Domingo
Octobre 6
1. PANAGPACPACAKAASI PARA ITI SIRIB
a. Apay a pudno unay a kasapulantayo ti nalablabes ngam iti nataoan a sirib iti biag, ken kasano a makadanon dayta cadatayo ? Santiago 1:5.
“Masapul nga addaantayo iti adayo a basbassit a panagtalec iti maaramidan ti tao ken adayo nga ad-adu ti panagtalectayo iti maaramidan ti Dios para iti tunggal mamati a cararua. Il-iliwenNa a danunem Isuna babaen iti pammati. Il-iliwenNa a namnamaem dagiti naindaclan a banag manipud Kencuana..”—Christ’s Object Lessons, 146.
“Ti panagdengngeg laeng cadagiti sermon iti tunggal aldaw a Panaginana, ti panagbasa iti Biblia rugi inggana ungto, wenno ti panangilawlawag iti daytoy versiculo por versiculo, ket saan a makagunggona cadatayo wenno cadagiti dumdumngeg cadatayo, malacsid no iyegtayo dagiti kinapudno ti Biblia iti indibidual a padastayo. Ti pannakaawat, ti pagayatan, dagiti dungngo, masapul a maiisuco iti pannengngel ti sao ti Dios. Kalpasanna babaen iti aramid ti Espiritu Santo dagiti pagalagadan ti sao agbalinto a prinsipio ti biag.
Bayat ti panagdawatmo iti Apo a tulongannaca, dayawem ti Mangisalacanmo babaen ti panamati a talaga nga umawatca iti bendicionNa. Amin a pannacabalin, amin a sirib, addada iti babaen ti pangbilintayo. Masapul laeng a kiddawentayo.”—The Ministry of Healing, p. 514.
Lunes
Octobre 7
2. NAPAPIGSA BABAEN ITI TALEC
a. Kasano a magunggonaantayo no ibilangtayo ti sirib ti Dios nga adayo a nangatngato ngem iti siribtayo, uray cadagiti gagangay a banbanag iti biag? Proverbio 3:3–8.
“ ‘‘No asinoman cadakayo ti agkurang iti sirib, agdawat coma iti Dios, a mangted iti amin a tattao a sibubuslon, ket saan a mangbabalaw; ket maitedto kencuana.’ Ti casta a kari ket napatpateg ngem iti balitoc wenno pirac. No buyogen ti napakumbaba a puso sapulem ti nadiosan a panangiwanwan iti tunggal riribuk ken pakakumikuman, Inkari ti saoNa a maited kenka ti naparabur a sungbat. Ket ti saoNa pulos a saan a mapaay. Mabalin nga aglabas ti langit ken daga, ngem saan a pulos a lumabas ti saoNa. Agtalekca iti Apo, ket dikayto pulos maibabain wenno mabainan. ‘Nasaysayaat ti agtalec iti Apo ngem ti agtalec iti tao. Nasaysayaat ti agtalec iti Apo ngem ti agtalec cadagiti prinsipe.’
“Aniaman a poisisyon iti biag a mabalin a pagsaadantayo, aniaman ti negosiotayo, masapul anapakumbabatayo tapno mariknatayo ti panagkasapulantayo iti tulong; masapul nga agsanggirtayo a sipapasnec cadagiti pannursuro ti sao ti Dios, bigbigentayo ti panangipaayNa iti amin a banag, ken agbalintayo a napudno iti panangibocboc cadagiti cararuatayo iti cararag. Agsanggirkayo iti bukodyo a pannakaawat, patgen a cacabsat, bayat ti panagdaliasatyo iti lubong, ket agapitkayo iti ladingit ken pannakaupay. Agtaleccayo iti Apo iti amin a pusoyo, ket iturongNanto dagiti addangyo iti sirib, ket natalgedto dagiti interesyo para iti daytoy a lubong ken iti sumaruno. Kasapulanyo ti lawag ken pannakaammo. Agpabalacadcayo iti Dios wenno iti bukodyo a puso; ket magnacayo cadagiti dalipato ti bukodyo a panagsindi, wenno urnongenyo dita bagiyo ti nadiosan a lawag manipud iti Init ti Kinalinteg.”—Testimonies, vol. 5, p. 427.
b. Apay a kasapulan a pusotentayo dagiti bagbagitayo manipud iti nadagsen a panagsanggir iti sabali a tao para iti pannakaibagnus? Jeremias 17:5–8.
“No tumaud dagiti pannakariro, ken maipasango kenca dagiti pakaricutan, dika agsapul iti tulong iti sangataoan. Italec ti amin iti Dios. Ti nakasanayan a panangibaga cadagiti pakarigatantayo iti sabali ket mangpakapuy laeng cadatayo, ken awan ti iyegna a pigsa cadacuada. Ipaayna cadacuada ti dadagsen dagiti naespirituan a kinakapuytayo, a saan a makabang-aran. Sapulentayo ti pigsa ti agbidbiddut, limitado a tao, idinto a mabalin a maaddaantayo iti pigsa ti di agbiddut, awan patinggana a Dios.”—Christ’s Object Lessons, 146.
Martes
Octobre 8
3. PANANGSUCOG ITI NAIN-INDACLAN A KINATIBKER
a. Ania a kondisyon ti masapul a matungpaltayo sacbay a sungbatan ti Apo ti kiddawtayo? Santiago 1:6 (Umuna a paset); Marcos 11:24. Ilawlawag ti maysa nga ehemplo no kasano nga ikeddengtayo ti mangsucog iti pigsa mainaig iti daytoy. 1 Corinto 6:3–5.
“Manmano ti makaamiris cadagiti pagrebbengan nga adda cadagiti sumagmamano a ministro a mangawit cadagiti dadagsen iti daytoy a panggep. Masansan nga awagan dagiti cacabsat dagitoy a lallaki manipud iti trabaho a mangasikaso cadagiti babassit a banagda, wenno tapno risutenda ti sumagmamano a pannuboc ti simbaan, a mabaelanda ken rumbeng a tamingen cadagiti bagbagida. ‘No asinoman cadacayo ti agkurang iti sirib, agdawat coma iti Dios, a mangted iti amin a tattao a sibubuslon, ket saan a mangbabalaw; ket maitedto kencuana. Ngem agdawat coma buyogen ti pammati, nga awan ti agkullayaw.’ Masapul a napasnec ken napinget. No saan a determinado, nga agtultuloy nga agduadua no pudno nga aramiden ti Apo ti inkariNa, awan ti maawatna.
“Adu ti kumita cadagiti ministroda a mangisangbay cadacuada iti lawag manipud iti Dios, a kasla ipagarupda daytoy a nalaklaka a wagas ngem ti agbalin a mariribuk a mapan iti Dios para cadagiti bagbagida. Ti casta adu ti mapucawda. No inaldaw a surotenda ni Cristo ken pagbalinenda Isuna a bagnus ken mamalbalacadda, mabalin a magun-odda iti nalawag a pannakaammo iti pagayatanNa, iti kasta makagun-odda iti napateg a kapadasan. Gapu iti kinakurang daytoy a kapadasan, dagiti cacabsat a mangibagbaga iti kinapudno magmagnada cadagiti daliputo a sinindian ti sabali; saanda nga am-ammo ti Espiritu ti Dios ken awan ti pannakaammoda iti pagayatanNa, iti casta nalakada a matignay manipud iti pammatida. Saanda a natalged agsipud ta nagtalecda iti sabali a manggun-od iti kapadasan para cadacuada.”—Testimonies, vol. 2, pp. 643, 644.
b. Iti ania ti pakaidasigan ti agkunkuna a Cristiano nga addaan iti pammati a mangrugin nga agpallong? Santiago 1:6 (umuna a paset); Genesis 49:4 (umuna a paset). Kasano a maliclikantayo daytoy?
“Ti pammati ti caadduan a Cristiano agpallong no kanayon a baybay-anda ti agtataripnong para iti komperensia ken kararag.”—Ibid., vol. 4, p. 106.
“Alaem ti sao ni Cristo a cas talgedmo. SaanNaca kadi nga inawis nga umasideg Kencuana? Dimo pulos palubosan ta bagim nga agsao iti kinaawan namnama, naupay a wagas. No aramidem dayta adu ti mapukawmo. Babaen ti panangkitam cadagiti langa ken panagreklamo no dumteng dagiti pakarigatan ken pakaguguran, mangtedca iti pammaneknek iti masacsakit, nakapuy a pammati. Agsao ken agtignayca a kasla saan a maparmec ti pammatim.”—Christ’s Object Lessons, 146, 147.
Mierkules
Octobre 9
4. PANANGLICLIC ITI NABINGAY A PUSO
a. Kasano a masiguradotayo a ti cararagtayo para iti sirib ket masungbatan? Lucas 18:1; Santiago 1:6, 7.
“[Ti] panagkiddaw iti sirib ket saan nga awan ti kaipapananna a cararag, awan iti panunot apaman a malpas. Daytat’ cararag a mangiyebkas iti napigsa, napasnek a tarigagay ti puso, a tumaud manipud iti sipupuot a kinakurang ti sirib a mangipasir iti pagayatan ti Dios.
“Kalpasan a maaramid ti cararag, no ti sungbat saan a dagus a matungpal, dikay mabannog nga aguray ket agbalinkayo a di natalged. Saan nga agpallong. Kumpetkayo iti kari, ‘Matalec Isuna nga umawag cadacayo, nga aramidennanto met dayta.’ Cas iti napinget a balo, idagadagyo ti kasoyo, a sititibker iti panggepyo. Napateg kadi ken dackel ti banagna kadacayi? Sigurado a casta. Ngarud saancayo nga agkullayaw, ta mabalin a masuboc ti pammatiyo. No ti banag a tarigagayam ket napateg, maikari dayta iti napigsa, napasnec a panagregget. Adda kenca ti kari; agbantay ken agcararag. Agbalinca a natibker ket masungbatan ti cararag; ta saan kadi a ti Dios ti nangikari? No gubuayenna kenca ti dackel a banag tapno magun-odmo dayta, napatpategto no magun-odmo. Silalawag a naibaga cadacayo a no agduaduacayo saanyo a panunoten nga umawatkayo iti aniaman manipud iti Apo. Naited ditoy ti pakdaar a saan a mabannog, no di ket agtalec a sititibker iti kari. No agdawatcayo, Isu mangted a sicacaasi cadagiti isu-amin ket saan a mangpabain.
“Ditoy ti pagkamial ti adu. Agngatangatada iti panggepda, ket mapaay ti pammatida. Daytoy ti gapuna nga awan ti maawatda iti Apo, nga isu ti Gubuayan ti pigsatayo. Saan a kasapulan ti mapan iti sipnget, a maitibkol a cas iti bulsec; ta nangipaay ti Apo iti lawag a no awatenda dayoy iti intudingNa a wagas, ket saanda a pilien ti bukodda a wagas. KalikagumanNa iti amin ti naanep a panangaramid cadagiti inaldaw nga annongen.”—Testimonies, vol. 2, pp. 130, 131.
b. Apay a masapul a liclicantayo ti kinadoble iti panagpampanunot ?Santiago 1:8; Salmo 86:11.
“Bayat nga ibunbunannagda a Cristianoda, adu ti addaan iti sucog ti lubong cadacuada, ket dagiti panagayatda saan a naisaad iti Dios. Doble ti panagpampanunotda, nga aggigiddan nga ikagkagumaanda ti agservi iti Dios ken ti kinabaknang. . . . Babaen ti panangpadasda nga agservi iti dua nga appo, saanda a natalged iti amin a wagasda, ken saanda a mabalin a pagsanggiran. . . .
“Ania ti agun-guna ti agsao cadagiti makaay-ayo a bambanag, tapno babalawen ti aramid ni Satanas, ket iti isu met la a tiempo, sumrec iti pannakaitungpal ti amin a panggepna? Daytoy ket panagbalin a doble ti panagpampanunot.”—The SDA Bible Commentary, vol. 7, p. 938.
Hueves
Octobre 10
5. PANANGLAGLAGIP KEN NI JACOB
a. Kasano nga iladawan ni Jesus ti kinakaro ti panangidatontayo Cadagiti dawattayo nga agpaay iti pigsa a mangitungpal iti pagayatan ti Dios? Mateo 11:12.
“Ti pagarian ti langit agsagaba iti kinaranggas, ket alaen daytoy dagiti naranggas babaen ti puersa.’ Daytoy a kinaranggas alaenna ti intero a puso. Ti panagbalin a doble ti nakem ket panagbalin a di natalged. Masapul ti resolusion, panangilibac iti bagi ken naiconsagrar a peksa ti kasapulan para iti trabaho a panagsagana. Ti pannakaawat ken ti consiensia mabalin nga agkaykaysa ngem no ti pagayatan ket saan a maisaad nga agtrabaho, mapaaytayo. Tunggal abilidad ken rikna masapul a maipacat. Ti kinaregta ken napasnec a cararag masapul a suctanda iti kinaawan panagayat ken kinaawan panagraem. Babaen laeng ti napasnec, determinado a peksa ken pammati cadagiti merito ni Cristo nga agballigitayo, ken magun-odtayo ti pagarian ti langit. Ababan ti tiempotayo nga agtrabaho. Umayton ni Cristo iti mabiit iti maikadua a gundaway.”—The SDA Bible Commentary, vol. 1, p. 1096.
“Babaen ti naindaclan a kinapudno pribilehiotayo ti umawat, rumbeng, ken babaen iti pannacabalin ti Espiritu Santo mabalintayo, ti agbalin a sibibiag a kalasugan ti lawag. Mabalintayo ngarud ti umasideg iti tugaw ti asi; ket no makitayo ti bullalayaw ti kari, agparintumengkayo buyogen dagiti nagbabawi a puso, ket sapulenyo ti pagarian ti langit buyogen ti naespirituan a kinaranggas mangyeg iti bukodna a gunggona. Alaentayo dayta babaen ti puersa, cas ken ni Jacob. Ket ti mensahetayo isu ti pannacabalin ti Dios nga agturong iti pannakaisalacan. Napno coma dagiti ararawtayo iti kinapasnec, napno iti kapanunotan iti dackel a panagkasapulantayo; ket saantayonto a mailacsid. Ti kinapudno maipeksanto babaen ti biag ken kababalin ken babaen cadagiti bibig a nasagid iti sibibiag a beggang manipud iti altar ti Dios.
Inton cucuamni daytoy a kapadasan, maipangatotayo manipud iti napanglaw, nalaka a bagitayo nga impatpategtayo unay. Ungkawantayo dagiti pusotayo iti makarunot a pannacabalin ti kinamanagimbubucod, ket mapnotayo iti panagdayaw ken panagyaman iti Dios. Itan-octayo ti Apo, ti Dios ti amin a parabur, a nangitan-ok ken Cristo. Ket ipanayagNanto ti pannacabalinNa babaen cadatayo, a pagbalinennatayo cas iti natadem a kumpay iti pagapitan a talon. Awagan ti Dios ti iliNa a mangipanayag Kencuana.”—Reflecting Christ, p. 217.
Viernes
Octobre 11
PERSONAL A PANGREPASO A SALSALUDSOD
1. Iladawan ti sumagmamano a naindaclan a tulbec tapno magun-od ti nain-indaclan a sirib manipud Langit.
2. Ania ti mapasamac no mapnectayo nga agsanggir iti nataoan a pannacaammo?
3. Kasano a maaramidco ti pasetco a mangwaya cadagiti ministro tapno agpocosda cadagiti barobaro a cararua?
4. Cadagiti ania a paset ti biag a mabalin nga ad-adda nga agbalin a doble ti nakemco ngem iti maamirisco?
5. Ilawlawag ti pannacabalin ken maikanatad a pannakigubal ni Jacob para iti maudi nga al-aldaw