Umuna a Pangsabado a Daton para iti Departamento ti Literatura iti Conferencia Heneral
Adda nalatac a pagsasao, “Ti maysa a tedted ti tinta mabalin a pagpanunotenna ti maysa a milion.” Dagiti naimprenta a material agannayas a m,angawit ti ad-adu a dagsen ngem dagiti maisao a sasao gapu iti kinapermanentena. Babaen ti naisurat a material, mabalintayo ti mangted iti panawen a mangbasa iti bukodtayo a kapartac, casta met a masublian manen ket utoben a naun-uneg dagiti impormasion a sapsapulentayo nga adalen. Makatulong dayta no padasen nga agsepen dagiti nauneg a naespirituan a topico.
Pudno daytoy iti amin a pakasaritaan “Ti pluma ni Luther ket maysa a pannacabalin, ket dagiti sinuratna, naiwara a waragawag, kiniburna ti lubong. Dagiti isu met laeng nga ahensia ti adda baonenmi, nga addaan cadagiti pasilidad a mapaadu iti maminggasut. Dagiti Biblia, publikasion iti adu a pagsasao, a mangidatag iti kinapudno para iti daytoy a tiempo, addada iti imatayo, ket mabalin a sipapartac a maisangbay iti intero a lubong.”—Testimonies, vol. 6, p. 403.
“Iti dackel a rucod babaen cadagiti balay a pagipablaacantayo, mairingpaston ti trabaho dayta sabali nga angel a bimmaba manipud langit buyogen ti dackel a pannacabalin ken manglawag iti daga babaen ti dayagna.”—Ibid., vol. 7, p. 140.
IIdi 1849, nangaramid ni James White iti bassit a publikasion a naawagan Ti Agdama a Kinapudno. “Ti bassit a bunton dagiti papeles naidissoda iti suelo. Kalpasanna, naguummong dagiti cacabsat a lallaki ken babbai iti aglawlawda ket buyogen dagiti lulua, nagpakaasida iti Dios a bendicionanNa ti bassit a panid bayat ti pannakaipatulodna. Sa kinupin, daqgiti papel, binabalkot ken naaddressas, ket iindanon ni James White iti walo a milia agingga iti koreo ti Middletown.”—Early Writings, (xxv).
Daytoy a tignay ket cas sungbat iti mensahe: “ ‘Masapul a rugianyo ti mangimprenta iti bassit a papel ket ipatulodyo dayta cadagiti tattao. Bassit dayta iti damo; ngem bayat nga agbasbasa dagiti tattao, agpatuloddanto cadakayo iti kuwarta tapno agimprenta manen, ket agballigi dayta manipud idi damo.’ ”—Ibid., (xxiv).
Ania ti mapasamac no ngumato ti gastos iti panagpatulod ken dagiti lapped iti beddeng kasapulanna ti nanginngina pay a porma ti panagiwaras? Ti presio ti suskrisionmi saansa a saklawen dagitoy baro a gastos. Gapuna, a masapul nga agpannuraytayo iti naasi a kinaparabur dagiti kapammatiantayo tapno matungpal ti padto a naibaga iti dayta a nagkauna nga agibumbunannag: “Bayat a basbasaen dagiti tattao, patulodandacayo iti kuwarta.”
Icararagmi a daytoy Umuna a Pangsabado a Daton para iti GC Literature Department ket sagidenna ti pusoyo tapno mangted iti sobra para cadagiti cararua iti intero a lubong a kasapulan a makabasa iti agdama a kinapudno. Agyamancami!
Dagiti cacabsatyo manipud General Conference Literature Department