Umuna a Pangsabado a Daton para iti Capilia ti Reading, Pennsylvania, USA
Ti Akindaya a Tay-ac ti Estados Unidos (EUSF) ket nabingay iti 8 a disso a binukel dagiti estado ti Pennsylvania, New York, Connecticut, Rhode Island, Massachusetts, Maine, Vermont, New Hampshire, Ti trabaho ti Pennsylvania ti addaan napaspas a panagdur-as ita.
Napattapatta a nasuroc a 53% a tattao iti daytoy nga estado ti relihioso - buclen dagiti Metodista, Lutherans, Baptist, Pentecostes ken sabali pay cas Catolico a 28.3%. Iti nasapsapa nga al-aldaw ti colonia, ti Pennsylvania ket nagbalin a lugar a pagkamangan dagiti gan-gannaet nga agsapsapul iti narelihionan a wayawaya tapno malibasanda ti pannakaidadanes idiay Europa. Daytoy a pakasaritaan ket nalawag iti dackel a bilang dagiti mamati nga Amish nga agtultuloy nga agnanaed iti nalawa a kataltalonan iti interio a pagilian ti Lancaster, agbadbadoda cadagiti simple a lupot ken agbiahe babaen iti kabalio ken bassit a lugan nga awanan abbong.
Iti panaglabas dagiti tawen, sumagmamano a miembro ti SDARM ti nagnaed iti Pennsylvania ken naipaay ti panagsanay ti misionero ditoy. Ngem ti agdama a pannakapabileg manen iti interes iti agdama a kinapudno ket nangrugi idi 2016 iti ciudad ti Reading kalpasan a dua a miembro ti immay ditoy a naggapuda idiay New York. Ti grupo dimmackel ket nairugi ti gimong cada malem ti Sabado, aguornong iti parkingan iti kalgaw ket iti uneg ti maysa a cabsat a babai no panaglalamiis. Calpasan ti sumagmamano a panagadal adu ti nabautisaran iti pammati ti Reporma.
Ti Reading ket addaan iti nasuroc a 95,000 a popolasyon ken daytoy ti sentro ti panagpartuat (manupactora) para cadagiti component, usar medico, energy-storage technology ken adu pay. Ti iglesiatayo ditoy ita ti kalawaan iti uneg ti Easter U.S. Field, Adu pay a cararua ti maisagsagana a makitipon iti ili ti Dios. Iti agdama, aggimongkami iti naabangan a facilidad ket kayatmi ti mangipasdec ken mangpalawa para iti nain-indaclan a panagtrabahomi. "Sadino man a pakaibangonan ti bunggoy dagiti mamati, maibangon coma ti balay a pagdaydayawan. . . . Iti adu a lugar a nakaicasabaan ti evangelio ket dagiti cararua inawatda daytoy, limitado ti pasamacda ket bassit laeng ti maaramidda a manggun-od cadagiti gundaway a mangted iti cababalin ti trabaho. Masansan a mangparigat daytoy iti ilalawa ti trabaho.”—Evangelism, p. 376.
Iti casta, agdawatkami cadagiti cacabsat ken makipagrikna iti intero a lubong a tulongandakami a mangsucog iti balay a pagdaydayawan iti lugar ti Reading, tapno ad-adu pay a cararua ti maiserrec iti arban. Ti naayat a kinamanagitedyo ket naindaclan a mabigbig ket ti Dios ti mangbendicion cadacayo.
Dagii cacabsatyo manipud iti Eastern United States Field