1. NSATANA UDI UTETA BUA KUTUALA BANTU BA NZAMBI MU DIPANGILA DIA NVITA Dia kumudilu 29/12/2019

a. Bu muakadi bungi bua bana ba bena Isalele buenda buvulangana ne lukasa luonso, dipangadika dia Palo diakadi tshinyi bua bowa bua se dituku dikuabo nebalue ku nduisha mvita ? Ekesode 1 : 15-17, 22 « Kupangilabo mu tshipatshila tshiabo tshia kubatekesha, ne kukepesha bungi buabo ne kutshintshimika menji abo a dieyemena ku nkoleshelu wa kudiatakaja, mukelenge ne bamupeshi ba milubu bandi kujinga kuangata mikenji mibi (idi kayiyi miakane). Mukenji kufidibua kudi baleleshi ba bena Ebelu bua kushipa bana bonso balume ku diledibua diabo. Mufidi wa mukenji ewu mubi wakadi Nsatana, wakadi mumanye mulayi wa Mupikudi, kuela menji bua bulongolodi bua Nzambi kabuyi kukumbana. Kadi baleleshi aba badi ne lulamatu kudi Nzambi, kubafuta, mu kubadiundisha. Tshinji kumukuata bua kabena batumikila mukenji wandi, Mukelenge kûvuija udibo kabayi mua kupanga mua kupanga kutumikila ne udi bua bantu bonso » - Patriarches et Prophètes, p. 220

---

2. KULONGOLOLA KUA MULOMBODI Dibidi 30/12/2019

a. N’tshinyi tshiakadi bumpianyi bua Mose ? Ekesode 2: 1; 6: 20 “[Ekesode 1: 22]. Pakadi mukenji ewu bawenzela bikole, Muana mulume kuledibua, muana wa Amram ne wa Yokebede, bena Isalele ba lulamatu ba mu tshoto tshia Lewi. Muana ‘wakadi muimpe tshinfuanyi’, ne baledi bandi bakadi bitabuje se tshikondo tshia dipikudibua tshikadi tshisemena pa buipi ne Nzambi wakadi ne bua kujudila bantu bandi mupikudi, kuangatabo dipangadika bua se muan’abo kena mua kufua nansha.” – Patriarches et Prophètes, p. 241 b. N’tshinyi tshiakenza mamu’andi wa Mose bua kusungila moyo wandi ? Ekesode 2: 2-4 c. M’mushindu kayi wakatamba Nzambi malongolodi a Nsatana a kushipa kua mupikudi musungula kudi Nzambi? Ekesode 2: 5-10. N’tshinyi tshitudi ne bua kuyila mu mushindu wakadi mamu’andi wa Mose mukumbaja mudimu wandi wa tshijila wakadi wa kuyisha kua muan’andi bua Nzambi? “Nzambi kunvua mitendelelu ya mamu ewu wa lulamatu, ne ditabuja diandi kufutshibua. Ne tuasakidila, kayi kabidi mu njiwu, kudifila ku mudimu wandi wakamupeshabo. Mutuishibue ne muan’andi wakadi mulamibue bua umue mudimu munene, kakalengulula bualu nansha bumue bua kumuyisha ne kumulombola mu njila wa kuimpe. Kulonda menji adi ne wakadi ne buakumbuka mu bianza bia mamu wandi muana wa Palo, kudiye munyunguluke ne menzejibua a njiwu, kufila menji andi onso ku mudimu ewu wa kukolesha kua muana ewu, kupita bana bandi bakuabo. Mu kudienzeja bua ku mubueja ne ditshina dia Nzambi, dinanga dia bulelela ne buakane, wakalomba bikole kudi Mukelenge bua kumulama ku dinyanguka diakadi mu lupangu lua Palo. Kubuluila muan’andi bupale ne dinyanguka bia kutendelela kua mpingu, ne kumuyisha pa diba bua kubikila Ewu udi amu yeye nkayandi wakadi ne bua kumunvua ne kumukuatshisha mu njiwu […]Kakapua moyo biakapetaye mu buana buandi. Mayisha kâkakupuka mu menji andi mapeta kudi mamu wandi, kumulamawu ku budisu, dipapisha dia mutshima ne malu mabi biakadi bimueneka munkatshi mua lupangu lua mukelenge Palo. » - Idem, p. 221-222Muana yonso mulelela mu diku udi muikale diyeba (nzubu wa kubutshila bintu) wa tshijila. Nzambi udi wambila baledi ne : ‘Muana ewu, mukoleshayi bua bualu buanyi, ikale bua butumbi bua Dina dianyi ne kupesha mabenesha anyi kudi buloba’ » - Conseils aux éducateurs, aux parents et aux étudiants, p. 118

---

3. NKOLESHELU WA TSHIENA EJIPITU Disatu 31/12/2019

a. Panyima pa yeye mumane kupeta nkoleshelu wa mu diku, n’koleshelu wa tshipungidi tshibidi wa Mose wakadi ne malu kayi munda ? Bienzedi 7 : 22. Bua tshinyi nudi nuela menji ne N’Nzambi wakamuteka mu nzubu wa Palo ? « Muana mulume Yokebede kumbuka mu nzubu wa bupuekele ku Goshene bua kubuela mu nzubu wa bukelenge wa Palo, muakamuakidilabo kudi muana wa bakaji wa mukelenge bu muan’andi munangibue bitambe. Mu tulasa tua mu Ejipitu, Mose kupeta mayisha a bantu bonso nea busalayi mimpe matambe. Wakadi ne tshisumi mumanye mukanda, unvua diyi munkatshi mua bantu, wakadi umueneka bua kulua biandi Palo, mumanye bimpe bunfumu munene wa masalayi, wakalua tshitembu kudi bena ditunga bua kusambakena nabu mu ntendelelu wa ba mpangano, kadi nansha upidia bua kusambangana, kadi nansha nanku bakamuyisha malu onso masokoka a ntendelelu wa tshiena Ejipitu ! – Education, p. 72 b. Bua nkoleshelu wa lulamatu mupeta kudi baledi bandi mu buana buandi, n’kusungula kayi kuakenza Mose pashishe mu moyo wandi ? Ebelu 11 : 24-26 « Mose wakadi mukumbane bua kuikala mu mulongo wa pa mûlu munkatshi mua bantu banene ba pa buloba; wakadi kuikala muntu udibo batangila kudi bonso mu lupangu lua bukelenge bua butumbi butambe ne kuikala ne dikombo dia bukelenge ebu. Dimanya diandi dia pa mûlu dia malu ku mutekadi pa mutu pa bantu banene ba mu bikondo bionso. Bu mumanyi wa malu a kale, mufuimbi ne muimbi wa tusala, mumanyi wa malu a nkindi, muedi ne mutshinkilu wa mikenji kakuakadi wa kumufuanyikija nandi.Ne nansha nanku, muakadiye ne buloba bujima ku mpala kuandi, wakapeta bukole bua mu ngelelu wa menji bua kubenga bionso bia bubanji ne matumbi a buloba, ‘kunanga bua kukenga bimpe ne bantu ba Nzambi pa mutu pa kuikala ne bubi disanka dia tshitupa tshipi’”.Mose wakadi muyile bua tshiakadi ne bua kuikala disanka dia ndekelu didi bua badipuekeshi ne bena lulamatu kudi Nzambi buandi yeye, butumbi bonso bua pa buloba buakadi bumbusha kudi mulayi ewu. Nkuasa wa butumbi ne nzubu munene wa bukelenge bia Palo bakadi bamupeshabi. Kadi wakadi mumanye bubi ne dipetu dia malu adi kutendelela biakadi mu muaba ewu wa kusesuisha. Pa mutu pa miaba mimpe ya kushikama, tshifulu tshia bukelenge bua Palo, wakadi umona mu nyuma butumbi budi kabuyi kufuanyikija buikale buabanyangina kudi bansantu ba Mutambe Bunene wa mu diulu mu bukokeshi bua buakane ne dipanga kuenza bubi, wakatangila tshifulu tshia butumbi tshidi katshiyi tshisunsuka tshidi Mukelenge wa mu diulu uya kuasa ku mutu kua batshimunyi. Ne mutshima mule ne ditabuja edi, kumbuka ku bantu banene ba pa buloba bua kudisanga kudi bantu bapele, badipuekeshi ne bapetula bakadi basue bua kutumikila Nzambi ne kubenga bua kumupidia” – Patriarches et Prophètes, p. 224

---

4. KUMBUKA KU MUANA WA MUKELENGE BUA KUIKALA MULAMI WA MIKOKO Dinayi 01/01/2020

a. Bipeta biakadi tshinyi, tshikondo tshiakadi Mose uteta, mu mushindu wandi yeye bua kuendesha bulongolodi bua Nzambi bua Isalele ? Ekesode 2: 11-15; Bienzedi 7: 23-29 “Mose wakadi mumanye ne dimanya dia malu dia mu Ejipitu diakadi dikumbane kudiye bua kupikula Isalele mu bupika. Kakadi mumanye bionso biakadi bikengela kudi munene wa masalayi anyi ? Kakadi muyile mu tulasa tuimpe tua ditunga anyi ? Kudiunvua ne udi mukumbane bua kupikula tshisamba tshiandi. Kuditua ku mudimu wa kukeba bua buimpe kudi bana babo, bua kutangila bilema. Kushipa muena Ejipitu. Wakadi umueneka kayi ne mesu a buakane kudi muena Isalele. Mu kuenza bualu ebu kumueneka ne menji a mushindu wa momumue ne mushipi ewu wakashipa katshia ku tshibangidilu”Wakamueneka kayi ukumbana bua kuleja mpala wa Nzambi wa luse lunene, wa dinanga ne lutulu.Mose kupanga bianza ne muadi ku kuteta kuandi kua kumpala. Bu mudi bantu ba bungi bakuabo, kujimija ditekemena diandi mu Nzambi ne kumbuka ku mudimu wandi. Kunyema kuya kule bua tshinji tshia Palo. Kuya kukomesha bua se wakadi muenza bibi mene mene mu kushipa muena Ejipitu, Nzambi kakamupepejila bua yeye kukuatshisha tshisamba tshiandi ku budikadidi bua bupika bua tshikisu. Kadi Mukelenge wakenza bua bikala amu nunku, bua kuyisha Mose lutulu, buimpe bidi bikengedibue bua muena mudimu yonso wa Mukelenge ne bua kuikala nalu bu bikalaye udi musue kuenza mudimu wandi ne udi uya kumpala” – Conseils aux Educateurs, aux Parents et aux Etudiants, p. 327-328“Nzambi kakalongolola malu, mu mushindu wakadi Mose wela menji nansha wa kupikula tshisamba tshiandi ku kuluangana kua mvita, kadi ku bukole buandi nkayandi, bua anu yeye nkayandi ikala ne butumbi bonso. Wakakumbaja muanda ewu mukutua mpanda ku tshilema etshi bua dikumbana dia, disua diandi. Mose kakadi pa buipi bua mudimu ewu munene wakadi mumuindile. Bu Abalahama ne Yakoba, wakadi ne bua kuyila bua ka mbimpe bua kutekemena bua kukumbaja milayi ya Nzambi kupitshila ku bukole ne lungenyi bia bantu, kadi amu ku bukole bua Nzambi nkayandi.” – Patriarches et Prophètes, p. 225 b. M’mushindu kayi wakapeta Mose diku ku luseke lua Midiyana ne n’nganyi wakalua diku diandi ? Ekesode 2: 16-22; 18: 2-4 c. N’tshinyi tshiakadi mudimu wa Mose mu ditunga dia Midiyana ? Ekesode 3: 1

---

5. MUFUIMBA MU KALASA KA DITETA Ditanu 02/01

a. N’tshinyi tshitudi mua kuamba pashishe bua Mose bua dishintuluka dinene diakamueneka panyima pa bidimu bia bungi bia difuimbibua mu tshipela ? Nomba 12: 3. M’malesona kayi akadiku a kuyila ? “Kuyila kuakapeta Mose bu muana wa muana mukaji wa Palo, kuakadi kukumbane. Kakuena bualu nansha bumue buakadi bupepeja mu kuyila kuandi bua kuikala muntu mu Ejipitu. Ku luseke lukuabo, n’koleshelu ewu wakadi ne mushinga kudiye, kadi tshitupa tshia mushinga mutambe tshia difuimbibua diandi bua mudimu wa moyo wandi tshiakapetaye n’kuikala bu mulami wa mikoko. Mu kulombola kua mikoko yandi mu mpata, ne mikuna, miaba ya mashinde, mu bibandabanda, Nzambi wa mu bufuki wakamuyisha lungenyi lua mâlu mu tshipidi tshia pa mûlu. Mu kalasa ka mu bufuki, Kilisto bu Muyishi, wakabandila ne kuyila malesona a bupuekele, lutulu, a ditabuja ne ditekemena, ne mushindu wa kuikala ne moyo mupepele; bionso ebi biakasuika moyo wandi mene mene kudi Nzambi. Mu kuikala nkayandi mu mikuna, wakayila, kutamba bionso biakadiye ne bua kuyila mu nzubu mua mukelenge – ditabuja dipepele ne didi kadiyi dinyungishibua ne ditekemena dikole mu Yehowa. – Fundamentals of Christian Education, p. 342“Mu kalasa ka kudipidia, wakadi ne bua kuyila bua kuikala ne lutulu ne kukelemeja kua majinga andi a mutshima. Diambedi kulombola ne lungenyi, wakadi ne bua kumanya mua kutumikila. Bua kumanyisha bantu disua dia Mutambe Bunene wa mu diulu, wakadi ne bua kuikala ne moyo mujima mu bukokeshi bua bulombodi bua Nzambi, ne kudilongolola, kupitshila ku bualu buandi yeye nkayandi bupitshisha, ne kuikala ne ntema ya bungi ya buledi kudi bonso bikala ne bua kuikala nandi dijinga” – Patriarches et Prophètes, p. 225

Kuambulula dilesona Disambombo 03/01

1. M’mushindu kayi wakamanya Nsatana ne mupikudi wakadi ne bua kujudibua munkatshi mua bena Isalele, ne wakenza tshinyi bua kumupumbisha ? 2. M’mushindu kayi wakakolesha mamu’andi wa Mose muan’andi yeye wakadi ne mutuishibue, bua se yeye (Mose) wakadi ne bualu buamba bua yeye kuenza bunene ? M’mutshipatshila kayi mudi bana ba lelu ne bua kuyishibua? 3. N’tshinyi tshiakenza bua Mose kusungula bupele pa mutu pa bintu bia pa buloba ebu ? 4. Bua tshinyi Mose wakapeta dijinga dia kuyishibua kabidi mu muaba wa tshipela? 5. M’malu kayi akayila Mose munkatshi mua bidimu biakadiye mulami wa mikoko ? N’tshinyi tshitudi ne bua kuyila bua mateta atudi ne bua kupitshila mu moyo ?