1. KUJADIKA MUFUKI Dia kumudilu 22/03

a. N’tshikondo kayi tshiakafidibua Nsabatu kudi bantu ? Biakadi bua tshipatshila kayi ? Genese 2: 1 - 3 “[Diyi didi diamba bua kuvuluka dituku dia dikisha] ne kudibala bu tshivulukidi tshia mudimu wa Mufuki. Mu kubikila ne Nzambi Mufuki wa diulu ne buloba, mukenji ewu udi umutapulula ne nzambi mikuabo ya dishima” – Patrirarches et Prophètes, p. 280 b. Bua kujidila kulelela kua Nsabatu, tela amue malu a kulonda mu kabujima ? Yeshaya 58 : 13 c. Bua tshinyi misangu mikuabo katuena tutebelela meyi etu atudi tuakula mu dituku dia Nsabatu ? Matayo 12 :34 « Bua kujidila dituku dia dikisha, katuena mene ne bua kulekela menji etu kuimanyina ku malu etu a ku dituku dionso atutu tuenza nansha » - IdemKadi bua kujidila Nsabatu mu tshijila tshiandi, bantu badi ne tshia kuikala ba tshijila bobo bine. Badi ne tshia kulua nunku babanyanganyi ba buakane bua Kilisto mu ditabuja » - The Desire of Ages, p. 283 anyi Jésus-Christ, p. 270

---

2. NZAMBI MU MUABA WA KU MUDILU Dibidi 23/03

a. Tshidi Nsambi wamba n’tshinyi ku ntuadijilu kua mikenji, tshidi tshileja nunku mushinga wandi ? Ekesode 20:3 “M’mushindu kayi utudi tupesha etshi nansha tshiatshia tshintu muaba wa ku mudilu mu moyo wetu ? N’nzambi kayi mikuabo ututu tuakuatshila mudimu misangu mikuabo ?“Amu Nzambi Nkayandi, N’ngudi muikale Wa-Tshiendelele, kayi mufuka, kudianza kuikalaku ku Yeye Nkayandi (Mudifuka), Yeye n’Ngudi mufuki ne Udi mutuala bionso bidi bikalaku, Yeye n’Ngudi mukumbanyine dikukuila dia pa mûlu. Mukenji ewu udi ukandika muntu bua kufila muaba wa kumudilu kudi ne nganyi ne nganyi ne kudi ne n’tshinyi ne n’tshinyi, kufila dinanga diandi ne ditumikila diandi. Bionso bidi bifikisha dikepela dia dinanga dietu bua Nzambi anyi bidi bipumbisha bua kumuenzela mudimu, bidi bilua kudi Nzambi” – Patriarches et Prophètes, p. 278 b. N’ngikadilu wetu wakadi kuikala tshinyi ku mpala kua Nzambi ? Mâko 12: 30; Dutelenome 10: 12 “Mudimu wa Kilisto udi ulomba bua muntu adifile yeye mujima mutshima wandi, Nyuma wandi, bukole buandi. Mudimu ewu kawena musue mutshima udi muabanya. Udi musue bua tuetu kuwenza bimpe bitambe” – This Day With God, p. 161 c. N’tshinyi tshidi tshia mushinga (tshidi tshikengela) bituikala tudi basue kubuela mu malanda ne Nzambi mudiye ne bua kuikala mu muaba wa kumudilu ? “Ditabuja didi dikole didi bua malanda (dipetangana) makole ne Kilisto didi dileja tshitudi tujinga tshidi tshia pa mûlu, dieyemena dipuangane, kudifila kuonso. […]Ditabuja edi didi dipatula mu moyo wa muyidi wa Kilisto ditumikila dilelela dia mikenji ya Nzambi, bualu dinanga dia Nzambi ne dinanga dia muntu didi difumina ku malanda makole ne Kilisto » - Messages Choisis, vol. 1, p. 392« Muena kuitabuja mulelela udi muikale mu Kilisto ne kudiye n’kudiye wangatshila tshidiye muine tshiandi. Bobumue ebu budi mua kuikala bushime amu kuditabuja didi ne kuenza dia muntu nkayandi. Ditabuja edi didi dimueneshibue kutudi bu tshidi tshietu tshitudi tujinga, dieyemena dipuangane, kudifila konso. Tudi ne bua kufila disua dietu bua kuya kukokela ku disua dia Nzambi : Majinga etu, bipatshila bietu, buneme buetu bidi ne tshia kulonda tshidi kudiunda kua bukelenge bua Kilisto ne buneme bua bualu buandi. Tudi tupeta nunku ngasa wa Musungidi, yeye udi witabuja kusakidila kuetu » - Avec Dieu Chaque Jour, p. 13

---

3. KUTEKA MAJINGA EBE A BUIMINYI KU LUSEKE Disatu 24/03

a. M’muaba kayi udi dijinga dia dipila dituala ku malu mabi matambe bu mudi kusamina kua mutshima ne masandi ? Nsumuinu 4: 24; Matayo 15: 19; 22: 37 “Muteyi kena mua kutuenzeja bua tuetu kuenza bubi. Kena mua kukokesha nyuma yetu anu tuetu badilekelela ku buenzeji buandi. Bua Nsatana kuenza ne bukole buandi pa tuetu, bikengela bua se disua dietu diunvua ne ditabuja dietu kadiena kabidi dilamata kudi Kilisto nansha. Nunku dijinga dibi, didi dilama kutudi, didi dimupesha (Nsatana) muaba wakuimanyina.Muaba onso utudi katuyi mua kutamba bua kufika kutshidi tshikengela tshidi tshia Nzambi, kudi kukanguila Nsatana tshibi tshia yeye kudifinya ne lukana bua kubuela bua kututeya ne kutubutula. Ne kukuluka kuetu konso, kupanga kuetu kudi kumupesha mushindu kayi way eye kufuisha Kilisto bundu” – Jésus-Christ, p. 108“Mu kukandika kua dijinga dia buimunyi didi dilela tshienzedi tshia dipila, mukenji wa dikumi udi ubunda amu ku miji mene ya malu mabi. Ewu udi ku ditumikila dia mikenji ya Nzambi, kena witabuja bua dijinga didi dibi dia kuangata tshintu tshidi katshiyi tshiandi bua kuikala tshiandi bua kupishibua kudi bantu nandi” – Patriarches et Prophètes, p. 282 b. Patudi tumona ne muaba udi mvita iluangana m’mu menji etu, tudi ne bua kuenza tshinyi ? Filipoyi 2: 5-8; Buakabuluibua 3: 20 “Yezu kudivuija muntu bua kuikala mutuangaji pankatshi pa muntu ne Nzambi. […], bua kupingajilula mu muntu menji andi a katshia ku mbangilu, menji akajimijaye mu Edene amu bua mateyi a kusesuisha a Nsatana.” – That I May Know Him, p. 291“Ku dikudimuna dia mutshima ne ku dishintuluka, bantu badi ne bua kupeta nyuma (menji) wa kudi Kilisto.” – Pour Un Bon Equilibre Mental et Spirituel, vol. 2, p. 443 c. Ditumikila dia mukenji wa muanda mutekete didi tô ne muaba kayi ? Matayo 5 : 27-28 « Mukenji ewu udi ukandika ke amu bua tshienzedi tshibi, kadi mene kabidi udi ukandika majinga ne menji adi a mvuenvue, bu bionso mene bidi mua kusaka mubidi. Bu mudi Nzambi ulomba butoke bua moyo udi umueneka, Nzambi udi utulomba bua kuikala ne butoke (buakane) mu menji a mu musokoko, ne bidi bilua mu mutshima. Yezu Kilisto, udi utuyisha bunene bua mukenji wa Nzambi, udi wamba ne menji anyi lutangilu lubi bidi bikale bubi, bu mudi tshienzedi mene » - Patriarches et Prophètes, p. 281

---

4. KUPIDIA MENJI MASHIPI Dinayi 25/03

a. M’miji kayi idi ya menji a kushipa ? 1Yone 3: 15. Mukenji muisambombo udi ne bualu kayi munda muawu ? « Tshienzedi tshionso tshidi katshiyi tshia buakane, tshidi tshia kukepesha moyo ; menji onso a lukinu anyii a kusombola ; tshinji tshionso tshidi tshisaka bua kuenza bienzedi bidi bibi bienzela mukuabo anyi dijinga dia kumuenzela bibi bualu ‘yonso udi ukina muan’abo udi mushipi’ – buiminyi bonso budi bua bakengedi ba bintu, ne basame, bionso ebi bidi bikale mu bipidi bishilangane, kushipa kua mukenji muisambombo » - Patriarches et Prophètes, p. 281 b. Ngikadilu kayi idi mutshima udi wa musunya idi ituala ku lukinu ne mushindu kayi udi ngikadilu ewu mubi ulenga badi bikale n’andi ? 1Kolinto 3 : 3 ; Nsumuinu 14 : 30 « Kusamina kua mutshima kudi kuikala muana mukaji wa budisu. Padiku kudiundisha mu mutshima, kudi kulela lukinu, ne pashishe tshikisu ne kushipa » - Idem, p. 635« Kusamina kua mutshima ngumue ngikadilu mubi ku ngikadilu ya Nsatana. Udi musue kuzangika bikole bumeme mu kupepeja bakuabo. Muena kusamina kua mutshima, utu upuekesha mukuenda bua kudibandisha nkayandi. » - The SDA Bible Commentary, vol. 3, p. 1159« Kusamina kua mutshima, mukawu ne kubanda kudi kakuyi kuimpe bidi bikale mundidimbi mubi udi Nsatana uteta bua kumupumbisha bua kanumonyi ngikadilu wa Kilisto, bualu mukutangila kuenu kua bubi nudi nuvuijibua bashintuluke, bafuanangane nandi » - Idem, p. 1163 c. Bushuwa buetu budi buya tô ne penyi bituikala tudi basue mene mene kulama mukenji wa muanda mukulu ? 2Kolinto 8 : 21 « Mukeni wa muanda mukulu udi upisha buivi. Udi ukandika malu onso adi menza mu bukese buawu bua buivui a mu moyo. Udi ukandika budimu bua kuiba mu mishinga ne udi wenzeja bua kufuta mabanza ne mafutu. Udi uyisha bua se tshienzedi tshionso tshidi bua kupeta kupitshila kudipanga kumanya, butekete anyi dikenga bia muntu mukuabo, tshidi tshifunda mu mikanda ya mu diulu bu kuiba » - Patriarches et Prophètes, p. 281

---

5. BUNEME BUTAMBE KU MANEME A PA BULOBA Ditanu 26/03

a. Mukenji muitanu udi ne bualu kayi bua pa buabu ? Efeso 6 : 2 ; Ekesode 20 : 12 « Baledi badi ne buneme bua tshipidi tshia dinanga ne kanemu budi kabuyi bupesha muntu mukuabo. Nzambi udi ubabala bu balami ba misuka idiye mubapesha, ne udi ubambila bua bikala pa muaba wandi kudi bana babo munda mua bidimu biabo biakumpala bia moyo wabo. Ewu udi upidia bukokeshi budi bua baledi bandi udi mupidia bukokeshi bua Nzambi. Bilondeshile mukenji muitanu, bana badi ke ‘anu kunemeka ne kutumikila baledi babo, kadi kabidi kubananga bia bungi, kupepeja ntatu yabo, kutebelela ku lumu (dipembu) luabo, ne kuikala mpanda ne busambi mu bukulakaja buabo. Mukenji ewu udi kabidi bua kunemeka ne kutumikila ba mpasata ne bandumbulula, ne bua bonso mene badi Nzambi mupesha bukokeshi » - Patriarches et Prophètes, p. 280 - 281« Bidi bitulomba bua kuenzela baledi betu, kabiena ne tshikondo tshidibi bimana. Dinanga dietu kudibo ne dinanga diabo kutudi kadiena dipima ne mu tshikondo, ne mu ntanta ne katuena mua kunyema bujitu budi buetu mu muanda ewu. » - Avec Dieu Chaque Jour, p. 294« Badi basue kulonda bulelela mene Kilisto badi ne tshia kumuitabuja bua Yeye asombe mu mitshima yabo ne kukokeshamu bu Mukelenge. Badi ne tshia kuleja biabo patoke menji ne ngikadilu bidi biandi mu moyo wabo wa mu diku, kudileja bena dinanga ne bantu bimpe kudi badi babanyunguluke. Bana ba bungi badi baleja ne m’bamanye bulelela, badi babenga kupesha baledi babo buneme ne dinanga bidi biabo, badi baleja amu dinanga dikese kudi Tatu’abo ne kudi mamu wabo, badi balengulula bua kubapa lumu mu kuandamuna ku majinga abo anyi kukeba bua kupepeja tunyinganyinga tuabo » - Messages à la Jeuness, p. 329 ne Sons and Daughters of God, p. 60

Makonka a kuambulula dilesona Disambombo 27/03

1. M’mushindu kayi ûndi mua kulama Nsabatu mu tshijila mene mene ? Meyi anyi ne bienzedi nebiya kuleja tshinyi patoke ?. 2. Binikala bulunda ne Kilisto ku mpala kua bionso, tshipeta netshikala tshinyi ? 3. Tshidi mua kuenzeka n’tshinyi binyikala ndi ne menji mabi anyi ndi njangulukila anu pa menji mabi ? 4. Kusamina kua mutshima n’tshinyi ? Tshipeta tshidi tshinyi bikalaku kudi bualu ebu ? 5. Bua tshinyi baledi badi ne buneme kutamba muntu yonso mukuabo ku dinanga ne kanemu ?