Domingo
Noviembre 24
1. NATIRITIR A "PANANGBIGBIG"
a. Iti ania a nakaro a kinadakes ti masapul a sititibker nga annadantayo —ken apay? Santiago 3:14, 15.
“Isuna a manglucat iti pusona cadagiti singasing ti cabusor, nga alaenna dagiti dakes a panangipapan, ken ipategna ti apal, masansan a di umiso ti panagpanuot, nga awaganda iti naisangsangayan a pannakakita iti masacbayan, panangidumduma, wenno panangbigbig iti naduktalan a basol ken panangtucod cadagiti dakes a motibo ti sabali. Ibilangna a maysa a napateg a sagut ti naikari kencuana; ket maisina manipud cadagiti mismo a cacabsat a rumbeng a pakiltunosanna; ulienna ti tugaw ocom, ket iserrana ti pusona iti daydiay ipagarupna nga agbiddut, a casla isu a mismo ket adda iti ngato ti sulisog. Sumina ni Jesus kencuana, ket baybay-anNa a magna cadagiti dalipato ti bucodna a panagsindi.
“Awan coma ti asinoman cadacayo ti agpasindayag a maibusor iti kinapudno babaen ti panangipacdaar a daytoy nga espiritu ket kasapulan a pagbanagan ti pannakilangen a simamatalec cadagiti agar-aramid iti dakes ken ti panagtacder a mangidepensa iti kinapudno. Ti casta a sirib adu ti mangdayaw ngem makaallilaw unay ken makadangran. Saan nga aggapu iti ngato, no di ket bunga ti di napabaro a puso. Ti nagtaudanna ket ni Satanas a mismo. Awan coma ti mangacusar iti sabali a mangidayaw iti bagina a naiccan isuna iti pangbigbig; ta iti panangaramidna iti casta, cawesanna dagiti saguday ni Satanas iti cawes ti kinalinteg. Umawagac cadacayo, cacabsatco, a dalusanyo ti templo ti cararuayo cadagiti amin a bambanag a mangrugit; ta ramutda ti kinapait.”—The SDA Bible Commentary, vol. 7, pp. 936, 937.
Lunes
Noviembre 25
2. MAKASABIDONG NGA UGALI
a. Iladawan ti saan a maliclican a resulta ti apal ken ringgor? Santiago 3:16.
“Ti maysa a persona ket maysa nga institusion wenno maysa nga iglesia a mangted iti nawaya a rienda cadagiti saan a naasi a kapanunotan babaen ti panagsao iti dakes maipapan cadagiti cacabsat, mabalin a makibor dagiti kadadacsan a tarigagay ti nataoan a puso, ken mangisaknap iti sabali a disso ti levadura ti kinadakes nga agtrabaho cadagiti amin a makitimpuyog kencuana. Iti kastoy a wagas ti cabusor ti amin a kinalinteg magun-odna ti balligi, ket ti resulta ti aramidna ket mangawan iti epekto ti cararag ti Mangisalacan idi impakaasiNa nga agmaymaysa coma dagiti adalanNa a cas ti panagmaymaysada iti Ama.”—The SDA Bible Commentary, vol. 7, p. 937.
b. Maisupadi cadagiti nataoan a pagduyosan nga insungsong ti cabusor ti cararuatayo, kasano coma ti pannakilangentayo iti sabali? Juan 13:34.
“Impasam ti panangocommo cadagiti indibidual, ken agkomentoca cadagiti wagas ken ugalida, idinto a saanmo a maawatan ti saadda wenno trabahoda. Buyaem dagiti bambanag manipud iti panirigam ket nakasaganaca a mangkuestion wenno mangcondenar iti aramid a sursurotenda, nga awan ti napudno a panangkitam cadagiti bambanag iti amin a sikigan. Awan ti ammom cadagiti pagrebbengan dagiti dadduma ken saanmo a marikna a responsableca cadagiti aramidda, no di ket aramidem ti pagrebbengam, a baybay-am dagiti tignayda, ngem aramidem ti pagrebbengan, idatagmo ida iti Apo. Tagikuaem ti espiritum iti kinaanus, pagtalinaedem ti cappia ken kinatalna ti panunot, ken agyamanca. . . .
“Sensitiboca unay, ket no adda sao a maisao a mangpabor iti kasungani a kurso manipud iti sursurotem, masactanca. Mariknam a mapabasolca, ken masapul nga idepensam ti bagim, isalacanmo ti biagmo; ket iti napasnec a panangicagumaam a mangisalacan iti biagmo, mapukawmo dayta. Adda trabaho nga aramidem tapno matayca iti bagim ken tapno mapasayaatmo ti espiritu ti panagibtor ken kinaanus.”—Testimonies, vol. 2, p. 424.
“Dagidiay mangbabalaw ken mangkondenar iti maysa ken maysa ket lablabsingenda dagiti bilbilin ti Dios, ken maysa a basol Kencuana. Saanda nga ay-ayaten ti Dios wenno dagiti padada a parsua. Cacabsat, ikkatentayo dagiti basura ti babalaw ken suspetsa ken reklamo, ket dikay isuot dagiti nerbioyo iti ruar. Sumagmamano ti sensitibo unay isu a saanda a makarason. Agbalinca a sensitibo unay no maipapan iti kaipapanan ti panangtungpal iti linteg. ti tarigagay ti Dios a pagbalinantayo a sensitibo.”—The SDA Bible Commentary, vol. 7, p. 937.
Martes
Noviembre 26
3. PANANGTAMING CADAGITI PANNAKAUPPAPAY
a. Ania ti naisurat maipapan cadagidiay nga agayat iti linteg ti Dios? Salmo 119:165.
“Bay-amon ti kapanunotan a saan nga umiso ti pannakaaramatmo, nagbiddutda kenca, nga adda mayat a mangletlet wenno mangdangran kenca. Makitam babaen cadagiti palso a mata. Iturturongnaca ni Satanas a mangala cadagitoy naballikug a kapanunotan cadagiti bambanag.”—Testimonies, vol. 2, p. 424.
“Ti lubong ay-ayatenna ti basol, ken kagurana ti kinalinteg, ket daytoy ti makagapu iti panangbusorna ken Jesus. Amin a mangkedked iti awan patinggana nga ayatNa ket masaracandanto ti kinaCristiano a makaririboc nga elemento. Ti lawag ni Cristo sagadenna iti sipnget a mangabbong cadagiti basbasolda, ket maipanayag ti panagkasapulan iti reporma. Bayat a dagiti tumuloc iti impluensia ti Espiritu Santo rugianda ti makigubat iti bagbagida, dagidiay kumpet iti basol makigubatda iti kinapudno ken cadagiti mangibagi iti daytoy.
“Iti casta mapataud ti riri, ket dagiti pasurot ni Cristo mapabasolda cas manangririboc cadagiti tattao. Ngem ti pannakicadua iti Dios ti mangyeg cadacuada iti gura ti lubong. Awitenda ti pannakaumsi ni Cristo. Badbadekenda ti dalan a dinalan dagiti natan-oc iti daga. Saan a buyogen ti ladingit, no di ket buyogen ti rag-o, no masabetda ti pannakaidadanes. Tunggal umap-apuy a pannuboc ket ahente ti Dios para iti panangpasilengda. Tunggal maysa ket maituttutop para iti trabahoda kas makitinnulong Kencuana. Tunggal susic ket addaan iti lugar iti dackel a pannakigubat iti kinalinteg, ket tunggal maysa mangnayonto iti ragsac ti maudi a panagballigida. Gapu ta addaan iti castoy a buya, ti suot ti pammatida ken kinaanusda ket siraragsacda nga awaten imbes a kabuteng ken liklikan.”—The Desire of Ages, 306.
b. Uray no pudno a matrato a di nainkalintegan, ania ti maipalagip cadatayo? Mateo 5:11, 12, 41; 1 Pedro 4:12–15.
“Isuna a nadiosan nga Ulo ti iglesia, ti kabibilgan cadagiti mangparparmec, itudoNa cadagiti pasurotNa iti biagNa, dagiti panagbannogNa, dagiti panangilacsidNa iti bagiNa, dagiti pannakidangadangNa, ken panagsagabaNa, babaen iti pannakaumsi, babaen iti pannakarejectar, pannakauyaw, lais, insulto, uyaw, kinaulbod, nga agpangato iti dalan ti Calvario nga agturong iti eksena ti pannakailansa, tapno maparegtada nga agtultuloy nga agturong iti marka para iti premio ken gunggona ti agballigi. Masigurado ti balligi babaen ti pammati ken panagtulnog. Iyaplikartayo dagiti sasao ni Cristo iti bucodtayo nga indibidual a kaso.”—The Review and Herald, July 24, 1888.
Mierkules
Noviembre 27
4. SIRIB MANIPUD NGATO
a. Ania ti umuna a galad ti sirib a naipasngay idiay Langit —ken apay a nasisita daytoy para cadatayo? Santiago 3:17 (first part); Mateo 5:8.
“Iti uneg ti ciudad ti Dios awanto ti sumrec a mangtulaw. Amin nga agnaed sadiay ket ditoy pay ket nagbalinen a nadalus ti pusoda. Iti maysa nga agsursuro maipapan ken Jesus, maipanayagto ti dumacdackel a pannakarurod cadagiti natagubaya a kababalin, di maitutop a pagsasao, ken natangken a panagpampanunot. Inton agtaeng ni Cristo iti puso, addanto kinadalus ken pannakapapintas ti kapanunotan ken ugali.
“Ngem ti sasao ni Jesus, ‘Nagasat dagiti nasin-aw ti pusoda,’ addaan iti naun-uneg a kaipapanan —saan laeng a nasin-aw iti anag a maawatan ti lubong ti kinadalus, nawaya manipud iti dayta a gartem, nasin-aw manipud iti derrep, no di ket pudno cadagiti nailemmeng a panggep ken motibo ti cararua, nga awanan iti kinatangsit ken panagsapsapul iti bagi, napakumbaba, saan a managimbubukod, casla ubing.”—Thoughts From the Mount of Blessing, pp. 24, 25.
b.Ilawlawag no ania ti masapul a pokustayo iti panagsagana para ken Cristo. 1 Juan 3:2, 3.
“Iti inaldaw a padastayo mailasintayo ti kinaimbag ken pannakipagrikna [ti Dios] iti pannakaipanayag ti providenciaNa. Bigbigentayo Isuna iti kababalin ti Anacna. Alaen ti Espiritu Santo ti kinapudno maipapan iti Dios ken Kencuana nga imbaonNa, ket luktan daytoy iti pannakaawat ken iti puso. Dagiti nadalus ti pusoda makitada ti Dios iti baro ken makaay-ayo a relasion, cas Mannubbotda; ket bayat a mailasinda ti kinasin-aw ken kinaayat ti kababalinNa, il-iliwenda nga iyanninaw ti ladawanNa. Makitada Isuna cas maysa nga Ama nga il-iliwenNa nga arakupen ti agbabbabawi nga anac, ket ti pusoda napno iti rag-o a di mailadawan ken napno iti dayag.
“Dagiti nadalus ti pusoda mailasinda ti Namarsua cadagiti aramid ti mannacbalin nga imaNa, cadagiti bambanag ti kinapintas a mangbukel iti universo. Iti naisurat a saoNa mabasada cadagiti nalawag a linia ti pannakaipalgac ti asiNa, ti kinaimbagNa, ken ti paraburNa. Dagiti kinapudno a nailemmeng cadagiti masirib ken nalaing maipanayagto cadagiti tagibi. Ti kinapintas ken kinapateg ti kinapudno, a saan a mailasin dagiti nailubongan-a-mamasirib, ket agtultuloy a maibuksilan cadagidiay addaan iti talec, casla ubing a tarigagay a mangammo ken mangaramid iti pagayatan ti Dios. Mailasintayo ti kinapudno babaen ti panagbalintayo, a mismo, a makiraman iti nadiosan a galad.
“Dagiti nasin-aw ti pusoda agbiagda a cas iti makita a kaadda ti Dios bayat ti panawen a bingayenna ida iti daytoy a lubong.”—Ibid., pp. 26, 27.
Hueves
Noviembre 28
5. AD-ADDA A NASISITA A KALIDAD
a. Kalpasan ti kinadalus, dakamaten dagiti sumaruno a lima a galad ti sirib a naipasngay idiay Langit —a no awanda madadael ti impluensiatayo. Santiago 3:17 (middle part).
“Kasapulan ti kinamanangngaasi, kinaraem, kinaemma, ken kinapakumbaba ni Cristo. Addaanca iti napateg a galad a mabalin a maan-anay para iti cangatoan a panagservi no nasantificar para iti Dios. Rumbeng a mariknam ti kinanasken a yaasideg cadagiti cacabsatmo buyogen ti kinaimbag ken kinaraem, saan a buyogen ti kinaulpit ken kinadangcoc. Saanmo a maamiris ti makadangran nga ar-aramidem babaen ti natadem, naturay nga espiritum cadacuada. Maupay dagiti ministro iti komperensiayo, mapukawda ti tured a mabalin nga adda cadacuada no ikkam ida iti respeto, kinaimbag, panagtalec, ken ayat. Babaen ti wagas ti pannakilangenmo insinam ti puso cadagiti cacabsatmo kenca, iti casta ti balacadmo maawanan iti adu nga impluensia cadacuada nga agpaay iti naimbag.”—Christian Leadership, pp. 6, 7.
“No dagiti namnamaem saan a matungpal, agpeggadca a maupay ken mariribukan, ken agtarigagayca iti panagbalbaliw. Masapul a liklikam ti disposision a mangbabalaw, a mangibaba. Pagtalinaeden a nalawag ti amin a mangraman iti espiritu a mangbabalaw. Saan a makaay-ayo iti Dios a masaracan daytoy nga espiritu iti asinoman cadagiti adipenNa nga addaan iti nabayagen a kapadasan. Maikanatad ti maysa nga agtutubo, no naparaburan iti kinapakumbaba ken ti makin-uneg nga arkos, iparangarangna ti kinabara ken kinaregta; ngem no ti nadarasudos a regta ken ti espiritu a mangbabalaw ken mangipanayag ti maysa nga agtutubo nga addaan iti sumagmamano a tawen a kapadasan, dayta ti kaaduan a di maitutop ken positibo a makarimon. Awan ti makadadael iti impluensiana a nabibiit ngem iti daytoy. Ti kinaalumamay, kinaamo, kinaanus, mabayag a kinaibtor, saan a nalaka a maprobokar, awitenna amin a banag, namnamaenna amin a banag, ibtorann amin a banag—dagitoy ti bunga nga agtubtubo iti napateg a kayo ti ayat, nga isu ti nailangitan a panagdakkel. Daytoy a kayo, no mataraonan, mapaneknekanto a kanayon a naberde. Dagiti sangana saan a marunot, saan a malaylay dagiti bulongna. Imortal, agnanayon, kanayon a masibugan cadagiti linnaaw ti langit.”.—Testimonies, vol. 2, pp. 134, 135.
Viernes
Noviembre 29
PERSONAL A PANGREPASO A SALSALUDSOD
1.Kadagiti ania a kasasaad a masulisogac a manghusga cadagiti motibo ken awagan dayta iti panangusig?
2. Kasano a ti ugali a mangbabalaw iti sabsabali salungasingenna dagiti bilin ti Dios?
3. No maigayang caniac ti makasabidong nga ugali, ania ti rumbeng a laglagipec?
4. Ania ti kayat a saoen ti panagbalin a “nadalus iti puso”?
5. Kasano nga agbalinac nga ad-adda a nalaca a maasitgan —nalaclaca a “pagpakaasian”?