua tshinyi tudi ne tshia kuikala badi balonda mikenji mu mushindu utudi tuteyela ntema mubidi wetu ? 1Kolinto 6 : 19-20 ; 10 : 31 « N’tempelo wa tshijila udi muikale mubidi, udi ne tshia kuikala mulama biakane ne kayi bukoya (bubi) bua Nyuma Muimpe asombemu. Tudi ne bua kulama biakane tshintu tshidi tshia Mukelenge, bualu bua bubi bonso budi buenzela makole etu budi kukepesha kua tshikondo tshia moyo, tshikondo tshiakadi mua kuikala tshikuata natshi mudimu bua butumbi bua Nzambi […]Mu kukuata mudimu biakane ne makole etu, tuenza mudimu mushindu udi ukumbana, mutshinkila, mu kulama bitupa bietu bia mubidi biakane, kakuyi mushindu wa kubinyanga, mu mushindu wa se menji etu, tujilu tuetu, ne mivungu bidi biya kuenda biakane mene mene, tudi ne bua kuya kuenzela nunku Nzambi mudimu mutambe buakane » - Avec Dieu Chaque Jour, p. 134

---

5. MISHIMI YA MAYI YA MU ELIMA Ditanu 20/02

a. Panyima pa Bena Isalele bumbuka ku Mala, m’muaba kayi wakasabo tshitudilu ? Unvuija bua tshinsense tshiakapetabo. Ekesode 15: 27 b. M’mushindu kayi wakapesha bena Isalele mayi ne diampa mu luendu luabo mu tshipela, m’mushindu kayi wakalayaye bua kulongolola bantu bandi bintu bidibo nabi dijinga diambedi mene mene ne kubuela mu Kanana wa mu diulu ? Yeshaya 33: 16; Misambu 37: 19 “Mukelenge wakandeja misangu mivule bua se kabiena biunvuangana ne Mukanda wa Nzambi bua kubutshila bintu (bia kudia) bua majinga abo mu tshikondo tshia lutatu. Nakamona ne bu bansantu bakateka ku luseke bia kudia, ku nzubu yabo nansha mu madimi mu tshikondo atshi, apu m’padi muele wa mvita, tshiyole tshia nzala ne masama a tshiambu mu musoko, bia kudia ebi, nebikale biangata ku tshikisu, ne bantu banyi nebaye kupola bia mu madimi abo. Apu ke kufila ditekemena dietu mu Nzambi, Yeye neakukankamika. Nakamona ne bidia bietu ne mayi etu a kunua nebikale bimana kutulongoluelabi, ne katuakuya kupanga tshintu ne kuya kukenga ne nzala; Bualu Nzambi udi mua kuteka mesa a bia kudia mu tshipela. Bu biobi biakukengela neatume bikololo bua kutudisha, bu muakadishabi Eliya, anyi kulokesha manna mu diulu, bu muakenzelaye bena Isalele mu tshipela.” – Premiers Ecrits, p. 56

Makonka a kuambulula dilesona Disambombo 21/02

1. Bua tshinyi muaba wakapeta Bena Isalele mayi wakabikidibua ne Mala ? 2. M’’mushindu kayi wakenzabo ku bulongolodi bua malu bua Nzambi mukubafikisha mu muaba ewu ? M’mu tshinyi mututu bietu tuenza momumue misangu mikuabo ? 3. Nzambi m’mulaya ne katuakuya kupanga bitudi nabi dijinga anyi ? M’malu kayi adi kukumbaja bua bualu ebu buikale bulelela ? 4. Bua tshinyi bidi bia mushinga mutambe bua kutumikila mikenji ya Nzambi ya bukole bua mubidi lelu ? 5. N’tshinyi tshidi Nzambi mulaya bua kupesha bantu bandi diambedi ne bobo kubuela mu Kanana ka mu diulu ?