Umuna a Pangsabado a Daton para iti Hedkuarter ti Union ti Colombia

Ti Colombia ket maysa a nacion idiay Abagatan nga America nga addaan iti agdama a populasion a nasuroc a 51 milion nga umili. Dagiti industria ket mairaman ti petroleo, panagpartuat, panagaramid iti tela, panagbangon, agrikultura, panagbangko, ken servicio. Cadagiti 73% a populasion: ti Catoliko, 9.1% ti agcuncuna a saan a Cristiano a relihion, 6.9%, ti Ebanghelikal, 6.5%, awan ti relihionda, 2.9% ti Protestante, ken 0.9% ti mangideklara ti bagida nga ateista. Daytoy a kasasaad irepresentarna ti dackel a karit para iti iglesia ti Dios ditoy.

Idi 1960’s, simmangpet ti mensahe ti maikatlo nga angel ditoy Colombia bayat nga agsagsagaba ti nacion iti moral a pannakadadael gapu iti gubat sibil. Iti tengnga ti riribuk, immabotkami iti agarup 100 a miembro idi opisial a nairehistromi ti iglesia. Cadagidi nga aldaw manmano dagiti trabahador, ngem pulos a saanda a nagkurang iti tured ken regta a mangted iti amin para iti panggep nga ay-ayatenda. Kanayon nga apresiarentayo ti suporta dagiti pastor ken ministro a, pinanawanda dagiti pagilian ken nam-ayda, immay a siraragsac a mangsuporta iti trabaho iti Colombia—a nangidedikar iti bagbagida a naimpusoan a mangisacnap iti mensahe ditoy.

Babaen ti parabur ti Dios, idi 2006, naorganisar ti Colombian Union, ket itatta addaan daytoy iti tallo a Fields. Ti hedkuarter ti Unionmi ket adda iti away ti munisipalidad ti Barbosa, Santander.

Tapno makapagservitayo cadagiti cacabsattayo ken dagiti umad-adu ti interesda iti kinapudno, makitatayo a naganat a kasapulan a palawaen dagiti pasilidad nga adda ita. Iti agdama, adda talonmi ayan dagiti opisinami, missionary school ken multimedia department. Ditoy met a mang-anagay dagiti komperensia, seminar, ken naespirituan a pgpacnian dagiti miembromi ken dagidiay kabbaro nga intresado iti mensahe.

Paset ti imprastruktura ti naibangonen iti daytoy a sanikua, ken dagiti mainayon a pasilidad ket agdama a maar-aramiden, ngem, agkurankami cadagiti pamataudan a mangileppas cadagitoy. Dayta ti gapuna nga umap-apelacami iti kinaparabur ti sangalubongan a pamilia ti glesia. Ti suporta dagiti naparabur a datonyo ti mangipalubos cadacami a maaddaan iti ad-adu a maitutop a pasilidad a mangservi cadagiti cararua a mabisin iti pannakaammo iti Apo.

Apresiarenmi unay dagiti donasionyo. Ti laeng agnanayon ti makaipakita no kasano ti kinasayaat ti naaramidan dagiti donasion ken datonyo.

Dagiti cacabsatyo manipud iti Colombian Union