Domingo
Noviembre 10
1. PANANGPALAMIIS ITI KINAPALANGGUAD
a. Ania ti rumbeng a laglagipen dagidiay kanayon nga alisto a mangikagumaan a mangdominar iti sabali? Santiago 3:1; Marcos 9:35.
“Ti Dios pagsungbatenNa ti tunggal maysa para iti impluensia a manglikmut iti cararuana, iti bukodna a sungsungbatan ken iti sabsabali.”—Counsels to Parents, Teachers, and Students, p. 102.
“Kadawyan, a dagiti tattao ipangrunada dagiti bagbagida ken bagina laeng ti ammona. Ngem mapukaw ti kinamanagimbubucod iti biag dagidiay makasursuro cadagiti leksion a tarigagay nga isuro ni Cristo cadacuada. Agbalinda a makipaset iti nadiosan a galad, ket agbiag ni Cristo cadacuada. Ibilangda amin a tattao cas cacabsat, nga addaan iti umasping a tarigagay, kapasidad, sulisog, ken pannuboc, nga agkalikagum iti simpatia ken agkasapulan iti tulong.
“Pulos a saantayo nga ibabain ti padatayo tao. No makitatayo a naaramid dagiti biddut, masapul nga aramidentayo ti amin a kabaelantayo a tumulong cadagiti nagbiddut, babaen ti panangibaga cadacuada iti bucodtayo a kapadasan—no kasano idi nakaaramidtayo cadagiti nakaro a biddut, anus ken pannakilangen, kinaimbag ken kinamanagtulong, iti paset dagiti katrabahuan, ti nangted cadatayo iti tured ken namnama.”—The Signs of the Times, May 11, 1904.
Lunes
Noviembre 11
2. PANANGPASAYAAT ITI NAIM-IMBAG NGA UGALI
a. Ania dagiti natadem a pannubngar ti naipaay cadagidiay nagubsang cadagiti sabali bayat nga agkedkedda a mangaklon cadagiti bukodda a biddut? Ecclesiastes 7:20; Santiago 3:2 (umuna a paset).
“Saanyo kadi a mailasin dagiti bucodyo a pagkurangan ket isuotyo a mismo ti sibubukel a cabal ti kinalinteg? Saanca kadi nga agbalin a nasiput ken kritical iti bucodmo nga espiritu ken galad ti isipi ken sasao a cas iti panagbantaymo cadagiti dadduma, amangan no maibabain ti Dios, ken di umiso ti pannakairepresentar ti kinapudnona? Ti pangbigbigmo dackelto ti sumayaatanna no aramidem daytoy. Ti kinapudno, ti sibibiag a sao, ket casla apuy a naiserra cadagiti tulangmo, nga agsilnag iti nalawag, di mapagduaduaan a pannakaiduma, a mangibagi ken Cristo iti lubong. . . .
“Awan kadi cadagidiay nangaramid iti bagbagida a detektib ti makakita iti pagduyosan ti saad nga innalada iti panangikagumaan nga agbalin a mangkonkontrol a pannacabalin? Sadino ti ayan ti nalawag a naespirituan a pagkitada? Apay a mailasinda ti maysa a puling iti mata ti maysa a cabsat, idinto ta adda ti pasanggir iti bukodda a mata?”—Testimonies to Ministers and Gospel Workers, pp. 295, 296.
b. Ania ti mangipakita a ti maysa nakagteng iti tucad ti moral a kinaperpekto —ket kasano laeng a posible daytoy? Santiago 3:2; 1 Corinto 13:5 (maikadua a gudua).
“No sadino a ti pakasaracan ti saan a paiturayan a dila iti lugar a pangaramidanna iti nakillo nga aramid, ti rag-o ti Apo saanto a makipagtaeng.
“Dagiti coma pagduaduaan, nga agpampanunot ken agsasao iti dakes cadagiti cacabsatda, laglagipenda nga ar-aramidenda ti pagbannogan ti diablo. Tunggal miembro ti iglesia agtrabaho coma a buyogen ti napasnec a determinasion, ken buyogen ti cararag para iti tulong, tapno maagasan ti masakit a miembro, ti dila. Marikna coma ti tunggal maysa a pagrebbengan ken pribilehiona ti mangpalabas cadagiti babassit a panagduduma ken biddut nga awan ti komento. Saan a padackelen dagiti babassit a biddut nga inaramid ti maysa, no di ket panunoten ti naimbag nga adda kencuana. Cada tiempo a mapanunot ken mapagsasaritaan dagitoy a biddut, dumacdackelda. Ti bantay ket naaramid manipud iti bonton. Dakes a rikna ken nakurang a panagtalec ti resultana.”—Australasian Union Conference Record, April 15, 1903.
“Mangaramidca iti tulag iti Dios a saluadam a naimbag dagiti sasaom. 'No adda saan a macabasol iti sao, maysa a tao, a naimbag unay, a macabalin a mangngednged iti isu-amin a bagi.’ Santiago 3:2. Laglagipem a ti panagibales a palawag dina pulos iparikna iti maysa a nagun-odna ti balligi. Bay-am nga agsao ni Cristo babaen kenca. Saanyo a mapukaw ti bendicion nga aggapu iti saan a panagpanunot iti dakes.”—Testimonies, vol. 7, p. 243.
Martes
Noviembre 12
3. MANGRUGI ITI RAMUT
a. Surotenyo ti saan nga umiso a direksion a sumaruno no iduldulintayo ti pungtot, ken ilawlawagyo ti kakaisuna a pamay-an tapno maliclican daytoy.. Hebreo 12:15; Santiago 3:3–5.
“Tinarakenmo ti sakit ti nakemmo maibusor ken lakaymo ken cadagiti dadduma a nakabasol kenca, ngem napaayca a nangbigbig no sadino ti nagbiddutam ket inaramidno dagiti banbanag a dacdakes ngem iti bucodmo a di umiso a dalan. Ti espiritum nagbalin a nasubcar maibusor cadagidiay nakaaramid kenca iti kinainhustisia, ket ti riknam naksarac cadagiti panangumsi ken panangbabalaw. Mangted daytoy iti apagbiit a bang-ar iti nadagsenan a pusom, ngem nangibati dayta iti manayon a piglat ita cararuam. Ti dila, bassit a kameng ngem patanorenna ti di umiso a pannakausar agingga nga agbalin a mangtalipopos nga apuy.
“Amin dagitoy a banag ket agduyos a mangsukimat iti naespirituan a panagrang-aymo. Ngem makita ti Dios no kasano karigat para kenca ti agbalin a nanus ken mamacawan, ken ammoNa no kasano ti mangngaasi ken tumulong. GutogutenNa a repormaem ti biagmo, nga ilintegmo dagiti depectom. TarigagayanNa a ti natibker, di sumuco nga espiritum ket maparucma babaen ti paraburNa. Rumbeng nga agpatulongca iti Dios, ta kasapulam ti talna ken kinaulimec imbes a bagyo ken panagsusupiat. Ti relihion ni Cristo ibilinna cadacayo a saan unay nga aggaraw manipud iti rugso, ken ad-adda manipud iti nasantificar a panagrason ken kalmado a panangusig.”—Testimonies, vol. 4, p. 139.
b. Ania ti masapul a maamiristayo maipapan cadagiti sasao nga iyebcastayo? Santiago 3:6.
“Dagiti sasaom ipacdaarda, dagiti tignaymo ipakitada, no sadino ti yan dagiti gamengmo.”—Ibid., vol. 1, pp. 698, 699.
“Aggaraw ni Sister F manipud iti rugso, ket makasarac iti biddut, ken adu unay ti maibagana maibusor cadagiti cacabsatna a lallaki ken babbai. Daytoy ti mangpataud iti riro iti aniaman nga iglesia.”—Ibid., vol. 2, p. 51.
“Laglagipen coma dagidiay maragsacan a mangsurot cadagiti sasao ti pananglais ken kinaulbod maibusor cadagiti adipen ni Cristo a saksi ti Dios cadagiti aramidda. Ti managpabasol a sagidda ket saan a panangrugit cadagiti awanan cararua a vasiha no di ket dagiti ugali dagidiay ginatang ni Cristo babaen ti daraNa. Ti ima a nangsurot cadagiti cababalin cadagiti bacud ti palacio ni Belsazar pagtalinaedenda ti namatalec a rekord ti tunggal tignay ti kinainhustisia wenno panangirurumen a naaramid maibusor iti ili ti Dios.”—Ibid., vol. 5, pp. 244, 245.
Mierkules
Noviembre 13
4. URAY NO MAPASAMAC NGA AGBALIN KINAPUDNO . . . . .
a. Ania ti napigsa a kiddaw ti maaramid maipapan iti napeggad a gagangay a pagduyosan iti al-aldawtayo.? Salmo 15:1–3; 1 Corinto 13:6.
“Ti dila a maragsacan iti kinadakes, ti tarawitwit a dila a mangibagbaga, Ipadamag, ket ipadamagconto, ket indeclara ni apostol Santiago a mapuoran iti impierno. Iwarasna dagiti aluten iti tunggal sikigan. Ania ti pakasecnan ti aglaclaco iti tsismis a dadaelenna ti inosente? Saanna nga isardeng ti dakes nga aramidna, nupay madadaelna ti namnama ken tured dagidiay lumlumneden gapu cadagiti dadagsenda. Masecnan laeng a mangpalugod iti panagayatna iti eskandalo. Uray dagiti agcuncuna a Cristianoda ikidemda dagiti matada iti amin a nadalus, napudno, natan-oc, ken nakaay-ayat, ket ipategda ti aniaman a makarimon ken di makaay-ayo, ket ipablaacda dayta iti lubong.
“Dakayo a mismo ti nanglucat cadagiti ruangan tapno sumrec ni Satanas. Inikkanyo iti nadayaw a lugar iti imbestigasionyo, wenno cadagiti pangausisayo. Ngem awan ti impakitayo a panagraem cadagiti kinatan-oc ti maysa a kababalin a naipasdec ti adu a tawen a kinamatalec. Dagiti naimon, manangibales a dila ket addaan cadagiti namaris a tignay ken motibo a maibagay iti bukodda nga ideya. Pinagbalinda a puraw ti nangisit, ken nangisit ti puraw. Idi nasuppiat gapu cadagiti sasaoda, kinuna ti dadduma: ‘Pudno dayta.’ Admitirenda a pudno ti naibaga a kinapudno, ikalintegan kadi dayta ti aramiodmo? Saan, saan. No alaen ti Dios amin dagiti pammabasol a mabalin a pudno a maidatag busor kenca, ket sallapiden ida a saplit a mangdusa kenca, dagiti sugatmo ad-adu ken naun-uneg ngem cadagidiay impaaymo iti Cabsat -----. Uray dagiti kinapudno mabalin a maisao a mangipaay iti palso nga impresion. Awan ti karbengam a mangurnong iti tunggal report maibusor kencuana ket usarem dagitoy a mangdadael iti reputasionna ken mangdadael iti kinaservina. No iparangarang ti Apo kenca ti isu met laeng nga espiritu nga imparangarangmo iti cabsatmo, madadaelcanto nga awan asi. Awan kadi ti panagbabawi ta consiensiam? Saanac a mabuteng. Saan pay a dimteng ti tiempo a mapukaw ti birtud daytoy sinasatanas a gamudco No ni Cabsat ----- pudno unay cas panangirepresentarmo kencuana—ngem ammoc a saan, saan latta a nainkalintegan ti aramidmo.
“No dumngegtayo iti pannakaumsi iti cabsattayo, alaentayo dayta a pannakaumsi. .. . . . [Psalm 15:1–3 quoted.]”—Testimonies, vol. 5, pp. 57, 58.
b. Kadagiti pito a basol a nadakamat a cas makarimon iti Apo, mano ti mainaig cadagiti balikastayo? Proverbio 6:16–19.
Hueves
Noviembre 14
5. MAYSA NGA IGAM A MAKASUGAT
a. Kasano ken apay a masapul a liklikantayo ti gagangay unay nga ugali a panagtsismis? Job 6:24; Proverbio 11:13; 26:20–22.
“Anian a lubong ti tsismis ti malapdan no laglagipen ti tunggal tao a dagidiay mangibaga kencuana cadagiti biddut ti sabali ket cas iti nawaya a mangipablaac cadagiti biddutna iti paborable a gundaway. Rumbeng nga ikagumaantayo ti agpanunot a nasayaat cadagiti amin a tattao, nangruna cadagiti cacabsattayo, agingga a mapilitantayo nga agpanunot iti sabali. Saantayo coma nga agdardaras a mangpadayaw cadagiti dakes a report. Masansan a dagitoy ti resulta ti apal wenno di panagkikinnaawatan, wenno mabalin nga agtaud dagitoy manipud iti panaglablabes wenno sangkapaset a pannakaipablaac ti kinapudno. Ti imon ken panagsuspetsa, apaman a maipaayan iti lugar, imulada cadagiti bagbagida ti waragawag, cas iti 'thistledown.' No maiyaw-awan ti maysa a cabsat, isu ngarud ti tiempo nga ipakitam ti pudno nga interesmo kencuana. Mapanca kencuana a siaasi, makipagcararag kencuana ken para kencuana, a laglagipem ti awan patinggana a gatad nga imbayad ni Cristo para iti pannakasubbotna. Iti kastoy a wagas maisalacanmo ti maysa a cararua manipud ken patay, ken mailemmengmo ti nakaad-adu a basbasol.
“Ti maysa a panangsiput, maysa a sao, uray ti intonasion ti timec, mabalin a napateg iti kinaulbod, a lumned a cas iti nasiit a pana iti sumagmamano a puso, a mangipaay iti di maagasan a sugat. Gapuna a ti duadua, maysa a panangumsi, mabalin a maipabaclay iti maysa, a babaen kencuana maibanag ti Dios ti naimbag nga aramid, ket madadael ti impluensiana, madadael ti kinaservina. Cadagiti sumagmamano a kita ti animal, no ti maysa iti bilangda masugatan ken matnag, insegida a maisaad ken rangrangkayen dagiti cacaduana. Ti isu met laeng a naulpit nga espiritu ket pinalugodan dagiti lallaki ken babbai a mangaw-awit iti nagan dagiti Cristiano. Iparangarangda ti regta ti Fariseo a mangbato iti sabsabali a saan unay a nakabasol ngem kadacuada. Adda sumagmamano a mangitudo cadagiti biddut ken pannakapaay ti sabsabali tapno maisiasi ti imatangda manipud iti bukodda, wenno tapno magun-od iti pammadayaw gapu iti dackel a regta para iti Dios ken iti iglesia.”—Testimonies, vol. 5, pp. 58, 59.
“Ti tiempo a masansan unay a nakarkaro ngem iti masayang iti kinasadot, kinamaag, ken dakes ti panggepna a tsismis ket rumbeng a maited cadagiti nangatngato ken natantan-oc a banag.”—Ibid., p. 176.
Viernes
Noviembre 15
PERSONAL A PANGREPASO A SALSALUDSOD
1. Apay a rumbeng a pabassitec ti panagduyosco nga agbalin a bagic la ti ammoc maipapan iti amin a banag?
2. Mangibaga iti napateg nga aspeto ti kababalin a cas ken Cristo a masansan a maliwayan.
3. No dadaelentayo dagiti kapammatiantayo iti sangoanan ti sabsabali, kasano ti panangbuya ti Dios iti dayta?
4. Ania ti masapul a masursuroc iti Salmo 15 —ken apay a napateg dayta?
5. Kasano a makabasolac iti panagmulac iti di panagtutunos cadagiti cacabsat ken apay a masapul nga isardengco?