---

1. UTLA BILARA LANTAKAIA BA

a. ¿Ani uplika nani dukiara Baibil wan aisisa utla bila wina diara yamni lantakan dukiara? 1Samuel 1:20; 2King 5:2; Rut 4:22; Daniel 1:6.

"Dawan mita Israel kiamka nanira aisankan aisa an yapti baku nahki ai luhpia nanira Dawan sibrinkara brihpakaia. Naha warkka lika aisa an yapti baman sipkan daukaia upla wala mihtara swiaia apia kan. Yu bani utla bila warkka sirpi nani daukisa pyuara kaupaliba yapti nani mita ai luhpia nanira smalki kaiakan nahki Dawan klin laka, adarkat an wapni lakara ainakra yamni kaikiba tanka.". — Patriarcas y Profetas, pág. 642.

b. ¿Aisa an yapti kristian kum ba dia warkka tara brisa utla bilara? Sinslaka 22:6.

"Utla bilara Dawan mita wark yaban sa aisa an yapti walra tuktan naniba Dawan sibrinkara brihpakaia. Titan buyawina mahka utla bilara asla taki titan prias daukaiasa lawana aiwana Dawan bila aisi kaiki an wan pura sunaia. Yu aiska bilara kristian watla bilaba klinkaiasa, adarkat an wapni ban ikisbrira apia.

Taniwalara tuktan nanira bila walaia landaukaiasa, respek laka, latwan laka, srinwaia apia laka, upla dukia kanbaia apia, kunin aisaia apia, sibriras kaia, brukwaia apia, sakuna nahki sat kabia sin lilia bankaia."— The Health Reformer, 1 de Mayo de 1877.

---

2. TUKTAN MAIRIN SIRPI KUM IDAN NANI TILARA

a. ¿Nahki tuktan mairin sirpi kum idan nani tilara Dawan wedniska aisan? 2King 5:2,3.

"Naha tuktika mairin aisika an yaptika wal mita aiwatla bilara kasak Dawan sibrinkara pakan, witin nani lukras kan yukum idan nani tilara alba baku brihwan kabia ba. Baku sika siria kiaptinka watlara Dawanra mayunan.".— Profetas y Reyes, pág.185.

b. ¿Dia presantka kau pain aisa an yapti baku ailuhpia ra yabaia sipsa ki? Kli smalkanka 4:10.

"Wan luhpia nanira Dawan sibrinkara skul yabaia ba wina kau diara wala apu, naha skulka lika tâ krikan kaiasa utla bila wina, kau bibisirpi yapti tialkarasa pyua wina. Witinra landaukan kaiasa, wihka bilakaikan laka, bawikira laka, praut apu, ainra apia kaia, aiwalkara latwan kaikaia, klin lakara iwaia, plun papira kaia apia, diara sutba aipitka kat, isti ban gridikira apia kaia, Dawan bila aisasara kaia, aipura sasunra kaia.

"witin sirpi lupia wina riditaki kaiasa Dawan warkka dadaukra taiaia, baha mita aisa an yapti wal wark briba tuktanra smalkaia baman lika apia sakuna witin pali aidaukanka, aiwapanka, aiaisanka nani wal marikankaiasa nahki kristian kum kasak baku Dawan yabalkara waia ba."— Profetas y Reyes, págs.184,185.

c. Aima manas wan purara trabil nani baliba wina dia lantakaia sa? Jirimaya 10:23; Sinskala 16:9.

"Naha tuktika mairin lupia alba baku upla idan nani kuntrikara brihwankan sakuna baha tilak witin sirpi wina dia aiwatla bilara lantakan kan ba marikan, Dawanra sirbin brikan an kasak lukikan bara Dawan nina purara bukan idan nani tilara. Tuktika lupia na kiama lihni, upla bila wawalra, diara klin, an adarkat dauki lankan bara kiaptin maia mita uba latwankan. Naha wal marikan witin rait Dawankara mayunikan ba tanka."— Idem 184.

---

1. NEMAN

a. ¿Siria kingka wauhtaia ulbankan kaikan bara Israel kingka Joram ba dia ansika yan, nahki Ilaidsa mita tabaikan? 2King 5:7,8.

b. Niman Ilaidsa watlara wan pyuara ¿nahki prubmunan aikasak ka laka? ? 2King 5:9-12 aisas nahki Niman sikniska wina rawan an Dawan ra mayunan ? 2King 5:13,14.

"Niman aikupiara lukan Ilaidsa watlara wamna pyuara witin baltaki muni sikniskira kanbi muni Dawan nina makbia bara rauri kabia. Sakuna prapit Ilaidsa mita win Jadan awalara wih semtaim dimi takbia, baha winba wal Niman praut takan witin naku aisan Damasko awalka painkira Abana an Par par laya kau klinsa Jadan awala laya wal, bahara wih aihtabamna kaka sin klintakamna, baha aisi ninkara praut taki wan. (2King 5:11,12) ".

Siria kiaptinka witin lika prautkan an prapit Ilaidsa winba daukaia wantapia kan, selp aikupia laka daukaia lukan siria awalka abana, an par par ra wih aihtabaia. Witin Jadan awalara aihtaba pali ba lika apia lukikan, sakuna prapit aisan ba las witin bila walan an baku aisikniska wina rawan kata. Bila walaia ba diara tara palisa upla yawan selp dia lukiba apia sakuna dia Dawan aisan ba baha kau tarasa. —Profetas y Reyes, pag. 186.

c. ¿Nahki Niman aisan Dawan ra aikupia lakan ba dukiara? 2 King 5:15,16,19. ¿Mani ailal luan ninkara Jisas nahki Niman kasakka dukiara yamni aisan? Luk 4:27.

"Handat mani nani ailal luwan ninkara Jisas balan pyuara Niman kasakka dukiara Jisas pain aisan. Naha lika lisan painkira kumsa upla bani idan sa sakuna bila walbia sa kaka sipsa swaki sakan laka briaia. Bila wali lantakaia b adiara tara palisa naiwa serts ailal takisa sakuna waikna lukanka wal smalkanka nani paskisa, Dawan bila lika saitra swisi. Au, Baibil yusmunisa sakuna dia aisan ba lika daukras."— Profetas y Reyes, Pág. 189

---

3. GIEZI

a. ¿Nahki Giezi ra Setan buwi yusmunan mina prukaika baku Spirit Holikira mita swaki sakaia pliki nanira? 2King 5:20-24.

"Giezi mani ailal prapit Ilaidsa wal tauki kan help mamunra baku, sakuna witin lantakras kan prapit wapanka tnatka nani an heven tanka lisinka tihuka nani ba sin, kuna kauni lika tasba kunanka nanira ainakra kaikikan, baha taka Setan mita isi tnatkara traika kaikan kan kunin aisaia an kaiptin Niman wina prisantka nani briaia." — Profetas y Reyes, Pág. 187.

Giezi, lika prapit Ilaidsa watlara takaski kan, help mamunra baku, titanra an tutnira prias dimikan, Dawan bila aisikaikikan, prapit wapanka kasak ba sin kaikikan, sakuna lan takras kan. Sari palisa naha sturkana, naiwa kristian ailal ainina baman brisa sakuna rait aikupia lika lakras bataka mita kau tasba kukanka nani ninablikisa.—The Ellen G. White 1888 Materials, pág. 1529.

b. ¿Kristian banira dia Dawan makabisa kau pali pasin an smasmalkra nanira? Hibru nani 12:13.

"Kristian nani wapanka saura ba mita idan nani Dawanra balaia traikaiki naniba mapara minaprukanka tara kum bakusa, an Jisas ingnikara balbia ba alki takaskisa."— Testimonios para la Iglesia, Tomo 4 Págs, 248,249.

Baha mita upla kum tahbi taki sertsra dimaia wisi aula pyuara witinra painpali smalki landaukaia sa kristian kum ba nahki iwaiasa aiwatla bilara an latara sin baku. An baku sin pasin an smasmalkra warkkara mankaiaba ban isti kaia apia sa.—Obreros Evangelicos, Pág. 452,453.

c. ¿Wan spiritkara pawaia dukiara kau dia paliba yawan nitsa? 1 Korint 10:12;.2 Korint 13:5.

---

4. WAIKNA MITA SIP DAWANRA KUNIN MUNRAS

a. ¿Giezi ra dia takan witin aima wal kunin aisan pyuara? 2 King 5:25-27.

b. ¿Dia Baibil wanwisa kunin aisasara nani dukiara? Sinslaka 19:5 ; Kolosi 3:25; Param marikan 22:15.

"Rait aisaya ba Dawan wina sa, sakuna tnatka ailalra kunin aisaya ba lika Setan wina sa. Bara ya uplika rait ba swisi kuninra tniwi sa kaka witin lika setan albikasa. Ya Jisas wina lantakan nani ba apastil Pal kupiakraukanka nina bliki kabia: Tihmia warkka taskika nani aiduki diara kumi sin bripara. ( Epesus 5:11). Wan aisanka wan daukanka wan wapanka sutbara kunin yuika lupia sin apu kaia sa. Sakuna bawan lakara kasak, klin an holi lakara watauki kaiasa kristian sut hevenra waia riditaki naniba. "— Profetas y Reyes, Págs. 188,189.

"Kunin aisaya tnatka sutba Dawan wina apiasa, lâ numba matlalkahbi pura yumhpa (9) ra baha dukiara param wan aisisa, tila manas sin dairik kunin aisaras sakuna diara raitba yukukisa pyuara sin kunin aisi wal bakusa, apia wan nakra klipan kum daukisa pyuara baha sin kunin takisa. Kristian wan nina baman brisa sakuna wan daukanka diara wala sa kaka baha sin kunin. Muihki laikra kuninkira kumisin heven durkak dimbia apia, sakuna Setan wal ilpautara amiluiwabia."— Patriarcas y Porfetas págs.317, 318.

---

MAKABANKA LUAN NANI BA LAKI KAIKS

1. ¿Nahki yawan wipsa wan luhpia nani lan daukaia Israel tuktika mairin lupia kata baku?

2. ¿Dia winanka daukisa wan wahmika nanira Dawan warkkara?

3. ¿Nahki naiwa Niman baku upla ailal Dawan tanka nutakaia?

4. ¿Giezi spiritka ba nahki Dawan warkka sauhkisa?

5. ¿Kristian sut nahki sipsa Dawan wedniska aisaia?