TÂ BILA

Pat kati yumhpa wal luan ra yawan stadi taki kan smalkanka baku Dawan uplika nani sturka, kau ban bawina Juda kingka sturka muna sait yawan lantakikan, nanara yawan stadi takisa. Bara nanara naha manka prakaia lamara yawan stadi takikabia lalma kingka tani sturka nani, baha wina yawanra smalkanka painkira wankaia briba. Baku sin kaikan kabia nahki Dawan wantkan witin aitanka kuntri wala idan nani tilara sin yaka nutakaia.

Sturi yamni gaspel bila ba nesan nani sut walan kabia wantsa. Sip iki sakripais daukikan ba smalkanka kum kasak aihwa an tihu palisa Jisas wan dukiara bal pruikan yaba tukinka. Dawan wantkan ba Israel nanik naha sturkana kau kau pawi wabia bara Rahab baku, Rut moab mairka kata an ban wala nani sin nahki heven Gâd kara kakaira takan an aidulra mayuni kan ba swisi Dawanra mayunan baku upla ailal kau sipkaia kan lantakaia.

Sakuna Israel luhpia nani dia Dawan wantkan ba kat daukras kan. Dawan naku aisan: Yang mankri wain dusa mâ. Nahki man dus sat aihka kaman an kau mayara takram? Israel lika wain tara kum palhsa tara sakuna aimasakisa selp witin aidukia. (Jirimaya 2:21; Oseas 2:1)

Moses ku Dawan aisankan Israel luhpia nani aibilawalras sa kaka dia takbia ba. Dawan lâka wina saitra taubia kaka blising ban brikabia apia, an ai uplika wahbisakan ba bankabia sin apia. Aima manas Israel nesanka nani Dawan bila walikan pyuara blising ailal brikan. Sakuna tila manas witin nani Dawan ba aipulaika baku brin bara kau sip Dawan stanmuni kapras kan. —Profetas y reyes, pág 13,14

Dawan mita Israel luhpia nani kiama auban bara yaban aimanas nesan sat wala mita wâr dauki pura luwi taiban lakara brikan. Baha tilara manas aidara wali Dawanra padin taki kan.

Dawan blisinka man nani puramra kabia, Sabat Baibil Stadi mamunra nani alsutra, kaisa yubani naha lisinkana man stadi muns naha katka yumhpa bilara.

Sabat Skul baiki sakanka wina General Konfrence