Sandi
Wis kati 7
1. ESDRAS BARA ARTAJERJES WAL
a. ¿Israel kiamka nisan baku sturka bilara, Medo Persia kingka Artajerjes ba dia daukan? Esdras 7:8, 10-14. ¿dia mankara Artajerjes lâ ka ulban kan?
"Medo Persia ra Artajerjes King aimakikan pyuara Esdras an Nehemías wal Jerusalen ra balan. 457 mankara Jisas kainara lâ yumhpa ulban Jerusalen kli paskaia dukiara. "— Profetas y Reyes, Págs. 446.
b. ¿Esdras ba dia warkka brikan King watlara? ¿Nahki sipkan Ju nani Babilanra kan bara help munaia? Esdras 7:1, 6, 10,21.
"Artajerjes king aimaki kan pyuara witin ju nanira painkaiki kan, baku sin aipanika wal brikan Esdras an Nehemias wal, kan ai kingka aiska bilara naha sat waiknika apukan wapni, klin, kasak an Dawan ra sibrin brikan, bara Artajerjes mita uba latwan kaiki kan naha Dawan albika walra, an witin palisin Dawanra kakaira takan kan aipanika Esdras an Nehemias wal taka.Nahki prana painkira sa naha sturkana wan daukanka taka upla wala Gâd ra kasak lukbia ba, kristian wapni, kasak, gridikira apia. "—Profetas y Reyes, pág. 446.
Mundi
Wis kati 8
2. ESDRAS WARKKA KAU TARA BA
a. ¿Dia warkka tara wala Esdras daukan? Esdras 7:10.
"Wark tara an painkira Esdras daukan ba sika Dawan bila ba yaban tawan uplika nani lantakan. Baha daukaia dukiara witin plikan prapit ulbanka nani sut sipkanba asla daukan an ailal ulban upla nani mihtara mankan. Baku Israel watla banira titanra an tutnira aisa an yapti nani ailuhpia nanira smalki kan Gâd rayakira bila kasak ba."— Profetas y Reyes, Pág. 448.
b. ¿Nahki Edras Dawanra kasak lukikan, ai uplika nanira latwan kaikikan an King wal aipanika kan? Esdras 7:9.
"Esdras witin kasak lukikan Dawan karnakira heven an tasba pankan ba ai uplika Israel nani hepkara diara tara daukbia. Baha kasakka brikan ba wal witin King Artajerjes mawanra dimi wan makabaia adar yabia Jerusalen ra waia dukiara. King witin aman pali Esdras ra walan ninkara kupia bila ba kriwan baku takan sipapia kan wapara wiaia, au witin aiwarkara nitpali kan Esdras helpka ba kan naha waiknika sat apukan aikingka aiska bilara. Sakuna Israel nani Jerusalen ra wih Dawanra mayunra yabaia dukiara Esdras aisan pyuara Artajerjes uba pain an lilia walan.
Baku Artajerjes lâ yumhpa ba ulbisakan Israel luhpia nani Jerusalen ra kli tawi wabia dukiara, lahla pihni, lahla pauni, prisant ailal sin yaban an Esdras palira King uplika tara kum baku karnika yaban, dia makaban dukia kumi sin apia wiras kaupura praki yaban Jerusalenra tempel watla maki Dawanra mayunra daukbia dukiara. Naha sutna lika Dawan Spiritka mita Artajerjes kupiara dinkan daukaia."—Profetas y Reyes, Pág. 448.
c. Artajerjes lâ daukan ba Israel nani Jerusalen ra wabia dukiara kunhku dauks Esdras 7:12-21.
Tiusdi
Wis kati 9
3. MAIN KAIKAIA BARA KANSUNAIA LISANKA
a. ¿Nahki aman pali mainkaikan tempel watla dukiara gul an silva yaban kan yaba babilan wina? Esdras 8:24-29.
"Israel luhpia nani Babilan wina mahka Jerusalenra balaia ridi takan pyuara, King Artajerjes an aiuplika tara nani mita temple watla dukiara yaban gul, silva, bras pautara angki daukan an present wala nani sin. Sakuna ban ikisbrira apian aha dukiara Esdras mita pris nani matawalsip pura wal (12) wahbi sakan presantka nani sutba paun muni tanka kat bribia an mainkaiki brihwabia Jerusalenra. (Esdras 8:24, 25) Esdras ra Dawan spiritka mita tâ brikan bara witin diara kumi sin ban tanis isti ban daukras kan diara sutba adarkat wapni, klin, holi lakat daukikan. Gâd albika nani sut naha wina lisin tara lantakaia nitsa. "—Profetas y Reyes, Pág. 453.
b. ¿Dia yawan sut lantakaia nitsa sakuna kau pali ba tâ uplika nani Dawan watlara dukia nani main kaikaia dukiara?
"Esdras nahki tempel watla dukia nani pris nani mihtara mankan main kaiki brihbalan ba wina yawan lisin tara lantakisa. Dawan watlara yusmuni dukia nani ba ban tanisra daukaia apia, pris kasak nani mihtara mankan kaia sa."— Profetas y Reyes, Pág. 453.
"Dawan ensalka nani mita main kaikisa ani uplika nani Dawan bila kat wapi nanibara, sakuna bilawalras setan nina bliki nanira lika apia"— Testimonios para la Iglesia, Tomo 4, Pág. 184.
c. ¿Esdras an Israel luhpia sut mahka Jerusalenra balaia riditakan, kau wapras kainara dia daukan?. Esdras 8:21,23
"Plun sin piras wan pura sunra briaia ba wal wan sinska an wan wina tara aiska Dawan mihtara mankisa witin wan tâ bribia dukiara. Dawan luhpia nani minit kumira sin yakan selp wankarnia wal diara daukaia traikaikaia apia sa, Dawan warkka kabia sin pas witinra makaiasa ai Spiritka yaka wan tâ briaia. "— CRA. Pág. 224.
Winsdi
Wis kati 10
4. ESDRAS WITIN AI IWANKARA KRISTIAN BAKU KAN
a. ¿Dia kan Esdras soldyar nani makabras kan aikankahbaia, Babilan wina Jerusalen yabalkara? Esdras 8:2.
"Esdras mahka Babilan wina taki Jerusalen yabalkara wapan bara soldyar nani makabras kan. Witin Dawan ba aikankahbaika baku brikan bara nitapia kan idan soldyarka nani helpka makabaia. Dawan mihta karnakira Egip wina King Peru mihta wina Israel nani saki brihwan pyuara soldyar kumi sin Israel luhpia nani kankahbras kan sakuna heven tasba an baku paskan Dawanka tnawa distara klautra baku kakna laptikara an tihmia kaulhkara klautba bitu takikan yapaia dukiara "—Profetas y Reyes, pág.452.
"Babilan takan wina Jerusalen diman kat yabalra waihla nani diara dumi sin daukaia karnika apukan."—Profetas y Reyes, pág.454.
b. ¿Dia King Artajerjes ulbankara sipsa kaikaia Esdras nahki sakripais daukaia tanka kingra aisankan yaba? Esdras 7:11,15,21.
c. ¿Nahki Ju nanira Babilanra brihwan bawal Dawan mita aidul uplika nanira Dawan tanka smalkan? ¿Ahkia sin kli naha talika daukan? Sturka nani 8:1
"Nesan sat sat Jerusalenra Balkan, an witin nani walikan swaki sasakra aisubi takai yaba tanka, bara naha sturka lika nesan sut walikan bara lilia takikan. "—El Deseado de Todas las Gentes, págs. 24.
"Ban sakuna Israel luhpia nani naha tanka sip pain briras kan bara witin nani lukikan Mesaia ba Israel kiamka baman dukiara aula. Naha lika setan mita sinska laki brikan, sakuna Jisas balan pyuara witin nesan sutdukiara wark takan."
Tausdi
Wis kati 11
5. KLI RAWIBUWI DAWAN YABALKARA AIMAKAIA
a. ¿Esdras Jerusalen ra balan taim uplika barakan nani ba spiritka nahki kan? Esdras 9:1-3.
b. ¿Esdras aipura sunanka Jerusalen ra balan taim daukan bara dia dukiara makaban? Esdras 9:6-15.
c. ¿Pris nani an tawan uplika nani dia daukaia autakia kawan? Esdras 10:3-5,7-15.
"Jerusalen ra , kau Esdras balras kan kainara balan kan naniba manas Dawan bilara kasak kan sakuna almuk taki pruan ninkara luhpia an mulika nani Dawan lâ ka wina saitra tawiyakawan, aidul ninara wan. Bara baku lika Dawan lâ ka ba kulkras kan tâ uplika nani pali sin barakan ba saurkara iwikan.
Bara Esdras an witin aikuki balanba taim Esdras 9:1-10:5 ra ulbansa nahki witin Dawan Spiritka karnika wal wark yamni tâ krikan ba, winanka kum daukan Israel kiamka nani sutra saurkara iwiba wina swisi Dawan Lâ kara balaia, aidul nani yabalka wahra, taski ba swisi Dawan yabalka klin, wapni an holira balaia."— Profetas y Reyes, pág.458.
Praidi
Wis kati 12
MAKABANKA LUAN NANI BA LAKI KAIKS
1. ¿Nahki Dawan Esdras ra yus munan aiuplika nanira help munaia?
2. ¿Dia Esdras daukan Dawan bilaba yaka tiwaia dukiara?
3. ¿Nahki Dawan mita King Artajerjes kupiara dinkan Esdras ra helpmunaia?
4. ¿Tempel watla dukia nani nahki adarkat main kaiki bribalan ba wina yawan dia sipsa lantakaia?
5. ¿Ju nani Babilanra brihwan ba taka nahki Dawan idan nanira smalkan?