Sandi
Sikla kati 3
1. ILAISA PRAPIT WARKKA STURKA
a. ¿Prapit Ilayas ra dia takan Juda an Israel walra Dawan yabalkara mankan ba ninkara? 2 King 2:11,12.
b. ¿Nahki Ilaidsa blising brin Ilayas wal taukan taka mita? 2King 2:2 ¿Ilaidsa ra wark yan ba dia difrantka bara sa? 1King 17:1,2; 2King 2:20-22.
"Ilaidsa witin Prapit Ilayas pliskara aimakanba Israel luhpia nanira Dawan yabalkara brih impakaia warkka tara aipahpaiara brinkata. Witin Ilayas wal taukan bara pat lan takan kan naha warkkana.
Ilaidsa warkka lika satwala kata Ilayas wal prakbia kaka. Kan Ilayas lika winanka karna daukan Israel luhpia nanira aidul Dawanra taubia dukiara, baku sin lawanka tara dukiara aisan an aidul prapitka nani wal aimawan kat, Dawan nina purara bukan kata. Sakuna Ilaidsa warkka lika kau isibaku kan Ilayas dia warkka tâ krikata tukbi brihwaia, prapit sklukara wahma nani Dawan yabalkara landaukaia, Israel luhpia nani yaka aidulra mayunaia apia. Dawan lâ kaba kulkanka tara yabaia ban ban."— Idem 177.
Mundi
Sikla kati 4
2. SIRIA UPLIKA NANI SUT NUTAKAN
a. Siria kingka lukan witin nani aitilara yukwi upla muhtak wark takisa. Nahki witin turbi kaikan? 2King 6:8-11. Israel Kingka ba nahki nutakikan? 2King 6:12.
b. ¿Siria kingka prapit Ilaidsa anira ba nutakan ninkara dia daukan? 2King 6:13,14.
"Siria Kingka ba Israel nanira wâr daukikan bara Jardan awala lalma saitra tawan ailal pat mihta dakban kan baha pyuara Joacaz ba Israel kingka aimaki kan, bara kaikras kaka siria mita Israel tawanka sut dakbi briaia luki kan."— Profetas y Reyes, pág. 190.
"Aima kum siria kingka mita prapit Ilaidsa ikaia traikaikan tanka ba witin ani saitku israel mapara wâr daukaia lukisa pyuara pat Dawan mita prapit Ilaidsa param saki kan bara Israel Kingkara maihsapahkikan". — Profetas y Reyes, pág. 191.
c. Trabil tara tilarasa bara Dawan albika nani dia pramiska dukiara makabaiasa? Lawana nani 34:7.
"Dawan luhpia nani trabilra sa pyuara witin nani tnatka wala kumi sin kaikras sa taim Dawanra kasak lukaiasa."— Profetas y Reyes, pág. 192.
Yawan wan trabilka nani ba pura luwaia dukiara Dawan sipsa yabal tausin kwaia. Ya uplika Dawanra yaban ai tâ briba witin kaikbia nahki ai trabilka nani sut ba tara baku kata yaba diara apu luwiwan kabia.
Baha mita upla tausin mampara kabiakra man Dawan walsma kaka minit kumira sin sibria apia sma. Man dia daukaiasma ba lika bila wali lankaia, Dawan dia aisin ba purara prakaia an dakbi sin sakia apia. Upla mawanka kulkpara, pasin ar smasmalkra tara wisi dia mai wibiakra sakuna Dawan bilara apu sa kaka bila walpara.
Tiusdi
Sikla kati 5
3. NAKRA BLAIN DAUKAN
a. ¿Ilaidsa ra help mamunra ba sibri taki dia aisan? 2King 6:15 dia ansika Ilaidsa witinra win? 2King 6:16.
"Siria soldyarka nani prapit Ilaidsa brihwaia wisi balan pyuara, sip watlara dimras kan ensal ailal soldyar karnakira baku kutbikir brikan. Dawan ensalka nani liliasa witin wan mainkaiki kaia trabil wan purarasa pyuara."— Profetas y Resyes, pág.192.
b. ¿Prapit Ilaidsa ansa munanka bara dia kasakka yawanra marikisa? Roman 8:31.
"Au, tasbara saurkara tniwi daknika naniba ailal palisa, sakuna Dawan suliarka naniba dakni sirpi lupia bakusa. Kuna Dawan karnika tara briba yawanra wan tâ baibikisa an wan yukuwaika walpaia karnakira ba witin. Naha kasakka tanka brisa pyuara sibrin yuika sin yawan apusa." Hechos de los Apostoles, pág.471.
c. ¿Siria soldyarka nanira nahki Ilaidsa padin munanba wina yawan dia lisinka lantakisa? 2King 6:17-20.
"Dawan spiritka wan kupiara sa pyuara upla saura wanmuna pliki nanira sin misbara kaikras, sakuna pura sunisa Dawan mita yaka aitanka bribia dukiara.
Yawan Spirit Holikira wan tâ brisa pyuara misbara, tuman, tara pulanka kumi sin wan sinskara apusa, sakuna bawikira laka, wapni, kasak, klin an holi iwaia ba yawan lihkisa.
Ani membarka , pasin ar smasmalkra kabia sin Dawan warkkara aitaimka aiska sut yabisa pyuara witin pawisa yu banira Jisas wal kakaira takisa, bara witin wal wapisa aipanika painkira kum baku, minit kumira sin diara bahki nanira lukras, kaikras, an aisaras kan Jisas mawan ingnika aipurara ba mita kau an kau holi lakara brih wapisa bamna."—Manuscript Releases, tomo 21, págs.164,165.
Winsdi
Sikla kati 6
4. SINSKIRA BA PRILAKA PLIKISA; SINKAS LIKA WAR
a. ¿Israel kingkara prapit Ilaidsa mita kupia kraukan ba wal yawan dia lantakisa? 2King 6:21-23. ¿Wan waihla kum surdka mihta dakbaia ba nahki kau isipalisa? Roman 12:20.
"Yawan upla ba laiksa upla wala mita diara presant wankbia, sakuna yawan mita presant yabaia lika uba laik apia sa. Baman sin apia tila manas yawan laiksa upla wala yawan wan lukankara respek munbia sakuna yawan mita upla wala lukanka lika uba laik apiasa respek munaia.
Kristian kum ba lantakan kaiasa uplara yamni munaiaba nahki sat panaura saura wanlukikabia sin bahara man kaikras kaia sma" — Loma linda messages, pág.602.
b. ¿Israel nanira dia takan witin nani Dawan wina laihwra takan pyuara? Nahki Dawan kupia baiwanka aipurara bribalan siria kingka pyuara? Kli smalkanka 5:9; 2King 6:24-25.
c. Samaria pluntiwan tara takan pyuara tawan uplika nani an King ba nahki trabil brikan? 2King 7:1-9,16,20.
"Dawan mita Israel ra latwan kaiki kan mita yaban siria nani mita bal klala wipan. Baku sin yaban Jehu mita Jezabel aidul sertska tâ uplikara ikan an Ahab watla sut iki tikan.
Bara Israel nani aidara walan ai mistikka Dawan mawanra witin nani bawikira padin takan, an Dawan mita padin munan an yaban ai prapitka nanik wâr nani tilara tâ brikan.
Naiwa yawan Israel daknika las pyuara iwi baku, nitsa wan saurka tanka briaia, an Dawanra padin makabia wan aidulka nani swiaia, tasba brinka nani wina wan sinska lakaia, Dawan warkkara latwan kaikaia.
Dawan kupia pihnika laka ba tnatara aulasa, kau ban wan maihsa nihki kabia apia. Kaisa kristian bakriki an Idan bakriki laka ba swiaia."— Profeta y Reyes , pág. 190.
Tausdi
Sikla kati 7
5. NAIWA YAWAN NANIRA LISIN TARA KUM
a. Ilaidsa witin pat almuk takanra ¿Dia lisinka Israel kingkara landaukaia traikaikan?. 2King 13:14-17.
b. ¿Nahki prapit Ilaidsa bilakaikan Israel kingka wahma ba lantakan sapa kaikaia? 2King 13:18,19.
"Naha lisinka na lika Dawan warkka tatakra nani sut lantakan kaiasa. Dawan warkkum wankisa pyuara sin taim karnika wankisa warkkaba painpali daukaia. Sakuna trabilkaba yawanra sa tila manas yawan wan karnika aiska sut mankras, srinwan wal daukisa, bara wark ka kata sip pain tnatara brihwaras.
Gâd albika nani lika aitaimka aiska sut mankaiasa Dawan warkkara tasba bisnika nanira tawi kaikaia apia sa, aiwina pali ba sin swapanra kaikras kaiasa, brukwaia apia sa, namhpa namhpa lukaia apiasa.
Wark kum ba uba karna baku kaikaia apia sa, sakuna Dawan karnikara tniwikaiasa ai swapnika sut tilara. Yakan wark takaia lika traikaikaia apiasa, sakuna Dawan mihta aihkikara alkiba swiaia apiasa. Baku lika witin ba wednis painkira kum kabia upla wala witinra kaikisa pyuara rait pali aitanka bribia Spirit Holikira karnika ba tanka.— Profetas y Reyes, pág. 196
Praidi
Sikla kati 8
MAKABANKA LUAN NANI BA LAKI KAIKS
1. ¿Prapit Ilayas baku apia Ilaidsa baku Dawan yangra aiwinisa sa ki?
2. Aisas nahki Dawan witin aikupia laka tanka wankaia wantsa Ilaidsa pyuara kata baku.
3. Siria soldyarka nani alki Samaria briwasata pyuara Israel kingka lukanka wihki Ilaidsa lukanka wal diaura difrant kan?
4. Nahki naiwa yawan sipsa Ilaidsa daukanka wina lantakaia wan waihla nanira padin munaia an prilaka prikaia.
5. King Joas ra smalkata wina nahki yawan sipsa lantakaia wan spiritkara pawaia.