Taulaga Fa’apitoa Sapati Muamua mo se Falesa i Pathankot, North Initia Union

O Pathankot o se taulaga i le setete o Punjab o Initia. E tuaoi ma Pakisitana i sisifo ma o se nofoaga autu mo femalaga’iga mo setete o Punjab, Himachal Pradesh, ma Jammu ma Kashmir.

O le fe’au o le Toefuata’iga na taunu’u mai iinei i le 2015, ma ua fa’atupula’ia lo tatou faitau aofa’i i le tele o tausaga. E ala i le fa’asalalauina atu o a tatou Lesona o le Aoga Sapati Fa’a-le Tusi Paia, ma ua naunau ai le to’atele o tagata fou e sa’ili mo le upumoni mo le taimi nei.

E o’o mai i le 2011, ua i ai i le nofoaga o Pathankot se faitau aofa’i o tagata e 159,909 ma le numera o e ua iloa faitau ma tusitusi e 88.71%. O loo si’omia e le vaega o le Shivalik (o se vaega o auvae mauga o Himalayas) ma le vaitafe o Chakki. O nofoaga lauiloa e latalata i Pathankot e aofia ai Shahpur Kandi ma se fale e malōlō ai mo turisi ma Ranjit Sagar Dam, o le pā aupito i maualuga lea o le kalave i Asia. O fale gaosimea i lea nofoaga e lata ane e aofia ai le gaosiga o susu, saito, araisa, ie, la’au su’isu’i, oloa o mea tau ta’aloga, suka, masoā, mea e fa’aaogā i le eletise, uila vilivae, mea faigaluega fa’asaienisi, eletise, mea faigaluega o masini, ma le suāu’u o le paina.

O lotu i Pathankot o le Hindu ma e 88.89%, o le Sikhism 8.01%, ma le Kerisiano 1.73%, soso’o ai ma le lotu Isalama ma isi tapua’iga. O lo’o nonofo i auvae mauga matagofie o Kangra ma Dalhousie, ma o le vaitafe o Chakki e tafe latalata ane, o lenei a’ai e masani ona fa’aaogāina e avea ma se nofoaga e malōlō ai a’o le’i aga’i atu i atu mauga o Jammu ma Kashmir, Dalhousie, Chamba, Kangra, Dharamshala, Mcleodganj, Jwalaji, Chintpurni ma sili atu i le Himalayas. O le tele o tamaiti a’oga i nu’u maotua o setete tuaoi, e o mai i Pathankot mo a’oa’oga.

O Pathankot e feso’ota’i lelei i nofoaafi ma auala ma isi vaega o Initia, ma e feso’ota’i e ala i ūpega tafāilagi o auaunaga tū ma’oti ma fa’alaua’itele o pasi i isi a’ai i Punjab, i Himachal Pradesh, Delhi, Haryana, Jammu ma Kashmir. O nofoaga tāua e aofia ai Delhi, Manali Chandigarh, Jammu, Dharamshala, Dalhousie ma Amritsar.

O lea la, e pei o Kapanaumi i le taimi o Iesu, sa avea Pathankot o se fetaulaiga ala mo tagata faimalaga—ma o lea, e ono mafai ai mo le tala’iga! E leai ni a matou lava puna’oa e fa’atau mai ai ni fanua ma fausia ai se falesa, o lea matou te mana’omia ai le lagolago a o tatou uso ma tuafafine i le lalolagi atoa e auina atu ma le agalelei a outou taulaga limafoa’i e fausia ai se ma’afaamanatu mo le Alii i Pathankot, Initia. “E alofa le Atua i lē e foai ma le loto malie” (2 Korinito 9:7), o lea la, fa’atasi ai ma lenei fa’amoemoe tatou te tatalo atu ai i lo tatou Alii o Iesu ia fa’amanuia tele atu i tagata ta’ito’atasi.

O ou uso ma tuafafine mai le Ekalesia Pathankot