Sabbath Bible Lessons

"Tasba Ingnika 3"

 <<    >> 
Lisan 12 Sabat, Wis kati 20, 2014

NIHIMAYA, WAPNI LAKA PAPASKRIKA

"Dawan yang ra kupiam kraukibas, yamni lakara." (Nihimaya 13:31).

"Dawan wantkan Nihimayak ku blisin ailal bribalia Jerusalen kli paskaia dukiara."— Conflicto y Valor, p. 262.

Kau sipsma aisi kaikaia:   Profetas y Reyes, págs. 464-488. 
Sandi Wis kati 14

1. DAWAN NAHKI NIHIMAYA RA HELP MUNAN BA

a. ¿Ya ba Nihimayas kan? ¿Jerusalen dukiara dia sturi walan bara plun piras aipura sunan? Nihimayas 1:2-5.

"Aima ailal Nihimaya aitawanka Jerusalen dukiara aipura sunikan, nakuna yukum aipura sunikan bara aisinskara naku lukan Dawanra makabaisa karnika aikbia King Artajerjes mawanra waia an makabaia dia nitsna dukia nani ba aikbia Jerusalen kaupinka paskaia dukiara, bara yang pali tâ brih daukamna. " Ídem., pág.485.

b. ¿Nahki wihka Nihimaya bila kaiki kan King Artajerjes wal aisaya? Nihimaya 2:2,3.

c. ¿Nihimaya Dawan wina karnika briaia dukiara nahki aipura sunan? Nihimaya 2:4-6.

Mundi Wis kati 15

2. NAIWA YAWAN RA LISAN PAINKIRA KUM

a. ¿Nihimayas pura sunra wina yawan dia lantakaia nitsa? Nihimaya 2:4. (Las sait)

"Nihimayas aipura sunanba witin king mawanra buwi aisikan pyuara, ainakra prakras an ailula sin krikras, sakuna Dawan walan baha pura sunra, yawan aima manas yabalra taukisa pyuara lukisa utlara wamna taim pasdiara daukaisna ba purusunaia, au baha saura apia sakuna man yabalra wapisma pyuara kupiamra sipsma Dawanra puram sunaia, apia pliskum wina pliswalara impakisma pyuara sin, tihmia yapan wina kupiam krauwan rawisma pyuara sin sipsma.

Yawan diara kum lantakaia nitba sika Dawan mawan ingnikara wapi lantakaia, ani anira kabiara yawan sip yukwras, Dawan nakra wina, bansa kaka aman pali wan dara wali kaia sa dia sat sturka aisiba, lukiba, wapiba sut yawan lâ tara pyuara Dawan ra kler sakan kaiasa." —Profetas y Reyes, pág.446.

b. Aisas nahki Nihimaya witin tankira waunhtaia nani kingra makaban kan ba? Nihimaya 2:7-9.

"Naha wina yawan Dawan warkka dadaukra nani baku lisintara kum latakisa, nahki diara sutba tankira sinslakat an adarkat daukan kaia, au Dawanra wanpura sunikaiasa, wan yabalkara wan tâ bribia dukiara, sakuna ikisbrira warktaka lika apia, waunhataia nani nitsa kaka sut yawan pliki brikaiasa. Kau naha tasbara yawan iwisa pyuara gabamint nani dia kuntri bilara lâ nani mankiba bila wali an baha kat wapaiasa au, Dawan bila wina saitra kaka lika apia.

Sakuna yawan Kristian bara wisi diara sut tankas ban ikisbrira lika daukaia apia, tankira lakat wan warkka nani ba dauki lan takan kaia sa.." — Profetas y Reyes, pág.468.

Tiusdi Wis kati 16

3. DAWAN WARK KA DAUKI LANTAKAIA

a. ¿Dia warkka pas Nihimayas Jerusalenra daukan an nahki upla nani help munan? Nihimaya 2:11-16.

"Nihimaya witin Jerusalen kaupinka ba aiska arasra uli laki kaikan, baha wina tihmia aiska aipura suni lalawan, kan witin nukan titan yu baiwbiara mahka warkra dimaikan ba, ban sakuna Israel luhpia nani tilara tarbaiwan wal barakan ba pain nukan.

Au, Nihimaya adar bribalan kan King Artajerjes wina upla sut yaka witinra help munbia dukiara, sakuna witin wantapia kan upla nanira karna an taibi munka witinra help munbia, sakuna Dawanra makaban Israel luhpia nanira kupiara dinbia witinwal asla bakahnu warkka tara na ta krikaia."— Profetas y Reyes, pág.470

b. ¿Dia Nihimayas tawan uplika nanira makaban an nahki ansa munan? Nihimayas 2:17,18.

"Titan lapta ulan taim witin tawan uplika asla daukan, bara pat witin warkka daukaia ba dukiara pat sut nahki lahla tiwaia ba sut kulki brikan. Nihimaya tihmiara Jerusalen kaupinka wapi kaikan ba upla nuapia kan, bara naha warkka dukiara titan aisan pyuara upla nani ta iwan nahki witin baha sut nutakan ba dukiara." Ídem., pág.256.

"Nihimaya witin Dawan mihta aihkikara alkikan an sin Persia kingka Artajerjes helpka sin brikan naha warkka daukaia dukiara, sakuna kau nitkan tawan uplika nani helpka bara tawan asla dauki makabi walan witin nani wilinsa sapa aitabaikaia naha warkka tara bukaia dukiara.

Bara Dawan mita yaban sin Nihimayara spiritka yaban kata lukanka tawan uplika sut sinsat lukan, sibriraskira naha warkka tara na bukaia Israel Gâdka karnika wal."—Ídem.,pág.470,471.

Winsdi Wis kati 17

4. WAIHLA NANI MAPARA BUWAN BA

a. Jerusalen kli paskisa walan taim ¿waihla nani nahki lawaska kikan? Nihimaya 4:1-4.

b. ¿Setan nahki traikaikan upla nani yaka wark takbia apia dukiara? Nihimaya 4:11-12.

"Jerusalen kaupinka paskikan pyuara siasiabrira daknikum aimuihni nanira helpmunras kan lukikan waihla bal aiklabia kaka witin nani plapi swakwaia, baman sin apia sakuna aifamilika wala nanira maihsakapikan tila wina takbia kan waihla nani mapara yawan karnika apusa aiklabaia. " —Ídem., pág. 474.

c. Waihla nani asla taki Ju nani mapara aula walan taim, ¿Nahki Ju ka nani sibriras kau aitakat wark dauki kan? Nihimaya 4:15-18.

"Nihimaya pyuara Jerusalenra kaupin paskaia ba waihla nani laikapia kan, an mapara waihla dakni matsin asla taki wardaukan sakuna Nihimaya lika Dawanra kasak lukikan minitkumira sin ssibriras, an aiuplika witin wal asla kan nanira kupia karna daukikan an smalkikan Ebraham, Jecob, Moses Gâd ka mihta karnakira ba yawan aikukisa bara yawan waihla sia wisi ban drinh swapaia apiasa.

Tani walara yawan wan tilakat ailal barasa ainina baman Kristian Brisa, sakuna witin nani Dawanra kasak lukras siasiabrira, diara nantaim aiwalka nanira maihsakapisa Dawan warkka daukbia apia dukiara.". Ídem. págs.475, 476.

Tausdi Wis kati 18

5. NIHIMAYA KAIKAN SETAN LUKANKA SAURA BA

a. ¿Waihla nani kaikan kaupin ba pat danhtaka bailakanra dia daukan? Nihimaya 6:1-3

"Waihla nani kaikan taim pat kaupin ba paski tnata alkaia man brihauya kan, bara witin nani lukan wala sakan, waihla nani asla taki Nihimayas ra paiwan witin naniwal kupia kumi takaia dukiara mitin kum daukaia, sakuna Dawan Spiritka mita Nihimayara wabia apia win."— Profetas y Reyes, pág.483.

b. ¿Dia smatka wala Sambalat ai uplika nani wal daukan? Nihimayas 6:5-8. Nahki Nihimayas ansa munan?

"Yawan minit kumira sin aihwakras sipkapras, kan wan waihla saura ba nahki muni wanbatakaia ba plikisa, tnatka ailal ku, bar adiara painkira baku wanmarikbia sin aman pali Dawan Sspiritka ingnika wal luki kaikan kaiasa, ban istikira apia kaia, sakuna sinslaka kat tankira daukan kaiasa." —Profetas y Reyes, pág, 488.

Praidi Wis kati 19

MAKABANKA LUAN NANI BA LAKI KAIKS

1. ¿Dia daukan Nihimaya King Artajerjes ra ansa munras kainara?

2. ¿Nahki Nihimaya tankira witin riditakan Jerusalen ra balaia?

3. ¿Jerusalen ra balan taim dia pas Nihimaya daukan?

4. ¿Nahki yawan sipsa setan mapra naiwa pura luwaia baha pyua nanira baku?

5. ¿Nihimaya nahki nutakan Setan auyamakira aimapra kan ba?

 <<    >>