Sandi
Sikla kati 31
1. LA SAURA KUM WAL TRABIL TARA BALAIKAN
a. ¿Ju nani kli Jirusalin ra wabia dukiara lâ sain munan Medo an Persia kingka taura walkata nina dia? 536 bara 528 mankara Jisas kainara. Esdras 1:1-3; 6:1, 2,6-8.
b. ¿Dia trabilka Israel luhpia nani brin King Asuero pyuara 310 mani Jisas kainara? Ester 3: 8-13; 4:3.
c. ¿Dia sturka painkira Dawan blikan trabilka nani tilara? Zakarias 2:6-9.
"Dawan pat aisan kan King Asuero pyuara trabil nani balaikan ba dukiara, au, diara ailal chenstakan, an baku sin prapit Zacarias ku yaban Ju nani kli Jerusalen ra yaban balan.
Dawan wantkan ba sika Israel luhpia nani ba witin ainina ba tasbara purara sunbia tasba ingnika kum baku kabia. Sakuna nitkan lantakaia bila walaia, taski laka wina saitra takaia, wahra laka wina wapnira nina blikaia. Naiwa Dawan wantyaba sindukia, kristian nani ba naha tasba ingnika kum Dawan mankansa, sakuna witin nani difrant kaia idan nani wal diara sut tanira."— Profetas y Reyes, págs., 440,441.
Mundi
Wis kati 1
2. SETAN DIA LUKIKAN BA DAWAN MITA TAKASKAN
a. Trabil tilarasa pyuara ¿dia wan auyatikaia apiasa? Roman 8:31. ¿Dia Dawan daukan waihla pura luwaia dukiara? Ester 2:15,16.
"Setan traikaikan Israel kiamka ba tasba wina iki tikaia kan witin nani baman heven Dawan kara mayunra yabiba laik apia kan, sakuna Dawan karnika mapara witin sip aiklabras ba aiauya tikan kan."— Profetas y Reyes, pág.442.
b. ¿King Asuero nukanki baha lâ ka wal aimaia palisin puaikan ba? ¿Dia muni Mudikai bila Ester ra Dawan mita kwin mankan win? Ester 4:13,14.
Mudikai witin kwin Ester famalika baku wal aisan naha trabilka nani Ju nani purara balaiba dukiara bara Ester witin lenstar baku takan King Asuero ra aisaia." Ídem.
c. ¿Dia adarka Ester mita Mudikaira blikan? ¿Nahki kaikisa Ester aitawanka dukiara pruaia wiling kan ba? Ester 4:16.
"Naha trabilka tara na mapara aiklabaia witin nani sip apia aidara walan, bara Ester wihki Mudikai wal aisan Dawan karnika plikaia purasunra bak. Witin nani naku aisan Dawan baman sipsa naha trabilkanara help wan munaia."— Profetas y Reyes, pág.440,441.
Ester pyuara trabil takan ba baha pyuara baman takras. Sakuna kaina pali wina Setan misbara kaikiba Dawanra mayuni daknikara, bara tnatka ailal plikisa ikitikaia. Baha taka wan sturka nani luanra kaikbia sa kaka Ebel pyua wina saurka dadaukra nani ba mita misbara kaikisa Dawan luhpia nanira.
Jisas disaipilka nanira nahki Roman kingka nanik Setan rausauhkan kata, Valdense kristian ka nanira nahki ikitiki kata, Baibil ka wal pautara angki kan, layan kraskira nanira yaban pikan, aras wail nanira wilkan wan wina aiska kalki tikikan, dia lika daukras kan misbara wal Dawan luhpia nani mapara.
Man muihki an laikra kristian kasak sma kaka tisku pat saura ra kama sakuna sibripara Dawan lulki maiswibia apia. — Idem Pág. 444.
Tiusdi
Wis kati 2
3. WAN PURA SUNRA NAHKI KARNIKA BRIBA
a. Ester witin yu yumhpa plun piras aipura sunan ninkara ¿Kingra wan pyuara nahki yamni kaikan? Ester 5:1-3.
"Tnatka wala kumi sin apukan baha trabilka tara wina swaki takaia, Ester an mairin nani witin walkan ba aikuki aipura sunan, ninkara trabilka ba mapara aiklaban."— Conflicto y Valor, Pág. 245.
b. ¿Ester mita nahki paiwan king Asuero bara Aman walra? Ester 5:4, 5, 12,13, ¿Aman maia mita dia win Mudikaira misbara kaikiba dukiara? 14.
c. ¿Dia Dawan daukan kau lilia daukras kainara? Ester 6:1-3. ¿Aman kingra wan Mudikaira ikaia adarka sakaia, sakuna kau aisaraskan kainara King mita dia win Aman ra? 4-10.
d. Aman isti pali aiwatlara wan aimaiara wiaia dia sturi takanba wiaia Ester 6:11,12. ¿Zeres, mita Aman ra dia kupia kraukan? 13.
"Yu baiwi bani yawan Dawan latwanka tanka kaikisa, duswahia kumi bani wan aisisa Dawan latwanka tanka, tangni baiwi bani yawan nusa Dawankum bara ba tanka, yu, kati an slilma nani sut sin king David bila yawanra wan aisisa, au bin lika daukras sakuna param wan aisisa Dawan latwanka tanka. An kau pali lika Dawan bila Holikira bak Spirit Holikira mita wan sinskara aisisa Dawan latwanka tanka.
Yawan nitsa wan sinska naha nanira mankaia, sakuna wan waihla saura ba Dawan latwanka tanka yawan bribia want apiasa bara wan sinskara bribalisa tuman, misbara, tara pulanka, tasba prana nani wan nakra ra mankisa bara wan sinska kata taim apusa Dawan latwanka tanka bara lukaia."— Testimonios para la Iglesia, Tomo 4, Pág. 220.
Winsdi
Wis kati 3
4. DAWAN SIPSA SETAN PLANKA WARBIKIR LAKAIA
a. Lilia aima wal daukanra ¿dia makaban Ester mita King Asuero ra? Ester 7:3,4. Ester aisanka wal siran iwan bara. ¿Dia Asuero makabi walan? 5,6.
b. ¿King lamara help mamunrika kum mita dia aisan Aman ra ikbia dukiara? Ester 7:7-10. ¿Saurakira kum aiwalkamra ikaia lukisma pyuara dia aikupia krauki kaiasa? Sinslaka 26:27.
"Dawan kupia laka kan mita Mudikai ra King Asuero mita ai sekantka mankan, kainara lika Aman kan, bara Ju an nisan wala nani mita sin yamni kaikan (Ester 10:3) bara baku Dawan ai uplika nani yabalka daukan kli Jerusalen ra wabia dukiara, sakuna Artajerjes King aimakan pyua pat mani matlalkahbi pura kum (7) kat wihyakawan kan Esdras aiulbra tabrin pyuara. Idem pág. 443.
c. ¿Dia lâ ka satwala kli Asuero daukan? Ester 8:5,13. Ju nani plun piras aipura sunikan naniba nahki prisakan kan? Ester 9:2,16,17.
"Dawan tnatka aihka pali aiuplika nani helpka daukan, King Asuero ra yaban kli lâ wala kum daukan bahara aisikan Ju nani sipsa airayaka dukiara aikankahbaia, bara sturi kwakwahkra nani araspurara uli istikira kuntri aiskara naha lâkana brihwi upla Sutra numunan kan. Ester 8:14.
Plun piras kira wanpura sunaia ba karnika manas brisa, wan solka an wan wina tara sin klin daukaia dukiara. Sakuna wan rayakara saurka wal pulikaia lika apia, Dawan wantyaba lika klin wan daukaia saurka taskika sut wina upla raya wan paskaia an holi lakara an wapni lakara sin yawan wapbia wantsa.
Bara plun piras wan pura sunikaia sakuna kunin aisasara kaka, tatumra, gridikira, tara papulra, usasabra, tasba brinka nina blablikra kaka wan pura sunanka ba bahkiman sa. CRA., pág, 222.
Tausdi
Wis kati 4
5. NAHKI NAHA STURKA KLI TAKBIA YAWAN NANIRA
a. Tisku pali, ¿dia prapit aisan sa Dawan lâ ka kulki nani mapara takbia? Matyu 24:9; Param marikan 12:17.
"Sin Setan spiritka Saura tabrin wal Dawan uplika nani ailalra rausauhki iki tikan ba kli naiwa tnata pyuara daukaisa, bara yawan rait kristian sa kaka ridi takikaiasa naha patka wanpurara aula ba dukiara.
Ester pyuara lâ Saura kum Asuero mankan kata Aman kuninka wal baku naiwa Stechs Gabamintka mita lâ saura kum mankaisa sandi kulki daknika kuninka laka wal, Dawan lâ ka kulki daknikara iki tikaia.
Setan mita kunin munan gabamint tâ uplika nanira, sandi kulki yûra mayuni daknika nani, an tawan uplika sut Dawan lâ ka kulkras nani ba sin misbara, saura an laik apia wan kaikbia, wan dusa kuhbia kunin aisiwal, tnatka sut plikbia nahki iki wantikaia.
Naha sika las pali wâr tara Dawan an Setan wal aiklabaiba, kan setan laik apiasa Dawan lâ ka kulki daknikara. Man muihki an laikras ridisma ki?, apia kau pulanra sma ki? Taimba prahni palisa kau wandara walras baku kaia."—Profetas y Reyes, Págs. 444,445.
Praidi
Wis kati 5
MAKABANKA LUAN NANI BA LAKI KAIKS
1. ¿Nahki pat Dawan aisankan Ester pyuara trabil nani balai ba dukiara?
2. ¿Dia pas pali Ester daukan saurka balaia ba mapara?
3. ¿Setan wainak diara saura daukaia luki kataba nahki Dawan mita yaban sat wala takan?
4. ¿Nahki Dawan mita Aman ra klala yaban saurka ta brari baku?
5. ¿Nahki naha saurka kata wal Dawan karnika ba nesan wala nanira smalkan? ¿baku daukbia ki naiwa pyuara?