Ulua’i Aso
Ianuari 15
1. O FANAU A APERAAMO
a. Fa’amatala se uiga mata’utia e a’afia ai le olaga fa’alēagaga. Ioane 8:33.
e. O le ā le mea ua avea ai i tatou ma pologa i le agasala? Ioane 8:34, 39–44.
“Sa ta’utino mai e le ‘au Faresaio o i latou lava o fanau a Aperaamo. Sa fa’ailoa atu e Iesu iā i latou o lenei ta’utinoga, e tasi lava le mea e mafai ai ona fa’amaonia i latou faia lea o galuega a Aperaamo. O le fanau moni a Aperaamo o le a ola i se olaga, e pei ona faia e ia, o se olaga usiusita’i i le Atua. Latou te lē taumafai e fasioti se tasi o lo’o tautala i le upumoni na tu’uina atu iā te Ia mai le Atua. I a latou ma le taupulepulega fa’asaga iā Keriso, na le’i faia ai e le ‘au a’oa’o galuega a Aperaamo. E leai se tāua o sē tupuga mai iā Aperaamo. A aunoa ma se so’otaga fa’alēagaga ma Ia, lea o le a fa’aalia i le mauaina o lea lava agaga e tasi, ma le faia o nei lava galuega e tasi, e lē o ni ana fanau i latou.”—The Desire of Ages, pp. 466, 467.
i. E mafai fa’apefea ona lavea’iina mai lenei pule i se matai sāuā? Ioane 8:32, 36; Kalatia 3:29.
Aso Gafua
Ianuari 16
2. O LE A LE UIGA O LE “ILOA”?
a. O le ā le fesili tāua na fai atu e Pilato i le maota fa’amasino? Ioane 18:38 (vaega muamua). O le a se tali semanū na te maua pe ana fa’apea e tū mo sina taimi e fa’alogo i le tali a le Fa’aola? Ioane 14:6.
“Sa i ai le naunauta’iga iā Pilato ia iloa le upumoni. Sa fenumia’i lona mafaufau. Sa ia taofimau ma le naunauta’i i upu a le Fa’aola, ma sa o’otia lona loto i le naunau tele e fia iloa po o le ā moni lava, ma pe fa’apefea ona ia mauaina. ‘O le ā le upumoni?’ o lana fesili lea. Ae sa ia lē fa’atali mo se tali. O le vevesi ma le vavaō mai o fafo na ia manatua ai le itula; ona alalaga mai lea o ositaulaga ina ia fa’avave se gaioiga. Sa ia alu atu i tagata Iutaia, ma ia ta’utino atu ai ma le malosi, ‘Ou te lē maua lava se mea e sesē ai o Ia.’ ”—The Desire of Ages, p. 727.
e. Fa’amatala le mea e tupu pe a su’esu’e e se tagata le Upu ae na te lē iloa le Atua. Mareko 12:24; 2 Timoteo 3:7.
“Sa fa’avi’ivi’i e le ‘au Satukaio i latou lava e fa’apea, o i latou uma lava ua matuā tausisi atu i Tusitusiga Paia. Ae na fa’aalia e Iesu, latou te le’i iloaina lo latou uiga moni.”—The Desire of Ages, p. 605.
i. E mafai fa’apefea ona tōsina atu i se Tasi e lē o fa’ananau i ai lo tatou natura pa’ū? Ioane 12:32; 8:28; Mataio 11:28-30.
“So’o se taimi e tu’uina atu ai le tulafono i luma o tagata, ia tu’u atu i le a’oa’o o le upu moni o lo’o fa’ailoa mai ai le nofoali’i ua si’omiaina i le nuanua o le folafolaga, o le amiotonu a Keriso lea. O le mamalu o le tulafono o Keriso lea; Na afio mai o Ia e fa’alautele le tulafono, ma fa’amamaluina. Ina ia fa’amanino atu, o le alofa tunoa ma le upumoni ua fa’atasia iā Keriso, ma ua fusia e le amiotonu ma le filemu le tasi ma le isi. O lou va’ava’ai atu i Lona nofoali’i, o le ofoina atu o lou salamōina ma vi’iga ma le fa’afetai i le Atua, o oe o se Kerisiano atoatoa, ma avea ma sui o Keriso i le lalolagi. Ia outou tutumau iā Keriso, ma o lo’o tumau Keriso i totonu iā te outou; ma ua iā te oe lenā filemu e silisili i mea uma lava e manatu i ai. E mana’omia ona tatou mafaufau loloto e lē aunoa iā Keriso ma Lona alofa matagofie. E tatau ona taula’i atu pea o tatou mafaufau iā Iesu, ma fa’amauina i tatou iā te Ia. I talanoaga uma lava ia mafaufau i uiga paia.”—The Ellen G. White 1888 Materials, p. 730.
“Ia su’esu’e ma le fa’aeteete i uiga paia fa’alētagata, ma fesili so’o, ‘O le ā se mea e faia e Iesu pe ana fa’apea o Ia e i lo’u tulaga?’ ”—The Ministry of Healing, p. 491.
Aso Lua
Ianuari 17
3. O GATA I LE VAO
a. O le ā le vaifofō na saunia e le Atua mo i latou na ūtia e gata ūogo i le toafa? O le a le mea na mana’omia mo le fa’amālologa ina ia faia? Numera 21:6–9.
“Auā sa puipuia i latou i le mana fa’alelagi [o le fanauga a Isaraelu] latou le’i iloaina le anoanoa’i o lamatiaga na fa’aauau pea ona si’omia ai i latou. I lo latou lē loto fa’afetai ma lo latou lē talitonu na latou fa’atalitalia ai le oti, ma o lenei ua fa’atagaina e le Alii le oti ia o’o mai iā i latou. O gata o’ona na feoa’i i le vao sa ta’ua o gata ūogo, ona o le mata’utia o a’afiaga e maua mai i lo latou tui, e mafua ai le fula ma le oti vave. A’o aveesea le a’ao puipui o le Atua mai iā Isaraelu, o se fuainumera tele o tagata na osofa’ia e nei meaola o’ona. . . .
“Na poloa’i mai le lagi iā Mose e fai se gata apamemea e pei o le gata o lo’o ola, ma si’itia ai i luma o le nu’u. I lenei mea, o i latou uma na ūtia e tatau ona va’ava’ai, ma o le a latou maua ai se mapusaga. Sa ia faia fa’apea, ma sa fa’alogoina le tala fiafia i le togālauapi atoa ina ia mafai e i latou uma na ūtia ona va’ai atu i le gata apamemea ma ola ai. E to’atele ua māliliu, ma ina ua si’i a’e e Mose le gata i luga o le pou, sa lē talitonu nisi fa’apea e na o le va’ai atu i le fa’atagata uāmea ona fa’amāloloina ai lea o i latou; na fano i latou nei i lo latou lē talitonu. Peita’i sa i ai le to’atele o ē sa fa’atuatua i le sauniuniga na faia e le Atua. . . . Afai o i latou nei, e ui ina matapogia ma feoti, e na o le tasi lava le taimi e mafai ai ona va’ai, o le a toe fa’aleleia atoatoa. E ui ina matapogia ma feoti, ae ana faapea e na o le tasi lava le taimi e mafai ai ona latou vaai atu iai, o le a toe manuia atoatoa i latou nei.
“Na iloa lelei e tagata e leai se mana i le gata apamemea e mafai ai ona faia se suiga fa’apenā ia i latou o ē na va’ava’ai i ai. O le mana fa’amālōlō sa mai i le Atua lava. I Lona atamai na Ia filifilia ai lenei auala e fa’aalia ai Lona mana. O lenei auala faigofie na iloa ai e tagata o lenei puapuagā na o’o mai iā i latou ona o a latou agasala. Sa fa’amautinoa atu foi iā i latou a usiusita’i i le Atua e leai se mafua’aga latou te fefefe ai, aua o le a Ia fa’asaoina i latou.”—Patriarchs and Prophets, pp. 429, 430.
e. Fa’apefea ona laugatasi’a lenei molimau ma i latou o lo’o mafatia i le ū a lenā gata tuai (Fa’aaliga 12:9) ma le fa’anaunauga ia fa’amālōlō? Ioane 3:14, 15; 1:29.
“Ia tu’u atu i le tagata agasala ua salamō e taula’i atu ona mata i le ‘Tama’i Mamoe a le Atua, na te aveesea le agasala a le lalolagi’ (Ioane 1:29); ma o le va’ai atu, e suia ai o ia. O lona fefe ua liua i le olioli, ma ona masalosaloga i le fa’amoemoe. E puna a’e ai le agaga fa’afetai. O le loto e pei o se papa ua nutimomoia. E pei o se galu le sosolo atu o le alofa i le agaga. O Keriso o lo’o i totonu iā te ia le vaipuna, e puna a’e i luga i le ola e fa’avavau.”—The Desire of Ages, p. 439.
Aso Lulu
Ianuari 18
4. O AI IESU?
a. Sa soifua Keriso i se soifua’aga atoatoa i le lalolagi (1 Peteru 2:21, 22), ae nai lo le tōsina atu ia te Ia ma Ona so’o fa’amaoni, o le ā le tali o le to’atele o tagata? 2 Timoteo 3:12; Ioane 3:19, 20.
“E moni lava o ulua’i Kerisiano o ni tagata tulaga ese i latou. O o latou uiga lē mata’uleagaina mo lo latou fa’atuatua e lē maluelue, o se a’oa’iga faifai pea lea na fa’aleagaina ai le filemu o le tagata agasala. E ui ina to’aitiiti i latou, e aunoa ma ni tamāōa’iga, o tulaga, po o ni fa’alupega, ae sa avea i latou ma mea mata’utia i tagata amioleaga i so’o se mea na iloa ai o latou uiga ma a’oa’oga fa’avae. O le mea lea na inosia ai i latou e ē amioleaga, e pei o Apelu na inosia e le lē amioatua o Kaino. O le mafuaaga lea e tasi na fasiotia ai e Kaino ia Apelu, o ē ua saili e lafoa’i le puipuiga a le Agaga Paia, ua fasiotia ai foi tagata o le Atua. O le mafuaaga lava lea e tasi na te’ena ma fa’asatauroina e Iutaia le Fa’aola—auā o le māmā ma le paia o Lana amio o se a’oa’iga faifaipea lea i lo latou manatu fa’apito ma faiga pi’opi’o. Talu mai onapō o Keriso e o’o mai i le taimi nei, o Ona so’o fa’amaoni ua fa’aosofia ai le ita ma le tete’e o i latou o ē alolofa ma mulimuli i ala o le agasala.”—The Great Controversy, p. 46.
e. O le a le mana silisiliese o lo’o fa’aalia i le Fa’aola o le lalolagi o lo’o i ai lea mana e tōsina mai ai tagata? 1 Timoteo 3:16; Ioane 1:1–3; Eperu 1:8.
“Afai na faia e Keriso mea uma, na muamua o Ia i mea uma. O upu tautalagia e uiga i lenei mea sa matuā fa’aeteeteina lava, ma e lē mana’omia ona māsalomia e se tasi. O Keriso o le Atua moni lava, ma e i le tulaga aupito maualuga. Sa i ai o Ia fa’atasi ma le Atua e mai le vavau uma lava, o le Atua e i mea uma lava, ua fa’amanuiaina e fa’avavau.”—Selected Messages, bk. 1, p. 247.
“I le mafiafia o le pogisa, sa ufitia ai e le Atua le tigā mulimuli fa’alētagata o Lona Alo. O i latou o ē na va’ava’ai iā Keriso i Ona puapuagā na latou ta’usala i Lona paia. O na foliga, sa va’aia muamua e tagata, sa le’i fa’agaloina. E pei ona fa’aalia e Kaino ona foliga i lona nofosala ai o se fasioti tagata, o lea na fa’aalia mai ai i fofoga o Keriso le māmā, to’afilemu, agalelei—o le fa’atusa lea o le Atua. Ae o ē na molia o Ia o le a lē fa’alogo i fa’amaufa’ailoga o le lagi. I le tele o itula o puapuagā ma tigā, sa sioa atu ai Keriso i le motu o tagata na tauemu. O lea na nātia ai o Ia i le ofu talaloa o le alofa mutimutivale o le Atua.”—The Desire of Ages, p. 754.
“Ia mafaufau i le fa’alumaina o Keriso. Na Ia tauaveina i Ona luga le pa’ū, o le mafatia i le natura fa’alētagata, fa’aleagaina ma le talepeina e le agasala. Na Ia aveina o tatou fa’anoanoaga, ma tau’ave o tatou fa’alētonu ma le ma’asiasi. Sa Ia onosa’ia tofotofoga uma na o’o i ai le tagata. Na Ia tu’ufa’atasia le tagata ma le Atua: ma sa nofo ai le agaga paia i le malumalu o le tino.”—The SDA Bible Commentary [E. G. White Comments], vol. 4, p. 1147.
Aso Tofi
Ianuari 19
5. NA AVEA LE ATUA MA TAGATA
a. O le ā le mea na avea le Tagata Paia ina ia lavea’iina ai tagata mai lona tulaga oga’oga mātuiā ma le leai o se fa’amoemoe? Ioane 1:14; Eperu 2:9.
e. Fa’amatala mea na tau’ave e Iesu i Lona natura paia e lē ponā. Eperu 2:10, 11, 14, 17.
i. O le ā le telē na fa’amaualaloina ai e Iesu o Ia lava ina ia i ai le mana i le satauro i Kalevario? Eperu 2:14; Filipi 2:6–8; 2 Timoteo 2:8.
“I le ilo’iloina o lenei mea, e mafai ea ona maua e tagata se vaega e tasi o le fa’aeaga? A o latou saili atu i le soifua’aga ma puapuagā ma le fa’alumaina o Keriso, e mafai ea ona ea i luga o latou ulu fa’amaualuluga e peiseaī latou te le’i tauaveina tofotofoga, o le lē fa’alumaina, ma lē fa’amaualaloina? Ou te fai atu i so’o o Keriso, Va’ava’ai i Kalevario, ma le fa’anoanoa i le ma’asiasi i ou manatu fa’alētagata lava ia. O nei mea uma na fa’alumaina ai le Silisiliese o le lagi, e mo tagata nofosala ma ta’usalaina. Na Ia afio ifo i lalo i Lona fa’alumaina, se’ia o’o ina leai se loloto maualalo e mafai ona Ia a’apa atu i ai, ina ia si’itia a’e ai le tagata, mai i lona amio leaga.”—The SDA Bible Commentary [E.G. White Comments], vol. 5, pp. 1127, 1128.
“O le ā le mea tatou te lafoa’i, pe afai ua tatou tu’uina atu mea uma? O se loto ua tumu i le agasala, o Iesu e fa’amāmāina, e fufuluina i Lona lava toto, ma fa’aola i Lona alofa e lē mafa’atusalia. Peita’i, e manatu tagata e faigata ona lafoa’i mea uma! Ou te mā e fa’alogo atu o tautalagia ma tusi.
“E lē mana’omia e le Atua ona tatou lafoa’ia so’o se mea e mo lo tatou lava lelei ia fa’atumauina. I mea uma Na te faia, o lo’o iā te Ia le soifua manuia o Ana fanau. Ma’imau pe ana iloa e i latou uma e le’i filifilia Keriso o lo’o iā te Ia se mea e sili atu ona lelei e ofoina atu iā i latou nai lo o mea o lo’o latou sa’ilia mo i latou lava.”—Steps to Christ, p. 46.
Aso Faraile
Ianuari 20
FESILI TOE FA’AMANATU
1. O ā ni lesona e mafai ona tatou a’oa’oina mai le avea ai o tagata Iutaia ma fanau a Aperaamo?
2. E mafai fa’apefea ona matuā misia le manatu o le Tusi Paia a o su’esu’eina?
3. O ā ni lesona e mafai ona ou a’oa’oina mai gata feai i le vao?
4. O le ā le mea e mafai ai ona tōsina atu i le Tagata o Kalevario?
5. Aiseā na faia ai e Iesu le natura fa’alētagata ma agasala?