Sandi
Li kati 29
1. WARK TARA DAWAN UPLIKA NANI PAHPAYARA
a. Ani nesankara pas Dawan bles munan witinra kakaira takbia dukiara? (Lawana nani 135:9).
"Ebraham kiamka naniba Egipra brihwankan, bahara aidulra mayuni uplika nanira Dawan tanka smalkaia dukiara. Josep nahki kasak kan ba an witin kuk plun tiwan tara Egipra balan pyuara upla ailal rayaka swaki sakan, baku sin Moses an upla wala ailal Gad wedniska painkira kan."—Palabras Vida del Gran Maestro, pág. 229
b. ¿Dia wal kler wanmarikisa King Pero aiuplika nani aikuki, Dawan bila walaia want apia kan ba? Impakan sturka 5:1,2
"Dawan wantkan Egip uplika nani kaikbia, upla sinska laka an karnika briba sut bahkisa, baku sin aidul dawanka nani ba karnika apusa, Dawan lâ ka mapara sip buras. "—Patriarcas y Profetas, pág. 263 "Ya uplika praut laka mâ mankisa kaka witin praut ma krikbia; sinskas laka mâ mankisa kaka, watawi laka ma krikbia."—Exaltad a Jesus Pág. 260.
Mundi
Li kati 30
2. DAWAN DIA DAUKAIA WANTKAN ISRAEL NANI WAL
a. ¿Israel luhpia nani milian wal sahwan kan bara mahka alba wina pritakaia baila ra dia warkka yaban? Jan 4:22; Kli smalkanka. 4:6-8
"Dawan mita Israel kiamka ba wahbi sakan nesan wala nanira smalkbia dukiara. Witin nani ba li aubra kum baku kaia kan li din dauki nani helpka. Heven tanka yamni aiska marikan, Dawan kupia laka tanka sin. " — Los Hechos de los Apostoles, pág. 12
b. ¿Dia dukiara Dawan mita Israel kiamka ba nesan kum satwala baku yan iwan? Ezekiel 5:5
"Dawan wantkan Israel naniba tasba ingnika kabia. Baku lika Dawan lâ ka prana ba airayakara iwiba wal upla walara marikan kaia. Bara yaban Israel kiamka tasbaikaba kuntriwala nani lila paskat kan.
King Salaman pyuara Israel nani tasba brikan ba lika lalma tanira Hamat wina muna tanira Egip kat kan, baku sin kabu tara miditirian wina yupratis awalka kat kan. Baku lika Jerusalen ku yabal ailal luwikan diara ayatkra nani.
Bara King Salaman witin yaban ingnika tara kum baku klahwikan Israel kiamka ba kuntri wala nanira yaban nutakikan rait Dawanka heven, tasba kabu an diara nani sut paskan ba, an Dawan ai lâka kasak ba sin.
c. Nahki Setan wark takan Dawan mapara Israel nani batakaia dukiara?; 1 King 11:1,2; Smasmalkra 2:8,9;10:1
"Misaniry spiritka Dawan mita King Salaman an Israel luhpia nani kupiara mankan kan ba, Setan mita lahla bisniska sinskara dinkan an aiwina kat pawanka briaia tasba dukia kukanka nina blikan. Salaman sinska laka Dawan mita yankan ba wal nisan ailal sipkan Dawan yabalkara mankaia, sakuna kauni aidul nani nina blikan."— Profetas y Reyes, Pág. 52
Tiusdi
Pastara kati 1
3. DAWAN KUPIA PIHNKA AN KASAKKA LAKA WAL
a. ¿Dia kan nesan wala nani sipapia kan tasba ingnika kaia? Libait laka 18:24,25;Kli smalkanka 9:4 ¿Lisamra tara ninkara dia lisinka upla nani aiauya tikan? Blasi sturka 6:5,11,17
b. ¿Dia taka Dawan mita nesan wala nanira sauhki tikan? Roman 1:19,21,23-25.
"Nesan nani ailal tilara upla almuk takisa bara sip yakan aimainka kaikras sa pyuara ikikan. Witin nani aidul sertska nina blablikra baku naku daukaia ba yamni kaikikan, bara upla iki aidul nanira sakripais daukaia ba saura apia wikan, baku lika tuktan lupia nani ailal pautara angkikan. Baman sin apia sakuna sakwani laka aidul sertska bilara pris nani dauki kan an membar nani sin aikuki, diara wala ba sin wain tahpla dih blataki, an daiwan talia dih yakawi kan, an diara saura ailal daukikan. Baha taka sika naha saurka tara na Dawan mawan kat uliwan bara witin nani sauhki tikaiaba aitanikan.". — Patriarcas y Profestas, Pág. 349,350.
c. ¿Dawan ba upla maihsapahkras ban isti sauhki tikisa ki? Ezekiel 18:21,23; Amos 3:7 ¿Baha nani Dawan ra aipulanka bri nanibara dia takisa? 2 Pita 3:5-7.
"¿Baha nani Dawan mapara naniba aikupiara misbara kaiki ba kasakka yabalkara, sipkabia ki ensal nani aikuki mayunra lawana aiwanaia?. ¿Dawan mawan ingnika prana ba an Sip lupia glorika ba stanmuna sipkabia ki? — apia, sip apia; mani ailal witin nanira taim yaban aidaukanka chens munbia dukiara, sakuna witin nani diara klin, wapni, an holi bara latwan kaikras kan.
Witin nani mapara Dawan kupia pihnika taimka ba luansa, bara sin hevenra wabia apia. Kan sika hevenra waia uplika naniba naha tasba wina lantakaiasa klin laka, wapni laka, holi laka ra wataukikaia, bara wan pata pira, wan kwalka dimra, wan aisanka, nani sutba nitsa chens takan kaia. "— El Conflicto de los Siglos, pág. 598..
Winsdi
Pastara kati 2
4. DAWAN KUPIA PINHKA AN KASAKKA LAKA WAL (2)
a. ¿Nahki yawan nusa Dawan kupia pihnka laka ba nesan wala nani purara sin barakan ba? Blasi sturka 15:16
"Nesan wala nani lika Setan bila wali saurka nina bliki Dawan ra aiauya tikia kawan kan. Au, pastaura witin nanira sin Dawan sturi yamni smalkan kan, sakuna witin nani Dawanra mayunra yabras kan, sakuna aidul nina bliki tiwaia yabalkara wan, baku lika aisinska nani tihmia takan (Roman 1:21) Bansakuna Dawan aikupia pinhkara minitkara sauhki tikras, sakuna Israel nanik lisin kum yabaia wantkan."— Los Hechos de los Apostoles, pág.12
b. ¿Dawan Nínive uplika nanira padin munanba wina dia lisinka yawan lantakisa? Jona 3:10; 4:10,11.
"Jona smalkankara Nínive uplika nani aikupia lakan aisaurka nani wina, witin nani krukas kwalka dimi yamhpusra prawi li diras plun piras sari kira aisaurka tawan Dawanra padin taki banhwan, bara Jona witin lilia takaia kata watlikara praut takan, ban lukan ninive sauhkras kaka witinra kuninkira baku kulkbia wisi."— Idem., pp. 202
c. ¿Tawan tara smasmalkrika nanira Dawan nahki tabaikan bila yabisa? Sturka nani 18:9.
"Tawan tara nanira pasin an smasmalkra nani bara ba ban drinh swapaia apiasa saurka ailal pawiba dukiara, bankra aiwina kat trabil bribiakra, ban bapi buwikaia sa… Amia tikpara man nanira maiwinansa sol swaki sakaia, au, smalkankara upla walaia want apia kabia kra wednis kum kabia witin nani aipurara, an baha tilak Dawan Spiritka sipsa upla kupia nanira kanbaia. Bansa kaka swapia api asa, wan pura suni wark taki, an wark taki wanpurasuni ba swiaia apiasa. "— Patriarcas y Profetas, pág. 207.
Tausdi
Pastara kati 3
5. DAWAN LAKA TARABA UMPIRA KAIKAN WAL SA
a. ¿Tnata yua dukiara Dawan dia klalka ridi dauki swinsa? Aiseya 24:4-6; 26:21,9.
"Tisku pali naha tasbara Dawanra kulkras nani purara klala tara aula, dactar kumi sin sip rakbia apia, pels sin apu kabia. Dawan Spiritka ba tasba wina taki auya, naha tasbara sauhkanka tara aula kabu wina an tasba wina sin. Naiwa yawan minit banira walisa tasba nikban, kabu pupukwan, lisamra, plun tiwan ban ban. Naha diara nanina ban wina takras sakuna Dawan wankupia kraukisa tnata yua aulaba tanka." —Profetas y Reyes pág. 207.
b. ¿Dia winanka daukisa Dawan naiwa kau aimihta sakbi wan winisa pyuara? Aiseya 55:6,7.
"Au, naiwa saurka pawan ba lika, Noa pyuara, an Sadam gomara pyuara wal kau saura sa. Latwan laka ba kauhla takan, upla bani selp aiwina kat man kaikisa, tasba brinka baman nina blikisa. Tani walara serts nani ailal takansa baibilba selp aitnatka kat yus munisa, prapit kuninkira ailal takansa, bara kristian ailal lika ainina baman brisa sakuna taski lakara iwaia lihkisa, holi laka lika brindaukras." —Profetas y Reyes pág. 207.
Praidi
Pastara kati 4
MAKABANKA LUAN NANI BA LAKI KAIKS
1. ¿Ebraham kiamka nanira dia kan Egip wina Dawan sakan?
2. ¿Naiwa dia yawan lantakaia nitsa Dawan mita Israel kiamka nanira Nesan wala nani tilara mankan ba wina?
3. ¿Setan nahki traikaikan Dawan misaniry warkka Israel nanik brikan bara sauhki tikaia?
4. ¿Jona ulbankara nahki wanmarikisa Dawan kau laiksa upla swaki sakaia wihki sauhkaia wal?
5. ¿Dia yawan wantanka briaia nitsa wan lamara iwi nani ba wal?