1. TIEMPO PARA ITI PANNAKAAMIRIS MANEN! Domingo Deciembre 15

a. Ania ti mapasamac iti mabiit cadagiti banag nga ipatpateg unay ken masansan a matarigagayan sipud pay idi un-unana —ket ania ti rumbeng nga ipalagip daytoy cadatayo? Isaias 31:6, 7. “Ti naimbucodan a panagayat iti kuarta a sibibiddut a nausar isu ti ramut ti amin a kinadakes. Mapanecnecan a bendicion ti kinabacnang no ibilangtayo a cucua ti Apo, nga awatentayo a buyogen ti panagyaman ken siyayaman a panangisubli iti Nangted.“Ngem ania ti pateg ti di maibaga a kinabacnang no maurnong dayta cadagiti nangina a mansion wenno cadagiti stock ti banko? Ania ti dagsen dagitoy no idilig iti pannakaisalacan ti maysa a cararua a nakatayan ti Anac ti awan patinggana a Dios?”—Testimonies, vol. 6, p. 453.“Dagidiay mangpili nga agpambar ken agtultuloy iti basol ken makitunos iti lubong mabaybay-andanto cadagiti didiosda. . . . Inton umayto ni Cristo iti dayagNa ken iti dayag ni Amana, a caduana amin dagiti nailangitan nga angel a manglicmut Kencuana, a mangkuyog Kencuana iti dalanNa babaen cadagiti timec ti balligi, bayat a ti maysa a sonata ti makaawis unay a musica, matnag iti lapayag, amin ket maay-ayo, awanto ti uray maysa a di mangigin-gina nga agbuybuya. Dagiti espekulasion saanto a masagepsep ti cararua. Saanen a makaay-ayo dagiti bunton ti balitoc iti maysa a kuripot, a nagpiesta dagiti matana, ken saanen a maay-ayo. Dagiti palasio nga imbangon dagiti natangsit a tattao ditoy daga, ken nagbalin a didiosenda, naglicodanda a buyogen ti gura ken pannakarurod.”—Ibid., vol. 2, p. 41.

---

2. SACBAY A NALADAW UNAY. . . Lunes Deciembre 16

a. Kasano nga iladawan ti Nasantoan a Surat dagidiay, babaen ti panangitantan, mapucawda ti gundawayda a mangpadayaw iti Dios cadagiti adda cadacuada? Oseas 4:17; Mateo 25:11, 12. b. Iladawan ti ultimo a pagbanagan ti amin —agraman dagidiay mangibagbaga iti agdama a kinapudno —a siimbucodan a kumpet cadagiti material a sanicuada. Santiago 5:3. “[Naadaw ti Santiago 5:1–3.] Nakitac a dagitoy a nakabutbuteng a sasao maiyaplicar a nangnangruna cadagiti nabacnang nga agkunkuna a mamati iti agdama a kinapudno. Awagan ida ti Apo nga usarenda dagiti sanicuada a mangidur-as iti panggepNa. Maiparang cadacuada dagiti gundaway, ngem inkidemda dagiti matada cadagiti kasapulan ti panggep, ken kumpetda a sititibker iti naindagaan a gamengda. Ti panagayatda iti lubong ket dacdackel ngem iti panagayatda iti kinapudno, iti panagayatda iti padada a tattao, wenno ti panagayatda iti Dios. AwaganNa ti cucuada, ta siimbucodanda, siaagumda, a pagtalinaeden ti adda cadacuada. Mangtedda iti bassit ita sagpaminsan tapno mapalag-an ti consiensiada, ngem dida naparmec ti panagayatda iti daytoy a lubong. Saanda nga agsacrifcio para iti Dios. Pinagungar ti Apo dagiti dadduma a mangipapateg iti biag nga agnanayon, ken makaricna ken makaamiris iti maysa a banag maipapan iti pateg ti cararua, ken siwayawaya nga intedda dagiti kuartada a mangidur-as iti panggep ti Dios. Agserserran ti trabaho; iti mabiit saanton a kasapulan ti kuarta dagidiay nangidulin iti kinabacnangda, dagiti dadackel a talonda, dagiti vacada, kdpy. Nakitac ti Apo a nangsango iti casta iti unget, iti pungtot, ket inulit-ulitNa dagitoy a sasao: ‘Incayo ita, dacayo a babacnang.’ Nagayab ngem saancayo a dimngeg. Ti panagayat iti daytoy a lubong ti nanglemmes iti timecNa. Ita awanen ti usarNa cadacayo, ket palubosannacayo, ibilinNa cadacayo: ‘Incayo ita, dacayo a babacnang."“O, nakitac ti nakaam-amac a banag ti casta nga inlacsid ti Apo—nakabutbuteng a banag ti panangtengngel iti agrupsa a cucua ditoy, idinto nga imbagaNa a no aglako ken mangtedtayo iti limos, makaurnongtayo iti gameng idiay langit. Naipakita caniac a bayat ti panagserra ti trabaho, ken ti kinapudno a rummuar iti nabileg a pannacabalin, dagitoy a babacnang iyegdanto dagiti cucuada ket idatagda iti sakaanan dagiti adipen ti Dios, agpakaasida cadacuada nga awatenda dayta. Ti sungbat dagiti adipen ti Dios ket: ‘Incayo ita, dacayo a babacnang. Saan a kasapulan ti kuartayo. Impaidamyo idi naimbag pay ti ar-aramidenyo iti dayta iti panangidur-as iti panggep ti Dios. Nagsagaba dagiti agkasapulan; saanda a nabendicionan cadagiti kuartayo. Saan nga awaten ti Dios ti kinabacnangmo ita. Incayo ita, dacayo a babacnang.’” —Testimonies, vol. 1, pp. 174, 175.

---

3. SURSUROEN TI NABALITOCAN A PAGANNUROTAN Martes Deciembre 17

a. Kasano a masansan a tratoen dagiti narang-ay dagidiay mangmanggedda —wenno gumatang cadacuada —ket ania ti masapul a laglagipentayo? Santiago 5:4–6; Mateo 7:12. “Awan ti Dios iti amin a kinabacnang a nagun-odan. Masansan nga ad-adu nga amang ti pakainaigan ni Satanas iti pananggun-od iti sanicua ngem iti Dios. Kaaduan iti dayta ket magun-odan babaen ti panangirurumen iti mangmangged iti tangdanna. Ti natural a naagum a nabacnang magun-odna ti kinabacnangna babaen ti panangibabana iti mangmangged, ken manggundaway cadagiti indibidual sadinoman a mabalinna, iti casta nayonanna ti gameng a mangan iti lasagna a casla apuy.“Ti nainget a napudno, nadayaw nga aramid ket saan nga inaramid ti dadduma. Ti casta masapul nga alaenna ti naiduma unay nga aramid ken agtrabaho a sipaparpatac tapno masubbot ti tiempo. Adu a Sabatista ti nagbasol ditoy. Manggundaway uray cadagiti napanglaw a cacabsatda, ket dagidiay addaan iti kinawadwad ket eksakto nga ad-adu ngem iti pudno a pateg dagiti bambanag, ad-adu ngem ti bayadda iti isu met la a banag, idinto a dagitoy met laeng a cacabsat ti mabain ken mariribukan gapu iti panagcasapulan iti kuarta. Ammo ti Dios amin dagitoy a banag. Tunggal naimbucodan nga aramid, tunggal naagum a panagkikil, iyegnanto ti gunggona.“Nakitac a naulpit ken saan a nainkalintegan ti awanan iti konsiderasion iti kasasaad ti maysa a cabsat. No isu ket mariribocan, wenno napanglaw, ngem ar-aramidenna ti amin a kabaelanna, rumbeng a maipaay kenkuana ti panggastosna, ket uray ti naan-anay a pateg dagiti banag a mabalinna a gatangen cadagiti nabaknang; ngem rumbeng nga addaanda iti naasi a puso kencuana. Anamonganto ti Dios dagiti cacasta a naasi nga aramid, ket ti agar-aramid dinanto mapucaw ti gunggona. Ngem ti nakabutbuteng a panagsungbat agtacderto a maibusor iti adu nga agngilngilin iti Sabbath gapu cadagiti naagum nga aramid.” —Testimonies, vol. 1, pp. 175, 176. b. Cadagiti immun-una a panawen, kasano ti nawaya a panagbibingay dagiti mamati? 2 Corinto 8:1, 2. “Naitudoac iti panawen a manmano laeng ti dimngeg ken nangabrasa iti kinapudno. Awananda unay iti sanicua daytoy a lubong. ti kasapulan ti trabaho ket nabingay cadagiti sumagmamano. Ngarud nasisita para iti dadduma nga ilakoda dagiti balay ken dagada, ket mangala iti nalaclaca nga agservi cadacuada a cas paglinongan, wenno pagtaengan, bayat a siwayawaya ken sipaparabur a naipabulod ti cucuada iti Apo, tapno maipablaac ti kinapudno, ken iti sabali a pamay-an tumulong iti panangparang-ay iti gapu ti Dios. Bayat a kitkitaec dagitoy a managsacrificio, nakitac nga inibturanda ti kinapanglaw para iti pagimbagan ti panggep. Nakitac ti maysa nga angel a sitatakder iti sibayda, nga inturongna ida nga agpangato, ket kunana: ‘Adda supotyo idiay langit a saan a dumaan! Agibturkayo agingga iti panungpalan, ket dackelto ti gunggonayo.’ ”—Ibid., p. 176.

---

4. MAYSA A GALAD A KASAPULAN ITA Mierkules Deciembre 18

a. Iti panangsucog iti kababalintayo, apay a ti anus ket importante unay? Santiago 5:7. “ 'Ti mannalon ur-urayenna ti napateg a bunga ti daga, ket nabayag ti panaganusna iti dayta, agingga nga awatenna iti nasapa ken maudi a tudo.’ Santiago 5:7. Isu a ti Cristiano aguray a siaanus ti bunga iti biagna ti sao ti Dios. Masansan a no agcararagtayo para iti parabur ti Espiritu, agtrabaho ti Dios a mangsungbat cadagiti cararagtayo babaen ti panangikabilNa cadatayo cadagiti kasasaad a mangsucog cadagitoy a bunga; ngem ditay maawatan ti panggepNa, ken masdaaw, ken maupay. Ngem awan ti makasucog cadagitoy a parabur malacsid a babaen iti proseso ti panagdackel ken panagbunga. Ti pasettayo ket umawat iti sao ti Dios ken tenglen a sititibker dayta, nga itedtayo a naan-anay ti bagitayo iti panangtengngelna, ket matungpal ti panggepNa cadatayo.“ ‘No agayat ti maysa a tao Caniac,’ kinuna ni Cristo, ‘salimetmetannanto dagiti saoc; ket ni Amac ayatennanto, ket umaycamto kencuana, ket makipaggiancamto kencuana.’ Juan 14:23. Ti anting-anting ti napigpigsa, perpekto nga isi, addanto cadatayo; ta addaantayo iti sibibiag a koneksion iti gubuayan ti agnanayon a pigsa. Iti nadiosan a biagtayo maiyegtayo a cautibo ken ni Jesu-Cristo. Saantayo nga agbiag iti gagangay a biag ti kinamanagibubucod, no di ket agbiagto ni Cristo cadatayo. Ti kababalinNa mapaadda iti galadtayo. Casta a mapataudtayo dagiti bunga ti Espiritu Santo —‘dadduma tallopulo, ken dadduma innem a pulo, ken dadduma sangagasut.’ ” —Christ’s Object Lessons, 61. b. No masulisog a maupay wenno madismayay gapu iti kumarkaro a kinadakes iti daytoy a planeta, apay a makatulong unay ti naanus a panagtalec? Santiago 5:8; Lucas 21:19. “Nagbalin a natured ti lubong a mangsalungasing iti linteg ti Dios. Gapu iti nabayagen a panaganusNa, imbaddec dagiti tattao ti turayNa. Pinapigsada ti maysa ken maysa a mangirurumen ken naulpitda iti pagtawidenNa, ket cunada, 'Casano ti pannacaammo ti Dios? Ket adda aya pannacaammo idiay Cangatoan?’ Salmo 73:11 . Ngem adda linia a dida malasat iti labesna. Asidegen ti tiempo a madanondan ti naituding a limitasion. Uray ita, dandanidan malab-awandan dagiti beddeng ti mabayag a panagitured ti Dios, dagiti pagpatinggaan ti paraburNa, ti asiNa. Bumallaetto ti Apo tapno mapasingkedan ti bucodNa a dayaw, tapno ispalenNa ti iliNa, ken tapno lapdanNa ti panagbung-or ti kinakillo.”—Ibid., pp. 177, 178.

---

5. DAGITI EHEMPLO A MANGPAPIGSA CADATAYO Hueves Deciembre 19

a. Iti kapasidad ti iglesia, ania ti masansan nga ipamaysatayo—ken ania ti rumbeng a lagipentayo ? Levitico 19:18; Santiago 5:9, 10. “Ni Abel, ti kaunaan unay a Cristiano cadagiti annac ni Adan, natay a martir. Nakipagna ni Enoc iti Dios, ket saan nga am-ammo ti lubong. Nauyaw ni Noe cas maysa a panatico ken alarmista. ‘Ket dagiti sabsabali nagsagabada cadagiti pannacarabrabngis ken babaot, ken dagiti met pannacarepreppet ken dagiti pagbaludan:.’ ‘Ket dagiti sabsabali napapatayda iti pangpang-or, a dida kinayat ti maluc-atan, tapno magun-odanda ti nasaysayaat a panagungar:r.’ Hebrews 11:36, 35.“Iti tunggal panawen dagiti mensahero a pinili ti Dios ket naumsi ken naidadanes, iti lacsid ti rigatda, ti pannakaammo iti Dios naiwaras. Tunggal adalan ni Cristo sumrec cadagiti ranggo ket ituloyda ti isu met laeng a trabaho, ammoda nga awan ti maaramidan dagiti cabusor a maibusor iti kinapudno, no di ket para iti kinapudno. Ipaawat ti Dios a ti kinapudno ket maiyeg iti sango ket agbalin a suheto ti panangusig ken panaglilinnawag, uray no naikabil ti umsi iti dayta. Masapul a maririboc ti panunot dagiti tattao; tunggal kontrobersia, tunggal umsi, tunggal panagregget a manglapped iti wayawaya ti consiensia, ket wagas ti Dios a mangriing cadagiti panunot a mabalin a maturog.“Kasano kasansan a nakita daytoy a resulta iti pakasaritaan dagiti mensahero ti Dios! Idi nabato a natay ti natan-oc ken nalaing nga agsao nga Esteban gapu iti panangsugsog ti konseho ti Sanhedrin, awan ti napucaw iti panggep ti evangelio. Ti lawag ti langit a nagdayag iti rupana, ti nadiosan nga asi a nalang-ab ti matmatayen a craragna, ket casla natadem a pana ti kombiksion iti panatico a Sanhedrista a nakatacder iti sibay, ket ni Saul, ti manangidadanes a Fariseo, nagbalin a napili a vasiha a mangawit iti nagan ni Cristo iti sangoanan dagiti Gentil ken ar-ari ken cadagiti annac ti Israel.”—Thoughts From the Mount of Blessing, pp. 33, 34.

PERSONAL A PANGREPASO A SALSALUDSOD Viernes Deciembre 20

1. Ania ti kasapulan a maamirisco maipapan iti pateg ti kuarta? 2. Ania ti kayat a saoen ti karit ni Cristo iti Santiago 5:1? 3. Iti ania a pagkapsutan ti mabalin a pakabasolac maipapan iti pannakibadang iti pinansial? 4. Iti udina, kasano a ti kinaanus agraniag cas maysa a galad iti ili ti Dios? 5. Kasano a dagiti naidadanes a martires iti unos ti pakasaritaan napagtalinaedda ti pocusda?