Sandi
Pastara kati 6
1. AIHWAWAKRA SAIAN KAUPINKARA
a. ¿Aihwawakra kasak kum bara wala aihwawakra watawi ba wal diaura satwala saki? Ezekiel 33: 2-6
"Patitara taimkara tawan naniba kaupin tara kutbanka bilarakan waihla nani sia, baku sin aihwawakra nani suniswikan kaupin purara baha wina witin nani aihwakikan waihla aula sapa kaikaia, bara tawan bila uplikan nanira maihsapahkaia, naha aihwawakrika nani, kaupin purara pana pana aisikan aiwalkara yapaia apia dukiara, naha waiknika nani pahpaiara kan tawan uplika nani prika lakaba. Baku sika naiwa pyuara yawan kumi bani Jisas ra kakaira takan naniba wan pahpaiara sa aihwawakra pain kum kaia, yayapra lika apia.
b. ¿Kristian kum ba nahki wark takaiasa idan nanira Dawan bila smalkaia dukiara? Ezekiel 33: 7-9
c. ¿Dawan ba dia daukaia lukisa idan nani wal, sauhkaia apia kaka swaki sakaia? Ezekiel 33: 11
Mundi
Pastara kati 7
2. WINANKA KA BA YAMNI, APIA MISTIK SA KI?
a. ¿Dia takbia aihwawakra ba trabil aula kaiki upla nanira maihsapahkras sa kaka? 1 Korint 14:8.
"Aihwawakra kum pahpaiara sa tawan uplika nani yamnika. Bara witin uba wihka takaskaia apiasa upla nanira maihsapahkaia trabil aula ba aikankahbia dukiara. Testimonios de Iglesia Tomo 5, pág.669.
b. Alba saura wal praki ¿Nahki Jisas aisan aihwawakra nani watawikira dakra kum dukiara? Matyu 24:48-51.
"Alba saurakira ba aikupiara naku wisa. Yang dawanki kausa balaia (Luk 12:45) Au, witin Jisas balbia apia lika wiras. Baku Jisas balaiaba dukiara lawaski sin kikras. Ban sakuna airayakara iwiba tnatka wal wanwisa witin lukisa Dawan balaia ba kausa. Baha taka witin tasba bisniskara man taukisa, kristian ainina baman brisa. Witin aisinskara lika lukisa kau kukanka nani ailal briaia, kau pain iwaia, kau tara takaia. Bara baku lika witin tasba lilika nina blikisa anira plun piaia baraba tilarasa. Naha sat kristianka lika witin holi laka tanka sin briras, klin an wapni taukaia bara misbara kaikisa, an setan suliarka pain kum sa, an Dawan warkkara witin mita sauhkisa." —El Deseado de Todas las Gentes, pág.589.
c. ¿Dia kupia kraukanka apastil Pal wankisa aihwawakra saura nani ba dukiara? 1 Tesalonika 5:3.
"Dawan balbia pyuara pasin kuninkira nani ailal sibrintara wal tiwaiara wankabia ainina blablikra sut aikuki. Naiwa smalkanka tara briba sika prilaka an sibrin apu iwaia nesan nani tilara. Baku kan Jerusalen sauhkaia dukiara prapit nani ulbankan pyuara upla ailal likka kasak lukras kata, waihla bal sauhkan kat aidara walia kawan. Baibilra sain nani dukiara ulban ba witin nani sip aitanka briras bara dia wan wisa baibil, rait pali witin nani aipurara sauhki tikan ba balan kabia. 1 Tesalonika 5:3. Dawan balaikaba aimplikra baku balbia ya riditakras naha tasba damnika, kukanka nina bliki nanibara ——El Deseado de Todas las Gentes, pág.589..
Tiusdi
Pastara kati 8
3. AIHWAWAKRA KUM KUNINKIRA BA NAHKISA
a. ¿Aihwawakra kum diara yusapu nahkira sipsa kaikaia? Aiseya 56: 10-12.
"Aihwawakra ailal naiwa pyuara, yapisa trabil aula ba tanka sin briras, bara upla nanira maihsapahras, witin nani lika kati kat aimana baman bila kaikisa, srinwraskira wark daukras, kauni lika sauhkisa pat paskan naniba. Au, babil lika twilki taukisa, sakuna holi laka iwaia bara misbara kaikisa, upla nanira smalkisa yawan Dawan balbia katra holi takbia, nanara lika apia. Baku lika ainina blablikra naniba klin laka, an wapni iwaia tanka briras.
Sakuna muihki laikra Jisas aulaba holi nani mata aula, ya Jisas taliara ai kwalka sikbi klin takan naniba mata, naha warkka na Spirit Holikira naiwa wark takisa wankupia kumi banira ya nani Jisasra ai solka aiska sut yaban nanira.
Hevenra waia ba pulaia dukia api asa upla yayapra apia kaiasa, taski laka lihki kaia apia, kristian baman wan nina brikaia lika apiasa sakuna raith aihwa wan kupia aiska Dawanra yaban kaiasa." — Testimonios de Iglesia Tomo 2, págs.391,392.
b. ¿Dia kupia kraukanka Dawan wanwisa aihwawakra nani blain ba dukiara? Matyu 15:14. Adventist pawanka sturkara bilara dia wanwisa Dawan albika mairin baha dukiara.
"Naiwa Adventist bilakat sin, taski laka kau lihkisa, pasin nani mita smalkisa Dawan ba wan kupia baman kaikisa, wan kwalka dimra, wan pata pira, marit laka, ar sabat kulkaia natka ba diara uba tara apiasa wisa, bara man kaikma sa kaka naiwa sandi kulki nani tnatka ba kat yawan sin sabat kulkisa kau diara wala difrantka apu.
Muihki laikra man aman pali kaiks rayakam swaki sakaia lukisma sa kaka, yarka upla kunin mai munbiara, hevenra waia suliarka nani tilara kan maidaukisa kaka man holitakaia nitsma, tasba brinka nani wina laihwra taks, kunin, misbara, tuman, taski laka, wahra yabalkara auma ba wina bal yabal kasakra aimaks. Ninam baman kristian bripara, kan baha wal kau Dawan warkkara sauhkisma, naiwa man kau taim brisma.— Idem págs.. 484,485.
Winsdi
Pastara kati 9
4. AIHWAWAKRA KASAK BA DIA SAT SA AIDAUKANKA
a. ¿Dawan albika kasak kum ba nahki airayakara iwisa ai daukanka sutba wal? 1 Timuti 4:12-16; Taitus 2:7,8.
"Aihwawakra nani saian kaupinka purara ba witin Dawan lama palirasa bara Spirit Holikira sin dairik witin nanira aisisa bara ai rayakara kaikma kaka yu bani kau Jisas wal talia takisa, ai wapanka nani ba kasak wapni, an klin lakara baman sa, kunin kumi sin aibilara apusa, witin nanira upla kaikisa bara rait aihwa Dawan Spiritka Holi karnikaba param kaikisa.
Naha sat pasinka ar smasmalkrika nani lika aimanara baman lukras sakuna solnanira latwan kaikisa Jisas talia mana swapras kira wark takisa tihmiara an kaknara.
Upla nanira wiaiasa, nahki Jisas wal kakaira takaia, an wan kingka baku wan kupiara briaia, an lantakaia witin wal wapaia tihmiara an kaknara, minit kumira sin wan sinska wina sakaia apia.—.Obreros Evangelicos, págs. 15, 16.
b. ¿Kristian banira dia warkka wan mihtara Dawan mankan sa? Matyu 24:45; 2 Timuti 4:2,5.
"Naha tasba aiska bilara upla ailal barasa kau witin nani aidul nanira ailula krikras, sakuna slilma nani tihmiara ingni taki ba baku witin nani naha tasbara tihmu tara dinkbia bara ai ingnika sakan kabia. India kuntrikara, Africa ra, Chaina ra an kau kuntri wala nanira sin Dawan aiuplika brisa tnata pyuara kler marikan kabia Dawan Spiritka nahki wark taki aula ba tanka.
Man muihki, ar man laikra naiwa naha aisikaikisma ba, nahki damra walisma Jisas kam painkira man dukiamra aitalia golgota ilkara lainkan ba, Jisas nakrara diara kaun painba sika man an yang, witin wantsa man solkamra dimaia bara iwaia, kiln an holi maidaukaia an witin aitalia maidaukaia an ai silka sinskamra mankaia, heven suliarka takma dukiara, mahka tasba dukia ba swisi Jisasra bal, witin wal pana taks." — Patriarcas y Reyes, págs. 140,141.
Tausdi
Pastara kati 10
5. ¡NAHKI LILIA KABIA BAHARA!
a. Swak takan nani hevenra wabia bara ¿Kumi wan walka wal kakaira takbia ki? 1 Korint 13:12. ¿Dia wanwibia baha nani yawan mita Jisasra bribal nani ba?
"Swak takan nani hevenra wabia pyuara kakaira takbia naha tasbara Dawan bila smalkan uplika nanira. Nahki liliakira witin nani aisikabia aiauya pah lilia paliwal, kum mita naku wibia. ¡yang lika Dawan ra kakaira apia sari man kapri saurka tilara kuna tingki wisna manra spirit ba mita yang ra maikan balram stur yamni ba bribal aikram! Wala kum naku aisabia. Man wamtla swisi plis wihkara balram yang aipliki Dawan bila kasakka ba aikram bara Jisas wal kakaira takriba mita yang narasna.” —Testimonios de Iglesia Tomo 6, pág.314.
b. ¿Dia wanwibia Jisas pali mita? Matyu 25:34-40.
"Upla ailal sin naku aisabia. Yang kwala luha kapri, silakra kapri, plun wahwi, rau ar piarka kapri trabil tarar tilara kapri manra Dawan maiblikan wih aikaikram yang nitki nani aikram an Jisas dukiara aismalkram, an muihkam baku aibriram upla wala nani mita saura aikulkikan sakuna man laimara balram sibriras kapram diara maimunamna wisi. "—Testimonios de Iglesia Tomo 6, pág.314.
Praidi
Pastara kati 11
MAKABANKA LUAN NANI BA LAKI KAIKS
1. Aihwawakra kasak bara wala aihwawakra watawi ba wal difrantka
2. ¿Nahki Jisas aisisa aihwawakra watawi nani ba dukiara?
3. ¿Nahki upla ailal pasin kuninkira nani, kiukara kahwisa ?
4. ¿Nahki yawan sipsa kau kasak iwaia wan smalkanka ba wal?
5. ¿Hevenra wabia bara nahki tingki bila walbia baha nani yawan mita Jisasra bribalan nani ba?