Sandi
Sikla kati 10
1. NINIVE LIKA TAWAN TARA KUM KAN
a. ¿Ninive uplika nani ba nahki saurkara iwikan Jona blikan pyuara? Nahum 3:1 .
"Ninive tawanka pawanka ailal brikan pyuara sauarka sin ailal pawankan…Naha tawanka tara bilara saurka ailalkan sakuna tilara upla ailal brindaukikan baha wina baltakaia. Witinka waikna luhpia nani kaikan yaba (Lawana nani 33:13) an ai nakra kaikan yaba praiska mana (Job 28;10). Dawan kaikan ninivera upla ailal kupia ba brindaukikan saurka albika wina baltakaia, an Dawanra kakaira takaia. "— Profetas y Reyes, pág.199
b. ¿Sadam gomara an Ninive tawanka wal praki kaiks, sol nani helpkara nahki Dawan Spiritka wark taki kanba? Blasi sturka 18:32; Jonas 4:11.
"Naiwa yawan tnatara iwina pyuara lika Sadam gomara wal bakusa, an diara wala sika upla ailal kristian, pasin an smasmalkra pulisa, purataia baman kuna saurkara ban iwisa, naha nani mita Dawan warkkara kau sauhkisa, wihki idan nani kau kristian takras nani ba wal."— The Signs of the Times, 16 de Octubre de 1983.
Mundi
Sikla kati 11
2. JONA KASAKKA LAKA PRUB MUNAN
a. ¿Ninive uplika nanira wih smalkbia dukiara yâ Dawan wahbi sakan? Nahki Setan mita Jona traika kaikan wabia apia dukiara?. Jona 1:2,3.
"Prapit Jona ninivira waia trabilka nanira luki kan bara aikupiara lukan aitani apiasa witin waia. Upla wan kaikanka kat kaikbia kaka bahki baman kabia trabil taki ninivira wih smalkaia ba kan baha uplika nani uba tara pulaia lihkisa. Minit kumra Jona ai auyatikan Dawan lika diara sut kakairasa an ai nakra wina diara sirpikumi sin sipyukwras. Kau witin baha lainkara luki auya kan bara Setan mita kau yaban lukan waia apia sakuna plapaia pliswalara.
Au, warkka Jonas pahpaiara mankan kan ba isilika apia kan, sakuna Dawan Spirit Holikira karnika aiska witinra yabaia adarka barakan naha warkka daukaia. Jona witin Dawan bila walan kan kata pastâwina witin trabil ailal brinba briaia apia kan, sakuna blissing ailal briaia kan". —Profetas y Reyes, pág.199.
b. ¿Dia takan Jona ninivira waia apia wisi plapikan pyuara? Jona 1:4,5.
"Jona witin Dawan mita Ninivira wabia wisi winan pyuara minit kum pan iwi aidara wali lukikaikaia kan. Bara aidara walaia kan nahki sinkas kabia Dawan mawan wina plapaia traikaikaia. Au, witin plapan sakuna wihka waras kata."— Profetas y Reyes, pág.199.
c. ¿Butkiaptinka mita Jona ra aisan ba wina yawan dia sipsa lantakisa? Jona 1:6 ¿Butsela nani dia daukan skwal tara ba mapara? Jona 1:7.
" Jona pura sunra Dawan walras kan baku ba sapdaukaia kan witin bila walras plapikan mita. Ani kristianka, pasinka ar smasamlkrika witin nahki pain smalki kabia sin airayakara Dawan kupia laka kat iwras sa kaka aipura sunra ba Dawan walbia apia. Profetas y Reyes, pág.200.
Tiusdi
Sikla kati 12
3. SKWAL TARABAK JONA DAWAN BILA SMALKAN
a. ¿But uplika nani mita Jonara makabi walan pyuara witin ba yâ sa wisata? Jona 1:8,9.
b. ¿Nahki baha butka uplika nani heven Dawan kara kakaira takan? –Jona 1:10-16.
c. ¿Nahki aima manas yawan lustiwisa Dawan wedniska aisaya, an dia muni? 1 Pita 3:15.
"Dawan warkkara nitka tara briba dukiara Spirit Holikira karnika wal param an kler saki upla lahlakira an tâ uplika nanira marikbia kaka witin nani sipsa help munaia. Naha tanira yawan manas lustiwisa kan witin nani wal prauras taka ba mita.
Yawan yubani upla idan naniwal prawisa, witin nani dukiara warktakaiasa an wan pura sin sunikaiasa, baku sin gabamint tâ uplika nanira invait munaiasa wan priaskara balbia, witin nani ai lahlika wal wantabaikaia sipsa Dawan warkka kau taura brihwaia dukiara. "— Consejos sobre Mayordomía Cristiana, pág. 194.
Kristian kum kum wantilara aisisa yang lahla brisna sat kaka Dawan helpkara ta baikaia, kaikras kaka pain aisi baku sa sakuna Dawan yawanra dia sirpi wankiba wal kasak kaia wan matawalsip mana an wan presantka nani wal sin.
Kristian daknika nani nitsa wal walra asla takaia an tawan tara ba baiki saki Dawan bila brihwaia pasin nani warkka ba pulpit wina salkaia baman lika apia sakuna kristian nanira landaukaia nahki Dawan wedniska idan nanira wih smalkaia. Naiwa upla ailal wan bila kaikisa pat Spirit Holikra mita aikupia nani swapni daukan sa."— El Evangelismo, págs. 469.
Winsdi
Sikla kati 13
4. PASIN AN SMASMALKRA NANIRA LISAN KUM
a. ¿Inska tara ba mita Jona sauhkara brihwan ninkara dia adarka Dawan yaban? Jona 3:1,2
b. ¿Dia daukan Jona ninivira dimiwan pyuara? Jona 3:3,4. ¿Nahki Dawan aikupia pihni laka Ninivera marikan dia muni? Jona 3:5-10.
"Jonas, Ninivi tawankara diman pyuara yabal bila kumi banira ai bila tara wal smalkikan naha wina 40 disra niniviba sauhkaisa (Jonas 3:4) bara upla sut tâ iwi witinra walikan.
Ninivi kingka aiuplika tara nani su tan tawan uplika bakahnu aikuki aikupia lakan an aipura suni li diras an plun sin piras Dawan ra padin makaban. Baku ninivi aiska Dawan mita padin munan witin nani aipurara klala balaikan ba wina. Baku idan nani aidulra mayuni nani ailal rait heven an tasba paskan Dawankara kakaira takan. Mani ailal luan ninkara ninivi uplika uba praut pulan pyuara nisan wala nani bal tawan ba sauhkan kata."— Profetas y Reyes, pág. 201,202.
c. ¿Dia prakanka Jisas daukan gintail nani aikupia lakan ba wihki Ju nani aikupia lakaia wan apia kan naniba wal? Matyu 12:41.
"Dawan upla sutra aikupia pihnika laka marikisa an wihka wan bila kaikisa, sakuna pyua kum tnatara balisa pyuara kau witin wan bilakaiki kapras, sakuna klala wanpurara blikisa. Naiwa yawan wan pyuara Dawan wihka pali wanbila kaikisa aikupia pihnira, sakuna naku ban wabia apia, pat baila palisa klala wanpura balaia. Baku sa kaka kaisa yawan kristian nani buwaia kiama banira brihwaia Dawan bila smalkaia aidara wali aisaurka wina Gâd ra taubia dukiara.."—Idem., pág.206,207.
Dawan ingnika yawanra wankanba yarka ingwaia sa dia pitka wankan ba kat.—The Review and Herald, 25 de Abril de1893.
Tausdi
Sikla kati 14
5. JONAS SELP DIA LUKIKAN BA
a. Ninivi uplika nani aikupia lakan ba wal Jona lilia takaia watlikara ¿Dia tnatkara brukwan Dawanra? . Jona 4:1-3.
b. ¿Yawan dia lantakisa nahki tnatkara Dawan yaban Jona aitanka brinba wal?. Jona 4:5-11.
"Jona, aitanka briras kan dia mita Dawan ninivi tawanka sauhki tikras swinba. Kuna baha wal wiras Jona kunin smalkan lika apia, Dawan lilia takan ninibi uplika nani aikupia lakanba an baha taka aidulra mayuni uplika ailal rayakira Gâd kara kasak lukan, an Dawan ingnika witin nani aipurara kan "—Profetas y Reyes, Págs. 203,204.
Heven Dawanka ba witin lika kupia pihnira palisa baha taka naiwa yawan wanpyuara kau taim wankisa wankupia lakbia sapa wanbila kaikisa. An kristian nani tasba brinkaba tnayara swisi aiwarkka daukbia sapa wanbila kaikisa.
Dawan ensalka nani wilinkira wantabaikaia wantsa kristian kumi bani yapiba wina mahka rawi buwi Dawan warkka daukbia dukiara. Naiwa awarkasa kau srinwraskira kaia apia, an yayapra sin apia, sakuna bakahnu asla taki traikaikaiasa idan nanira Dawan sturka yamniba brihwaia. "—El Evangelismo, Pág. 209.
Praidi
Sikla kati 15
MAKABANKA LUAN NANI BA LAKI KAIKS
1. Sadam gomara an Ninivi wal dia difrantka brisa?
2. Yawan naiwa nahki sipsa traikaikaia Jonas baku Dawan winanka wina plapaia traikaikaia?
3. Yawan Dawan wina plapaia traikaikbia kaka nahki sipsa witin wan alkaia, sin Jona ra alkata baku?
4. Nahki aima manas yawan aima manas saurakira aikupia lakisa pyuara kasak lukras sa?
5. Nahki Dawan naiwa traikaikisa yapan ba wina wan rakaia?