Sandi
Sikla kati 24
1. BABILAN KINGKA WATLARA
a. ¿Nahki Dawan mita yaban king Nebuikarnisan hibru wahmka walhwalh ai lamara brin, an bak Dawan ra kakaira takan? Daniel 1:3-5.
b. ¿Wamhka walhwalh nina ba dia kan, bawina dia muni satwala nina makan? Daniel 1:6,7.
"Babilan kingka Nibuikarnisan mita karna munras kan hibru wahmika nani walhwalhra aidulra mayunbia dukiara, sakuna witin luki kan tawa tawa naha wahmika nanira yaka aidulra mayuni lantakbia, bara diara pasdaukan ba lika witin nani nina hibru bilara ba satwala dauki babilan aidulka nani nina yaban kata. "— Profetas y Reyes, pág. 352.
"Waihla saura ba wandara walras tawa tawa wan solkara dimisa pyuara isti pali wan dara walaia ankanbi sakaia sa, ban swibia kaka lika witin wan wina an wan sinskara alba briaisa. Naha lainkara naiwa wahma an tiara nani nitpalisa lantakan kaia, traika kaikan kau tara wan waihla bribalba sika plun ku, kan wan pata pira wihta ba wal wan sinskara sauhkisa apia karnika yabisa, bara setan plikiba lika plun satka nani wan sinskara sauhki naniba witin wantsa yawan pibia kan baku diara kasak tanka ba sip luki kaikras takisa.".—The Review and Herald, 7 de Agosto de 1888.
Mundi
Sikla kati 25
2. DAWAN BILA WALAN TAKA BLISIN BRINBA
a. ¿Nahki Dawan mita wahma walhwalh ra help munan ingnika painkum kaia? Daniel 1:17.
"Naha wahmika nani aidulra mayuni tawanka palira witin nani mita Gâd heven an tasba paskan ingnika kasak yamni ba yarka idan nani nutakaia kan an Dawan blisinka sipkaia kan briaia." Profetas y Reyes, pág. 351.
b. ¿Traika kaikam mapara nahki wahmika nani bapi buan? James 1:12.
"Daniel 1:8 ra wan aisisa naha wahmika nani ban sinskas baku kapras kan sakuna raitpali Dawan ra kasak lukan witin nanira aitabaikbia dukiara. Bankra naha wahmika nani King plun yabia winba pinsatkan kata witin nani mayara kahwaia kan, an Dawan wina laihwra takaia kan. Upla manas lukisa plun piaiaba upla bani selp dia wantba kat piaia ya sa Dawan bahara kaikras, sakuna baku apia, pat kainara aisata baku, wan pata pira ba wal wan sinska wark takisa plun pain Dawan wankan ba an tanka kat pisa pyuara wansinska pain wark takisa "— Idem, 354.
c. ¿Dawan mita nahki blesing yankan naha wahmika nanira? Daniel 1:19.
"Mani yumhpa naha wahmika nani kaldian bila tanka lantakan babilan skulkara, baha pyua nani sut witin nani Dawanra kasak kan minit kumira sin namhpa namhpa lukras kan, witin nani sirpikan pyua wina aiwatla bilara dia lantakan ba bahara param sakan kata. Witin nani bawikira kan, diara sut tanka kat, isti gridikira apia kan, kunin aisasara apia kan, sakuna diara sut tilara rait aisi lan palikan, bara purakakaira Milsar mita naha wahmika nanira latwan kaiki kan. "— Idem 384.
Tiusdi
Sikla kati 26
3. DAWAN UPLA WAL ASLA WARK TAKIBA
a. ¿Nahki muni naha wahmika nani kau sinskira kan wala nani wal? Daniel 1:20.
"Babilan tawanka tarara nisan sat ailal bara kan sinskira nani sat sat bara kata , sakuna naha wahmika walhwalh waikara waras kan, wahmika nani lika mina wina lalkat siknis kumi sin apukan, an witin nani aisinska laka Dawan mita yan kan ba aima matawalsip (10) taim kau smatkan wala nani wal.
Naha sikritka tanka ba sika witin nani Dawanra sibrin luki an ai lâka bila wina saitra tauras kan taka ba mita. Bara naha wahmika yumhpa king mawanra brihwan pyuara King uplika tara nani sut aihka ta iwan kan.
Sakuna wahmika nanina tara lika pulraskan, bawikira palikan, witin nani pain nukan Spirit Holikira ai tâ briras kan kata baku takaia apiakan ba tanka. Bara kau Israel Gâd kara pramis takan bila wawalra pain kaia."— Profetas y Reyes, págs.356.
b. ¿Witin nani dia aitanka brin?, ¿naiwa yawan Dawan warkkara nani ba nahki kasak kaiasa? 2 Timuti 2:15.
"Danial an aipanika nani dikuki aitanka brin aidul uplika nani tilara witin nani airayakara marikan kaiasa rait Dawankara mayuni ba tanka, bara aidaukanka nani sutra kasak kaia kan ba tanka. Idem 357.
c. ¿Nahki Dawan bila smalkaia tnatka painkira Jisas wan marikan?, naiwa kau tasba uplika wantyaba yawan kristian nani ra wankaikaia Jisas kasak ka laka. Matyu 5:13-16.
"Dawan Spiritka Holikira naha wahmika nani rayakara wark takikan pyuara (Pilipai 2:13) witin nani sin Dawan wal asla takikan airayaka swaki sakia dukiara" Idem 357.
Winsdi
Sikla kati 27
4. NEBUIKAR NESAN DAWAN RA MAYUNRA YABAN
a. ¿Nahki Daniel Babilan ra Dawan wedniska aisan? Daniel 2:1,2.
b. ¿Nahki King Nibuikarnisan Dawanra kakaira takan? Daniel 2:47. ¿Daniel panika nani yumhpa pautara lulkan pyuara dia aisan Nibuikarnisan? Daniel 3:27-29.
"Hibru wahmika yumhpa mita Babilan tawanka tara aiskara an nesan wala nani bahara asla takan kan nani sutra param marikan witin nani Gâd rayakirara baman mayuniba tanka. Dawan ra kasak lukan, traika kaikan tara tilara witin nani Gâd pramiska (Aiseya 43:2) ra ulban ba aikupia krawikan: pauta wina, li wina sin sipsa Dawan swaki wankaia. Baha kasak witin nani brikan ba nesan ailal mawanra Dawan mita prisakan pauta wina."— Profetas y Reyes, págs. 375, 376
c. Dawan aikupia pinhkara wihka bila kaikiba taka ¿Dia King Nibuikarnisan ra maihsapahkan? Daniel 4:5, 10-16, 19-22. ¿Daniel mita nahki biktakan? Daniel 4:27 ¿Dia trabilka tarak laun ninkara Nibuikarnisan aikupia lakan? Daniel 4:30-34,37.
"King Nibuikarnisan kupia prautkira kataba Dawan mita kiama auban pyuara bawikira takan."—The Review and Herald, 8 de Septiembre de 1896.
"Nibuikarnisan King prautkira kata ba witin lantakan bawikira laka Dawan mawanra. Naha lisinka na yawan upla sut nitsa lantakaia, praut laka ba lika sinskas wina balisa, sakuna bawan laka lika sinskira palisa.
Mani yumhpa bipbul baku twi pin ninkara aidara walan aiprautka laka ba bahki ba tanka, an Dawan baman King nani sut kingkara mayunra yabaia aitani ba tanka witin brin kata.
Naiwa yawan nitba nutakaia, wan mihta warka, wan sinska laka nani sutba Dawan blisinka apu sa kaka bahki mansa."— Profetas y Reyes, pág. 382.
Tausdi
Sikla kati 28
5. KING DARIOS RA HEVEN INGNIKA YABAN
a. ¿Nahki Daniel kasakka laka prubmunan kan King Darios pyuara? Daniel 6:1,2,5-9.
b. ¿King lâ mankan bara nahki Daniel ansamunan? Daniel 6:10-13.
c. ¿Nahki King Darios aikara walan aiuplika nani pali mita witinra kunin munan pyuara? Daniel 6:14,18-23. Nahki Darios heven Dawankara purara bukan rait Dawan kum baku? 25,26.
"Danial nahki layan watla wina Dawan swaki sakan sturkaba wina yawan lantakaia nitsa Dawan luhpia bani, nahki sat trabil Saura tilara kabia sin minit kumira brukwaia apia, sibria sin apia, sakuna wan kasakka laka ba kainara brikan ba baku kaiasa.
Dawan pramiskaba lika minit kumira sin bahkira kapras ai luhpia witinra kasak luki nanira paran marikisa trabil tara nani tilara.
Danial witin King lâ kum sain munanba nutakan pyuara, parut takras, sibriras, an sin inras kan, sakuna aiwatlara dimi rayakira Dawankara aipura sunikan. Naha wina sika yawan kristian nani nitba lantakaia, trabil nani wan purara ba dukiara, brukwaia apia sakuna Dawan karnika wal puraluwaia.".— Ídem., pág. 400
Praidi
Wis kati 29
MAKABANKA LUAN NANI BA LAKI KAIKS
1. Nahki naha wahma yumhpara mina kiwka setan mankan?
2. Nahki muni wahma yumhpana pura luan?
3. Tasba uplika ba dia bila kaikisa yawanra wankaikaia?
4. King Nibuikarnisan wina dia lisinka yuwan lantakaia nitsa?
5. Nahki Spirit Holikira ba King Dario kupiara wark takikan?