Sabbath Bible Lessons

"Tasba Ingnika 3"

 <<    >> 
Sabat, Pastara kati 19, 2014 Lisan 3
ILAYAS DIARA WAPNI DAUKAN BA "Prapit Ilayas ba yawan baku upla kan; witin li auhbia apia wisi aipura sunan bara, mani yumhpa pura bakriki naha tasbara li auhras kan. Ninkara aipura sunan bara li kli auhan, bara tasba ba kli ai ma sakan." (Jemes 5:17,18).
Sipsma kau aisikaikaia:   Profetas y reyes, págs. 87-113. 
"Dawan plikikan nahki israel nanira prisakaia, witin nani kuninra kan ba wina, yarka aitanka briaia mayunra yabaia aitani ba lika Dawan ra baman."— The Review and Herald, 21 de agosto de 1913

1. WAN KUPIA LAKI YABALRA AIMAKAIA WINANKA Sandi Pastara kati 13
a. ¿Dia wark ka Dawan Ilayas ra yaban, Israel nani purara aidul nani mita taibi kan pyuara? 1 King 17:1. "Prapit Ilayas ku Dawan aibila blikan King Ahab ra an Jezabel ra bara witi prub munaia sipkan aidul prapitka nani kuninka tanka ba, An kaikaia sipkan Dawan karnika ba." —Profetas y Reyes, pág.60 b. Dawan traikaikan King Ahab an Israel luhpia nani wal aisaia, sakuna. ¿nahki aidul prapitka nani mita kunin muni brikan? "Baal prapitka nani mita upla nanira kunin munikan prapit Ilayas smalkankara kasak lukaia apia, witin nani bila aidul nani dawanka ba karnika tara brisa li yaka auhaia. Sakuna prub munan pyuara upla nani sipkan kaikaia aidul dawanka karnika apuba tanka. "— Profetas y Reyes, pág. 90.
2. RAYA APIA PRUAN KIA BAKU Mundi Pastara kati 14
a. King Ahab wihki Ilayas wal prawan taim ¿Dia makaban ka wal Ilayas ra patka kahbikan? 1 King 18:17 ¿Dawan albika nani dia bila kaikaiasa baha nani Dawan bila walras ba wina? "Israel nani mita Dawan prapitka nanira laik apiakan tanka ba sika witin nani aisaurka yukwanra dauki nani sut param sakikan. King Ahab mita Ilayas ra ai waihla baku kaiki kan tanka ba ai saurka nani sut nutaki kan bamna. Baku sin naiwa yawan wan pyuara kristian ailal yukwanra dia dauki ba swibia wisuya taim laik apia takisa." —El Deseado de Todas las Gentes, pág.538."Kristian ailal wantsa aisaurka tilara kaia sakuna ai nina ba kristian brikaia. Tasba kukanka nina blikisa, wark taski nani tilara wataukisa, ai aisanka nani ba sin wahra lakara baman sa, sakuna pasin kum baha swibia wisuya kaka laik apia takisa. Israel nani Ilay pyuara sin baku kan ai kingka Ahab aikuki taski lakara aidul nani nina blikikan bara prapit Ilayas baha saurka aisan taka misbara laik apia taki banhwan kan. " —El Conflicto de los Siglos, págs.511,512. b. ¿Upla kwara tara ba wina yawan dia bila kaikaiasa, Dawan bila smalkbia ninkara? Aiseya 59:14, 15; 2 Timuti 3:10-12. "Naiwa upla dakni tara an yabal tarara wapi naniba witin nani laiksa diara sutra prikaia; piaia pri, diaia pri, pulaia pri, dimaia pri, an ban ban. Bara aipasinka nani sin baku smalkisa. Sakuna anipyua klin lakara iwaia, wapni lakara wapia, holi lakara iwaia dukiara smalkisa pyuara witin nani laik apia takisa an baha pasinka mapara buwisa. Bara pasin an smasalkra nani ailal dia daukisa, kwara tara wapanka aikuki aslakumisa, aimana baman kati kat bila kaikisa, sakuna dia Dawan bila smalkanka tihukara lika waras.Aidul lukanka smalkankaba swisi kli Dawan yabalkara bal aimakaia smalkankaba sika naiwa yawan wan tilara nitpalisa, sakuna upla handat wina wal baman wilinsa nina blikaia, kwara tara lika kau lihkisa taski an wahra lakara iwikaia." —El Conflicto de los Siglos, págs.512,513.
3. SMALKANKA KUM SUAPNI BA SAURA PALISA Tiusdi Pastara kati 15
a. ¿King Ahab mita prapit Ilayas ra patka kahban pyuara pana witin mita dia ansa munan? 1 King 18:18. "Prapit Ilayas witin sibriras King Ahab mawanra wan, witin yakan kan sakuna pain nukan Dawan ensalka karnakira ailamara kanba, bara Ahab mita li auhras patkaba Ilayas purara kahban pyuara witin bila man sauarkam taka Dawan kastigar blikansa wisata." —Profetas y Reyes, pág.102. b. ¿Dia sat smalkankaba nitsa wan kupia lakaia, an kli yabalra aimakaia dukiara? Aiseya 28:1. ¿Smalkanka uba swapni ba wal upla nani nahki aidara walisa? "Smalkanka swapni, auhni tawa an isi smalki naniba wawalra kiamara laik walisa, pasin pain wisa, sakuna ani pasinka ar smasmalkrika yukwanra wan saurka dauki ba wina swisi wan kupia lakaia dukiara smalkiba lika upla laik apia, an baha sat pasinka isti mahka warkka wina kanbisa ar pliswalara blikisa.Naiwa las pyuara yawan iwinara Dawan albika nani smalkankaba swapni, auhni, an isi upla laik kaia apia sa, sakuna karna kaia sin prapit Ilayas, Netan an Jan de baptis smalkankata baku kaia sa. Winanka daukaiasa upla kupia kat aisaurkaba swisi Dawanra taubia dukiara. Man nukaiasma lika misbara maikaikaisa, an traikaikbia raumaisauhkaia sakuna sibriras kaia sma."—Profetas y Reyes, pág.103, 104. c. ¿Ilayas ra patka kahbata baku ahkia kli Dawan albika nani purara tasba patka kahbia? Param marikan 13:15-17. "Bara kunin, tuman an misbara wal dusakuhban bukbia bara Dawan albika nani mapara sin Ilayas bapi buankata baku yawan buwan kaiasa, an bahara taim brikaia Dawan karnika ba marikaia." —El Conflicto de los Siglos, pág.648.
4. DAWAN MAPARA SETAN AIKLABI BA Winsdi Pastara kati 16
a. King Ahab ra lawidaukan ninkara ¿Nahki karna aisan Ilayas? 1 King 18:19,20. "Yawan sipsa aisikaikaia 1 King 18:19. Nahara wan wisa nahki prapit Ilayas Dawan karnika wal king Ahab ra adar yabisa aidul prapitka 450 naniba asla daukbia dukiara. Bara isti pali Ahab paiwankan kuntri aiska bilara aidul prapitka nanira."—Profetas y Reyes, pág. 106 b. ¿Tawan mawanra Ilayas dia warkka karna kahban? 1 King 18:21. (Tâ sait ba) "King Ahab, baku sin aidul prapitka nani 450, soldyar kiaptinka nani, kau upla tara wala nani sin, an tawan uplika ailal aipaswankata karmel ilkara. Prapit Ilayas lika upla nakrara yakan baku kan sakuna witin Dawan ensalka karnakira nani mita kutbi brikan, bara witin adar yaban nahki ridi daukaia kan ba sakripais daukaia dukiara." —Profetas y Reyes, pág. 107. c. ¿Upla kwara tara aipaswan kan ba wina dia ansika yaban Ilayas ra? 1 King 18:21. (las sait ba) "Dawan nakrara saura kaikisa ani uplika aiswira briba sturi yamni smalkaia, nahki sat kabia sin sibriras buan kaiasa prapit Ilayas kan baku, Daniel an Josep kata baku. Sin dimras tasbaia nani sut yawanra wankaikisa nahki yawan Dawan sakripaiska tara kulkanka yabisa sapa, apia kauni wan swira brisa sapa.Laitwankira Jisas painkira yawan wandukiara aitrunka hevenra swisi naha tasba saurara balan, an yawan wan kastigarka witin wtilkan man an yang priwandaukaia dukiara saurka karnika wina, bara mamkabi walisna. Man kau ban wantsmaki saurka albikara iwikaia, taski laka, wahra laka nina blikikan kau maidaukisa ki? Apia pali damra wals naiwa kau man taim brisma Dawan kupia pihnika durka kwawan nara.". —Profetas y Reyes, pág. 108.
5. ISRAEL NANIRA MINIT KUM BAMAN KANSUNAN Tausdi Pastara kati 17
a. Ilayas bila ani Dawanka pauta blikbia ba rait Dawan kabia, bara upla kwara tara ba ¿dia ansa munan? 1 King 18:22-24. b. Bara tawan uplika kaikan aidul prapitka nani kuninka laka bara ¿dia daukan Ilayas? 1 King 18:30-34. Ba ninkara Dawan param takbia dukiara aipura sunanra dia takan? 1 King 18:36-38. c. Upla kwara tara ba heven wina Dawan pauta blikan kaikan ninkara ¿dia aisan an daukan? 1 King 18:39.Ilayas dia daukan aidulka prapitka nanira 1 king 18:40. "Naha tukinka tara sut kaikan sakuna aidul prapitka nani aikupia lakras kan Dawanra kasak lukaia, bara Dawan mita adar Ilayas ra yan alsutra ikbia, kan naha nani na ban swibia kaka aikuninka laka wal ban daukikaia lukisa.Naiwa las pyuara yawan iwinara prapit kuninkira ailal takan sa witin nani lahla nina baman blikisa Dawan bila kasakka smalkaia lika lukras, sakuna tisku pali siknis saura matlalkahbi pura kum Dawan blikbia pyuara baha kat upla ailal aidara walbia naha nani nahki kuninra kanba tanka, sakuna taimba danhtakan kabia." —Profetas y Reyes, pág.113.
MAKABANKA LUAN NANI BA LAKI KAIKS Praidi Pastara kati 18
1. King Ahab wihki Prapit Ilayas wal aiklabankaba dukiara aisas 2. Aisas yawan upla kwara tara mapara buwaia ba Dawan bila dukiara. 3. ¿Dia muni smalkanka swapni ba uplara sauhkisa?. 4. ¿Ahkia Dawan luhpia nani purara tasba patka kahbia? 5. ¿Diakan yawan pasin kuninkira nani nina blikaia apiasa?
 <<    >>