Sandi
Wis kati 21
1. NIHIMAYA DIA WARKKA PAS DAUKAN
a. Ju nani Dawan bila walaia pramis takan ninkara ¿Nihimayas apukan taim dia takan? Nihimaya 8:18; 9:1,2; 10:28-31; 13:16.
b. ¿Nihimaia kli Jerusalen ra baltawan bara dia daikan? Nihimaya 13:7.
"Nihimaya apukan pyuara Eliasib priswihta ba Israel waihla kau saura amonits kiamka wina nina Tobias makikanba wal aipanatakan yaban ailuhpia nani marit takan, an tempel watla bilara plisyan takasakaia. Naha daukankana Dawan mawanra saura pali kaikan, Dawan watla holikata ba naha waiknika aidulra mayunra daukikan ba wal taski daukan kata."— Profetas y Reyes., pág. 494
c. Pris wihta Eliasib, Dawan mapara buwi (Kli smalkanka 23:3-6.) ¿Dia daukan? Wapnira mankaia dukiara Nihimaia dia daukan? Nihimaya 13:7-9
Mundi
Wis kati 22
2. TAWAN HELPKA MAKABAN BA
a. Prisant nani upla bribal kan ba manas saura yusmunikan ¿Nahki upla ailal sari takan? Nehimaya 13:4,5. ¿Livait nani manas dia daukan kan? Nehimaya 13:10.
"Dawan adarka pura luwi pris wihta Eliasib witin tempel watla wina presant nani ba saki aidul waiknika Tobias ra yaban. Dawan nakrara saura pali kaikan naha daukankana. Eliasib witin pain nukan naku daukaia apia sakuna Dawan bila bahki kulkan.
Nihimaya Persia wina kli baltawan pyuara kaikan prias watla yarka bilara naha waiknika Tobias barakan taim isti pali kanbi sakan.
Prias watla taski daukan an presantka nani upla bribalkan ba tnatka walara yus munikan. Naha daukankana wal upla ailal matlalkahbi mana aibapaia wantapia kan. Bara baha taka livait nani ailalra aibapras kan bara tempel warkka swisi witin nani wark wala pikan "— Patriarcas y Profetas, págs.494,495.
b. ¿Nihimaya dia wapni daukaia traikaiki kan bara nahki tawan uplika tâ baikan? Nihimaya 13:11-13.
"Nihimayas mita paiwan livait nani tempel warkka swisi wark walara wan kan nanibara, an kli aiwarkka tempel watlara mankan, an upla rait Dawanra latwan kaiki naniba serts taura mankan, bara upla nani sut lilia takan bara ai presantka nani bara matlalkahbi mana sin tempelra brihbalan kata." —Ídem.,pág. 495.
"Nahki wark kasak daukanba Nihimaya baha wal yawanra wanmarikisa dia sipba wanpura sunra an wankupia aiskawal Dawan warkka wanmihta mankaia. Nihimmaya lika pris apiakan, an prapit warkka sin daukras kan. Sakuna Dawan mita bukan baha pyuara Israel luhpia nani yabal kasak ba wina aimahuakan kan ba wina kli bribal yabalra mankaia dukiara. Taski, aidul laka nani wina Dawan lâ kara kli brisal mankaia." —Ídem.,págs. 498,499.
Tiusdi
Wis kati 23
3. SABAT KULKAIA LAKA KLI BUKAN BA
a. Nihimaya apukan pyuara ¿Nahki sabat krikikan upla ailal, naha sika aidul nani wina satwala takiba? Nihimaya 13:15,16.
"Nihimaya Jerusalen ra apukan pyuara sabatba pain kulkras kan, Israel luhpia nani kiamka wala ailamara iwikan nani aikuki diara atkaia bisniskara diman, bara sabat krikikan, au sut lika apia baha tilara dakni sirpi kum lika kasak Dawan sabatka kulki kan sakuna aihkika lika tasba dukia nina bliki sabat ba mayara pali batakan kata.
Ta uplika nani paina n karna kan sat kata naku kaia apia kan sakuna taka uplika nanisin selp aibisniskara man tauki kan Dawan warkka purak purak man dauki kan. Naiwa yawan wan trabilka sin wal baku, wan ta uplika nani pasin tara nani ba aikupia lukras membars nani nahki Dawan lâ ka kriki kabia sin, prias dimi an aipresantka an matlalkahbi mana manki kaka trabail apu wisa." —"— Patriarcas y Profetas, págs.495,496.
b. ¿Dia kan Nihimaya mita tâ uplika nanira lawidaukan aiwarkka kasak daukras dukiara? Nihimaya 13:17,18.
"Diara wahwi ayatkra nani ba Jerusalen durka sabat yuara prakan kan sakuna witin nani ban latara aihwakikan ya takbiara atkaia, baku sabat wal pitka takaskras balyakawikan " (Nihimaya 13:20). "— Patriarcas y Profetas, págs. 496.
c. ¿Nahki daukan Nihimayas naha mistikka nani wina kli wapnira bribal mankaia dukiara? Nihimaya 13:19-23.
"Nihimaya mita livait nanira sabat yua taim Jerusalen durka mainkaikaia mankan kata, kan witin nanira kau upla respek munbia tawan uplika wala wal baku apia. Livait nani warkka kan Dawan lâ ka ba yaka upla nani mita kulkanka yan kaia.—Idem
Upla Saura dauki kan alki takaskras sa kaka baha lika tauplika nani purara patka ba kahbisa."—El Deseado de Todas las Gentes, Pág. 409.
Winsdi
Wis kati 24
4. WAN KASAK KA LUKAN KANSUNAN
a. ¿Nahki Dawan mita Nihimaya ta baikan yaka upla nani aitanka briaia marit laka dukiara? Nihimaya 13:23-27.
"Israel nani tilara trabil tara kum kanba sika ailuhpia nani yaban idan nani aidul uplika nani wal marit takikan ba, bara baku tnatkara Dawan lâka kulkras saurka nina bliki kan. Nihimaya tankira witin naha trabilka brikan uplika nani aikuki aisikaikan an marikan witin nani aisaurkara ban sa kaka sipsa aipurara Dawan klalka balaia.
Upla nanira yaban aitanka brin ninkara mahka naha lainkara plikan wapni daukaia, ya idan mairka brikan ba swiaia kan, ya idan waiknika briba sin swiaia kan. Baku lika Dawan nakrara yamni kaikan naha daukanka."— Patriarcas y Profetas, págs. 496,497.
b. ¿Nahki Nihimaya uba karna praut laka wal uplara munan, witin daukaia apia kan ba? Nihimaya 13:25.
"Au, wapni laka plaplikra waiknika ar mairka kum ba karna bapi buan kaiasa aininara tauras minit kumira sin apia, sakuna upla nanira uba isti, an praut laka wal lika apia."—Testimonios para la Iglesia, Tomo 6, Pág. 155.
c. ¿Dia mita priswihta Eliasib witin, ai luhpia an aimula kat sin kau sip priswark ka daukras kan? Nihimaya 13:28,29. ¿Nahkisa upla kum ainina baman kristian briba? Matyu 15:14.
"Tempelra wark taki kan nani tilara sin idan mairka nani wal brikan sakuna aimaia wal swiaia want apiakan bara warkka wina sakan an Israel tilawina sin kanban aidulka nisankara wan. Naha lika diara karnasa daukaia, sakuna ani tâka upla klin an wapni lakara wapaia traikaikisa pyuara Dawan mita sinslaka an karnika yabia nahki naha warkka daukaia."— Patriarcas y Profetas, pág. 497.
Tausdi
Wis kati 25
5. NAIWA YAWAN NANIRA LISAN KUM
a. ¿Dia yawan naiwa lantakaia nitsa Esdras an Nihimaya warkka wina? Aiseya 57:12-14; Roman 15:4.
"Naiwa yawan tnata pyuara iwinara nitpalisa Esdras an Nihimaya wal spiritka ba, klin, wapni, an kasak lakara tukbi brihwaia, taski laka wina baltakaia, an yabal wahra wina Dawan yabalka wapnira bal aimakaia. Saurka wal kau pulikaia apia, tasba nina blikan ba swiaia, kristian purataya baman ba wina rait aihwa kristian kasak takaia. Wan daukanka, wan wapanka, wan iwanka nani sutba wal marikaia rait aihwa spirit yawanra iwiba tanka.
Esdras an Nihimaya wal aipura sunan tawan uplika nani saurka dukiara Dawanra padin makaban, bawikira Dawan Spiritka mihtara yu bani wapikan.
Yawan naiwa laspyuara iwinara sika kaupali nitsa naha wantanka briaia, Dawan yabalkara kli aimakaia, uba watawi laka baman sa naiwa, serts bilaba kaikma kaka diara atkaia watla bakusa, kristian nani lika ainina baman brisa, baha wal Dawan nina kau swira daukisa an bahkira lakisa. Pyua aimakansa naha sutna wina wapni, an klin lakara iwi lantakaia. "— ."— Patriarcas y Profetas, pág. 498,499,501.
Praidi
Wis kati 26
MAKABANKA LUAN NANI BA LAKI KAIKS
1. Nahki Nihimaya witin marikan wapnira wark taka want kan ba?
2. Nahki kli sabatra kulkanka yaban?
3. Dawan bila kasak b anisan sut dukia sa ¿Nahki man lukisma marit lakara kulkanka yabaia dukiara?
4. Esdras an Nihimaya wal warkka tara ba dukiara ria aisas?
5. Dia makabanka yawan daukaiasa Dawan wedniska baku naiwa pyua tnatara iwinara.