Taulaga Fa’apitoa o le Sapati Muamua mo To’omaga mai Fa’alavelave i le Lalolagi

Ua amata ona fa’atuputeleina ma tupu so’o ma le oga’oga o mala fa’alēnatura i le lalolagi atoa. O nei mea e aofia ai—ae e lē fa’atapula’aina—mafu’iē, galulolo, matagi, āsiosio, ‘afā, lologa, ma mauga mu. “E sau le āsiosio mai le itu i saute, ma le malūlū mai le itu i matū. O le mānava mai o le Atua e au mai ai le vaito’a. . . . Na te fa’ata’ape’apeina lona puao pupula: ona liua ai lea fa’ata’amilo i ana fautu’aga: ina ia faia o mea uma ua Ia finagalo i ai i luga o le atu laulau uma lava. Na te fa’ao’oina mai ai, po o le a’oa’iga, po o lona laueleele, po o le alofa” (Iopu 37:9-13).

E i ai pea i le finagalo o Lē Silisiliese le mea sili ona lelei mo lenei paneta matagofie ma foafoaga uma na Ia faia—ae o le taimi nei, o le tele o mea uiga ese ma le oga’oga o le tau e aga’i fa’apitoa mai i aūupega a le fili sili o agaga:

“E ui ina fa’aali atu i le fanauga a tagata o se foma’i maoa’e e mafai ona fa’amāloloina o latou ma’i uma, ae o le a aumaia e [Satani] fa’ama’i ma mala, se’ia o’o ina fa’aitiitia a’ai tetele i le fa’aleagaina ma le fa’atafunaina. E o’o lava i le taimi nei o lo’o galue pea o ia. I fa’alavelave fa’afuase’i ma mala i tafatafa o le sami ma le laueleele, i afi tetele, i āsiosio ma uato’a tetele, i afā, lologa, matagi, galu fafati, ma mafu’iē, i nofoaga uma ma i le afe o ituaiga, o lo’o fa’aaogāina ai e Satani lona mana. E na te tafi’esea le seleselega ua matua, ma mulimuli mai ai le oge ma puapuagā. Ua ia tu’uina atu i le ‘ea se ma’i mata’utia, ma e faitau afe na fano i le fa’ama’i. O nei asi’asiga ua avea ma mea e sili atu ona fai so’o ma ua mata’utia. O le a o’o mai le fa’aumatiaga i tagata ma manu. ‘Ua fa’anoanoa le lalolagi,’ ma ua mamae; o tagata fa’amaualuluga, ua loto vaivai. Ua leaga le nuu i ē o nonofo ai; auā ua latou solia tulafono; ua latou suia sauniga, ua latou solia le feagaiga e fa’avavau’ Isaia 24:4, 5.”—The Great Controversy, pp. 589, 590.

Po o le a lava le mea e ono tupu, e fa’apefea ona vala’auina fanau a le Atua e tali atu i mafatiāga maoa’e fa’alētagata lea e mafua mai i mala fa’alēnatura?

Ua poloa’i mai le Alii iā i tatou e mulimuli i Lana lava fa’ata’ita’iga i le lalolagi e ala i le a’apa atu e fa’amamā avega o mafatiāga i so’o se mea e maua ai. O mea autū e mana’omia o le olaga o le a vave lava ona mou fa’afuase’i atu pe a tupu se mala fa’alēnatura, o lea la, o lo tatou tiute fa’a-Kerisiano le fesoasoani atu po o le ā lava le tulaga ma so’o se mea e mafai ona tatou faia. O lau foa’i agalelei mo fesoasoani lavea’i i le Lalolagi, e fesoasoani e mafai ai ona faia fa’apea. Fa’afetai tele lava!

O outou Uso mai le Koneferenisi Aoao