Sandi
Pastara kati 20
1. ILAISA KASAKKA LUKAN KARNA PRUB MUNAN BA
a. Jezabel aidul kwinka, Ilayas dia daukan ba walan pyuara ¿dia maihsapahkanka blikan Ilayas ra? 1 King 19:1,2.
"Dia karmel ilkara takanba wal King Ahab maia Jezabel aidul sertska tauplika witin aikupia swapni daukras kan, Dawanra kasak lukaia want apiakan, kauni lika prapil Ilayas ra ikaia traikaikan.
Naiwa upla ailal baibilra kaikisa sakuna wantapiasa aitanka briaia, bara kauni blain baku, an walras baku pulisa."— Profetas y Reyes, pág.117.
b. Karmel ilkara Ilayas sibriraskira aidul mapara buan sakuna ¿baha wina nahki ai swapni marikan? 1 King 19:3.
"Ilayas witin nahki sibrin kumi sin apu karmel ilkara Dawan nina purara bukata baku, Jezabel mapara buwaia kan sakuna plapan ikbiara sia yukwaia plikan. Dawan karnika brikan ai ensalka nani blikka Ilayas ra kankahbaia. Dawan warkka tatakra nani naha wina lantakaia nitsa nahki kau Dawanra kasak lukaia."— Profetas y Reyes, pág.118
c. Dawan warkka tatakra kumi bani ¿dia kupia kraukanka aiauya tikaia apia sa? 1 Korint 10:12.
Mundi
Pastara kati 21
2. ILAYAS SPIRITKA MAYARA KAHWAN
a. Ilayas spirtka maya kahwan bara ¿Dia makaban Dawanra aipura suni? 1 King 19:4 .Gad wedniska nani ba dia trabilka stanmunaia lankaia sa 2 Korint 4:8,9.
"Upla sut wan rayakara balisa trabil karna nani baha pyuara sari takisa, wan spiritka mayara kahwisa, wan kasakka lukan Dawanra tikisa bara lukisa kau bitarsa yawan prubia kaka, baha minitka setan wan kupiara lukan saura, taski nani bribal dinkisa, baku sin namhpa namhpa lukanka nani sin, sakuna yawan yakan apiasa baha minitkara sinpsa Dawan spiritka karnika makabaia."— Profetas y Reyes, pág.119
Dawan albika nani aihwaki kaia sa yaka waihla saura mita sibrin, sari, an brukwan spiritka wan sinskara bribalaia apia. Au, naha lainkara yawanra prub wan munisa, kan trabil nani sat sat balisa yu banira lata tani wina, an serts bila pali wina, wan watla bila wina sin, kristian, pasin, smasmalkra nanira yawan kaikisa bara sari wan daukisa kan nina baman brisa.— Servicio Cristiano Eficaz, pág. 297
b. Wan spiritka mayarasa pyuara ¿diadaukaia sa? Luk 21:36 ; 1 Tesalonika 5:8,17 ¿Nahki apastil Pal yaban ai spiritka mayara kauhras kan? 2 Korint 12:10.
"Sari, brukwan, namhpa lukanka, srinwan laka sut saikaia painkira kum ba lika wanpura sunaia baku sin wark takaia, diara daukras bahki kaia apia, an sin minit kumira Dawan mihtara alkramba swiaia apia. Man yakan sma lukpara, sibripara nahki sat trabil tara kabia sin Dawan karnika wal sipsma pura luwaia.
Dawan minit kumira sin ai albika nani witinra kasak lukiba lulki swibia apia, sakuna ensal tara karnakira nani blikisa witin nani aihelpkara. Au, setan ensalka nani traikaikisa sauhki tikaia, sakuna Dawan ensalka nani mapara sip witin nani buras."— Profetasy Reyes, pág. 121
c. Ilayas aidara walras makabankara ¿Nahki Dawan marikan witin kau wark takaia brikan ba tanka? 1 King 19:5-8.
Tiusdi
Pastara kati 22
3. MAKABI WALANKA KUM LALKAT
a. Ilayas walpa untikara yukwikan bara dia makabi walan? 1 King 19:9. Makabankanara Dawan nahki Ilayasra lawi daukan?
"Yang sika Dawan karnakira, heven, tasba, kabu an diara sut paskriba. Yang mita mai blikri Cherit tingnikara, baha wina sarepta piarkika watlara, baha wina adar maikri kli Israel ra bal tauma an Karmel ilkara aidul prapitka nani asla dauki prub munma. Baha sut taukram bara man yakan apia kapram, yang maiwan ingnika manwal kan. Bara nanara ya mita maikan ban istipali plapram ki"? — Profetas yb Reyes, pág. 123.
b. Ilayas aikupia wihra wal ¿nahki brukwan? 1 King 19:10 ¿Dawan mita Ilayasra dia lisinka landaukan?
"Dawan wantkan ba Ilayas ra marikaia, aima bani ni tapia sa karna marikanka wal wark takaia. Baha mita Dawan mita yaban skwal tara kum balan sakuna baha tilara Dawan apukan, baha ninkara wasbanka swapni an tawa lupia wasbikan bara Dawan balan. Ilayas aimawan prakan, an bahara witin aidara walan Dawan karnika witinra lulki swiras kan yaba tanka".— Ídem.pág.124.
c. ¿Ilayas nahki wantkan Dawan aikarnika marikbia? 1 King 19:11,12 ¿Nahki Ilayas aitanka brin Dawan warkka takaia tnatka naniba upla swaki sakaia? Zakaraias 4:6.
"Upla kupia alkaia ba tasba sinska laka wal apia, sakuna Dawan Spiritka karnika wal baman sipsa. Bara Dawan albika nani nitba nutakaia, yu banira makabaia sa Spirit holikira ni aibahwaia, an yaka wan ta briaia, yakan wankarnika wal diara kumi sin daukaia traikaikaia apiasa.
Spirit karnika wal baman sipsa upla kupia walpa baku karna takanba saka swapni takaia, an aidara walaia ai mistikka nani ba wina aikupia lakaia. Taski lakara iwiba wina swisisi klin lakara iwaia lantakaia."—Idem, pág. 124.
Winsdi
Pastara kati 23
4. RAITAIHWA WAPNI DAUKAIA TA KRIKAN BA
a. ¿Dawan mita Ilayasra dia makabi kli walan, an Ilayas dia brukwanka kli aisan? 1 King 19:13,14. Nahki Dawan aisan Israel nani aidul nina blikan nani ba klakla yan kabia? 1 King 19:15-17
"Ilayas ra Dawan win Israel tilara aidul nina bliki taski an wahra yabalkara tauki naniba ban klala yabras kabia apia. Baha mita Dawan albika kasak nani ba wark karna takan kaiasa israelra kli yaka yabal kasakra aimakaia. Bara Ilayas sibriraskira kli baltawaia sa an wapnilaka warkka ba ta krikaiasa help mamunra wala aikuki bakahnu.— Patriarcas y Profetas, pág. 125.
b. ¿Ilayas tnayara yaura wahban kan help mamunra baku Israel nani yabalra mankaia dukiara? 1 King 19:19-21
c. ¿Ilayas pyuara Israel nani saurkara kahwanba wihki naiwa kristian ailal saurka nina bliki ba nahki sipsa prakaia? 2 Pita 3:3-5.
"Ilay pyuara israel luhpia nani Dawan laka ba swisi aidul nina blikikan, naiwa tnata pyuara yawan iwina lika kau Saura, Dawan laka kulkras an prapit kuninkira ailal takan sa smalkanka sat sat wal smalkisa, upla nanira kunin munisa, Dawan bila ba wal lahlakira takaia plikisa."
"Bansakuna Dawan aiuplika brisa aidul nanira ailula krikras, Dawan laka ba purara sunisa, au dakni tara lika apia, lahla sin ailal briras, naha tasba skulka tara nanira sin dimras, sakuna Spirit holikira ba yaban ai ta brisa."
"Naha daknika lika prapit ulbanka nina blikisa, prapit Ilayas, Netan, Jan de Baptis smalkanka tnatka brisa, winanka daukisa yabalra kli balaimakaia, wan saurka nani ba wina. Tasba brinka an kukanka nina blikaia apia, kristian wan nina baman sin brikaia apia, sakuna raith aihwa wan daukanka, wan wapanka sutba kristian kasak kum kaiasa."— Idem Pág. 126
Tausdi
Pastara kati 24
5. NAIWA DAWAN BILA SMALKAIA WARKKA BRIBA
a. Ilayas witin yakan kaia wantsa aisan pyuara ¿Dawan mita dia param marikan? 1 King 19:18.
"Ilayas kulki kaikanka kum saura daukan, Israel nani sut aidulra bawisa wisata witin baman Dawan saitkarasa. Sakuna naku apia kan sika Dawan win sem tausin witin brisa" — Idem, pág.141.
b. ¿Yawan dia warkka brisa naiwa smalkaia kau upla ailal aidul nanira ailula krikras nani bara, kau Dawan spiritka baha nanira maihsanihkisa aikupia lakbia? Matyu 28:19,20
"Kaisa Ilayas kan baku uba isti kaia apia, naha tasba aiska bilara Dawan ai uplika nani brisa, au witin nani bankra naha minit kau serts kumira sin waras kan bankra lukisa serts nani sutba kuninkira lahlara baman lihkisa, sakuna tisku pali tihmu tara tasbara balbia pyuara sin slilma nani baku ingwan kabia nesan satka sut tila wina.
Upla ailal naiwa lukisa serts nani sutba sin Dawanka bila smalkisa bara man anira kumra wih dimmaba sin dukia. Sakuna baku apia, serts sut tila wina dakni sirpi lupia kumi baman Jisas plakinkaba purara bukisa, wala nani sut lika selp ailukanka kat wataukisa. "—Patriarcas y Profetas, págs.140,141
Praidi
Pastara kati 25
MAKABANKA LUAN NANI BA LAKI KAIKS
1. ¿Nahki Ilayas yaban ai spiritka mayara kahwan, kainara karna pain kata wina ?
2. ¿Kristian banira dia kupia kraukanka yabisa, kan yawan sutra wanwinansa wednis kasak kum kaia?
2. ¿Wan spiritka yaka mayara kahwaia apia dukiara dia daukaia sa?
4. ¿Ilayas lukan witin yakansa sakuna diawin Dawan mita?
5. ¿Yawan nani dia warkka tara brisa baha nani kau aidul nanira ailula krikras nanira Dawan bila ba brihwaia?