Domingo
Deciembre 8
1. PANANGLICLIC ITI PALSO A PANANGBIGBIG
a. Ania ti nakaro a makadangran nga ugali ti masapul a maickat cadagiti amin nga agcuncuna nga ay-ayatenda dagiti cacabsatda, ken apay? Santiago 4:11, 12.
“Saan coma a maibilang a nalag-an a banag ti agsao iti dakes maipapan iti sabsabali wenno pagbalinentayo ti bagitayo nga ocom cadagiti motibo wenno aramidda.”—The Patriarchs and Prophets, 385.
“Ti pudno a pateg moral saanna nga ikagumaan ti mangaramid iti lugar para iti bagina babaen ti panagpanunot ken panagsao iti dakes, babaen ti panangipababa iti pateg ti sabsabali. Amin nga apal, amin nga imon, amin a panagsasao iti dakes, agraman amin a di panamati, masapul a maickat cadagiti annac ti Dios.”—Our High Calling, p. 234.
“Maaramid coma ti napasnec a panagregget iti tunggal iglesia a mangiwaksi iti dakes a panagsao ken nauyaw nga espiritu a karaman cadagiti basol a mangpataud cadagiti kadackelan a kinadakes iti iglesia. Masapul a tubngaren ti kinaranggas ken panagbirbiroc iti biddut cas aramid ni Satanas. Masapul a mapabileg ken mapatibker ti panagayat ken panagtalec ti tunggal maysa cadagiti kameng ti iglesia. Amin, iti panagbuteng iti Dios ken buyogen ti ayat cadagiti cacabsatda, iserrada coma dagiti lapayagda iti tsismis ken babalaw. Iturong ti mamadpadakes cadagiti pannursuro ti sao ti Dios. Ibilin kencuana nga agtulnog iti Biblia ken idirektana dagiti reklamona cadagidiay pagarupenna nga agbidbiddut. Daytoy nagkaysa nga aramid ket mangyeg iti layus ti lawag iti iglesia ken mangiserra iti ruangan iti layus ti kinadakes. Iti casta maidaydayaw ti Dios, ket adu a cararua ti maisalacan.”—Testimonies, vol. 5, pp. 609, 610.
Lunes
Deciembre 9
2. PANANGALA ITI LAWAG A SIPAPASNEC
a. No agplanotayo, ania ti kanayon a masapul a laglagipentayo? Salmo 16:8; Santiago 4:10, 13–16.
“Iconsagrarno ti bagim iti Dios iti bigat; pagbalinem daytoy nga umuna unay a trabahom. Ti cararagmo ket, ‘Alaennac, O Apo, a naan-anay a Cucuam. Idatagco amin a planoc citi sacaanaM. UsarenNac ita nga aldaw iti servicioM. AgtalaengCa caniac, ket amin coma nga aramidco maisucog Kenca.’ Inaldaw coma daytoy a banag . Tunggal agsapa iconsagrarmo ti bagim iti Dios para iti dayta nga aldaw. Isucom amin a planom Kencuana, a maisayangcat wenno maisuco cas ipasimudaag ti providenciaNa. Iti casta, inaldaw-aldaw nga itedmo ti biagmo cadagiti ima ti Dios, ket t mausocg nga ad-adda a maiyalubog iti biag ni Cristo.”—Steps to Christ, p. 70.
b. Ilawlawag ti napasnec a pagrebbengan ken panagsungbat nga adda iti tunggal maysa cadatayo iti nailangitan a lawag a naited cadatayo iti amin a benneg ti biag. Santiago 4:17; Mateo 12:31, 32.
“Saan a ti Dios ti mangbulsec cadagiti mata dagiti tattao wenno mangpatangken iti pusoda. IbaonNa cadacuada ti lawag a mangpalinteg cadagiti biddutda, ken mangiturong cadacuada cadagiti natalged a dana; babaen ti panangilacsid iti daytoy a lawag a mabulsec dagiti mata ken tumangken ti puso. Masansan a ti proseso ket in-inut, ken dandani saan madmadlaw. Umay ti lawag iti cararua babaen ti sao ti Dios, babaen cadagiti adipenNa, wenno babaen ti direkta nga ahensia ti EspirituNa; ngem no saan a maikankano ti maysa a sinamar ti lawag, adda sangkapaset a panagbibineg dagiti naespirituan a pannakaawat, ket saan unay a nalawag a mailasin ti maikadua a pannapanayag ti lawag. Isu nga umad-adu ti sipnget, agingga a rabiin iti cararua.”—The Desire of Ages, 322.
“Napeggad ti mangisao iti maysa a sao ti panagduadua, napeggad ti mangkuestion ken mangbabalaw iti nadiosan a lawag. Ti ugali darasodos ken awan panagraem a pammabalaw ket agtignay iti kababalin iti panangtaraken iti kinaawan panagraem ken di panamati. Adu a tao ti mangpalugod iti daytoy nga ugali ti saan a makaammo iti peggad, agingga a nakasagana a mangbabalaw ken mangilacsid iti aramid ti Espiritu Santo.—Ibid., p. 323.
“No dagiti tattao maisao maipapan iti salun-at, masansan nga ibagada: ‘Nasaysayaat nga amang ti ammotayo ngem ti aramidtayo.’ Saanda a maamiris a sungsungbatanda ti tunggal sinamar ti lawag mainaig iti pisikal a pagimbaganda, ken casta met a ti tunggal ugalida ket silulukat iti panangsukimat ti Dios.”—Testimonies, vol. 6, p. 372.
Martes
Deciembre 10
3. KINABACNANG A SOBRA TI PANNAKAPATTAPATTANA
a. Ania dagiti ballaag a naited maipapan cadagiti sulisog a nanglicmut cadagidiay naparaburan iti ad-adu a material a sanicua ngem iti dadduma? Santiago 5:1.
“Saan coma nga agusar dagiti ministro iti pasablog wenno mangidumduma cadagiti tattao. Addan idi, ken adda pay ita, dackel a peggad ti agkamali ditoy, ti panangaramid iti bassit a panangiduma cadagiti nabacnang, wenno panangpasablog cadacuada babaen ti naisangsangayan nga imatang, no saan, a babaen cadagiti sasao. Adda peggad ti ‘maaddaan cadagiti persona a daydayawen maigapu iti pagimbagan, ngem iti panangaramid iti daytoy agpegpeggad ti agnanayon nga interesda. Ti ministro ti mabalin a naisangsangayan a paborito ti sumagmamano a nabacnang a tao, ken mabalin a managited unay kencuana; daytoy ti mangpennec iti ministro, ket isu met ti mangipadayaw iti kinaparabur ti nagdonar kencuana. Mabalin a maitan-ok ti naganna babaen ti panagparangna iti nayimprenta, nupay casta dayta a naparabur a nagdonar mabalin nga interamente idinto a saan a maikari iti pammadayaw a naited kencuana. Ti kinamanagparaburna ket saan a nagtaaud iti nauneg, sibibiag a prinsipio nga agaramid iti naimbag segun iti kabaelanna, tapno maidur-as ti panggep ti Dios gapu ta inapresiarna dayta, no di ket manipud iti sumagmamano a naimbucodan a motibo, ti tarigagay a maipagarup a naparabur. Mabalin a nangted manipud iti regget ken ti kinamanagparaburna ket awanan iti nauneg a prinsipio. Mabalin a natignay isuna iti pannakangngegna iti makaguyugoy a kinapudno nga iti agdama ket nanglukat cadagiti kuerdas ti pitakana; ngem kalpasan ti amin ti kinaparaburna awanan iti naun-uneg a motibo. Mangted gapu ta dimmicar, ti pitakana ket naglucat no agdicar ken agserra no kumaro. Saan a maikari iti pammadayaw, ta isu adda iti kaipapanan ti sao a maysa a naimut a tao, ket malacsid no maconvertir a naan-anay, pitaka ken amin, mangngegna ti aglaylay a panangkondenar: ‘Inkayo ita, dakayo a nabacnang a tattao, agsangit ken agpuccawkayo gapu cadagiti kinaay-ay nga umayto cadacayo. Ti kinabaknangyo ket nadadael, ket dagiti cawwesyo kankanen dagiti sanga.’Dagiti cacasta agriingto ti udina manipud iti nakaam-amac a panangallilaw iti bagi. Dagidiay nangidayaw iti agdicar-dicar a kinamanagited tulonganda ni Satanas a mangallilaw cadacuada ken panunotenda dagiti bagbagida a managited unay, managsacrificioda unay, idinto ta dida ammo dagiti umuna a prinsipio ti kinaparabur wenno panangisacrificio iti bagi.—Testimonies, vol. 1, pp. 475, 476.
b. Kasanotayo a mapasayaat dagiti ipangpangrunatayo maipapan iti kuarta? Proverbio 11:4.
“Babaen ti panagehersisio, kanayon a dumackel ken pumigsa ti kinamanangngaasi, agingga nga agbalin dayta a prinsipio ken agari iti cararua. Napeggad unay iti espiritualidad ti panangipalubos iti kinamanagimbubucod ken kinaagum ti kabassitan a lugar iti puso.”—Ibid., vol. 3, pp. 548, 549.
Mierkules
Deciembre 11
4. PANANGILACSID ITI DIDIOSEN
a. Ania ti masansan a makagapu no apay a magun-odan dagiti tattao ti kinabacnang? Santiago 5:2 (umuna a pasett).
“Iti daytoy a kaputotan ti panagtarigagay iti ganansia isu ti mangsagepsep nga essem. Masansan a magun-odan ti kinabacnang babaen ti panangallilaw. Adda dagiti umariwecwec a makidangdangadang iti kinapanglaw, a mapilitan nga agtrabaho a sipipinget para iti bassit a tangdan, a di makabael a manggun-od uray cadagiti kabassitan a kasapulan iti biag. Ti panagbannog ken kinakurang, nga awanan iti namnama cadagiti nasaysayaat a banag, pagbalinenna ti dadagsenda a nadagsen. Napaksuyan ken nairurrurumen, saandan nga ammo no sadino ti sumangoanda para iti bang-ar. Ket amin dagitoy mabalin a suportaran dagiti babacnang cadagti kinabarayoboyda wenno panangpalugodda ti tarigagayda nga agurnong!
“Ti panagayat iti kuarta ken panagayat iti parang a namagbalin iti daytoy a lubong a cas maysa a kueba dagiti mannanakaw ken mannibrong. Iladawan ti Nasantoan a Surat ti kinaagum ken panangirurumen nga agraira sacbay la unay ti maikadua a yaay ni Cristo.”—The Prophets and Kings, 650, 651.
b. Ania ti mangtignay iti kaadduan a paset ti lubong ita —ken ania a kiddaw ti masapul a maaramid cadagidiay napapanaw babaen itoy? 1 Timoteo 6:9, 10; Deuteronomio 8:18, 19.
“Ti Biblia awan ti tao a condinarenna gapu ta nabacnang, no nagun-odna ti kinabaknangna a sipupudno. Saan a kuarta, no di ket ti panagayat iti kuarta, ti ramut ti amin a kinadakes. Ti Dios ti mangted cadagiti tattao iti bileg tapno makagun-odda iti kinabacnang; ket iti ima daydiay agtigtignay cas paraaywan ti Dios, us-usarenna dagiti kuartana a siaayat,, ti kinabacnang ket maysa a bendicion,a iti agtagicua iti dayta ken iti lubong. Ngem adu, a naigamer iti interesda cadagiti nailubongan a gameng, agbalinda a di makarikna cadagiti ibagbaga ti Dios ken cadagiti kasapulan dagiti padada a tattao. Ibilangda ti kinabacnangda cas wagas a mangidayaw iti bagbagida. nayonanda ti balayda iti balay, ken daga iti daga; punnoenda dagiti pagtaenganda cadagiti luho, idinto ta amin a maipapan cadacuada ket tattao mga adda iti kinaay-ay ken krimen, iti sakit ken ipapatay. Dagidiay mangipapaay iti biagda iti panagservi iti bagida ket masiucsucog cadacuada, saan a dagiti galad ti Dios, no di ket dagiti galad daydiay nadangkes.
“Kasapulan dagitoy a lallaki ti evangelio. Masapul a maibaw-ing dagiti matada manipud iti kinaubbaw dagiti material a banag tapno makitada ti kinapateg dagiti manayon a kinabacnang. . . .
“Sumagmamano ti nangnangruna a maibagay nga agtrabaho para iti nangatngato a klase. Dagitoy ket rumbeng a mangsapul iti sirib manipud iti Dios tapno maammoanda no kasano ti mangdanon cadagitoy a persona, tapno saan laeng a gagangay ti pannakaam-ammo cadacuada, no di ket babaen ti personal a panagregget ken sibibiag a pammati a mangriing cadacuada cadagiti kasapulan ti cararua, a mangiturong cadacuada iti pannakaammo iti kinapudno cas ken Jesus.”.—The Ministry of Healing, pp. 212, 213.
Hueves
Deciembre 12
5. PANANGKITA ITI LABES TI MATERIALISMO
a. Iladawan ti resulta ti di umiso a pananggun-od iti ganansia. Santiago 5:2 (last part).
“Ti pananggun-od iti kinabacnang babaen iti saan a nainkalintegan a pannakitrato, babaen ti panaglablabes iti tagilako, babaen iti panangirurumen cadagiti balo ken ulila, wenno babaen ti panagurnong iti kinabaknang ken panangbaybay-a iti kasapulan dagiti agkasapulan, iyegnanto ti nainkalintegan a supapac nga inladawan ti napaltiingan nga apostol.”—Testimonies, vol. 2, p. 682.
b. Ania ti naisangsangayan a mensahe ti Dios maipapan iti kinabacnang?1 Timoteo 6:17–19.
“Dagiti kapakumbabaan ken kapanglawan cadagiti pudno nga adalan ni Cristo, a nabacnang iti naimbag nga ar-aramid, ad-adda a bendito ken napatpategda iti imatang ti Dios ngem cadagiti tattao a mangipannackel iti naindaclan a kinabacnangda. Ad-adda a nadayawda cadagiti paraangan ti langit ngem cadagiti katan-oca unay nga ari ken natan-oc a saan a nabacnang iti Dios. . . .
“Dagidiay mangurnong cadagiti sanicua wenno agpuonan cadagiti dagdaga, bayat nga ipaidamda cadagiti pamiliada ti nam-ay ti biag, agtignayda a kasla bagtit a lallaki. Saanda a palubosan daiti pamiliada nga agsagrap cadagiti bambanag a sibabacnang nga inted ti Dios cadacuada. Nupay dackel ti sanickuada, dagiti pamiliada masansan a mapilitan nga agtrabaho iti labes ti pigsada tapno makaurnongda iti ad-adu pay a kuarta nga urnongenda. Mabannog a nalaing ti utek, tulang, ken piskel tapno makaurnongda pay ket mabaybay-an ti relihion ken naCristianoan a pagrebbengan. Trabaho, trabaho, trabaho, ti ambision manipud agsapa agingga iti rabii.
“Adu ti saan a mangipanayag iti napasnec a tarigagay a mangadal iti pagayatan ti Dios ken mangawat cadagiti tontonenNa cadacuada. Sumagmamano a mangpadas a mangisuro iti kinapudno iti sabali ket saanda a mismo nga agtulnog iti sao ti Dios. No ad-adu ti cacasta a mannursuro ti gapuanan ti Dios, saanto a narang-ay ti banagna.”—Ibid., pp. 682, 683.
Viernes
Deciembre 13
PERSONAL A PANGREPASO A SALSALUDSOD
1. No tamingec dagiti pagkurangan ti sabsabali, ania ti ar-aramidec?
2. Ilawlawag no kasano a mapaladingit ti Espiritu Santo no ditay ikankano ti lawag nga imbaon ti Langit.
3. Kasano a mabalin nga agpada a masiloan dagiti nabacnang a tattao ken dagiti pastorda?
4. Apay a ti kinaagum ket umad-adu ken apay a liclicantayo itan dayta nga ad-adda ngem idi?
5. Iladawan ti kinapintas ken beneficio ti kinapakumbaba ken Cristo.