Domingo
Deciembre 22
1. NAMNAMA
a. Ta ania a saguday ti nangnangruna a bigbigen ni Job —ken ania ti ibaga daytoy cadatayo maipapan iti Dios? Santiago 5:11.
“Agur-uray [ti Apo] buyogen ti di mabannog nga ayat a dumngeg cadagiti panagconfesar dagiti nasukir ken awatenNa ti panagbabawida. BanbantayanNa ti sumagmamano a panaagsubli ti panagyaman manipud cadatayo, cas ti ina nga agur-uray iti isem ti pannakabigbig manipud iti ay-ayatenna nga anac. Kayatna a maawatantayo no kasano ti kinapasnec ken kinadungngo nga il-iliwen ti pusoNa cadatayo. Awisennatayo a mangisaad cadagiti pannuboctayo iti simpatiaNa, dagiti ladingittayo iti ayatNa, dagiti sugattayo iti pannakaagasNa, ti kinakapuytayo iti pigsaNa, ti kinaawantayo iti kinapunnoNa. Saan a pulos a nadismaya ti maysa napan Kencuana. ‘Kimmitada Kencuana, ket nalawaganda: ket ti rupada saan a nabain.’
“Dagidiay agsapsapul iti Dios iti nalimed a mangibaga iti Apo cadagiti kasapulanda ken agpakpakaasi iti tulong, saandanto a mapaay.” —Thoughts From the Mount of Blessing, pp. 84, 85.
b. Kasano nga inyallangogan ni Santiago dagiti sasao ni Cristo maipapan iti kinapudno? Santiago 5:12; Mateo 5:37.
“Amin nga aramiden dagiti Cristiano ket rumbeng a nalawag a cas iti lawag ti init.” —Ibid., p. 68.
Lunes
Deciembre 23
2. PAMMATI KONTRA TI PANAGIPAPAN
a. No agsagsagaba iti sakit, kasano ken apay a maparegtatayo a sumaclang iti naindaclan a Manangted-Biag? Santiago 5:13–15; Salmo 103:1–3.
“Ti Dios ket situtuloc a mangisubli iti salun-at ita cadagiti masakit a cas idi insao ti Espiritu Santo dagitoy a sasao babaen ti salmista. Ket ni Cristo isu met laeng a mannakipagrikna a mangngagas ita kas idi kabayatan ti naindagaan a panagserviNa. Kencuana adda ti makaagas a balsamo para iti tunggal sakit, a mangisubli iti bileg para iti tunggal kinakapuy. Dagiti adalanNa iti daytoy a panawen masapul nga icararagda dagiti masakit a cas met iti panangicararag dagiti adalanNa idi un-unana. Ket sumarunonto dagiti panagimbag; ta ‘ti cararag ti pammati isalacannanto dagiti masakit.’ Adda cadatayo ti pannacabalin ti Espiritu Santo, ti calmado a pammatalged ti pammati, a mangtonton cadagiti karkari ti Dios. Ti kari ti Apo, ‘ipataydanto dagiti imimada cadagiti masacsakit, ket umimbagdanto.’ (Marcos 16:18), ket mapagtalcan ita a cas idi al-aldaw dagiti apostol.”—The Ministry of Healing, p. 226.
b. Iti nia a kinatimbeng ti masapul nga ammotayo no saplen ti salun-at? Salmo 66:18.
“Saantayo a maikari iti asi [ti Apo], ngem bayat ti panangipaaytayo iti bagitayo Kencuana, awatenNatayo. Agtrabahonto Isuna para ken babaen cadagiti sumurot Kencuana.
Ngem bayat laeng nga agbiagtayo a natulnog iti saoNa a matontontayo ti pannakatungpal dagiti kariNa. . . . No ipaaytayo Kencuana iti sangkapaset laeng, kagudua ti puso a panagtulnog, saanto a matungpal cadatayo dagiti Karina.”—Ibid., p. 227.
“Ti wagas a panagtrabaho ni Cristo ket ti mangicaasaba iti sao, ken mangpabang-ar iti panagsagaba babaen cadagiti milagro nga aramid ti panangagas. Ngem naibilin caniac a saantayo itan nga agtrabaho iti kastoy a wagas; ta usarento ni Satanas ti pannakabalinna babaen ti panangaramidna cadagiti milagro. Saan a makaaramid dagiti adipen ti Dios itatta babaen cadagiti milagro, agsipud ta maaramidto dagiti palso a panangagas, a tontonenda a nadiosan.
“Gapu iti daytoy a rason, ti Apo ket nangmarka iti wagas nga isayangcat ti iliNa iti tarabaho a mangagas iti pisikal a buyogen ti panangisuro iti sao. Maipasdec dagiti sanitarium, ket cadagitoy nga institusion masapul a maikonectada cadagiti trabahador a mangitultuloy iti pudno a trabaho ti misionero medico. Iti caasta mabantayan ti impluensia a maibato iti aglawlaw dagidiay umay cadagiti sanitarium tapno agpaagas.
“Daytoy ti sagana nga inaramid ti Apo a maisayangcat ti naevangelioan a trabaho ti misionero medico para iti adu a cararua.”—Medical Ministry, p. 14.
Martes
Deciembre 24
3. DUA A NAGDUMA A KITA TI TURED
a. Mangibaga iti napateg nga aspeto ti panangagas a sikalkaldaang a maliwayan. Santiago 5:16.
“Anian a nagbiddut dagidiay mangipagarup a ti panangiconfesar iti basol ket mangkissay iti dignidadda, ken mangibaba iti impluensiada cadagiti padada a tattao. Iti panangpetpetda iti daytoy biddut nga ideya, nupay makitada dagiti biddutda, adu ti mapaay a mangipudno cadagita, no di ket labsanda dagiti biddut a naaramidda iti sabali., nga isu ti mangpapait iti bukodda a biag, ken manglangeb iti biag ti sabsabali. Saan a masaktan ti dignidadmo no ipudnom dagiti basolmo. Adaywan daytoy ulbod a dignidad. Matnagca iti Bato ket maburacca, ket ited ni Cristo kenca ti pudno ken nailangitan a dignidad. Saan coma a lapdan ti kinatangsit, panagraem iti bagi, wenno kinalinteg iti bagi ti asinoman a mangiconfesar iti basolna, tapno matontonna ti kari. ‘Ti mangabbong cadagiti salungasingna dinto rumang-ay; ngem ti mangipudno ken mangbaybay-an cadacuada maragpatnanto ti caasi.’ (Proverbio 28:13). Saan a medmedan ti aniaman nga agtaud iti Dios, ken saanmo a baybay-an ti panangipudno cadagiti basolmo cadagiti cacabsatmo. ‘Ipudnoyo ngarud dagiti basbasolyo iti maysa ken maysa, ket icararagyo iti maysa ken maysa, tapno mapasalun-atcayo’ (Santiago 5:16). Adu a basol ti nabati a saan a naiconfesar a mangsangonto iti managbasol iti aldaw ti maudi a panagsungbat; nasaysayaat nga adayo a sangoem dagiti basolmo ita, nga ipudno ida ken idian ida, bayat a ti mangabbong a Sacrificio agdawdawat maigapu kenca. Saan nga agpalta a mangadal iti pagayatan ti Dios iti daytoy a soheto. Ti salun-at ti cararuam ken ti pannakaisalacan ti sabsabali agpannuray iti dana a surotem iti daytoy a banag.”—Selected Messages, bk. 1, pp. 326, 327.
b. Noi maseknan iti naespirituan nga apostasia ti nacionna, ania a tignay ti inaramid ni Elias —ken kasano a priniservar ti Dios isuna? 1 Ar-ari 17:1–3.
“Iti panagleddaang ti cararua [ni Elias] nagpakaasi iti Dios a tiliwenna dagiti napaburan iti naminsan a tattao iti dakes nga aramidda, tapno sarungkaran ida cadagiti ocom, no kasapulan, tapno maiturongda a mangkita iti pudno a lawagna iti ipapanawda manipud Langit. Il-iliwenna a makita ida a maiyeg iti panagbabawi sacbay a mapanda iti casta a kaatiddog ti panagaramid iti dakes a mangrurod iti Apo a mangdadael a naan-anay cadacuada. . . ..
“Ken Elias a naitalec ti mision a mangidanon ken Acab iti mensahe ti panangocom ti Langit. . . . Iti palacio awan ti kiniddawna a pastrekenda isuna, wenno naguray iti pormal a pacdaar. Nagcawes iti nalaad a cawes a gagangay nga isuot dagiti mammadto iti dayta a tiempo, linabsanna dagiti guardia, silalawag a saanda a nadlaw, ket nagtakder iti apagbiit iti sangoanan ti masmasdaaw nga ari.”—The Prophets and Kings, 120, 121.
Mierkules
Deciembre 25
4. AGSURSURO MANIPUD KEN ELIAS
a. Apay a dagiti cararag ni Elias para iti Dios a amangriing iti nagapostasia nga iliNa ket naited cas pagwadan para cadatayo? Santiago 5:17.
“Dagiti masansan a maulit-ulit nga apela, panagsalungasing, ken ballaag ket napaay a mangyeg iti panagbabawi ti Israel. Dimtengen ti tiempo a masapul nga agsao ti Dios cadacuada babaen cadagiti ocom. Gapu ta imbaga dagiti agdaydayaw ken Baal a dagiti gameng ti langit, ti linnaaw ken tudo, ket saan a naggapu ken Jehova, no di ket nagtqaud cadagiti mangituray a pannacabalin ti nakaparsuaan, ken babaen ti mangparsua nga enerhia ti init a napabacnang ken naaramid ti daga tapno mangpataud iti nawadwad, ti lunod ti Dios ket agsaad a nadagsen iti narugitan a daga. Dagiti nagbaw-ing a tribu ti Israel ipakitada ti minamaag a panagtalec iti pannacabalin ni Baal para cadagiti temporal a bendicion. Agingga nga agsublida iti Dios a buyogen ti panagbabawi, ken bigbigenda Isuna kas gubuayan ti amin a bendicion, saan coma nga agtinnag iti daga linnaaw man wenno tudo.”—The Prophets and Kings, 120.
b. Kalpasan a pinapabaro ti Israel ti kinapudonoda iti Dios, kasano a dagiti cararag ni Elias ket maysa manen nga ulidan para cadatayo? Santiago 5:18; 1 Ar-ari 18:39–45.
“Namin-innem a sipapasnec a nagcararag [ni Elias], ngem awan ti pagilasinan a napatgan ti kiddawna, ngem babaen iti nabileg a pammati indagadagna ti panagpakaasina iti trono ti parabur. No simmuko isuna gapu iti pannakaupay iti maikanem a gundaway, saan coma a nasungbatan ti cararagna, ngem nagtultuloy agingga a dimteng ti sungbat. Addaantayo iti Dios a dagiti lapayagNa saan a nakaserra cadagiti cararagtayo; ket no paneknekantayo ti saoNa, padayawanNa ti pammatitayo. KayatNa a dagiti amin nga interestayo mailaga cadagiti interesNa, iti casta sitatalged a mangbendicion cadatayo; ta saantayo nga alaen ti dayag iti bagitayo nupay cucuatayo ti bendicion, no di ket itedtayo amin a pammadayaw iti Dios. Saan a kanayon a sungbatan ti Dios dagiti cararagtayo iti umuna a gundaway nga umawagtayo Kencuana; ta no aramidenNa daytoy, mabalin a saantayo nga ipateg nga addaantayo iti kalintegan cadagiti amin a bendicion ken pabor nga intedNa cadatayo. Imbes a sukimatentayo ti pusotayo tapno kitaentayo no adda aniaman a dakes a sangsangailientayo, aniaman a basol a palugodantayo, agbalintayon a natagubaya, ken ditay mabigbig ti panagpannuraytayo Kencuana, ken ti panagkasapulantayo iti tulongNa.
“Impakumbaba ni Elias ti bagina agingga nga addan iti kasasaad a dinan alaen ti dayag iti bagina. Daytoy ti kasasaad a denggen ti Apo ti cararag, ta itedtayon ti pammadayaw Kencuana.”—The SDA Bible Commentary, vol. 2, pp. 1034, 1035.
Hueves
Deciembre 26
5. PANANGIPAAY ITI CAS KEN CRISTO A KINADUNGNGO
a. Iti baet ti pannakaupay nga in-gabsuon cadatayo dagiti addaan depekto a tattao iti natnag a lubong, buyogen ti ania a maudi nga apela nga iserra ni Santiago ti suratna cadatayo? Santiago 5:19, 20.
“Saan nga ipaay iti agbiddut ti maysa nga okasyon ti uppapay. Dimo ipalubos ti maysa a kinatangken ti Fariseo a sumrec ken mangdangran iti cabsatmo. Awan coma ti napait a pananguyaw a tumanor iti panunot wenno puso. Awan coma ti maris ti pananglais a maipanayag iti timec. No agsaoca iti bucodmo a sao, no alaem ti ugali a di mangigin-gina, wenno mangipakita iti panagsuspetsa wenno duadua, mabalin a paneknekanna ti pannakadadael ti maysa a cararua. Kasapulanna ti cabsat nga addaan iti puso a mannakipagrikna ti Natataengan a Cabsat a ti pusona napakumbaba, nasagid iti puso ti nataoan. Mariknana coma ti napigsa a panaginniggem ti mannakipagricna nga ima, ket mangngeg ti arasaas, icararagtayo, mangted ti Dios iti nabacnang a capadasan cadacayo a dua. Ti cararag pagkaykaysaennatayo iti maysa ken maysa ken iti Dios. Iyegna ni Jesus iti sibaytayo, ken mangted iti matalimudaw, mariribukan a cararua iti baro a pigsa a mangparmec iti lubong, ti lasag, ken ti diablo. Ti cararag ibaw-ingna dagiti panangraut ni Satanas.
“No ti maysa umadayo manipud iti nataoan a kinaimperpecto tapno imutecteacanna ni Jesus, mapasamac ti nadiosan a panagbalbaliw iti kababalin. Ti Espiritu ni Cristo nga agtrabtrabaho iti puso itunosna dayta iti ladawanNa. Ket, bay-am ti panagreggetmo a mangitag-ay ken ni Jesus. Maiturong coma ti mata ti panunot iti ‘Cordero ti Dios, a mangickat iti basol ti lubong. Juan 1:29. Ket bayat ti pannakipasetmo iti daytoy a trabaho, laglagipem nga 'isuna a nangkumberter iti managbasol manipud iti biddut a dalanna, isalacannanto ti maysa a cararua manipud ken patay, ken ilemmengnanto ti nakaad-adu a basol.’ Santiago 5:20. .
“Iti pammakawan ti Dios ti puso ti nagbiddut ket maiyasideg iti naindaclan a puso ti Awan patinggana nga Ayat. Ti panagatab ti nadiosan a panangngaasi agayus iti cararua ti managbasol, ken manipud kencuana agturong iiti cararua ti sabsabali.”—Christ’s Object Lessons, 250, 251.
Viernes
Deciembre 27
PERSONAL A PANGREPASO A SALSALUDSOD
1. Cadagiti ania a panawen iti biagco a nakitac ti nawadwad nga asi ti Dios caniac?
2. Kadagiti ania a pamay-an a mabalin a nakabasolac iti panagipagarup maipapan iti salun-atco?
3. Kasano a nasungbatan ti cararag ni Elias maigapu iti nacionna?
4. Apay a kasapulan nga agcararag ni Elias iti adu a daras tapno agsubli ti tudo?
5. Siasino ti rumbeng a maaddaanac iti ad-adda a pannakipagrikna, ken apay?