Nsabatu wa 07/03/2020 Badi batulukila mu malu « Oh ! Bu meme muikale ne mapuapua a nyunyi wa Nkutshi, nakadi kubûka, ne kupeta dikisha ; […], nakadi kunyema ne lukasa lonso ku lupepele lukole » - Misambu 55 : 7-9 Lupepele lukole, ne kuzakala kua buloba, malu adi afika a lufu kâyi mamanya, diûla dia mayi ne kukuatua kua bintu kapia, bidi bile bua kubitela bidi bile, bidi bienda bimueneka bilua anyi ? « Dituku dia diteta ne dia dilengejibua didi pa buipi. Bimanyinu bidi bileja menemene mu kumueneka kuabi, mu kûla kua mayi, bipepele binene, bipupu pa buloba ne mu meyi, bishipa bantu babungi ; bidi biamba bua nshikidilu udi pa buipi mene mene wa bintu bionso. Kulumbulula kua Nzambi kudi kuenda kumueneka pa buloba bua bantu baya kutabuluka ku mpala kua malu malelela a kulua ne lukasa kua Kilisto » - The Review and Herald, 8 Novembre 1892 « [Nsatana udi ukeba] bua njiwu yenzeka ne bipupu bienzeka pa buloba ne mu mayi : Kapia kakuata ku bintu bipepele bikole, mayi ûla, kukanka kua buloba. Bukole buandi budi bulejibue mu miaba yonso, ne mu mishindu binunu. Unyanga bia pa madimi ne utuala nzala. Udi wela lulengu mu kapepa kakupuyakana, ne bantu bangi badi bapeta masama. Malu â dikenga neaye anu kumueneka ne kubutula. Mudimu wa kubutula newukuate bantu ne nyama. » - La Tragédie des Siècles, p. 639 « Apa mvita (dikokangana) mitambe idiunda (itampakana) pa buloba buetu tshidi Nzambi musue bua tuetu kuenzela bantu badi bakenga n’tshinyi ? « Wewe muntu, bakukuleja tshidi tshimpe, ne tshidi Yehowa ulomba kûdi, bua wenze tshidi tshiakane dinanga luse, ne wenda mudipuekeshe ne Nzambi » - Nzambi udi « ne disanka mu luse lunene » (Mika 6 : 8 ; 7 : 8) « Padi bualu bukole buya kumueneka, bantu bakenga, badi bela mbila mikole, badila ku nansha mua kumonaku bualu bua luse lukese : bilulu bua badi butaka, bia kudia bua badi ne nzala, dikuatshisha bua kujula bidi biupuke bia nzubu misunsuke, anyi kondapa mputa ya badi batapike. Dikuatshisha dia ne lukasa didi dilomba makuta a bungi, kadi ne dikuatshisha dienu dia moyo wenu wa dipa, tudi mua kuandamuna ku majinga â a ne bafutshibue, bualu bakufunda ne : ‘Badi luse bua bakuabo badi ne disanka bua bobo ne bafuidibue luse » - (Matayo 5 : 7) Tshibambalu tshia Malu a luse