1.Uwashushanyaga Kristo Kuwa mbere 26 Gashyantare

a. Ni nde Isaka yahushanyaga? Itangiriro 22:7-9; Abaheburayo 11:17-19 “Isaka yashushanyaga Umwana w’Imana, witanzeho igitambo cy’ibyaha by’abari mu isi. Imana yashakaga gucengeza muri Aburahamu ubutumwa bw’agakiza k’umuntu. Kugira ngo ibi bigerweho, no gutuma ukuri kumubera impamo ndetse bifatanije no kugerageza kwizera kwe, yamusabye gutamba umwana we yakundaga. Agahinda n’umubabaro byose Aburahamu yihanganiye binyuze muri icyo kigeragezo cyijimye kandi giteye ubwoba byari bigamije gucengeza mu bwenge bwe inama yugucungura umuntu waguye. Byatumye asobanukirwa binyuze mu bunararibonye bwe bwite ko byagoye Imana kwitangaho igitambo binyuze mu gutanga umwana wayo kugira ngo aze gupfira umuntu amukure mu irimbukiro.” Ibihamya vol. 3 p.369 b. Ni gute Imana yahishuriye Aburahamu umunsi wa Kristo? Itangiriro 22:13; Yohana 1:29; Yesaya 53:7 “Aburahamu yabonye ko mu gutanga umwana wayo w’ikinege ikunda kugira ngo akize abanyabyaha kurimbuka kw’iteka ryose, Imana yari itanze igitambo gikomeye kandi gitangaje kirenze icy’umuntu wese ashobora gutanga.” Uwifuzwa ibihe byose p. 469

---

2. Igitambo giheranije Kuwa kabiri 27 Gashyantare

a. Sobanura ukuntu Imana yagerageje guhishurira Aburahamu agaciro k’igitambo gikomeye yagombaga gutanga binyuze mu mwana wayo w’ikinege. Itangiriro 22:11,12,16; 1Yohana 4:9,10 “Data wa Twese wo mu ijuru yagotesheje umwana we w’ikinege akunda imibabaro yo kubambwa ku musaraba. Amalegioni y’abamalayika bahamije ibyo gucishwa bugufi n’umubabaro ushengura umutima by’Umwana w’Imana ariko ntibemererwa kumutabara nk’uko byagenze kuri Isaka. Ntajwi ryigeze ryumvikana ryo guhagarika icyo gitambo. Umwana w’Imana ukundwa, umucunguzi w’isi, yaratutswe, arakwenwa, ahindurwa igishungero, kandi arashinyagurirwa kugeza igihe acurikiye umutwe agatanga. Mbega umuhamya bukomeye Isumba byose yaduhaye mu kutugaragariza urukundo n’impuhwe? That I May Know Him, p. 20.“Umubabaro ukomeye Aburahamu yagize muri iyo minsi y’umwijima y’icyo kigeragezo giteye ubwoba byatumye ashobora gusobanukirwa ahereye ku bunararibonye bwe bwite ibirebana n’igitambo gikomeye Imana yadutangiye kugira ngo icungure umuntu.” Abakurambere n’Abahanuzi p.154 b. Nk’uko byagenze kuri Isaka, sobanura ukuntu Yesu yamenye ko Se ariwe wamutanze nk’igitambo cy’abari mu isi bose. Itangiriro 22:10; Matayo 26:38,39; Abafilipi 2:8 “Yesu yasize urugo rwe rwo mu ijuru maze aza muri iyi si y’umwijima kugira ngo yishyireho ubuhanya bwose bw’umuntu, kugira ngo abone uko akiza abiteguye kurimbuka.” The Bible Echo, January 1, 1893. c. Ni uwuhe mubabaro ukomeye Kristo yahuye nawo igihe yitangagaho igitambo kitagira akagero? Zaburi 69:18-21; Yesaya 53:4,10,12 “Umubabaro wo kuba yari yatandukanye nurukundo rwa Se nibyo byongeraga imibabaro ya Kristo....Umubabaro we ukomeye, waterwaga no gutekereza ko isaha yari akeneyemo Imana aribwo yamutereranye, byamwongereye umubabaro umunyabyaha azasobanukirwa mu gihe kizaza, igihe Umwuka w’Imana uzaba wamuvuyeho.” Mind, Character, and Personality, vol. 2, pp. 464, 465.

---

3. Yaretswe kubera icyaha Kuwa gatatu 28 Gashyantare

a.Ni mpamvu ki Kristo yaretswe, ariko Isaka we ntarekwe? Itangiriro 22:12; Matayo 27:42,43,46; Yohana 3:17; 12:27; 2 Abakorinto 5:21 “Abamalayika bo mu ijuru bifatanije n’Umuyobozi wabo bakunda. Bari biteguye kujugunya amakamba yabo hasi maze bakajya kumufasha. Ariko ibi ntibyari muri gahunda y’Imana.” The Upward Look, p. 223.“inshungu yacu yo mu ijuru yemeye gusogotesha umutima we inkota yo gukiranuka ku bushake bwe, kugira ngo tutarimbuka ahubwo duhabwe ubugingo buhoraho.” Ubutumwa Bwatoranijwe vol.1 p.322 a.Mbese kuba Aburahamu yarasize abagaragu be inyuma, maze we n’umwana bakajyana ku gicaniro bishatse kuvuga iki? Itangiriro 22:3-5,8; Yohana 16:32 “ Abamalayika bahamije iby’imibabaro y’Umukiza bafite gutangara kwinshi. Ingabo zo mu ijuru zatwikiriye mu maso hazo zitinya kumureba. Bari bafitiye Impuhwe zitagira akagero umuyobozi wabo washinyagururwaga kandi wari ugiye gupfa. Izuba ryarahunze ryanga kureba ibiri kumubaho. Umucyo waryo wose uko wakabaye wamurikiye isi ku manywa y’ihangu, ryasaga n’iryenda kumanukira isi, maze mu kanya gato riba rirazimye. Umwijima w’icuraburindi umeze nk’uw’urupfu rutunguranye, ugota umusaraba....“Muri uwo mwijima uteye ubwoba mu maso h’Imana hari hatwikiriye...Data yari kumwe n’Umwana we. Ariko mu maso he ntihagaragaraga. Iyo ubwiza bwe bwahuranya uwo mwijima w’igicu, buri muntu wese wari kubwitegereza yari gupfa. Kandi muri iyo saha ibabaje Kristo ntiyagombaga guhumurizwa no mu maso ha Se.” Uwifuzwa Ibihe Byose p. 753,754 c. Ni gute twamenya ko Kristo yatereranywe ariko ntarekwe burundu? Yesaya 54:7,8; Ibyakozwe n’Intumwa 2:22-24,27; 1Abakorinto 15:55-57 “Yesu yarahambwe. Yagiye mu mwijima w’igituro maze asogongerera buri muntu wese urupfu. Ariko ntiyaheranywe n’imbaraga z’umwanzi. Malayika ukomeye uvuye mu ijuru yaraje abirindura igitare agikura ku gituro....Kristo yasohotse mu gituro ari umuneshi kandi asohokana mu gituro iminyago myinshi.” The Signs of the Times, November 25, 1889

---

4. Umukiza Wazutse Kuwa kane 1 Weurwe

a. Sobanura uburyo Aburahamu yizeye imbaraga yo kuzuka. Itangiriro 22:5; Abaheburayo 11:19 “Uyu mwana Isaka yamuhawe Atari abyiteze; kandi nig ute uwo watanze impano y’igiciro atashoboraga kongera kuyimugarurira mu gihe yamutambye? Ubwo nibwo yongeye kwibuka isezerano ngo, ‘kuko kuri Isaka ari ho urubyaro ruzakwitirirwa-urubyaro rwawe ruzangana n’umusenyi wok u Nyanja (Itangiriro 21:12). Isaka yari umwana w’igitangaza, kandi ni gite imbaraga yamutanze itashoboraga kongera kumumugarurira? Arebeye ku bigaragara, Aburahamu yibutse amagambo y’Imana agira ati; ‘Kuko yibwiye yuko Imana ibasha ndetse kuzura n' abapfuye, ni cyo cyatumye amugarurirwa nk' uzutse.’ (Abaheburayo 11:19).” Abakurambere n’Abahanuzi p.151 b. Sobanura icy’urupfu n’umuzuko bya Kristo bisobanuye ku kiremwa muntu. Abaheburayo 2:14,15; 2Timoteo 1:10; Abaroma 6:5 “Satani ntashobora guherana abapfuye mu gihe umwana w’Imana yategetse ko babaho, ntashobora kwica umuntu mu by’umwuka, mu gihe yakiranya imbaraga ijambo rya Kristo afite kwizera. Imana irabwira abapfa ku byaha bose ngo, “Usinziriye we, kanguka uzuke, Kristo abone uko akumurikira!”(Abefeso 5:14).Iryo jambo ni ubugingo buhoraho.” Uwifuzwa Ibihe Byose p.320 c. Ni gute kunesha urupfu kwa Kristo ari ingenzi ku mwizera? 1abakorinto 15:12-19; 1 petero 1:3; Yohana 11:25,26 “Iminyago yasohotse mu gituro mu gihe cyo kuzuka kwa Yesu wari umuganura wo kunesha kw’Igikomangoma. Iki gihamya cyo gutsinda urupfu n’igituro; uko niko yari atanze ubuhamya bwo kuzuka bwo kuzuka kw’abakiranutsi bose bapfuye.” The SDA Bible Commentary [E. G. White Comments], vol. 5, p. 1109.“Wa wundi ufite ubutware wenyine bwo kuvana abera mu gituro maze akabambika kudapfa; akabaha gutsinda urupfu n’igituro by’iteka ryose; ubu afite ubushobozi bwo kurindira imitima yaragijwe mu byiringiro akabarinda uwo munsi mubi no kubakiza ingorane zose.” Manuscript Releases, vol. 21, p. 273.

---

5.Umunezero w’Agakiza Kuwa gatanu 2 Weurwe

a. Mbese Aburahamu yumvise ameze ate igihe Imana yamuhishuriraga Kristo nk’Umukiza wanesheje icyaha n’urupfu? Yohana 8:56; Ni mpamvu ki abakristo bagomba kuba abantu barangwa n’umunezero mwinshi mu isi? Abafilipi 4:4; Ibyakozwe n’Intumwa 2:25-27; 1Abatesalonike 5:16. “Mu gihe cy’ingorane nyinshi z’ibicantege zagombaga gukoma mu nkokora imibereho ya gikristo, Pawulo afite gushikama mu mutima, yuzuye ubutwari n’ibyiringiro no gushima, yaravuze ati, ’Mujye mwishimira mu Mwami wacu iminsi yose. Yewe, nongeye kubivuga nti “Mwishime!” (abafilipi 4:4). Bene ibyo byiringiro n’ibyishimo biboneka igihe umuntu ari mu bwato buteraganwa n’umuraba w’ishuheri, ubwato buri hafi kumeneka. Atanga amabwiriza ku muyobozi w’ubwato kugira ngo arinde ubuzima zw’abari mu bwato bose. Nubwo aba ari imbohe, ariko mu by’ukuri aba ariwe muyobozi w’ubwato kuko aba ariwe uri mu mudendezo kandi unezerewe muri ubwo bwato.” My Life Today, p. 334. b. Ni mpamvu ki kuririmba no gushimira Uwiteka ari umugabane w’ingenzi mu kwizera kwacu? Zaburi 98:1-6; 95:1-8; Ibyahishuwe 15:2-4 “Igihe ubwoko bw’Abisirayeli bwari mu rugendo mu butayu, ibyigisho byinshi byashimangiwe mu ntekerezo zabo binyuze mu ndirimbo....Ibyo byatumye intekerezo zabo zirenga ibigeragezo n’ingorane bahuriraga nabyo mu nzira, mu muruho w’umubiri n’uw’ubwenge waragabukaga kandi ugatuza, amahame y’ukuri yashimangirwaga mu bwenge, kandi kwizera kugakomezwa.” Uburezi p.39”Iyaba gushima Imana kwashyirwagamo imbaraga cyane muri iki gihe, ibyiringiro n’ubutwari no kwizera byakwiyongera bwangu.” Abahanuzi n’Abami p. 202

IBIBAZO BYO KUZIRIKANA Kuwa gatandatu 3 Weurwe

1. Ni mu zihe nzira Isaka yashushanyagamo Kristo? 2. Nigute ubunararibonye bw’Aburahamu bwahishuye ubusobanuro bwimbitse bw’igitambo cy’Imana? 3. Sobanura impamvu Kristo yagombaga kwiyumvamo ingaruka zokwiyumvamo ko yatereranywe. 4. Ni iki umuzuko usobanuye ku mukristo? 5. Ni uwuhe muti wizewe w’umunaniro?